يا مرات ابويا بقولك كل ما اروح هناك الباشا بيزنقني بيتس،فل عليا بيقل ادبو عيزاني افهمك ايه اكتر منك كده
مرات ابوها قالت بسخريه..اصلك الأميره ديانا هيتس،فل عليكي اخلصي لو عمل حاجه واضحه قوليها انما لو عايزه تتهربي من الشغل هقطم رقبتك
قالت بغيظ..طب افهمهالك ازاي اقول ايه اكتر من كده ..طيب هقولك حاجه واضحه بيقولي اطلعي نضفيلي الاوضه ويجي ورايا
مرات ابوها قالت…طب وفيها ايه دي عادي ما ممكن يكون بيجي وراكي علشان خايف على حاجته افرض طلعتي حراميه وسرقتيها
قالت بغضب شديد .. انتي هتجننيني حراميه ايه مانا بروح على طول هناك..وبعدين مش بس كده يعني بعد ما بيدخل يعني بيخليني بنضف كده ويعمل حركات مش ..يا ربي مش عارفه اقول لك ايه المفروض تفهمي لوحدك يا مرات ابويا
ضحكت وقالت.. اللي يجي في الريش بقشيش و مدام بيعملو حركه كده ولا كده مش قصه يعني انا لو مكانك اطلع بمصلحه
بقلم..زهرة الربيع
بصت لها بغضب شديد وقالت… في النهايه انتي برضو لسه عايزاني اروح هناك
قالت بلا مبالاه ….شوفي يا أسرار يا حببتي انتي ابوكي مات يا اختي وسابك ليا وانا مش مضطره اصرف عليكي يعني اعملي بلقمتك وتلحلحيلك شويه…انتي رايحه تنظفي للباشا هيجي وراكي يقول لك كلمه كده لمسه كده عادي واعرفي قيمه نفسك انتي حته خدامه عنده وعمره ما هيبص لك يعني الحاجات دي متدوقش فيها ويلا على شغلك انا تعبانه انهارده
اسرار اتغاظت جدا ومشيت فورا راحت على القصر اللي هم ساكنيين في الجنينه بتاعته ..واول ما دخلت كانت قاعده ست في ال 50 قالت بابتسامه تعالي يا اسرار يا حبيبتي
