البارت التاسع
هنا بتعيط ….اهئ اهئ ..أنا مش بحبك يا أسر أنا بحب زين الجارحييييييي
اهئ اهئ ….
أسر برق عينيه وضحك وقال وربنا مجنونة
هنا لسة بتهلوس…طب خلاص انت صعبت عليا أنا بحبك يا أسر بس هاتلي لبن وانا ارفض اشربه وانت تزعل وتعاقبني بالبووووس اهئ اهئ
أسر انفجر ضحك وقال …وانا معنديش مانع وفضل يعملها كمادات لغاية ما الفجر اذن صلي الفجر وبعدها ما قدرش يقاوم النوم أخدها ف حضنه وحط ايه علي جبهتها عشان يتأكد أن الحرارة نزلت وبعدها راح ف النوم
صحيت هنا الصبح لقت أسر محاوطها بإيده وأيده التانية علي جبهتها اندهشت لان دي اول مرة أسر ياخدها ف حضنه بصت في ملامحه من قريب
هنا بتتكلم بصوت مسموع…الله شكله حلو اوي من قريب ايه دا هو بيحط ماسكرا ولا ايه دي كلها رموش
أسر بصلها بنص فتحة عين كده وقال…ليه متجوزة سوسن عشان احط ماسكرا
هنا اتخضت وانكسفت…ايدا أنت نايم وودنك بتتصنت ولا ايه
أسر ….لا في حد صحاني بصوته المزعج
هنا …احم انت صاحي من امتي
أسر …من اول هو شكله حلو اوي ههههه
هنا ابتسمت بخجل ونزلت عينيها بعيد عن عينيه وبعدين قالت بصدمة ….ايدا أنت جايب فوطة مبللة مية ليه انت كنت ناوي تكتم نفسي وتموتني زي ريا وسكينة ولا ايه
أسر بصدمة…يخرب بيت تفكيرك يا بنتي انتي مش طبيعية اي حد هيشوف فوطة مبللة ميه مالهاش الا تفسير واحد هو أن كنت بعملك كمادات يا هبلة
هنا بعدم فهم …بس انا مش تعبانة
أسر…كنتي بتموتي امبارح ..مش بقولك فقر
هنا ضربته بايدها ف كتفه وقالت …احترم نفسك دانا عسل
ولسة هتقوم تبعد قام شدها ليه وقال …ايه مش عايزة تتعاقبي
هنا بعدم فهم …مش فاهمة ازاي يعني
أسر اقولك ازاي ..💏…أسر بعد عنها وهي مش مستوعبة أنه عمل كده
هنا قامت بسرعة وجريت ع الحمام وهي بتحط أيدها علي شفايفها وبتبتسم
خرجت بعد فترة وصلت الصبح كان هو في الڤراندا وبيفطر
أسر …هنا انهاردة هنوقف صراع توم وجيري اللي بنعمله عايزك تسيبيلي نفسك خااالص
هنا قعدت تفطر …مش فاهمة هنعمل ايه
أسر ….هنعمل ايه دي سيبيها عليا انا
&&&&&&&&&&
ياسمين كانت قاعدة قدام اوضة شادي وبتفرك في ايديها وكل ما دمعتها تنزل تمسحها بسرعة
خرج شادي وهو بيعدل الساعة بتاعته
ياسمين بانكسار…صباح الخير يا شادي
شادي استغرب نبرة صوتها الحزين مش مغرورة زي امبارح
وقال بلا مبالاة وهو بيبص ف ساعته …صباح الخير
لسة هينزل بس هي اتلكمت…شادي انت قلت حاجة لبابا علي معتز
شادي بصلها بغيظ…كل دا خوف عليه
ياسمين بحزن…شادي مافيش داعي انك تقول لبابا حاجة أنا خلاص انفصلت عن معتز كل حاجة انتهت ..وما قدرتش تمسك نفسها وجريت علي اوضتها شادي قلق عليها وكان حابب يعرف السبب بس حب يديها فرصة تقعد لوحدها وتكون علي راحتها سابها ونزل شغله وهو زعلان علي حالتها بس فرحان أنها فاقت وهيكون ليه فرصة أنها تحبه …
