حياتك
يارب ياااارب
نتحرك
علي فين
مكان بعيد عن هنا شويه
فين يعني
للاسف هو في وسط الصحراء
رديت پخوف
ص صحراء
المكان الوحيد اللي اقدر اكون متطمن وانتي موجوده فيه
ه هعيش لوحدي في الصحراء
لا طبعا في جماعه طيبين هيستقبلوكي وهتعيشي معاهم لحد ما نقدر نقبض علي امجد وكل العصابه ونتأكد انك مش في خطړ ..وقتها هترجعي بيتك وحياتك من غير اي خوف
بصيتله وسكتت وعيوني مدمعه وجوايا الف سؤال لكن مش قادره انطق
مشكتش فيا ليه مع اني مراته !
ابتسم ابتسامه لطيفه وهو بيكمل سواقه
لان بني ادمه جميله زيك وفي رقتك وطيبه قلبك والحب اللي بتوزعيه علي كل اللي حواليكي استحاله تكون مجرمه
بصيت قدامي وانا برد بصوت مخڼوق بالعياط
لكن للاسف وقعت مع واحد مچرم لابس وش ملايكه
تسمحيلي اقولك أن امجد مش ملاك ولا حاجه ..حتي معاملته مع الخدم ومع الناس في الشركه ومعاكي انتي شخصيا بتوضع قد ايه هو شخص بشع واناني
للاسف كنت ببررله كل تصرف عشان بحبه !
وكنتي بتيجي علي نفسك كتير عشان بتحبيه
هزيت راسي بتأكيد وانا بشهق وبحط ايدي علي بوقي وحاسه أن قلبي من كتر الحزن هيقف
مسك ايدي تلقائيا وهو بيبصلي بشفقه
ميستاهلش دموعك ياجنا انتي ربنا بيحبك عشان كشفلك حقيقته قبل فوات الاوان احمدي ربنا انك بخير
رديت بهمس وانا بضغط علي أيده بدون وعي
الحمد لله يارب الحمد لله
سحب أيده من ايدي بأحراج وكمل سواقه وانا في عالم تاني عالم بفتكر فيه كل اللي حصل من وقت ما قابلته..الذكريات التفاصيل الحب الاحلام الورديه اللي رسمتها الوعود نظراته اللي كانت بتخلي قلبي يدوب لمسه ايديه اللي بتخلي كل ذره فيا تتنفض الفراشات اللي كانت بتطير من حوليا وانا في قربه ! بفتكر وبفتكر وبتمني لو مكنتش قابلته ولا حبيته
بكرهكك يا امجد بكرهك وبكره اليوم اللي شوفتك فييه
وفي الخلفيه صوت عمرو حسن
قالت..
كرهاه! اه كرهاه .. ابقي مع الخۏف والمۏت حتي انما مقبلش اني ابقي معاه.. انا اخر نور ف حياتي لحقته وكان هيضيع ازاي كان قلبي كئيب وحزين انا كنت بصلح اي و ف مين..!
وصلنا المكان بعد حوالي ساعتين تم استقبالي احسن استقبال اتعرفت علي الناس اللي عايشيين في المكان كان راجل كبير ومراته واضح علي وشهم الطيبه لقيت اوضتي متجهزه وفيها كل حاجه لبس كتب فون جديد لاب توب كل حاجه حرفيا كانت في الأوضه! بصيت حوليا وانا بسأل نادر بذهول
ايه كل الحاجات دي
نادر بهدوء
ديه كل المستلزمات اللي ممكن تحتاجيها في فتره وجودك هنا
بس بس ده كتير اوي يانادر مين اللي جاب كل ده
انا
انت معقوله جبت كل الحاجات دي من فلوسك
هز أكتافه بحيره
وايه المشكله !
رديت بأحراج
المشكله أن تكلفتهم اكيد عاليه
ولا يهمك
حطيت وشي في الأرض بخجل وانا بفرك ايدي بتوتر ومش عارفه ازاي اقدر اعبرله عن شكري وامتناني اتنهد تنهيده طويله وهو بيقولي بهدوء
هستأذن انا بقي ولو احتاجتي اي حاجه كلميني من الفون الجديده انا سجلت رقمي عندك
رفعت راسي وانا بسأله بتلقائية
انت بتساعدني ليه
سكت لحظه وهو بيبصلي وعلامات الذهول واضحه علي ملامحه من سؤالي الغريب والمفاجئ
هز رأسه باستغراب
بساعدك ليه
ايوه عايزه اعرف ليه بتساعدني ليه بتعرض حياتك للخطړ عشاني
حط أيده في جيوب بنطلونه وهو بيتنهد وبيرد بجديه
عشان انتي ملكيش ذنب تروحي في الرجلين
مش خاېف
رد باستغراب
اخاڤ من ايه
مش خاېف امجد يعرف انك ظابط وانك مخبيني ويأذيك!
