الحقى يا رحاب بحر تحت وماسك العريس وحالف يمـ،ـوته وشكلو متقل فى الشرب قوى نزلت رحاب جرى وكان فى شاب بطله جميله جدا وباين عليه السكر ماسك شاب تانى وضاربه جامد وحاطط السكـ،ـينه على رقبته رحاب وقفت قدامه
وقالت …. انت يا زفت سيب عريسى احسنلك مش كل ما ياجينى عريس واجى اتجوزو تعمل الجنان ده انا مش عايزاك ياأخى هو بالعافيه
بحر ساب الشاب بغضب واتقدم عليها وقال …ليه يارحاب تحـ،ـرقى قلبى كده انتى مش عارفه انى بحبك وبموت فيكى ليه عايزه تتجوزى البرص الجعان ده وبص لورى يشاور على الشاب بس ملقهوش كان جرى لاخر الشارع
بحر بصلها وضحك وقال ….هرب شوفتى جرى ازاى ده تاسع عريس يهرب منك ويسيبك واقفه كده بفستان الفرح الى انا هموت وتلبسيهولى انما انا لو توافقى تتجوزينى اقف لأخر نفس فيا لو حتى قام زلزال بميت رختر
رحاب قالت بغضب … كويس والله انك عارف ان ده تاسع عريس تطفشه انت تقدر تمنع الفرح وتخوف العرسان وتخلينى متجوزش
بس انت متقدرش تتجوزنى غصب عنى سمعت
بحر شدها ليه وبقت بين اديه بص لعيونها بعشق
وقال ….عادى ماتكونيش ليا يارحاب بس ممنوع تكونى لغيرى محدش يقدر يدى قلبه لحد تانى وهو عايش انتى كمان كده محدش هياخدك منى غير لما أموت رحاب بعدت عنه بغضب
وقالت…ابعد عنى انت شكل الهباب الى بتاخده ده لحس الى كان فاضل من مخك انا لو هعنس وعيش طول عمرى لوحدى واموت كمان لوحدى احسن ماتجو واحد زيك وسابته ومشيت بغضب شديد
وهو بقى يزعق ويقول ..ده الى مش عاجبك يارحاب اكتر واحد بيحبك مستعد يموت علشانك وانا قاعد هنا ومش همشى يارحاب سمعتى قاعدلك اهوه وقعد على باب البيت ورحاب طلعت على اوضتها بغضب وقفلت الباب وبقت تعيط لحد ماراحت فى النوم فى صباح يوم جديد قامت رحاب واخدت شور وفطرت هى واختها
ومرات ابوها قالت ..رحاب هتنزلى تجيبى الطلبات من تحت ولا هتعملى مشكله مع بحر اودى اختك
رحاب قالت بضيق..لا يامرات ابوبيه اختى معاها مدرسه خلاص بقت فى الثانوى وراها شهاده انا هنزل ولو كلمنى المره دى هقتلو واخلص هاتى الورقه الى فيها الطلبات ونزلت بغضب بس اتكعبلت فى بحر الى كان لسه نايم على باب البيت ووقعت جمبه وبحر فتح عيونو وبصلها وابتسم
وقال..احلى اصطباحه ولاون العيون دباحه
رحاب وقفت بصتله بغضب
وقالت…انت لسه هنا انت مش خلاص طفشته ماروحتش ليه ولا لازم تقفلى اليوم بخلقتك دى
بحر قال ..اه الحمد لله طفشته خلاص . رحاب بصتله بضيق ومشيت فى وشها بحر بصلها ورفع حاجبه
وقال بمعاكسه . طب ردى الصباح خلى القلب يرتاح رحاب ماردتش عليه ووقفت عند بياع الخضار
وقالت ….صباح الخير يا عم صلاح بكام الأوطه
الراجل لسه هيرد بحر وقف جمبها
وقال ..ببلاش للخدود الأطئوطه رحاب اتنهدت بضيق
والراجل قال ..متباعه شوفيلك فرش تانى يابنتى
بحرى مسك الراجل من هدومه وقال…لما رحاب تاجى تشترى تبيع لهاحتى لو شايلهم لأمك سمعت
رحاب قالت بغضب …سيبو انا مش هقول طبعا ان ده قد ابوك لان انت اكيد مش هيفرق معاك بس.هو حر مش عايز يبيع وأى حد هيشوف خلقتك على الصبح لاهيبيع ولاهيشترى ونفخت بغيظ ومشيت
وبحر مشى وراها وقال…انت بس لوتتجوزينى انا هتصلح علشانك وأبقى بس
رحاب وقفت وقالت …وانا مش اصلاحيه علشان اصلحك ولا امك علشان اربيك انا عايزه اتجوز واعيش حياتى تمام حل عنى بقى وخليك فى حالك
بحر قال ….ما انا فى حالى والله يارحاب انتى حالى
رحاب قالت …ابعد عنى يابحر علشان اعرف اعيش انا مش عارفه اجيب الاكل حتى وانت جمبى
بحر الدموع اتجمعت فى عيونو وقال …ماشى يارحاب حاضر هبعد بس برضه مش هتتجوزى غيرى وسابها ومشى رحاب اشترت الطلبات بتاعتها وروحت وجيه وقت رجوع اختها من المدرسه بس ماجاتش رحاب قلقت قوى
ومرات ابوها قالت …البنت فين ها اختك هتكو راحت فين رحاب لسه هترد الباب خبط جريت تفتح وكان
بحر وقال …عندى رحاب بصتله بصدمه وبحر هز دماغه بأيوه
وقال…ايوه اختك صح انتى فهمتى صح
مرات ابوها قالت.. بنتى راحت يالهوى بنتى راحت
رحاب قالت …انت بتستهبل اختى مالها ومال كده
بحر قال. ..