&&&&&&&&&
أسر وهنا خلصوا فطار ولبسوا ونزلوا واسر مش راضي يقول لهنا هما رايحين فين ولا هيعملوا ايه
اتأجر عربية وراح عند مول دخلوا وطلب طقم كابل (لبس متشابه)
لبسوا وخرجوا م المول كابل جاحد
هنا كانت هتطير م الفرحة لأنها حاسة أنه أسر بيقرا أفكارها
انطلقوا بالعربية ووقف عند مكان
نزل اتأجر عجلتين
أسر …بتعرفي تسوقي
هنا بفرحة…طبعا انا بعشق العجل اصلا
أسر …نتسابق ولا المرة دي تموتي بجد
هنا ضحكت …لا العجل دا لعبتي يا يسطا
أسر ….يسطا ماشي طب واللي يكسب
هنا بتلقائية …يضرب التاني كف
أسر ضحك وقال …ترضي تضربي جوزك كف قدام الناس
هنا همست له…لا مش قدامهم لما نكون لوحدنا في الأوضة
أسر بنفس الهمس …موافق
وبدأوا السباق ومرة كانت تتقدم هنا وتطلع لسانها لأسر وتضحك ومرة كان يتقدم أسر ويضحك بصوت عالي وهنا كانت تدوب من الضحكة الساحرة دي هو مش بيضحك كتير بس ضحكته حلوة
وفي النهاية أسر هو اللي سبق
نزل م العجلة وقرب عليها كان فيه ت
ناس كتير وأجانب وقالها هتتعاقبي
هنا …يرضيك برضو تضرب المدام وسط الحشد دا كله يابشا الأجانب يبلغوا عنك الشرطة في قضية عنف
أسر ابتسم وقربها ليه اكتر وقال عقابك .غمضت هي م الخوف برقت لما لقت شفايفها أسيرة لشفايفه انصدمت من
جرأته ومافاقتش من صدمتها الا علي صوت تصقيف حار م الأجانب
بعد عنها وابتسم وهي قالت بتوهان…كده الأجانب هيبلغوا عنك في قضية تحرش
وحطت وشها ف الأرض من الكسوف حس بخجلها وابتسم برضي عشان مراته خجولة مسك راسها وخباها ف حضنه عشان ماتشوفش حد وبعدين مسك أيدها وجري بيها ع العجلة ركبها قدامه وركب وانطلق بيها ورفع ايده يشاور باي للأجانب 👋
زياد شاف المشهد دا كله وحس بنار جواه وقال وهو بيحرك أيده علي قلبه …اشمعني هو مش أنا. أنا فضلت اجري وراكي اربع سنين وبتصديني يا بنت ال*****ماشي يا هنا هاكسرك واذلك ورميكي رمية الكلاب وانت يا أسر المسيري اللي ما دفعتك تمن الكف دا غالي اوي
&&&&&&&&&&
قدام الجامعة
ندي….شوفي يا بت يا شيري ندي كلب البحر منزلة ستوري هي وجوزها لابسين كابل
شيري…يعني أسر متقمص الشخصية الطيبة دلوقتي ربنا يهنيها مع الشخصية الطيبة ويبعد الشريرة عنهم
ندي…عقبااااالي يارب
لسة بترفع ايديها للسما لقيته ف وشها هو احمد بوسامته الهادية وبشرته القحمي وعيونه البني وشعره الناعم محاسب بقي
ندي ابتسمت وشيري قالت …بدأنا حب السينما الصامتة …يا بنتي الحب دا اتلغي دا من ايام عبد الحليم حافظ الله يرحمه
احمد قرب عليهم .
