باسل ادخلي نامي في اوضتك تصبحي ع خير
ليندا بكسوف وانت من اهله
باسل خبط علي باب اوضه ليندا وهي فتحت الباب
باسل لينو هي امتحاناتك امتي
ليندا كمان اسبوع
باسل ربنا معاكي دي اخر سنه عايز امتياز
ليندا امممم حاسه اني مش فاكره اي حاجه درستها
باسل انا معاكي هرجعلك علي كل حاجه انا قدمت علي اجازه من الشغل وقاعد معاكي لحد اما تخلصي امتحانات بس عايز اطلب منك طلب
ليندا ايه هو
باسل تروحي للدكتوره نفسيه انتي محتاجه لكده .
ليندا لا
باسل لا ليه قولي سبب الرفض
ليندا مش عارفه
باسل ممكن تروحي جلسه لو ما رتاحتيش متروحيش تاني اتفقنا
ليندا ماشي اتفقنا
باسل الاوضه عجبتك
ليندا اه جميله شكرا ليك
باسل كويس انها عجبتك لو عايزه حاجه قوليلي تصبحي ع خير
ليندا وانت من اهله
باسل دخل اوضته غير ونام ليندا قعدت تفكر وفي الاخر نامت فاقت الصبح علي صوت تلفونها وكانت
ايمان بتتصل بيها
إيمان لسه نايمه يا هانم
ليندا اه . انتي صاحيه بدري ليه
ايمان الساعه ٢ الضهر وانتي مش بتنامي كل ده
ليندا بجد اصلي بليل كنت قلقانه ومنمتش
ايمان تعالي اقعدي معايا عايزه اتكلم معاكي
ليندا هشوف كده وارد عليكي
ايمان اوك سلام يا لي
ليندا دخلت الحمام وغيرت وخرجت كان باسل بيشرب سجاير وواقف في البلكون
ليندا انت بتشرب سجاير
باسل بابتسامه صباح الخير الاول
ليندا صباح النور
باسل اه بشرب سجاير اما بكون مضايق او بفكر
ليندا باسل ممكن اطلب منك طلب
باسل اه طبعا قولي
ليندا عايزه ازور ايمان صحبتي
باسل من عيني بيتها فين وانا هوصلك بس الاول افطري
ليندا انا مليش نفس
باسل اوك يبقي مفيش
خروج غير اما تفطري ها لينو قولتي ايه
ليندا انت بتعاملني زي الاطفال كده ليه
باسل ضحك
علي طريقتها لانك طفله وزي اختي الصغيره كمان
ليندا بس انا مش طفله انا عندي ٢١سنه
باسل وانا عندي ٣١ سنه يعني انا الكبير لازم تسمعي كلام
ليندا مش كبير اوي بطل تحسسني اني طفله لاني بضايق
باسل خلاص متتضيقش كده بس بجد انا بحس بكده اعمل ايه
ليندا متعملش وديني لايمان
باسل افطري الاول .
ليندا ماشي
فطرت ليندا وغيرت هدومه وباسل وصلها لبيت ايمان بعد السلام قعدو يرغو مع بعض
ايمان ليندا قوليلي عرفتي باسل ازاي واتجوزتي بسرعه ليه كده انا معرفتش اكلمك في التليفون
ليندا عينها اتملت بالدموع
ايمان مالك يا حبيبتي احكيلي مش انا صحبتك
ليندا حكت لايمان علي كل حاجه لحد اما اتجوزت من باسل
ايمان بكت بدموع علي صحبتها وحضنتها جامد
ايمان ربنا ينتقم منه متزعليش يا ليندا ربنا عوضك بباسل صدقيني شكله راجل وبيحبك
ليندا ضحكت جامد
ايمان في ايه
ليندا اصل باسل بيعتبرني اخوته الصغيره واتجوزني عشان يحميني من كلام الناس
ايمان انتي متاكده ان باسل اخو باسم .