لا مش خاېف اللي بېخاف ده شخص جبان ومش راجل وانا مش جبان يا جنا ..انا اساعد المحتاج واقف معاه لو علي رقبتي ..المهم أن طول مانا موجود محدش يتأذي
قعدت علي طرف السرير وانا بسأله بتوتر
هو انا هفضل هنا قد ايه
للاسف مقدرش احددلك لاني مش عارف أمتي هنقدر نوصل للعصابه كلها
اتنهدت وانا بضغط علي ايدي وبغمض عيني جامد عشان معيطش
رديت بصوت مبحوح
تمام يانادر ش شكرا
محتاجه مني اي حاجه
اه بعد اذنك
ابتسم ابتسامه لطيفه
اتفضلي
م ممكن تخلي بالك
من أهلي و وتعرفهم اني بخير لانهم اكيد قالبين الدنيا عليا
هز رأسه بهدوء
حاضر
طلب كمان
اتفضلي
بلعت ريقي وانا بفرك ايدي بتوتر وبرفع راسي وببص في عيونه
خ خلي بالك من نفسك
ابتسم ابتسامه واسعه برزت الغمازه اللي علي خده اليمين
حاضر وانتي كمان ياجنا ..عن اذنك
لا اله الا الله
محمد رسول الله
فات يوم ورا التاني ورا التالت وانا لسه علي حالي مفيش اي جديد يذكر غير شعوري بالحزن والۏجع
—
واللي بدأ بالتدريج يقل كنت طول عمري بقول ازاي ممكن البني آدم يتخطي بسهوله كده ازاي بعد الخذلان وتحطيم الاحلام والچروح اللي صعب تتداوي ممكن يتخطي ويبقي احسن من الاول بكتير وكان محصلش حاجه من الأساس ! ولكن وجودي هنا في المكان ده علمني درس وقدرت الاقي اجابه علي سؤالي لما رضيت بقضاء ربنا لما صبرت علي الابتلاء لما اتقربت اكتر من ربنا ودعيت وانا كلي أمل أن قلبي يرتاح اني اقدر استوعب واتخطي بأقصي سرعه في كل مره كنت بسجد فيها بحس براحه نفسيه وطبطبه علي قلبي من ربنا
بسم الله الرحمن الرحيم
لا تحزن إن الله معنا فأنزل الله سكينته عليه وأيده بجنود لم تروها
صدق الله العظيم
في وسط شرودي سمعت صوت الباب بيخبط
اتفضل
احم ا انا نادر
قومت من مكاني بلهفه وطلعت اجري علي الباب وفتحته
نادر
ابتسم بحزن
ازيك ياجنا
ملامحه الحزينه ونبره صوته قلقتني في الحقيقه بلعت ريقي ودقات قلبي سريعه
ف في ايه
ا احم م مفيش ا انا انا بس..
قاطعته وعيوني بتلمع بالدموع
في ايه يانادر مين اللي اتأذي من عيلتي
هز رأسه بلهفه وهو بيقرب مني خطوه
لا لا اهلك بخير متقلقيش
ي يبقي امجد مش كده ا امجد حصله حاجه
حط وشه في الأرض بحزن
البقاء لله ياجنا امجد تعيشي انتي
الخبر وقع علي مسامعي زي الصعقه حسيت وقتها روحي خرجت من مكانها جسمي اترعش وحسيت بصداع والرؤيه بدأت تتلاشى بالتدريج
نادر بقلق
جنا جنا انتي سمعاني
غمضت عيني بتعب وانا بستسلم لفقدان الوعي اخر حاجه فاكراها هو صوت نادر وهو بيسندني بدراعه قبل ما اقع علي الارض
بعد مرور ساعه كنت قاعده علي السرير ببص قدامي بشرود بعد ما فوقت نادر قاعد علي كرسي قدام السرير الست الكبيره اللي عايشه معاها قاعده علي طرف السرير ماسكه كوبايه مايه بسكر وهي بتترجاني اشرب منها
يابنتي خديلك بوق طيب يرد روحك
مردتش عليها اكتفيت بالشرود والصمت الممېت
نادر وهو بيتنهد وبيبصلي بحزن
جنا لو سمحتي اسمعي الكلام
هزيت راسي بدموع وانا بغمض عيني جامد وجسمي كله بيتنفض
ابتسم نادر وهو بياخد منها الكوبايه
هاتي يا امي انا هشربها واتفضلي حضرتك ارتاحي
طبطبت علي كتفه بحنان
انا قاعده برا يابني لو احتاجت حاجه قولي
تسلمي ياست الكل كتر خيرك
خرجت من الاوضه ونادر قعد مكانها علي طرف السرير وهو بيبصلي من غير ما ينطق حرف طال الصمت لدقايق انا قاعده ببص قدامي وجوايا فوضي وكركبه وذكريات وكم مشاعر مش قادر احدد اي شعور فيهم الأدق لكن كل اللي اقدر اقوله اني مڼهاره مكانش سهل عليا ابدا كل ده يحصل ورا بعض .مكانش سهل عليا اتقبل كل ده بالسهوله ديه..حاولت كتير اصبر نفسي علي البلاء لكن للاسف نفسي ضعفت ومبقتش حمل خبطه كمان..الخبطه المره دي كانت صعبه اوي في الحقيقه !
