بقلم فريدة احمد الثالث

مساء
كانت في الشقة قاعدة علي الكنبة بتفرك ايديها الاتنين بتوتر. مستنية كريم بعد ماحسمت امرها انها هتحكيله خلاص
فضلت لحد ماسمعت صوت عربيته،،، قامت بقت راحة جاية بتوتر وخوف مقدرتش تتحكم في خوفها، ابتدت تبكي وهي بتتخيل رد فعله لما تقوله

دخل لقاها كده

كريم قفل الباب وقرب عليها بقلق وهو بيقول …. مالك.. ايه اللي حصل
هنا بدون اي مقدمات دخلت في حضنه وفضلت تبكي اوي
كريم بقلق عليها… مالك ياحبيبي. في ايه ياهنا
رفع وشها وهو بيتأملها وبيقول…ايه اللي حصل. انتي من امبارح وانتي مش طبيعية. اتكلمي

هنا بدموع…. مش هقدر
كريم بشك … انتي عملتي حاجه.. عملتي ايه ياهنا
هنا بسرعة…. والله ماعملت. بس
كريم…. ها. اتكلمي
قالت وهي مش قادرة تتحكم في دموعها اللي بتنزل بغزارة… لو. قولتلك. مش هترحمني
هنا كريم شكو ذاد وقال…. ليه. انتي عملتي ايه. انتطقي

كانت بتبكي اوي وهي مرعوبة لكن مسكت تليفونها وفتحته علي الشات بتاع حسام واديتهولو

كريم مسك الفون وبقي يبص في الشات بعيون مشتعلة
بصلها وقبل مايتكلم قالت وهي واقفة حرفيا جسمها كلو بيترعش وبشهقات… اقسم. بالله ما بعتلو حاجة. صدقني ياكريم.. والله ما انا.. والله العظيم ما انا

كريم….. ششش. اهدي
كانت شهاقتها عالية وبتبكي بشدة وجسمها بيرتجف من الخوف
كريم…. اهدي في ايه.. اهدي خالص

هنا من بين شهاقتها… والله ماعملت حاجة. ه هو

كريم بهدوء …. انا مصدقك.
بصتله بدهشة وهي مش مصدقة رد فعله
قال… انا بثق فيكي ياهنا. يعني مستحيل اصدق انك تخو. نيني
هنا… بس الصور
قاطعها وقال… حتي وانا شايف ان الصور اتبعتت من عندك
مد ايده مسحلها دموعها و قال وهو بيهديها … اهدي كده.
واحكيلي ايه اللي حصل بالظبط

ابتدت تحكيله
و كان بيسمع منها وهو بيتوعد ل حسام

هنا بدموع وهي بتحكي… وهو من امبارح وهو بيهددني يبعتلك الصور

كريم… ايه اللي حصل تاني
هنا بلعت ريقها وهي مترددة تقوله انها راحت قابلته لكن مترددتش كتير وبرغم خوفها الا انعا قررت متخبيش اي حاجة وقالت….لما خرجت امبارح.. كذبت عليك.مكنتش بقابل صاحبتي. نزلت قابلته هو
كملت بسرعة… انا اسفة. والله دماغي ماكانت فيا. مفكرتش. انا كنت خايفة ومرعوبه. علشان كده مفكرتش
. انا اسفة ياكريم
وهي بتبكي اوي وخايفة
لكن اتفاجات بيه ل تاني مرة لما مسح دموعها بحنية و قال بهدوء… خلاص اهدي. انا مش هعملك حاجه..اهدي..
بعدين قال… المهم افتكري كويس مين مسك تليفونك قريب