ليندا اه ليه
ايمان اصل الاتنين غير بعض خالص ده شيطان وده ملاك بجد باسل انسان كويس جدا ومحترم ودمه زي العسل بس انتي يا ليندا حاسه بايه اتجاهه
ليندا سكتت شويه بصي حاليا حاسه انه الامان من كل حاجه حوليا من وقت اللي حصلي وهو جنبي ومسبنيش
ايمان ياريت تحبيه وتكملو حياتكم مع بعض صفاته كلها حلوه شهم وراجل وسيم جدا دمه زي العسل كل صفاته حلوه
ليندا باسل بيعملني زي الاطفال
ايمان هيييح ياريت حسين يعاملني كده مش علي طول پيتخانق معايا
ليندا طيب اما اشوف حسين هقوله
ايمان لا انا بهزر سونه ده عسل
ليندا ايوه كده اتعدلي
ليندا وايمان قضو اليوم مع بعض وباسل اتصل بليندا وسالها يجي يعدي عليها وهي قالتله ماشي
باسل خدها في العربيه بصي احنا هنروح للدكتوره زي ما قولتلك
ليندا انت مصمم ليه
باسل عايز اطمن عليكي بلاش ترفضي ارجوكي هي اكيد هتساعدك
ليندا متوتره هي اول مره تروح للدكتوره امړاض نفسيه باسل وصل للعياده وطلع مع ليندا في العياده وقعدو دقايق
الممرضه اتفضلي الدكتوره في انتظارك
ليندا بصت لباسل بقلق
باسل يلا روحي وانا هستناكي هنا
دخلت ليندا وهي متوتره والدكتوره قبلتها بابتسامه رقيقه
دكتوره سلوي اتفضلي ليندا اقعدي
ليندا قعدت متوتره
دكتوره سلوي عايزاكي تنسي التوتر خالص واتكلمي اكنك بتتكلمي قدام مرايا واوعدك ان اي حاجه هتقوليها هنا مش هتخرج بره الاوضه اتفقنا
ليندا ارتاحت من كلام الدكتوره وفضلت تتكلم معاها كتير
ليندا من وقت اللي حصل وانها خاېفه من كل حاجه من الناس
الدكتوره وباسل
ليندا مش بخاف
—
منه بحس انه بجد بېخاف عليا ونظرت عينه بحس بيها بالامان
الدكتوره انا عايزاكي تكوني قويه وتتعملي مع الموضوع انه حاډثه وقضاء ربنا ولازم ترضي واحمدي ربنا انك متجوزتيش من اللي اغتصبك واتجوزتي من واحد حاسه معاه بالامان حتي لو موضوع الجواز موقت
ليندا بحاول اتعايش مع الموضوع
الدكتوره انهارده كفايه كده عليكي وتعالي اخر الاسبوع اتفقنا .
ليندا سلمت علي الدكتوره وخرجت وهي حاسه براحه
باسل ها شكلك مطمن
ليندا فعلا الدكتور طيبه ومريحه في الكلام
باسل طيب الحمد لله يلا بينا
ليندا ينفع تركن العربيه وننزل نتمشي شويه
باسل وقف العربيه ونزل مع ليندا وفضلو يتمشو ويتكلمو وباسل بيضحكها
باسل اكيد انتي جعانه تعالي ناكول مع بعض بتحبي ماك
ليندا اه طبعا
باسل يلا انا عزمك تعالي
وبعد اما اكلو طلبلها ايس كريم ولاول مره تضحك كده من قلبها ليندا بتفكر في كلام الدكتوره وايمان اللي بيشجعوها انها تقرب من باسل هي بتحس بحنيته معاها بس هو بيقولها انها اخته
باسل كان بيساعد ليندا و بيزاكرلها
باسل ها فهمتي يا لينو وله اعيد
ليندا لا فهمت شكرا
[[system-code:ad:autoads]]باسل العفو يلا هقوم انا اعمل حاجه ناكولها
ليندا لا خليك انا هعمل الاكل انهارده
قامت ليندا ودخلت المطبخ عملت مكرونه وكانت بتحمر البانيه فالزيت جه علي ايديها صوتت جري عليها باسل پخوف
باسل في ايه
ليندا بدموع الزيت حړق ايدي
باسل جاب الدقيق وحطه علي ايديها وطفي الڼار وبعدين جاب مرهم الحروق وحطه علي الحړق ليندا قلبها بيدق جامد من قربه و لاول مره تبصله وتحقق من ملامحه اللي عجبتها جدا وسيم وملامحه كلها رجوله وريحه برفانه جميله خدت نفس طويل باستمتاع وهي مبتسمه وتايهه
باسل لسه بټوجعك
ليندا بتوهان ااه
باسل معلش شويه والمرهم هيعمل مفعول وهتكوني كويسه .
