فتحت باب الاوضه – صباح الزفت .. ايه الدوشه دي؟!
بصلي بسُخريه = صباح الخير يا هانم لسه فاكره
– ده ع اساس اني هصحي اعمل ايه يعني
= اهو تعملي اي حاجه
– بقولك ايه انت شكلك فايق للخنا،،ق وانا مش فايقه
= الطباخ اللي سيادتك جايباه
– هو اللي كنت بتـ,,ــزعقله؟! ليه عمل ايه المره دي؟! يا تري نسي كوبايه الموبايه ولا مجابش منديل قماش مع الاكل
= لأ بس جاب الاكل من غير شوكه يا استاذه
بصيت لعمو اتكلمت بهدوء – انت مجبتش شوكه ليه؟!
اتوتر ” اصل بصرا،،حه .. بصراحه
– قول
” الغدا اصلًا كان شوربه خُضار
رجعت للتاني بعص بيه – يعني مصحي الراجل بدري ومتنيل طالب اكل عشان تطفحه وعمال تز،،عق وصحيتني وكل ده عشان ايه!! عشان مجابش شوكه!!
= ايوه طبعًا لازم شوكه ايًا كان الاكل ايه!!
– ايوه هتاكل بيها ايه!! خيبتك!!
دخلت اوضتي وانا برزع الباب تعبيرًا عن العصبيه .. رغم اني مش متعصبه ولا حاجه بس جو الاكشن بردو .. غيرت هدومي وبعدين عديت ع المطبخ عملت سندوتشات وطلعت الجنينه
– عايزك في موضوع
سيبت السندوتش = يالله الواحد مش هيعرف يتهني باللُقمه
رد بسُخريه – مش عارف يتهني؟! ان مكنتيش بتاكلي كل الاكل اللي في البيت
= واللهِ يعسل لما يبقي بيت ابوك ابقي اتكلم
– انا مش هرد عليكي عشان انتِ صغيره
= مش هرد عليكي؟! قول كده بقي الموضوع فيه عريس وبعدين ايه صغيره دي ده الفرق شهرين!!
هو كتفه – حتي لو شهرين
قولت بأستهزاء = حبيبي فوق انا اللي اكبر بشهرين
– متحاوليش تخرجيني من الموضوع
= لأ ازاي اتفضل
– احم فيه عر…
قاطعته = مرفوض .. قوم بقي عشان اكمل اكلي
– هو ايه اللي مرفوض!! انتِ لسه مسمعتيش اصلًا
= ولا هسمع وجواز مش هتجوز
– ملك انتِ خلاص كبرتي
= يسيدي كبرت صغرت اتسخط انت ماااالك
– هتتجوزي حتي لو غصب عنك
= غصب عن مين يا بابا غصب عن مين يعنيا
– انا اخوكي واللي اقوله هيمشي
= اخويا!! هو سكتناله دخل بحماره!! انت لو نسيت فـ انت تبقي ابن مرات بابا
– يعني في مقام اخوكي
رفعت السكـ,,ــينه في وشه = بص بقي يعسل .. جواز مش هتجوز .. واوعي تكون فاكر داخل عليا حوار انتِ كبرتي وانا خايف عليكي .. انا وانت عارفين كويس انك بتعمل كل ده عشان تاخد البيت بعد م انا اتجوز .. فـ انا بقولك اهو اعقل كده واهدي ع نفسك
خدت طبق سندوتشاتي ودخلت البيت ومنه علي اوضتي .. انا عايشه مع اسوء انسان ممكن انسان يعيش معاه اساسًا .. الحقيقه انها قصه طويله فـ انا مش هحكيها
ههه بهزر معاكوا هحكيها طبعًا .. من فتره كبيره كنت عايشه حياه مستقره مع بابا وماما .. بس بما ان دوام الحال من المحال فـ حياتنا اتشقلبت بعد وفاه ماما .. مما اضطر بابا انه يتجوز .. الحقيقه انه اتجوز واحده طيبه بس كان معاها ابنها .. وتعدي سنين وسنين لحد م بابا كمان توفي وهي بعديه بـ 7 شهور علطول .. ومتبقاش غيري انا واستاذ كلاحه السمج ده!!