ان الله اذا احب عبدا ابتلاه
ضميت ركبي في بعض وسندت راسي عليهم وانا بعيط بصوت مكتوم وبقول بصوت مبحوح
مش قادره ..مش قادره استوعب أنه ماټ يانادر انا ا انا
بتحبيه
رفعت عيوني وانا ببصله بۏجع وخجل في نفس الوقت اني لسه بحب امجد بالرغم من كل اللي حصل !!
ابتسم بتفهم
متقلقيش مش هقول عليكي معندكيش كرامه ولا هقولك متزعليش ولا كل الكلام ده
لان اللي جوا الموضوع غير اللي برا
طبيعي تكوني لسه بتحبيه وخاصه انك متجوزاه عن قصه حب كبيره طبيعي عقلك مش قادر ينسي ولا قادر يستوعب أن بين يوم وليلة تكتشفي أن حبيب عمرك زعيم ماڤيا الشخص اللي وثقتي فيه وسلمتيه عمرك كله وقلبك يطلع بالبشاعه ديه
هزيت راسي وانا بحط ايدي علي قلبي وبحاول اخد نفسي
حط أيده علي ايدي وهو بيبصلي وبيقولي بصدق
انا عارف ان الموضوع صعب وأن اي كلام دلوقتي مش ممكن يداوي چرحك بس بس كل اللي اقدر اقوله اني معاكي مش هسيبك لوحدك أبدا هفضل معاكي
لآخر لحظه لحد ما تبقي كويسه
وانا بسأله بصوت مهزوز
و وانت ذنبك ايه تستحمل اكتئابي يانادر ..ذنبك ايه تضيع وقتك وتيجي علي نفسك عشاني !
اتنهد تنهيده طويله وهو بيبص في عيوني وبيبتسم بحب
ذنبي اني حبيتك
ح حبتني!
وبعدين ده مش ذنب ده قدر ..القدر وقعك في طريقي عشان اكون جنبك في وقت زي ده عشان اسندك لو وقعتي واصلح المكسور جواكي
هزيت راسي بدموع
لا لا يانادر ارجوك لا متضيعش وقتك مع واحده زيا انا انا معرفش ممكن اقوم من الوقعه
—
دي او لا م معرفش حتي لو قومت هقدر افتح قلبي لحد تاني او لا ارجوك متعشمش نفسك متتعبش قلبك معايا انا صعب اوي ارجع زي الاول ص صعب اكون جنا البريئه العفويه المتفائله صعب صدقني انا انطفيت وصعب ارجع زي الاول بنفس الشغف للحياه
ضغط علي ايدي وهو بيقولي بأصرار
مستعد أضحي واضيع عمري كله لو معاكي ياجنا
صدقني هتزهق و
استحاله
نادر ارجوك أ.
انا معاكي وجنبك ياجنا
ضغطت علي أيده وانا بغمض عيني وباخد نفس عميق وجوايا خوف من المجهول لكن مجرد وجود نادر وكلامه وإصراره أنه يفضل جنبي حسسني ولو شويه بالأمان
من يحبنا ونحن في اسوا حالاتنا هم من يستحقون أن يبقوا في قلوبنا إلي الأبد
بعد مرور تلت شهور مرت ايام كتير جدا رجعت بيت اهلي بعد ما اتأكدنا اني في أمان كنت بحاول بكل ما املك اتأقلم واتخطي كنت بحاول اصبر نفسي..ايام كنت بصحي من النوم حاسه اني تمام وناسيه كل حاجه..اوقات تانيه بفضل طول اليوم عايشه في قوقعه الذكريات
الفون بتاعي رن وكان نادر كالعاده
الو
صباح الخير
ص صباح النور يانادر
اخبارك ايه
اتنهدت بحزن
الحمد لله
ممكن أطلب منك طلب!
طبعا
ممكن تقبلي عزومتي علي الغداء
ب بس .