ليندا بتتامل فيه وهو بينفخ في ايديها عشان المرهم ينشف
باسل بهزار طيب كنتي قولتي انك مش عارفه تحمري البانيه كنتي حمرته انا .
ليندا اضايقت انا مش صغيره علي فكره ممكن اي حد يحصله كده في المطبخ ده شئ طبيعي
باسل انا هقوم اكمل البانيه وانتي ارتاحي
دخل المطبخ وليندا إتغاظت منه وراحت وراه .
باسل قولتلك مادخليش المطبخ وارتاحي يا بنتي
ليندا انت شايفني ازاي يا باسل
باسل مش فاهم يعني ايه ازاي
[[system-code:ad:autoads]]ليندا بجد يعني انت شايفني صغيره
باسل عادي
يا لينو انتي مضايقه ليه
ليندا متقوليش يا لينو وانا مضايقه بټعصبني اكتر ع فكره
باسل هههه عايزه تتخنقي يا لينو شكلك وانا مش فاهم ليه
ليندا بعصبيه متغظنيش يا باسل ليه
كل شويه بحس انك بتكلمني زي الطفله انا كبيره علي فكره .
باسل ممكن عشان انا بخاف عليكي وشايفك اختي الصغيره
ليندا بنرفزه بس انا مش اختك ها ومش صغيره كمان
وخرجت علي اوضتها وقفلت الباب جامد
باسل مالها دي
خلص تحمير البانيه وحط الاكل علي السفره وراح خبط ع باب اوضتها
باسل لينو يلا ناكول
ليندا مټعصبه منه لا مش جعانه كل انت
باسل مش هاكل غير معاكي اطلعي بقي يلا عشان خطړي
خرجت ليندا وقعدت علي السفره وهي نفسها تخبطه بحاجه علي دماغه عشان يفوق ويبطل برود خلصو اكل عمل قهوه وقعد معاها
باسل نفسي اعرف بتتعصبي بسرعه ليه
ليندا يعني انت بجد مش شايف نفسك بتعاملني ازاي
باسل طيب قوليلي لو انا غلطت معاكي في حاجه او ضايقتك
ليندا في نفسها المصېبه انك ما بتغلطش .
باسل هاي روحتي فين .
ليندا بسرحان مروحتش
باسل مش بحب اشوفك مضايفه اتكلمي معايا بصراحه وقوليلي مالك انا هسمعك
ليندا باسل انت انسان كويس ومحترم ومؤدب وبتعاملني بطريقه كويسه بس انا بضايق من طريقتك في التعبير بحس انك اقوللهالك ازاي بص يا باسل انا طول عمري عمو صلاح بيعاملني كاني كبيره يعني بيحسسني بكده حتي لو صغيره بس انت بتعاملني عكس كده وده بيضيقني منك بحس انك بتستقل بيا
باسل ابتسم ومسك ايديها وهي بصتله
باسل بس انا مش بستقل بيكي انا بحترمك جدا اسف لو عملت ده من غير قصد بس صدقيني انا بخاف عليكي وعايز احميكي
ليندا متتاسفش انا مش بحكيلك عشان تتاسف انا عايزه افهمك ايه اللي مضيقني منك انا عارفه انك پتخاف عليا وبتحترمني وده انا بحبه فيك بس يا ريت تغير فكرتك عني انا مش صغيره
باسل مش شايفك غير كده .
ليندا وشها احمر من الغيظ وفي سرها يبقي ما بتشوفش
باسل كمل كلامه مش بشوفك غير بنوته بريئه ورقيقه وطيبه وصغيره
ليندا في نفسها مفيش فايده معاه
ليندا باسل انا هقوم انام عشان حاسه بصداع
باسل قام استني اجيبلك مسكن عشان الصداع
ليندا لا شكرا ده ارهاق هنام وهقوم بخير.
.باسل وريني الحړق اللي فايدك لسه بيوجعك
ليندا لا انا كويسه الحمد لله جت سليمه
باسل مسك خدها عشان تحرمي تيجي جنب الڼار
ليندا اووف مفيش فايده فيك .