الحقيقه انه مس@تفز فوق ما اي حد يتوقع .. صوته علطول عالي .. بيكـ,,ــره الموسيقي والهدوء والروايات .. مش بيعدي ربع ساعه من غير ما نتخـ,,ــانق .. بيعمل مشا,,كل مع حُرا,,س البيت والراجل اللي بيعملنا الاكل .. حاجه كده قمه الس@خافه .. كله كوم ومحاولاته المستميته انه يجوزني عشان ياخد البيت دي كوم تاني
بصيت من الشباك علي الج@نينه .. كان شكلها حلو اوي .. الحقيقه ان البيت اصلًا شكله حلو اوي .. من حوالي 100 سنه كان فيه هنا قريه كبيره والحاكم بتاع القريه دي كان عايش في قصر صغير كده بس قصر مهما كان .. و بعدين القريه دي اختفت والبيوت اتهدت وطلع شجر مكانها ومبقاش فيه اي حد الا ع بعد محتاج حوالي ساعه مشي كده .. واتبقي القصر ده في وسط الشجر اللي بدأ يبقي غابه .. مما ادي انه سعره يقل عشان موقعه فـ بابا اشتراه وعِشنا فيه .. وحاليًا انا المفروض اتجوز عشان البيه ياخد البيت يشبع بيه!!
خرجت بليل ع الساعه 10 عشان اعمل شاي بلبن في رحله طويله من الاوضه للمطبخ وانا خُلقي ضيق الصراحه يعني .. الدنيا مُـ,,ــرعبه اوي بره من الضلمه .. كُنت معديه من جمب الباب الرئيسي فـ سمعت اصوات بتتهامس .. استخبيت ورا الستاره وبصيت من الشباك عشان اعرف بيقولوا ايه
اتكلم بتوتر – اديني فتره اقنعها بس
= مفيش فترات .. انا سايبك بقالي فتره وانت كل شويه تقول رفضت .. اخر كلام لو محصلش اللي عايزه هقتلك
– لا لا متخافش اسبوع بس وهي هتوافق
= مفيش اسبوع حتي .. كتب الكتاب بكره وده اخر كلام عندي
الواطي!! عايز يجوزني عشان عليه فلوس وكمان ياخد البيت!! يا بجاحته والله! مشيت براحه جدًا ناحيه المطبخ عشان اعمل الشاي بلبن .. هو عشان اكتشفت انه هيجوزني بالعافيه مش هشرب شاي بلبن يعني ولا ايه!!
صحيت تاني يوم وانا ناويه اخرج من البيت ومرجعش غير تاني يوم واخلص من الجوازه دي .. نزلت عشان اخرج بس الباب كان مقفول كويس ومش عارفه افتحه بأي شكل!!
فتحت باب اوضته وزعقت – انت قافل الباب ليه؟!
رد بأستهزاء = طب ارمي السلام حتي
– انا لو رميت حاجه فـ هرمي الفازه دي في وشك
= طب ابقي اعمليها
– متحاولش تشتتني ، قافل البيبان ليه؟!!
= اهو رخامه
– م ناحيه الرخامه فـ انت رخم انا عارفه بس دي مش اجابه
= وانتِ عايزه تخرجي ليه؟!
– انا حره يا اخي اما انت غريب بصحيح
= طيب ، مفيش خروج
– ع اساس انك كده هتجبرني علي الجواز يعني
= يعني انتِ عارفه!!
– وانت مش عايزني اعرف
= طب كويس انك عرفتي
– مش هيحصل
= هيحصل ولو علي جثتي
ابتسمت – ما هو علي ج@ثتك فعلًا
مسكت الفازه وكسر,,تها علي دماغه ، اخيراً حققت حلم من احلام حياتي .. جريت بسرعه ونطيت من الشباك والحمد لله الدور ارضي .. مين اسرع بتجري في الغابة ناو؟! مكنتش مصدقه اني اخيرًا هربت من استاذ نيله اللي كنت عايشه معاه ده .. والله ما شوفنا رخامه كده قبل كده عشان مجاش رخامه كده قبل كده
فضلت اجري لحد ما اتأكدت اني بعدت وانه ضيعني .. هو سلحفاه اساسًا .. ياااه سلحفاه نفسي اوي اشتري سلحفاه .. لا يا ملك ركزي في اللي انتِ فيه وفكري في حل
غنيت .. هعمل ايه يعني مش هعمل حاجه .. فضلت ماشيه وانا بدندن في الغابة .. ولما يطلع عليا اسد يموتني دلوقتي؟! فضلت ماشيه لحد ما لقيت بيت صغير شبه الكوخ ظهر في حته كده مفيهاش شجر بس قريبه اوي من الغابة .. يارب يكون عندهم هوهوز
خبطت علي الباب – فيه حد هنا؟!