تمام نص ساعه وهكون عندك تحت البيت
نادر
نعم
ميصحش اللي بتعمله ده
انا عملت ايه
مينفعش نفضل بالوضع ده ا انا ست ارمله وانت اعزب و وكلام الناس مش بيرحم حد ده غير أنه حرام ..انا اسفه يا نادر مش هقدر اقبل عزومتك ومش هقدر كمان اتكلم معاك تاني و وربنا يوفقك في حياتك
رد بجمود
يعني ايه ربنا يوفقك في حياتك
عيوني لمعت بالدموع وانا برد بصوت مبحوح
ي يعني احنا بقالنا فتره كبيره اوي علي الحال ده كل مره بحاول اتخطي برجع أميال لورا مش قادر اتعافي من اللي شوفته مش قادر انسي مش قادره ابطل احب امجد حتي بعد اللي حصل و وانت مش ذنبك تفضل مع واحده قلبها مع غيرك انا مش عايزه اظلمك معايا يانادر
بس انا قولتلك انا راضي وموافق افضل معاكي لحد ما تتخطي
ليه يانادر ليه بتضيع وقتك مع واحده صعب تبادلك مشاعرك ايه اللي يجبرك علي كده وانت الف بنت تتمناك والف بنت ممكن تبادلك شعور الحب والاهتمام
اتنهد وهو بيرد بحزن
اللي يجبرني اني بحبك انتي ومش عايز غيرك انتي اللي يجبرني أن صعب الاقي بنت زيك اللي يجبرني أنك انتي البنت الوحيده اللي خلت قلبي يدق ويحبها اللي يجبرني أني اتخليت عن مبدأ اني محبش ولا اتجوز ولا اكون اسره قصاد نظره من عيونك اللي يجبرني أني لو لفيت العالم مش هلاقي حد في جمالك وجمال قلبك وحنيتك دلوقتي عرفتي ايه اللي يجبرني ياجنا
حطيت ايدي علي قلبي وانا ببتسم ابتسامه صغيره من بين دموعي وبهمس بحشرجه
مش هتزهق مني
انا ممكن ازهق من الدنيا كلها ومزهقش منك
تفتكر اني ممكن اتخطي واقدر اعيش
انا معاكي وجنبك وان شاء الله هتقدري
اخدت نفس عميق وانا برفع راسي للسقف
يارب
جنا انا هاجي بليل انا وماما وبابا نطلب ايدك
هه
مش هسمح لحد يقول عنك كلمه وحشه
ب بس
بس ايه ياجنا
انا خاېفه يانادر خاېفه اوي
مني
رديت بلهفه
لا طبعا
اومال من مين
خ خاېفه علي قلبك مني
بس أنا واثق أنك عمرك ما هتأذي قلبي
وان اذيتك ڠصب عني
هسامحك
معقوله!
اللي بيحب بيسامح وانا هسامحك وهعذرك
انا عمري ما قابلت حد واتمسك بيا بالشكل ده
عشان محدش عنده نظر
شكرا يانادر
علي ايه
شكرا انك متخلتش عني شكرا انك مسبتنيش لدماغي شكرا انك موجود
بعد مرور سنه كنت قاعده في بلكونه اوضتي بكتب اخر بارت من روايه بكتبها بعنوان منقذي كانت روايه بتحكي قصه حياتي بالحرف من بدايه ما عرفت امجد والأحداث اللي كانت بتحصل في النص والاحساس اللي
كنت بحس بيه وانا شيفاه جنبي بس مش قادر أوصله حتي عن صدمتي لما عرفت حقيقته عن صدمتي في مۏته وعن الوقت اللي استغرقته عشان اقدر اتخطي كل ده !
كل كلمه كل ابتسامه كل تفصيله كنت بحكيها عن نادر اللي مسابنيش لحظه لدماغي ..كانت الروايه بمثابه مذكره بحكي فيها مشاعر وكلام مش قادر احكي لحد عنهم..وكأن الكتابه هي ملجأي الوحيد للفضفضه في اخر البارت كتبت نهايه قصتي واللي هي اني اتجوزت نادر وأنه أصبح كل دنيتي
كان نادر فعلا منقذي في كل الأوقات ! حبه فيا وقوفه في ظهري كلامه اللي خارج من قلبه
..كلها كانت أشياء كفيله تخلي قلبي يدوب جوا قلبه وينسي ويتخطي..اتنهدت بابتسامه رقيقه وانا بكتب اخر جمله في الروايه
اهداء إلي منقذي
فجاه بدون اسباب لقيتني بمشيلك..ولقيتني بحكيلك كل اللي ما حكيتهوش..ولقيتني بآمنلك..ولقيتني بقي منك..او حد من ناسك..ومع اخر سطر كتبته لقيت اللي بيبوس خدي وهو بيهمس بحب
وحشتيني
سيبت الفون وانا بقوم من مكاني وبحضنه وبسند راسي علي صدره
وانت كمان اوي ياحبيبي
تمت..