احمد…احم …ازيكوا يا بنات
شيري…عاش من شافك يا ابو حميد جي ليه هنا مش اختك اتجوزت وبتقضي شهر العسل
احمد بخجل …اه عارف انا قلت يمكن تحتاجوا حد يوصلكم وكنت قريب من هنا فقلت اوصلكم أنا
ندي ….انت بجد زوق يا احمد
شيري …. والله ..طب يلا وصلنا بقي يا احمد ينوبك فينا ثواب
في العربية
احمد مركز في المراية علي ندي وهي واخدة بالها بس بتبعد عينيها عنه وتبتسم
شيري بصت لاحمد في المراية وضحكت بسخرية يعني بتقوله شايفاك
احمد بضيق….منورة يا شيري
شيري….دا نورك يا ابو حميد بس من رائي ركز ف الطريق لنعمل حادثة
ندي ضحكت وأحمد ابتسم لضحكتها
&&&&&&&&&&
أسر طبعا مستمر في مفاجأته لهنا أخدها علي مطعم جميل وهادي ع البحر ومافهوش ناس كتير واكلوا سي فود
واتصوروا صور كتير مجنونة
وبعدين اسر أخدها ونزلوا المية كانت خايفة وافتكرت لما كانت هتغرق بس أسر طمنها ومسك ايهدها وقالها هاعلمك العوم
&&&&&&&&&
في حتة تانية ف شرم
كمال بتكلم ف الفون
كمال …ايوا معاد تسليم الصفقة اخر النهار هنا ف شرم اومال انا جيت ليه ..اكيد هاستعد كويس ومش عايز حد يعرف معاد التسلم يا اكرم الصفقة كبيرة وانت عارف مافيا رجال الأعمال
اكرم …مش كنت استعنت بخالد المسيري هو يعرف ناس كانت هتجيبلك الصفقة لغاية عندك وكان دخل معاك شريك فيها دي صفقة تقيلة عليك يا كمال
كمال…اكرم دي صفقة العمر وما تقبلش القسمة علي اتنين فاهم ويلا سلام
&&&&&&&&&&&
بالليل
رجع أسر وهنا بعد يوم طويل جدا استلقوا ع السرير من شدة التعب
أسر قرب منها وابتسم وقال تحبي تتعاقبي
هنا بعدم فهم …أسر انت مش طبيعي انهاردة صح
أسر …صح …خدي اشربي كولا زيرو شوجر عشان القعدة شكلها هتحلو وغمز لها 😉
في حتة مقطوعة عند البحر
كمال بيستلم الصفقة وفجأة ينهال عليه الرصاص زي المطر وطلقة تصيب كمال في قلبه
كمال….اااااااااااه …..يتبع
&&&&&&&&&&
البارت انتهي اتمني يعجبكم ❤️
البارت العاشر
رجع أسر وهنا بعد يوم طويل جدا استلقوا ع السرير من شدة التعب
أسر قرب منها وابتسم وقال تحبي تتعاقبي
هنا بعدم فهم …أسر انت مش طبيعي انهاردة صح
أسر …صح …خدي اشربي كولا زيرو شوجر عشان القعدة شكلها هتحلو وغمز لها
هنا….لا مش بحبها
اقترب اسر منها بخبث وقال….اممم لو تخيلنا نفس المشهد والكولا دي مكان اللبن وانتي رافضتي زي ليليان وانا زين يبقي تتعاقبي وضحك بصوت عالي
هنا…أسر انت واثق انك طبيعي أنا ليه حاسة انك مختلف
أسر قرب اكتر …مش انتي بتحبي العقاب دا
هنا بتوتر…مين قالك ..ا..ا…قصدي لا
أسر ابتسم …العصفورة قالتلي ولسة هيقرب منها أكتر بس هي جريت ع الڤراندا وفجأة سمعت اصوات رصاص كتيرة وضربات متتالية هنا غمضت عينيها وقعدت ع الأرض اتكورت حوالين نفسها وحطت ايديها علي ودانها وبقت بحالة رعب وخوف
أسر بص لها بدهشة وقال..هنا انتي كويسة مالك
هنا ….