هنا حاولت تفتكر بس دماغها كانت زي المشلولة
هزت راسها ب لا وهي بتقول… مش فاكرة
لكن مرة واحدة اتذكرت وقالت… اه افتكرت. سيليا.. ايوا سيليا من كام يوم اخدت تليفوني وقالتلي انها هتعمل منو مكالمة
بعدين قالت.. بس مظنش هي. هي هتعمل ليه كده. دي صاحبتي
كريم قال وهو متيقن ان اكيد هي لان سيليا اساسا كانت بتحاول تقرب منو … لا هي
بصلها وقال… البت دي ياما قولتلك تبعدي عنها
هنا… مش ممكن مش هي
بقلم فريده احمد
كريم… مادام مسكت تليفونك. يبقي مفيش غيرها.
وبعد ما كان بيتوعد لحسام بقي يتوعد لسيليا كمان
بصلها وقالها… ابعتي لابن ال******** وقوليله انك هتقابليه
بصتله بدون فهم وعدم تصديق ف قال بأمر… اعملي بس اللي بقولك عليه
هزت راسها بطاعة وعملت زي ما قالها
……….
بعد وقت
كان حسام في شقته مستني هنا وهو مبسوط جداا ان مراده خلاص بيتحقق
جرس الباب ضرب اتحرك علطول فتح الباب بحماس ليتفاجأ بلكمة في وشه رجع علي اثرها كام خطوة للوراء

كريم قرب عليه ومرة واحدة دفعه برجله خلاه وقع علي الارض
قرب تاني مسكه من هدومه وقومه
حسام بنهج…. انت ايه اللي جابك. هنا
كريم… جيت اربيك
وفي لحظة كان لكمه في وشه وقعو علي الارض تاني
كريم…. بتحوم ورا مراتي ليه يلا
حسام وهو بيمسح الد، م من بوقه قال وهو بيحاول يشككه فيها…. مراتك مقضاياها معايا.. بتحبني. بتبعتلي صورها كمان
كريم…. مراتي انا واثق فيها يابن الكلب.. ووحيات امك يابن*********بسبب اللي عملته ده ماهرحمك
وانهال عليه باللكمات وهو بيقول… مين اللي بعتلك الصور يلاااااا.. مييين ياروح امككككك
حسام بتعب قال بسرعة… سلييا سيليا

كريم…. هطلع مي***** امك انت وهي..نهايتكو علي ايدي ياولاااد **الكلـبب
وفضل يضر”ب فيه. كان بيضر،، بو بغل لحد مابقي في ايده جـ ثة
مال عليه مسكه من فكه وقال… تليفونك فين يلااااا.. تليفون امككك فييين
حسام بتعب شاورله علي الترابيزة

كريم اتحرك خد التليفون ورجعلو تاني مسكه من فكه وقال…. عندك نسخ تانية من الصور علي اي جهاز
حسام هز راسه بلا
كريم وهو لسه ماسكه وبيضعط علي فكه جامد قال… قسما بربي لو طلعت ناسخهم علي اي جهاز تاني صدقني هخلص عليك
حسام بتعب وهو مش قادر يتكلم… صدقني هما علي الفون بس. والفون في ايدك اهو
كريم بصله بشر
وحسام قال…. اقسم بالله مامعايا غير اللي علي التليفون كريم جرب يفتح الفون اتفاجأ لما اتفتح معاه لانه مكانش مقفول ب باسوورد من الاساس
حط الفون في جيبه وقبل ما يقف طلع مطو،، ة
حسام بصله برعب بمجرد ماشافها
وكريم وهو غير مبالي بيه فتحها وفي لحظة كان علم عليه بيها في وشه
حسام صرخ بالم وكريم قالو بغل… عشان كل ماتبص لوشك في المستقبل. تفتكرني
وسابه مرمي في مكانه وخرج وهو معاه الفون
…….

كانت هنا راحة جاية بخوف لحد ما لقته داخل قربت عليه بسرعة وقالت … عملت ايه
كريم… متشغليش بالك
هنا وهي مش مطمنه،، هي عارفاه كويس قالت…. انت قتـ، له صح.. اوعي تكون قتـ لته ياكريم
كريم …. لا. بس اديتلو درس مش هينساه طول عمره
هنا بصتله ولسه هتتكلم
حط ايده علي بطنها وقال… قوليلي. هتفضي امتي بقالك كتير
هنا…. انا لسه في الشهر الرابع ياكريم
كريم… يعني فاضل قد ايه
هنا… لسه خمس شهور
كريم… لسه خمسه
هنا…. للاسف
كريم… خليه براحته
بصتله بحب وقالت… انا بحبك اووي
باس راسها وقال… انا اللي بعشقك.. تعالي علشان انتي وحشاني
قالها وهو بيميل يشيلها ودخل بيها الاوضة
………..

