_ نديييييم .
_ أقسم بالله لو صړخت تصحيني كدا تاني لأصطبح علي قفاكي .
_ ما أنت مش راضي تصحي .
_ وأنت مالك .
_ الحق عليا مش عاوزاك تترفد .
_ ياريت والله عشان يبقي في سبب مقنع أطلقك .
عارف إيه اللي بيوجعني ويضايقني .. وإنه لو جاب سيرة الطلاق ولو بالهزار بضايق وقلبي ينقبض .
سبته من غير كلام وهو وقف علي باب المطبخ بعد ما اتوضأ وصلي وأخد شاور .. تقريبا يعني والله أعلم كدا حس علي دمه وجاي يصالحني علي الموضوع وعلي سيرة الطلاق الغم دي .
_ الشرابات فين
أسحب كلامي
طلع معندوش ډم الحمد لله ..
_ وأنا مالي .
_ والله .. مين بيغسلهم .
_ لا أنا مش بغسلك حاجة وأنت عارف .
هو عارف إننا لما پنتخانق مش بغسله هدومه أو أكويله .. وبعصر علي نفسي لمونة عشان أعمله الأكل اللي بيسيبه وينام ..
يارب يكون واخد الموضوع حجة بيتلكك عشان يصالحني ..
_ خلاص هلبس من شراباتك .
أنا مهزقة والله إني بفكر فيه بحسن ظن .. و ……
نهااار أسود
هو قال شراباتي أنا !
طرت عليه بسرعة كان بيلبس في فردة وماسك التانية هيلبسها .. شدتها من إيده وزعقت
ما لكش دعوة بشرباتي .
_ مش لاقي شرباتي .
_ إن شاء الله عنك ما لقيتهم حاجاتي لا وألف لا .
_ هاتي الشراب اخلصي
—