أسر ….امممم شكله مقلب صح
هنا مازالت مغمضة ومرعوبة من أصوات الرصاص
أسر هزها من كتفها وقال…هنا هنا ايه حصل لك
هنا برعب…بابااااا عايزة بابا وبدأت تعيط
أسر مسكها قومها وحضنها…مالك فهميني وبعدين انتبه لأصوات الرصاص ولسة هيبعد هنا عشان يعرف ايه اللي بيحصل مسكت هنا ف التي شيرت بتاعه جامد وقالت له …لا متسبنيش لوحدي
أسر ….انا معاكي اهدي
&&&&&&&&&
في حتة مقطوعة عند البحر
كمال ييستلم الصفقة وفجأة ينهال عليه الرصاص زي المطر وطلقة تصيب كمال في قلبه
كمال….اااااااااااه
ادخلت الشرطة بسرعة اللي هي كانت جاية بأمر من المخابرات لانهم شكوا في جماعة مجهولين الهوية دخلوا شرم فجر اليوم اللي هما فيه لذلك الشرطة كانت بتراقب الجماعة دول واكتشفوا أنهم مافيا كبيرة كانوا جايين يسرقوا صفقة الأدوية بتاعة كمال السعدني
لفظ السعدني انفاسه الأخيرة ومات
والشرطة قدرت تمسك اتنين من المافيا والباقي هرب وشحنة الأدوية اتحفظت الشرطة عليها عشان يسلموها بصفة رسمية لورثة كمال السعدني
&&&&&&&&&&
هنا مازالت في حالة رعب وبقت زي طفلة ماسكة ف ابوها وخايفة يسيبها ويمشي شالها أسر وهي لسة متمسكة بيه وراحوا ع السرير ونامت في حضنه وبعد ما أتأكد أسر أنها نامت كلم احمد اخو هنا عشان يعرف سبب خوف هنا من أصوات الرصاص
احمد بنوم…الو ونام تاني
أسر ….الو الو احمد انت سامعني
احمد …ايوا يا فندم ايوا دخل العميل اللي بعده رقم حساب ١٢٣٣٥٩٥٩٨٠٠٤٥
أسر ضحك …دا الهبل شكله وراثة ف العيلة قفل ورن تاني
احمد ….الو اسر خير
أسر …اخيرا فوقت.. قلقتك صح
احمد …لا خد راحتك ما حصلش حاجة هنا كويسة
أسر …احمد هي هنا بتخاف من أصوات الرصاص ليه بالطريقة دي .
احمد …ايه رصاص دي بتترعب منه بسبب حادثة حصلت لها وهي صغيرة
أسر باهتمام …احكيلي ايه اللي حصل
احمد…هنا كان عندها خمس سنين ..في يوم شبطت في بابا وكان رايح البنك ف اخدها ومن حظها حصل سطو ع البنك ف اليوم دا وناس كتير اتأذت وناس ماتت واخدوا هنا ضمن الرهاين ومن يومها واتعقدت وفضلت فترة فاقدة الكلام عشان كده بابا من يومها بيعاملها معاملة خاصة ومش بيزعلها ابدا وكمان هو علمها تحدف طماطم وبيض ع الناس هههههه
أسر اضايق لما اتخيل اللي حصل لها …شكرا يا احمد وسوري عشان صحيتك
احمد….لا ولا يهمك تصبح علي خير
أسر قفل وباس جبين هنا وقال…اممم مجنونة وهبلة وفقر ونضيف عليهم معقدة بس بجد خطفتي قلبي ف كام يوم وحاسس اني بعشـ,ـقك من زمان جدااا
أسر افتكر أصوات الرصاص ..يا تري فيه ايه
&&&&&&&&&&
في الصبح
صافي بتفطر كالعادة فجأة دخل البواب ومعاه شنط
جيجي دخلت بسرعة جريت علي صافي حضنتها
صافي …وحشتيني يا بيبي ليه التأخير دا كله
جيجي بغل…كنت بحاول انسي اللي عمله ابن جوزك فيا..بقا بعد ما النادي كله عارف اني خطيبته يعمل كده أنا مش قادرة ابص ف وش حد ولا عايزة اسمع تريقتهم عليا
صافي …ماحدش يقدر يتريق عليكي يا قلبي واللي يسألك قوليله انك انتي اللي سبتي أسر مش هو.