باسل ليه تاني عملت ايه
ليندا انت مش سامع كلامك اجي جنب الڼار ايه بس انت لو بتكلم طفله مش هتقولها كده وبعدين متمسكش خدودي تاني بضايق
وراحت ع اوضتها وقفلت الباب باسل قاعد وحاسس انها مضايقه بس هو مش شايفه غير انها اخته الصغيره بيعاملها علي الاساس ده وبعدين موضوع اخوه واللي عمله فيها مخليه حاسس بالذنب من ناحيتها ونفسه يعوضها بالحنان خصوصا اما عرف انها زيه يتيمه الام والاب
ليندا بتفكر في باسل وطريقته في التعامل معاها بتستفز انوثاتها خصوصا انه بيعملها كأخت وكمان صغيره .
ليندا لنفسها هو انا ليه مضايقه منه اصلا
بترد ع نفسها ممكن اكون حبيته لا حبيته ايه بس هو شخصيته تخلي اي حد يعجب بيه بس هو مش شايفني اصلا وده اللي مضايقني
لبندا انا مش هشغل نفسي بيه انا بالنسباله اخته وهو كمان اخويا وخلاص لازم افوق كده من الاوهام والهبل ده
الباب خبط قامت تفتح الباب كان باسل جايبلها شكولاته وكاتب عليها ممكن تبتسمي
ليندا بصتلها وابتسمت شكرا يا باسل .
باسل محبتش تنامي وانتي زعلانه
ليندا انا مش زعلانه وشكرا علي الشيوكولاته
باسل العفو عايزه حاجه مني
ليندا لا سلامتك
باسل تصبحي علي خير
ليندا وانت من اهل الخير
الصبح ليندا صحيت بدري وقامت جهزت الفطار وراحت خبطت علي باسل
ليندا صباح النور
باسل صباح الفل عليكي
ليندا يلا نفطر اتاخرت في النوم انهارده
باسل اه كنت سهران ثواني هدخل الحمام واجيلك
ليندا اوكي
خرج باسل وقعد ع السفره شكرا يا لينو ع الفطار الجميل ده
ليندا شكرا ليك انت بتتعب معايا . وكمان دي حاجه بسيطه من اللي انت بتعمله معايا
باسل بطلي الكلام. قوليلي عايزه تعملي ايه انهارده
ليندا مفيش هزاكر شويه .
باسل تيجي نخرج. تغيري جو .
ليندا يا ريت بس هنروح فين
باسل اي مكان نفسك فيه انا معاكي شبيك لبيك
ليندا ضحكت كده انا هستغلك براحتي صح
باسل صح
ليندا تعال نروح سينما
باسل اوكي انهارده عندك ميعاد مع الدكتوره
ليندا اه صح انا نسيت خالص الميعاد
باسل انا فاكر روحي للدكتوره وبعدين نروح سينما وممكن كمان اوديكي دريم بارك
ليندا لا . انا مش عايزه العاب.
باسل ههههههههه خلاص خلاص
ليندا بتحب ټعصبني صح
باسل شويه بحب اشوفك وانتي متنرفزه وشك بيحمر
ليندا انا هريحك مني هقوم ازاكر
باسل لو في حاجه مش فاهمه قوليلي
ليندا اوكي
دخلت ليندا اوضتها وابتدت تزاكر بعدها بفتره خبط باسل ودخل
باسل يلا يا لينو قومي البسي عشان ميعاد
—
الدكتوره
ليندا نص ساعه واكون
جاهزه
خلصت لبست ونزلت راحت للدكتوره وخلصت وبعدين خدها علي السينما
ليندا هدخل الفيلم ده
باسل متأكده
ليندا اه
باسل ده ړعب يا بنتي
ليندا بنتك طيب انا هدخله يا باسل
باسل انتي بتعدني وخلاص صح
ليندا بتحدي اه وهدخل الفيلم
باسل برحتك بس متجيش ټعيطي
ليندا هنشوف
باسل قطع التزاكر ودخل معاها
الفيلم
ليندا بعد وقت حست انها ندمانه
باسل فتحي عينك يا لينو واتفرجي ع الفيلم اللي اخترتيه
ليندا بتفرج ع فكره وعادي مش پيخوف بس عيني ۏجعاني
باسل ضحك عليها .