=………
رزعت – يا بشر ياللي هنا .. حد هنا؟!
= انتِ مين؟!
ابتسمت ودخلت – انا ملك
= يعني انا كده عرفتك؟! انتِ جيتي هنا ازاي؟!
– جيت مشي
اندهش = مشي!! مشيتي في الغابة
– ايوه .. كنت مضطرة
= مخ@وفتيش؟!
– كنت بغني
= انتِ عبيطه صح؟! مشيتي في الغابة الساعه 6 المغرب لوحدك ومفيش اي بيوت قريبه يعني جايه من مسافه بعيده .. وعايزاني اصدقك!!
– اسمعني بس
= مش هسمعك .. بره
– وبس يا سيدي دي الحكايه
بصلي بتفكير = يعني انتِ هربتي عشان متتجوزيش
– ايوه
= معلش سؤال
– قول
= هو انتِ ليه مقولتيش لأي حد او روحتي لأي بيت ايه اللي دخلك الغابه
– م هو مفيش اي بيت جمبنا
= ازاي؟!
– انا ساكنه في القصر القديم اللي في اخر الغابه
= بجد!!
– ايوه ، انا مش عارفه هعمل ايه دلوقتي
اتنهد = بصي انا مش عارف انا هقول كده ازاي بس ماشي .. هوووف .. ممكن تقعدي هنا
نطيت – بجد؟!!
ابتسم = ايوه ، من 4 سنين كنت جاي من مسافه بعيده اوي وعايز تشوف بيت بعد ما اهلي كلهم ماتوا .. قابلت باباكي بالصدفه وهو خدني معاه نمت ليله في القصر بعدين وراني البيت ده .. من ساعتها وانا مشوفتوش تاني بس عمري ما هنساه لأن لولاه الله اعلم كان زماني فين .. يمكن دلوقتي وقت رد الجميل
اتاوبت – ممم شكرًا
= تحبي تاكلي قبل ما تنامي؟!
– لأ مش عايزه
= طب تعالي اوريكي اوضتك
دخلت نمت علطول .. الحقيقه ان اليوم كان طويل ومرهق اوي بالنسبالي .. مكلفتش نفسي افكر ايه اللي حصل ولا ايه اللي هيحصل .. نمت وخلاص
– صباح الخير
= صباح النور ، نمتي كويس؟!
قعدت – ايوه
= يلا عشان تاكلي
– انت عملت اكل؟!
= اهو علي قدي كده .. مضطر
ابتسمت – انا ممكن اعمل الاكل علي فكره ، واهو ابقي فادتك في حاجه
ضحك = ماشي يا ستي .. افطري بقي
– تسلم ايدك الاكل حلو اوي
= بالهنا والشفا ، انتِ ناويه تعملي ايه بقي؟!
– الصراحه مش عارفه .. بس عارف بفكر اعمل ايه
= قولي
– اعمل مكرونه بالبشاميل هتبقي حلوه
= ايه!!
– ايه؟
= مكرونه بالبشاميل ايه؟!
– مش انت بتقول هتعملي ايه علي الغدا
ضحك = غدا ؟ انتِ فاضيه والله ، لأ وماشيه بتغني في الغابة ما شاء الله
– اومال ايه؟!
= قصدي هتعملي ايه في حياتك عمتًا
قطمت الخياره – مش عارفه ، انت ايه رأيك؟!
حرك راسه بحيره = مش عارف
– تعرف؟! لو كان لقاني في الغابة كان هيجوزني بالعافيه .. غير لو لقاني هنا
= هيحصل ايه؟!
– هيق@تلك الاول بعدين يجوزني بالعافيه
= ربنا يطمنك
وقت المغرب كان المنظر لطيف اوي قدام الشباك .. بقالي اسبوع هنا بتفرج علي الغروب كل يوم .. البيت في حته دافيه اوي .. في حته هاديه .. مفيهاش صوت ولا ناس .. لطيف مش كده؟!