في اخر الليل
محمد كان نازل من شقته

وبمجرد ما رشا حست بيه فتحت باب شقتها بسرعة
اتجاهلها وكمل نزول لكن هي وقفت قدامه وقالت وهي مش قادرة تتحكم في نفسها… انت واحشني اوي علي فكرة
وهي بتحاول تبوسه و بتقول… هو انا مش واحشاك.
لكن محمد بعدها وقال… ابعدي
رشا… بقولك واحشني
محمد… ابعددي قولت
وبعدها عنه ونزل
وهي فضلت تبص عليه بغضب
…
عند حورية فتحت الباب اتفاجأت بمحمد
شهقت بخضة و راحت بسرعة تقفله لكن كان هو اسرع منها لما زقو ودخل رغما عنها

يتبع…….

#
#البارت_الـ29
#بقلم_فريده_احمد
الرواية بتنزل هنا قبل اي مكان 👈

فتحت حورية الباب لتتفاجأ بمحمد واللي بمجرد ماشافته شهقت بخضة وبسرعة راحت تقفل الباب، لكن كان هو اسرع منها لما زقو ودخل رغما عنها

حورية كانت بترجع لورا بخوف وهي بتقول برعب.. ع عاوز ايه مني

محمد…. اهدي… انا مش جاي أأذيكي

قرب عليها وهي واقفة لازقة في الحيطة بتترعش وقال… انا بحبك ياحورية وعايزك..

رفع ايده وابتدي يحركها علي جانب وجهها بهدوء وقال وهو بيبصلها بحب… عندي استعداد اعمل اي حاجة علشان ارجعك ليا.. تعالي نرجع ياحورية ونبدأ صفحة جديدة مع بعض.. صدقيني مش هخزلك

حورية… ارجوك سيبني في حالي. انا ماصدقت ابتديت اتخطي القرف اللي كنت عايشة فيه معاك.. انت عمرك ماهتتغير يامحمد انا متاكده..فـ أرجوك ابعد عن طريقي.

محمد.. مقدرش. لاني بحبك. انا معرفش اعيش من غيرك اساسا.. اديني فرصة وصدقيني هتغير بجد

حورية… انت اصلا مبتحاولش تتغير.
بصتله باستحقار وقالت… دنا لما كشفت خيا، نتك. مع الو،، سخة مرات اخوك. محاولتش ترجع عن القرف اللي بتعمله وكملت فيه عادي..انت صعب تتغير مستحيل. بس حتي لو حصل واتغيرت مع انه من رابع المستحيلات.. بردو انا مش هرجعلك. استحالة يكون في بينا حياة مشتركة تاني

محمد… بس انتي بتحبيني ياحورية.. انا متاكد انك لسه بتحبيني.. اديني فرصة اخيرة وشوفي هتغير ولا لا
هز راسه وقال… انا معترف اني ظلمتك وجيت عليكي كتير. واستحملتي مني كتير.. بس صدقيني هعوضك بس اديني الفرصه

حورية هزت راسها برفض وقالت… اديتك فرص كتير…بس انت كنت بتعمل ايه
ابتسمت بوجع وقالت….كنت بتدوس عليا اكتر.. كنت كل يوم بتسيبني وتروح تبات في حضن اي واحدة رخيصة ماللي بتعرفهم مع اني عمري ماقصرت معاك في حاجة. كل حقوقك كنت بديهالك.عمري ماقصرت.. كنت بتخو، ني وعمرك مارعيت شعوري. انت حتي يا اخي مكنتش بتحاول تعمل كده من ورايا.. لا بكل بجاحة كنت بتعمل اللي بتعمله بعلمي ولما كنت بتكلم. كنت بتضر، بني وتقولي دي عيشتي واذا كان عاجبك..كنت دايما بتستغل ان اهلي مقاطعيني وتهيين وتذ، ل فيا اكتر علشان عارف ان مفيش حد بيقفلي. دا غير عمايل امك فيا. انتو كنتو بتد، بحوني كل يو. م
غمضت عنيها وشريط حياتها معاه بيمشي قدامها.. كانت عيشة كلها وجع وخيا، نة واها، نة وذ، ل