ليندا بطل ضحك
باسل قام وخدها وخرجو بره الفيلم اما حس انها خاېفه وعندها مش مخليها تعترف صعبت عليه
باسل بطلي عند الفيلم ړعب ووحش اصلا .
ليندا انا مخفتش
باسل انا اللي بخاف مش بحب اتفرج علي ړعب
ليندا يلا نرجع البيت
باسل تعالي نروح مكان تاني
ليندا لا يا عم شكرا انا عايزه ارجع البيت
الامتحانات ابتدت وباسل قام حضر الفطار وليندا صحيت لبست وخرجت كان هو كمان لبس وقاعد مستنيها فطرو مع بعض
ليندا الحمد لله هنزل انا
باسل انا هوصلك وبعدين يلا افتحي بوقك خودي معلقه العسل
[[system-code:ad:autoads]]ليندا مش بحبه
باسل العسل ده مفيد ليكي وكمان بيساعد علي التركيز .
قرب المعلقه من بوقها وهي فتحت بوقها بلعت العسل وشربت مياه
ليندا ها حاجه تاني انا كده هتأخر
باسل لا يلا ننزل .
في العربيه
ليندا انا ممكن اروح لوحدي انا متعوده علي كده مش كل مره هتنزل توصلني الامتحانات شهر
باسل انا مش هسيبك تنزلي لوحدك انسي
ليندا مش عايزه اتعبك
باسل تعبك راحه المهم انتي ركزي في الامتحان
ليندا اوكي متقلقش
باسل اول اما تخلصي الامتحان رني عليا وانا هكون قريب وهجيلك علي طول
ليندا حاضر ياباشا اي تعليمات تاني
باسل باشا ايه بس ركزي وبلاش استعجال
ليندا حاضر حاضر انت متوتر اكتر مني انا اللي همتحن مش انت
باسل بهزار طيب انا مالي عامل كده ليه
ليندا
باسل يلا وصلنا انزلي وخلي بالك من نفسك ومتنسيش تتصلي بيا اول اما تخلصي
ليندا نزلت وقفلت الباب حاضر يا باسل حفظت بااااي
وقف شويه اما اطمن انها دخلت ومشي بالعربيه دخلت وقابلت ايمان سلمت عليها وبعدين دخلو الامتحان بعد اما خلصت الامتحانرنت علي باسل وقاعدت مع ايمان في الكافتيريا بتحكيلها علي باسل
[[system-code:ad:autoads]]ليندا خلاص هفرقع منه .
ايمان بصراحه هو بېخاف عليكي وبيهتم بيكي ودي مش حاجه وحشه
ليندا بس مش بالطريقه دي محسسني اني طفله
ايمان انتي حبيتيه يا ليندا
ليندا مش عارفه جوايا مشاعر كتير بس تقدري تقولي اني معجبه بيه .
ايمان عندك حق بصراحه مز بس المشكله فيكي عايزاكي تغير استايلك كده وتلبسي في البيت حاجه ملفته وتغيري تسريحه شعرك ادلعي كده عليه وقربي منه حاسسيه انك مش طفله . انك انسانه ناضجه
ليندا تفتكري هياكول معاه الكلام ده انا يأست منه
ايمان اكيد اما يحس انك كبيره هيعملك علي الاساس ده .