– اختفت
لفيت = نعم
ابتسم – الشمس خلاص اختفت والغروب خلص
= مخدتش بالي
– كنتي بتفكري في ايه؟!
= في اللي حصل الفتره اللي فاتت
– هو انتِ كنتي بتفكري في ايه وانتِ تهربي؟!
= ولا حاجه ، انا مبفكرش عادةً
– يعني انتِ ضـ,,ــربتيه بعدين هربتي وقعدتي تجري في الغابة وبعدين تغني ع اساس ان الحيوانات هتغني معاكي .. وبعدين تخبطي علي باب بيت لقيتيه كده
= كنت بتفرج ع سنو وايت قبليها تقريبًا
– وخبطتي علي الباب ليه؟!
هزيت كتفي ببساطه = افتكرت اني هلاقي الاقزام السبعه
– سوري اني دمرت قصه الكرتون اللي كنتي فيها
= لأ ما انا لقيتهم
بصلي بأستغراب – ايه؟!
= انت .. احنا لو جمعنا الاقزام كلهم فوق بعض هيطلعوا انت
– ملك
= نعم؟!
– 5 ثواني تكوني اتبخرتي
احيانًا ممكن نعيش من غير هدف .. مفيش خطط .. مفيش حلم .. بس فيه دفا .. وحُب .. ممكن نعيش لمجرد اننا حاسين اننا مر,,,غوب فينا .. حتي لو من حد واحد ❤
– يلا سنووايت؟!
= يلا .. فين الفشار؟!
– هو انت قولت اعمل فشار
= ايوه يا ملك
– لأ احنا قولنا انك هتعمل ايس كريم
= محصلش
– قول بقي انك نسيت وبتلبسها فيا
= انتِ اللي قولي انك بتتحججي
– انا بتحجج!!
= ايوه
– لأ
= اومال فين الفشار؟!
طلعته من روا ضهري – اهو
طلع الايس كريم = الايس كريم بتاعك اهو
– يعني عملته؟
= معقول معملوش؟
– طب يلا بقي شغل الفيلم
احنا مش بنقع في حب شخص .. احنا بنقع في حب كل تفاصيله معاه .. بنقع في حبه هو وقلبه .. عيونه وشكله .. كلامه واسلوبه .. احنا مش بنقع في الحب .. احنا بندوب ❤
– ملك .. ملاااااك
= ايه في ايه؟!
– جايبلك خبر حلو
= قول بسرعه
ابتسم – خمني؟!
= امممم هنتفرج علي كونان
– هي دي معلوماتك عن الاخبار الحلوه
= ايوه
– لأ خبر احلي
ابتسمت = جبت لبن
اتصدم – اا…
= ايه؟! مش لبن . . هوهوز؟!
– بس يا ملك
= طب قول
– كل حاجه خلصت .. كل حاجه بقت كويسه دلوقتي
= بمعني؟!
ابتسم – الراجل اللي كان عايز يتجوزك اتقبض عليه بتهمه تزوير اوراق ، واستاذ كلاحه اللي كان عايش معاك اتطرد من البيت واوراقه كلها بقت ليكي .. دلوقتي تقدري ترجعي بيتك
= همشي؟!
– ايوه
= ينفع ممشيش
– عايزه تقعدي هنا؟!
= ايوه
ابتسم – بس مش هعمل شاي بلبن
= مش مهم اعمل انا
– ولا هوهوز
= هبقي اشتريها انا
– ومفيش كونان
= لا كله الا كده
– خلاص خلاص احم احم
= ايه؟
-احم احم
= اييييه!
– ماسك خاتم وقاعد علي ركبتي هيكون ايه؟!
هزيت راسي = موافقه ، مش عشان جمال عيونك
– والله؟! اومال؟
ابتسمت = عشان تبقي زي نهايه سنووايت
لو أنّ الحب كلمات تكتب لانتهت أقلامي، لكنّ الحبّ أرواح توهب، فهل تكفيك روحي؟❤
#سَكَن_الروحِ
#حواديت_ملك
#ملك_ابراهيم ❤!!