هزت راسها برفض اكتر من مرة،، فتحت عيونها وقالت… ابعد عني ارجوك. سيبني في حالي. سيبني الملم اللي باقي مني وادوايه يمكن اقدر اعيش

محمد …..طب سيبيني اداوي انا جروحك اللي انا السبب فيها..جربي ياحورية مش هتندمي صدقيني .. انا بحبك وعايزك. ومتاكد انك لسه بتحبيني..اديني فرصه اخيرة

مسك ايديها الاتنين وقعد علي ركبته قدامها وقال…
انا اسف.اسف علي كل حاجة عملتها معاكي.. صدقيني بحبك
وهو بيبوس ايديها الاتنين وبيقول… سامحيني. سامحيني ياحورية علشان اعرف اسامح نفسي

رفع وشه يبصلها بترجي وهي كانت بتبصله بدموع وحيرة كان اتأكد انها خلاص ابتدت تضعف، ابتسم من جواه وقام رفع ايده يلمس شفا.. يفها بصباعه وهو مستغل ضعفها وقال… بحبك. بحبك ياحورية
وقرب علي شفا، يفها وابتدي يبوسها

كان متأكد انها هتضعف وهتحن اثر لمساته كعادتها. لكن المرادي غير. فاقت لنفسها وزقته بقوة وقالت.. لو فاكر اني هضعف زي كل مرة تبقي غلطان..
وبعصبية… ابعدد عني وسيبني لاني لايمكن هسمحلك تقرب مني.ساامع.. اطلع برا. اطلع بره حياتي بقاا. مش عاوزة اشوفك ولا حتي افتكرك. يلااا براااا

قعدت علي الارض و حطت اديها علي وشها وفضلت تبكي

حس بحالتها وقال… هسيبك دلوقتي تهدي.
لكن كمل بدون مايتحكم في نفسه وقالها …. بس افتكري دايما اني مش هسمحلك ياحورية تدخلي راجل في حياتك غيري

شالت اديها من علي وشها وبصتله ف قال بسرعة وتملك… علشان انتي بتاعتي واستحالة هسيبك ل غيري. مش هسمح ان حد ياخدك مني ابدا
وقرب باس راسها وخرج
..
عند سمر في اوضتها

: بقولك مش هينفع ياعلي

علي… يعني مش هعرف اشوفك

سمر… الفترة دي لأ. انا اصلا بخرج للجامعة بالعافية. من اخر مرة وكريم شاكك فيا.. مدخلش عليه الحوار اللي عملته. ومن ساعتها مانعني اخرج لولا ماما مكانش هيخليني انزل الجامعة اصلا
……..

بيري كانت طالعة اتفاجأت بمحمد قدامها نازل تايه
بمجرد ماشافته قالت بغضب… كنت بتعمل ايه هنا.. انت عملت في البت حاجة. عملت فيها اييه. انتطقق

لكن محمد مردش ونزل وهي دخلت بسرعة تتطمن علي حورية اللي لاقيتها قاعدة علي الارض حاطة راسها بين رجليها وبتبكي

بيري قربت بسرعة قعدت علي ركبتها قدامها وهي بتقولها… حبيبتي انتي كويسة. عملك ايه الحيوان ده.. حورية ردي عليا

رفعت حورية راسها بدون كلام وهي لسه مستمرة في بكائها

بيري…حورية انتي مش ضعيفة واوعي تضعفي. اوعي ياحورية

بصتلها حورية وقالت …. بس انا ضعيفة.. اللي كان مقويني راح
وفضلت تبكي بشدة
……….