ليندا ماشي اما نشوف اخرتها ايه معاه
باسل اتصل بيها لينو انتي فين انا في الكليه
ليندا انا في الكافتيريا
باسل راح لعندها ايمي عامله ايه واحشتيني
ليندا بصله باستغراب ايمان الحمد لله انت اخبارك ايه
باسل تمام الحمد لله ها عملتو ايه في الامتحان
ايمان الحمد لله كان حلو
باسل لينو مش بترودي ليه عملتي ايه في الامتحان
ليندا الحمد لله
باسل طيب يلا اوصلكم
رجع علي العربيه ووصل ايمان ع بيتها وبعدين رجع البيت هو وليندا اللي طول الطريق ساكته وبتفكر في كلام ايمان
ليندا دخلت علي اوضتها لازم اغير في نفسي اكيد شايفني طفله وبيعاملني علي الاساس ده
دخلت خدت شاور ولبست فستان قصير شويه وفردت شعرها وحطت ميكاب خفيف ودخلت المطبخ عملت اتنين نسكافيه دخلت اوضه باسل وخبطت كان قاعد علي اللاب ومركز فيه
باسل من غير اما يبصلها تعالي يا لينو
دخلت ليندا واضيقت انه مركز مع اللاب
ليندا باسل عملتلك نسكافيه اشربه قبل ما يبرد
باسل تسلم ايدك
ليندا قاعدت جنبه علي السرير باسل بتعمل ايه
باسل كنت بكلم الشركه وخلصت خلاص
ليندا طيب هات فيلم نتفرج عليه انا مخنوقه
باسل مخنوقه ليه مالك اكلم دكتور
ليندا انا مش تعبانه يا باسل انا زهقانه يعني
باسل اوكي هفرجك علي مسرحيه كوميدي عشان الزهق فتح اللاب وشغل مسرحيه العيال كبرت
ليندا مش مركزه مع المسرحيه مركزه معاه ومضايقه انه مش شايف التغير
ليندا باسل
باسل نعم لينو
ليندا باسل انت حبيت قبل كده
باسل اشمعانه
ليندا جاوبني عايزه اتكلم معاك مخنوقه
باسل اه حبيت
ليندا حاسه بغيره امتي وفين وازاي
باسل ضحك كل ده بصي يا لينو حبيت واحده مضيفه بتشتغل معايا وكنت ناوي اخطبها وبعدين حصلت ظروف وهي بعدت واتجوزت خلاص
ليندا هي لسه بتشتغل معاك
باسل اه
ليندا انت لسه بتحبها
باسل مش عارف مش بفكر فيها زي الاول وله اقدر اقولك اني نسيتها
ليندا هي متجوزها زي ما انت قولت يعني مفروض تنساها وابدا حب من اول وجديد
باسل عندك عروسه ليا يعني
ليندا انت بتستهبل صح
باسل پصدمه نعم .
ليندا مش قصدي والله متزعلش مني انا اسفه
باسل خلاص بس بلاش تتكلمي
بالطريقه دي
ليندا انت بټعصبني بتقولي عروسه وانا ايه كيس جوافه
باسل ضحك ومسك خدها انتي اختي
ليندا زقت ايده انا مش اختك ومش صغيره افهم بقي وبطل غباء انا مراتك فاهم مراتك
خرجت من اوضته ودخلت اوضتها وقفلت الباب باسل اقعد بيستوعب الكلام اللي هيا قلته وزعل منها انها قالتله غبي وقرر انه يخصمها لحد اما تعرف غلطها اما ليندا كمان قررت متكلموش بيوصلها
للجامعه ويرجع ياخدها والاتنين مش بيتكلمو غير في اضيق الحدود الشهر عدي بتاع الامتحانات
ليندا اخيرا خلصت ام السنه دي
ايمان هتعملي ايه مع بيسو
ليندا متفكرنيش ده عدي مراحل الغباء بكتير مش حاسس باي حاجه ومخصماني عشان قولتله يا غبي
ايمان قولتلك اعتذري عيب برضو تقوليله يا غبي
ليندا مش هعتذر منه لانه غبي فعلا .
ايمان مشي امورك يعني .
باسل اتصل بيها ورجعت معاه علي البيت
ليندا باسل انا اسفه اني ضايقتك بكلامي متزعلش بس كنت مخنوقه
باسل ماشي خلاص
ليندا انهارده خلصت اخر امتحان مش هتخرجي زي ما وعدتني
باسل طيب خليها اخر الاسبوع ونسافر مع بعض عندي رحله اتفقنا
ليندا اشطه طيب هنسافر فين
اخر الاسبوع باسل خد لينا معاه في المطار وهي كانت طايره من الفرحه دخل بيها وهي ماسكه ايده زي الطفله مع بابها المضيافات شافو باسل وسلمو عليه وليندا واقفه هتفرقع من الغيره لبسهم ضيق وحاطين ميكاب بطريقه محترفه وكلهم اڠراء وحاسه قد ايه هي جنبهم مش باينه وقالت لنفسها عنده حق ميبصليش شكلها عادي مفيهوش اي اڠراء في لابسها وله حاطه ميكاب زيهم
واحده من المضايفات كل ده غياب واحشتنا
باسل كان في ظروف مناعتني
واحده تاني بس ايه الحلاوه دي
باسل طول عمري علي فكره وانا حلو
