_النتيجة ظهرت يا ساجدة… جبتى كام
معرفش يا أمل لسة الموقع بيحمل ..خليكى على الخط ماما بتخبط
ماما دخلت وشها مقلوب وانا متوترة جدا النهاردة نتيجة الثانوية العامة.
ف.. فى أيه يا ماما
فجأة لقيتها زغرطت و ضحكت وأخواتى كمان وقالتلى _مبروك يا سجودة جبتى ٩٨٥
_معقولة مش مصدقة …بس والله قلبى كان حاسس.
ها يا أمل عملتى أيه
أمل ردت بحزن _ الحمد لله على كل حال جبت ٨٠
أيه المجموع ده يا أمل ده حيالله تجارة أو أو أداب لالا بجد مش مصدقة طب وهتعملى أيه
_هدخل كلية تجارة وأمرى لله شكرا على السؤال يا ساجدة
بعد ما دخلت طب كنت حاسة إن مش بس فى كلية قمة كنت حاسة إن وصلت للقمة القمة اللى أعتقد الكل هيدينى أهتمامه بسببها.
_متقدملك عريس
حلو بيشتغل أيه ومعاه مؤهل أيه
ردت ماما بضيق _ يبنتى مش كل حاجة المؤهلات هو راجل محترم و… عنده مكتب صغير يبنتى
_ماما معاه كلية أيه
كلية حقوق يابنتى
نعااام انا أتجوز واحد معاه حقوق ماما ماما بعد أذنك أرفضيه .. أستحالة إن أوافق بعد تعبى كل ده أخد حد أقل منى
_سيدنا محمد عليه الصلاة والسلام قال إذا جاءكم من ترضون دينه وخلقه فزوجوه… مش بالكلية بالأخلاق والدين وأنا واثقة انه على خلق وهيتقى الله فيك..
رفضته رغم أنه كان مصمم إن أوافق وصمم يقعد معايا وبعدها هيمشى وفعلا طلعت أقعد معاه.
نسيب العرسان مع بعضهم شوية
خرجوا وانا فضلت قاعدة بصتله لقيته شاب ظاهر عليه التدين جدا والأحترام جدا.
_أزيك يا دكتورة سجدة
_كويسة يااا … للأسف مش هعرف أقولك يا دكتور أو بشمهندس
_لا نادينى بأسمى عادى الألقاب دى شيء لا يعتبر مهم بالنسبالى طول ما انا بكمل حاجة فى المجتمع هكون زى زيك زى المهندس
_يعنى ايه
_يعنى مثلا زى ما حضرتك مهمة إنك تساعدى مريض يخف أنا مهم إن أساعد بريء ياخد براءة كلنا بنكمل بعض وألا كان الكل بقا أطبا وشوفى هنعيش أزاى
_بس أنا واحدة ناقصة واحد ونص فى المية وانت أقل بكتير فرق التعليم هنا كبير وده هيسبب مشكلة فى تعاملنا
_الثقافة يا
دكتورة إنت اللى بتكونيها لنفسك مش منهج بيتفرض إن لازم أذاكره كله و أدخل أقفل الأمتحان الثقافة دى ممكن تكون من قصة عبره مثلا .. من تجارب عشتيها الثقافة بتنبع من حاجة الروح والعقل للتعلم أكتر.
_أممم أدينى وقت أفكر
_حقك خدى وقتك وفكرى فى كلامى انت محتاجة تقعدى مع نفسك .
فى الجامعة كنت قاعدة مع صحابى الجداد اه ما انا بعدت عن أمل أصلها مش من مستوايا
_ها يا ساجدة هتوافقى عليه
معرفش كلامه مقنع أوى وده مخلينى محتارة جدا
_انت مچنونة يا ساجدة توافقى أزاى .. طب تخيلى كده بعدين حد سألك جوزك بيشتغل أيه هتقولي عنده مكتب محاماة صغير .. تخيلى بتكلميه فى حاجة
—
علمية وعاوزة أجابته هيرد يقولك سيدى القاضى حضرات السادة ههه
صحابى زنوا عليا وفعلا رفضته لقيته بعتلى على الواتس … اسف انى بعتلك بس محتاج أقولك انك للأسف متغيرتيش يا ساجدة عندك طبقية و تكبر كبير ..
أتعصبت من كلامه جدا مش هنكر أنه خلانى أبكى بس أستكبرت مش معنى انى رفضته أبقى متغريتش وبعدين ليه هتغير انا مش وحشة كانت بتمر الأيام ونسيت أيهاب اللى كان متقدملى.
هتيجى تتقدم إمتى يا مؤمن
_ها .. اه قريب قريب أوى
مؤمن كان معيد فى الكلية و عنده املاك كتير حد من مستواياأعترفلى أنه بيحبنى.
مؤمن أنت مبتردش عليا ليه كل ما أتصل ما بتردش
_مكنتش شايف التليفون sorry
تمام يا مؤمن
بتمر أيام ولقيت رقم أتصل بيا كانت أمل صاحبة عمرى اللى أستكبرت عليها قالتلى …_ ساجدة رغم إنى زعلانة منك بس مقدرش أستغنى عنك فى لحظة زى دى أنا خطوبتى بكرا ولازم تيجى
_اه الف مبروك لازم أجى
_علفكرا يا ساجدة انا مفشلتش انا بقيت بشتغل فى شركة كبيرة أوى بعد ما اتخرجت وبحضر دكتوراه.
كلامها حسسنى إن كنت غبية أوى كنت شايفة الناس بصورة غلط روحت الخطوبة ولقيتها أتخطبت لمعيد فى الكلية .