جيجي …مش هيصدقوا عشان عارفين اني هاموت عليه
ياسمين نزلت من اوضتها وقالت بحزن …ازيك جيجي
شادي قبل ما ياسمين تقعد مسك أيدها وقال…عازمك ع الفطار وجرها وراه وكان ماشي بسرعة
&&&&&&&&&&
أسر عرف أنه كمال مات بسبب الصفقة كان بيفكر …ياااه يعني كان ممكن اكون انا أو بابا مكان كمال دلوقتي ..يعني هنا طلعت ملاكي الحارس واللي عملته دا كان خير ليا فعلا ربنا قال( وعسي ان تكرهوا شيئا وهو خير لكم )
هنا صحيت بصت لأسر اللي كان صاحي وبيفكر
هنا وهي بتبعد عن حضنه …صباح الخير
أسر باس جبينها …صباح الفل…كويسة دلوقتي
هنا افتكرت الرصاص …أسر هو ايه اللي حصل امبارح
أسر …مافيش يا حبيبتي ريحي نفسك انتي بس
هنا ابتسمت وقالت بصوت واطي ..حبيبتي
أسر ضمها بحنان…ايوا حبيبتي ومراتي المجنونة الجميلة وهمس ف ودنها (الفقر)وضحك
هنا ضربته …اهو انت اللي فقر
أسر وهو بيقوم…أنا فقر ماااشي كنت عاملك مفاجأة بس خلاص انسي
هنا قامت بسرعة وحضنت دراعه …لا والنبي يا بيه اوعي تلغي المفاجأة أنا بحب المفاجأت
أسر ابتسم ..متجوز متسولة ربنا يعنّي..يلا نجهز عشان هاخدك علي مكاني المفضل هنا
&&&&&&&&&&
في مطعم
ياسمين …انت بتعمل معايا كده ليه يا شادي أنا ما استهلش منك كده ديما كنت بجرحك ف كلامي
شادي…عارف انك ما تستهليش بس حبي ليكي يستاهل اديله فرصة تانية بس كنت حابب اعرف هو معتز عمل معاكي ايه وليه انفصلتوا دا حتي من يومها مش بيجي الشركة
ياسمين …كل اللي اقدر اقوله أنه طلع عندك حق ف كل كلمة كنت بتقولها عنه ..أنا آسفة يا شادي ولسة هتقوم مسك أيدها
شادي…مافطرتيش ..اقعدي
ياسمين …لا هامشي
شادي بعصبية …لسة عنيدة زي مانتي قلت اقعدي
ياسمين دموعها نزلت…انت بقيت بتكرهني يا شادي عشان كده بتتعصب عليا صح
شادي بيحاول يبقي هادي…ياسمين ياريت كنت اقدر اكرهك كنت عملتها من زمان بس انا مش شايف غيرك حبيبتي يمكن ماكنتش باهتم بيكي أو اقولك كلام حلو زي معتز دا لاني بخاف عليكي وكنت شايل كل مشاعري لما تبقي مراتي وحلالي…بس انتي اتسرعتي ولازم تستحملي العقاب واشكريني لاني ماعرفتش أسر حاجة زي دي لغاية دلوقتي انتي عارفة هو بيكره معتز قد ايه
ياسمين ابتسمت بحزن ..وانا موافقة انك تعاقبني لاني ماسمعتش كلامك يا ابن عمي
شادي ابتسم برضي…دي اول مرة تقولي يا ابن عمي
ياسمين ابتسمت بخجل
&&&&&&&&&&&
أسر رابط لهنا قماشة علي عينيها وماسك أيدها وبيوجها
هنا …لسة قدامنا كتير
أسر …لا وصلنا وشال الرباط من عينيها
لقيت شاليه صغير في حتة معزولة عند البحر شكله بدائي جدا مصنوع من أغصان الشجر
هنا بدهشة …هو دا مكانك المفضل
أسر…وهيبقي مكانك المفضل انتي كمان وغمز لها
بعد فترة
أسر مستلقي ع الرمل وهنا جمبه وفجأة سحب غصن شجرة من اللي مصنوع منهم الشاليه ولفه علي شكل خاتم ومسك ايد هنا لبسها الغصن وقال لها ..بحبك
هنا حست انها اول مرة تسمع الكلمة دي منه رغم أنه قالها قبل كده بس ماكنتش طالعة من قلبه
(وما الحب الا إلتقاء قلبين يسمع أحدهم صوت الآخر ..وما الحب الا مشاعر صادقة تخرج من سهام تبدأ بقلبك وتنتهي بقلبي فيتحد القلبان ويصبحا كتلة واحدة )
هنا وعينيها ف الأرض…وانا كمان بحبك
أسر شالها وهمس ف ودنها …انتي جربتي عقاب زين صح …ايه رأيك تجربي عقاب أسر ………يتبع
❤️
