الفصل السادس عشر
اما رهف فخرجت من المطبخ تحمل طبق ملي بالحلويات لتصـ,ـتدم برنا تجري وكان شبـ,ـحا يطاـ,ـردها
رهف ايه يا بنتي في ايه هوا في عفريت بيجري وراكي
رنا بارتباك هه لا ابدا مفيش حاجه
رهف وهي تري فريد يدلف من باب الفيلا لتقترب من اذن رنا اها قولي كدا بقي انك بتهربي من ابيه فريد ثم وجهت انظارها لفريد ازيك يا ابيه
فريد وهو ينظر لرنا ازيك يا رهف
اما رنا فخرجت سريعا لتذهب من امامهم بوجه قد امتقع لونه من كثره الخجل لتهرب من فريد
رهف بصوت عالي وهي تنظر لرنا التي تسير بسرعه البرق رايحه فين يا رنا
رنا وهي تسير بسرعه هطلع فوق عند رندا
فريد مشاكسا وهو يضحك علي خجلها طب مش لما تجاوبي عليا الاول
اما رنا فقد تعثرت فجاءه في سيرها علي اثر كلماته وكادت تقع من علي سلالم الفيلا ولكنها تمالكت امرها سريعا عند شعورها بتحرك فريد بسرعه اليها لتسبقه هيا وتكمل صعود وتختفي عن الانظار
رهف بصوت عالي قبل اختفاء رنا عن انظارهم استني يا بنتي هاجي معاكي
فريد لا استني يا رهف عاوزك
رهف عونيا اامر يا معلم
فريد وهوا يضـ,ـربها علي راسها معلم خساره تربيتي فيكي ثم شدها من احدي خصلات شعرها قليلا لتتالم
رهف بتالم خلاص يا ابيه اسفه
فريد ايوه كدا اتعدلي قوليلي عز فين
رهف في اوضته فوق
فريد هوا مخرجش
رهف لا خرج وراح اطمن علي راندا وبعدين خرج راح مشوار ولسا راجع من شويه
فريد تمام وهم ليصعد
رهق ابيه هوا في ايه
فريد بعدم فهم في ايه ازاي
رهف قصدي يعني في حاجه مش طبيعيه
فريد بتهكم لا والله ازاي بقي انتي اشتغلتي محلله نفسيه ولا ايه
رهف يا ابيه والله صدقني عز مش طبيعي خالص طول النهار متعصب مع انو هوا طبعه هادي خالص مش حريقه زي حضرتك
فريد بغضب ولزمتها ايه حضرتك بقي
رهف هه لا مش قصدي وبعدين متخرجناش عن الموضوع
فريد لا والله طب كملي يختي
رهف وراندا طول النهار عماله تعيط وماما وخالتو مش عارفين فيها ايه دي حتي البت رنا شكلها اتجنن علي الاخر طول النهار مش طبيعيه وطلبت مني نبدل الاوض هيا تيجي اوضتي وانا اقعد في اوضتها
فريد بشي من الغضب ليه
رهف معرفش والله يا ابيه دي حتي دلوقتي داخله تجري كان في عفريت ببجري وراها ثم قطعت كلا مها عن روئيه ملامح فريد المتهجمه
فريد بغضب رهف