_سامحينى يا أمل يمكن أتغيرت عليك بس…
سكت ملقتش حاجة أقولها وهى فهمت وقالتلى مسمحاكى طبعا انت أختى يا هبلة
فى وسط ما انا قاعدة فى الفرح لقيته أيوة
كان العريس اللى أتقدملى ورفضته أيهاب وعرفت أنه أبن عم أمل
مش كنت تقووليلى يا أمل
_مكنتيش مديالى فرصة حتى أتواصل معاكى يا ساجدة يلا حصل خير
أيهاب كان واقف بعيد …
_أزيك يا دكتورة ساجدة
الحمدلله .. انا انا أسفة
_حصل خير ده فات ومستحيل يرجع او يتعوض يارب تكونى أستفدتى حاجة
وقت ما كنت واقفة مع أيهاب ببص من الشباك لقيت مؤمن تحت وماسك أيد بنت وبيهزروا دمى غلى ونزلت بسرعة تحت
مؤمن من دى وبتعمل اي معاك
_ساجده! انت اى اللى جابك هنا
_مكنتش عاوزنى أجى عشان مشوفكش وانت بتخونى صح
البنت بصتلى بأستعلاءمين دى يا مؤمن
_والله يا ندى دى واحدة من اللى عرفتها زمان نزوة بقا .. فوقى يا ساجدة انت أقل من إن أرتبط بيك انت واحدة كانت بتعالج أبويا أقل منى بكتير تكاد تكونى معډومة أصلا … وانا بقا مبكلمش واحدة مشيت معاها
قد أى كنت مغفلة كلام نزل زى حجر دشدش جسمى مليون حتة حسيت ان كل اللى عملته في ايهاب أترد فيا فوقت على صوت.
_يلا يا بابا من هنا … انت كويسة يا ساجدة
كان أيهاب جريت وروحت بيتى فضلت أعيط كتير أيام مبطلعش من أوضتى كان بكا وبس ياااه قد أيه انا أتغريت فى نفسى وانا قليلة أوى أقل منهم كلهم… سمعت صوت الشيخ فى قرءان الفجر ولا تغرنكم الحياة الدنيا ولا يغرنكم بالله الغرور حسيت قلبى
—
بيخفق.
إنا خسړت يا أمى خسړت كل اللى حواليا كل ده عشان غرورى فى نفسى كنت حاسة ان مفيش منى أتنين على وش الأرض كنت حاسة انى صح طلاما بعرف ناس تعلى من شأنى أتاريهم شايفنى أقل منهم
_عمر ما كانت كلية أو فلوس أو مظهر يعلوا من الشأن يبنتى كلنا ھنموت ومش هناخد أجسدنا عارفة هناخد أيه هناخد روحنا … الروح لما تبقى جميلة ده اللى يعليك … ثم أنك مخسرتيش لسة فى فرصة عمر يبنتى ما كانت الخسارة خسارة طلاما مخسرتيش ربنا و انا واثقة أنك مخسرتيش حبه ليك هو هيتوب عليك
مسحت دموعى انا ظلمت ايهاب وساجدة
اوى يا ماما
_انا واثقة انهم مسامحينك ولو أيهاب كان من نصيبك كان هيبقى ليكى
روحت الجامعة بشكل مختلف كنت بسلم على كل الناس .
عمو حسن ازيك عامل اى
رد بإستغراب الحمدلله فى نعمة
روحت لقيت شلتى ..
_كل ده غياب أغيبه ومتسألوش عليا
_معلش بقا … صحيح سمعنا ان دكتور مؤمن خطب
_ربنا يسهله
_أممم يعنى كده مش هتعرفى تجيبلنا الامتحان
وانتوا عارفنى عشان كده فهمت انتوا بتوع مصالحكوا وانا بالنسبالكم إمتحان
_أحنا منقصدش كده بس..
أنتوا مفكرتوش فيا ولا فى شعورى فكرتوا فى الامتحان…
أنتوا السبب إن أضيع أيهاب من أيدى
_محدش يا حبيبتى ضړبك على أيدك تسيبى أيهاب وبعدين شعور أيه ما أنت كمان عرفتى مؤمن عشان الأمتحانات اللى كان بيدهالك
خرجت من الكلية كنت بعيط لقيت أمل قدامى
امل
_بتعيطى ليه…انا كنت جيالك أصلا
لالا مفيش عينى بس..كويس انك جيتى
_بس بس مش هتعمليهم على امل تعالى نقعد فى اى كافية واحكيلى
حكتلها كل كل حشاجة لقيتها طبطبت عليا بحنان كعادتها.
_مش هقولك انك غلط لأن الغلط بيتمحى وقت ما الأنسان بيتوب عنه وطول ما الانسان فيه روح قدامه صفح كتير بيضا ممكن يبدأ من جديد .. لا يمل الله حتى تملوا .
رجعت انا و أمل صحاب تانى وكنا دايما بنروح دروس فى الجامع سوا وده كان مكان لقانا … ونعم اللقاء فعلا وبعدها لقيت امل
_علفكرا يا ساجدة أيهاب عرف انك أتغيرتى
انت حكتيلهش
_لا هو متابع أخبارك … كان بيجدد طلبه من ساجدة الجديدة ها قولتى ايه
أمم أفكر
_هتكدبى أصلا الفرحة هتنط من عينك
وأتجوزت أنا وأيهاب حقيقى كان بيشرفنى أوى بثقافته و ذكائه كان حد طيب وعوض وخلفنا بنتين هنا و يارا و أحسنا تربيتهم على التواضع و الأخلاق
أحنا كلنا بشړ مفيش حد أحسن من التانى إلا بأعماله عند الله … قال الله تعالى إن أكرمكم عند الله أتقاكم
تمت
