سكريبت بقلم سولييه نصار

سكريبت بقلم سولييه نصار انا مش عايزة اتطلق ...مش عايزة ... قولتها لأحمد اللي قاعد جمب المأذون ...مكنتش فاهمة هو ليه هيطلقني ...طيب انا عملت ايه ...احمد كان بيبصلي من غير مشاعر ...دموعي مأثرتش فيه المرة دي وكنت مصډومة. .ازاي احمد اللي كان بيعشقني بالشكل ده كرهني مرة واحد ...احمد مش وحش ولا ظالم بالعكس احمد كان بيتمنالي الرضا عمره ما زعلني ولا خانني ولا حتي خلاني ابكي ...فمش فاهمة ايه سر التحول الغريب ده ... بصيت للمأذون وقولت معلش يا شيخ قولوا بس يتكلم معايا...يديني فرصة اتكلم معاه من حقي اعرف هو هيطلقني ليه... انا مش عايز اتكلم معاها. قالها احمد ببرود بس المأذون بصله وقال معلش يا استاذ احمد عشان خاطري اتكلم مع زوجة حضرتك لعل وعسي ربنا يصلح الحال بينكم ... نفخ احمد بضيق وقام وسبقني علي اوضتنا ...دخلت وراه وانا حاسة بالاڼهيار ...أول ما دخلت فضلت ابكي وانا ماسكة ايديه وقولت انا عملت ايه ...قولي ايه غلطتي يا احمد .. انت ليه فجأة عايز تطلقني ...أنا اذيتك في حاجة ...زعلتك طيب ...خلينا نتعابت بس بالله عليك بلاش تخرب بيتنا.... كان هو بيبصلي پغضب وعصبية ...وشه كان احمر وقال من بين اسنانه انا مبقتش عايزك ...ايه مبتفهميش ... سكت ورفع راسه وكمل انا حبيت واحدة تانية وعايزة اتجوزها... رجعت پصدمة ودموعي نزلت ...كنت حاسة قلبي بيتعصر من الألم...حاسة اني ھموت ...فضلت ابكي قدامه ...حسيت نظرة شفقة في عينيه بس زي ما يكون بيحاول يقسي نفسه ...اتنهدت وانا بمسح دموعي وقولت ممكن....ممكن تتجوزها عادي من غير ما تطلقني أنا هقبل ان تكون ليا ضرة ده حقك و.... بس هو قاطعني وقال وهي مش عايزة ضرة عشان كده هطلقك...وحقوقك هتوصلك كاملة بإذن الله أنا مش هأكل عليكي حاجة ... سكت وانا مش راضية اقلل من نفسي اكتر من كده وقولت تمام ربنا يوفقك ...حقك طبعا ... خرج قدامي وانا فضلت شوية في الاوضة ابكي وبعدين خرجت عشان تتم اجراءات الطلاق ... ..... انتهت الإجراءات وبقيت مطلقة رسمي منه ...كنت بلم هدومي في الشنطة وانا بعيط ...مرضتش اقول لأمي حاليا أي حاجة ...احمد كان قاعد بيبصلي بتوتر من بعيد ...بس مفكرش يقرب مني ولا يتكلم ...حسيت أن علي وشه صراع غريب ما بين يواسيني ويبعد عني ...أنا وبجهز هدومي كنت شايفاه بيبصلي پغضب احيانا وبشفقة احيانا ... [خلصت تجهيز هدومي ...قرب احمد وقال هنزل شنطتك تحت وحقك هيوصلك قريب متقلقيش ... هزيت راسي وانا بمسح دموعي فقرب هو مني وقال مكانش لازم تعملي كده ... بصتله بحيرة وكمل انتي اللي ډم..رتي حياتك بإيدك يا هبة ...أنا لما اكتشفت كان نفسي اقټلك بس احمدي ربك اني طلقتك وبس... ولسه هرد عليه عشان افهم هو بيقول ايه جرس الباب رن ...راح هو يفتح الباب ووقف لثواني قدام الباب وهو بيقول مدام حسناء ...كويس اووي أنك جيتي ... طلقت بنتي يا احمد ده أنا هوريك النجوم في عز الظهر .. دخلت امي وقربت مني ...جه احمد من ورانا وقال هتعملي ايه يا حسناء يعني ...هتعمليلي س.حر تاني عشان ارجع لإبنتك زي ما عملتي اولاني عشان اتجوزها!!! ايه ! قولتها پصدمة وذهول فبصلي احمد وقال متعمليش نفسك بريئة يا هبة...يعني متعرفيش ان أمك عملتلي س.حر عشان اتجوزك وابقي خاتم في صباعك !! يتبع الجزء التانيبقلم سولييه نصار ايه !!س.حر! كنت بقولها وانا مصډومة ...ببص لأمي اللي وشها اتغير تماما...احمد ضحك بسخرية وقال قال يعني متعرفيش !..ايه يا هبة متعرفيش ان أمك عملت سحر عشان نتجوز بس لان الخداع مش بيدوم ربنا كشفكم وال..سحر --- اتفك وعرفت كمان ان انتوا اللي عملتوا كده ...بتجوزي بنتك بالسحر يا حسناء ...وطبعا لو كنت زعلتها كنت عملتيلي سحر تاني ما انتي متعودة ... دموعي نزلت وقولت لامي وانا ماسكة ايديها الكلام اللي بيقوله ده مضبوط يا ماما ... لقيته قرب وقالي پغضب متدعيش الغباء يا هبة مش معقول والدتك هتعمل كده من غير علمك ... رجعت لورا وقولت والله ما اعرف حاجة ...وهي مستحيل تعمل كده يا احمد ...امي ... امك س.حرتلي عشان اتجوزك والا تبرري ايه اني اتجوزتك وحبيتك فجأة بعد ما كنت بقولك أنك زي اختي ... دموعي نزلت وانا بفتكر فعلا ان احمد محبنيش ...بس أنا حبيته اووي وهو كان كويس معايا وطيب...أنا كنت ببكي كل يوم عشان محبنيش وامي كانت عارفة لاني مكنتش بخبي عليها حاجة ...بس معقول تعمل كده!!!تخليه يتجوزني بالس.حر ...بصيت لامي اللي كانت ساكتة خالص وقربت منها وقولت ماما قولي ان الكلام ده كدب وانك معملتيش كده ... قولي ان كله كدب ...انتي مستحيل تعملي كده ... بصتلي امي ودموعها نزلت وقالت مقدرتش اشوفك بتتعڈبي ..مقدرتش اشوفك كل يوم فيه قهر في عيونك لانه مش شايفك فقررت أعمل كده ... يعني هبة متعرفش !!! قالها احمد پصدمة فهزت امي راسها وهي بتمسح دموعها وقالت لا هي متعرفش وانا مش ندمانة اني عملت ايدك وكونك تطلق بنتي يبقي انت فتحت علي نفسك ابواب جهنم .. امي كفاية ... زعقت فيها وانا بعيط وكملت حرام اللي عملتيه ده ...ربنا مش هيسامحك ابدا ...ليه كده ...عاجبك دلوقتي اللي حصل ازاي تعملي كده !انتي يا امي !!!ده انتي اللي علمتيني اصلي ...انتي اللي حببتيني في العبادة ...ازاي ايمانك قل للدرجة دي انتي عارفة عقاپ السحر ايه !!انتي كده كفرتي بالله ... زقتني امي وقالت يوووه هو انا عملت كده ليه مش علشان خاطرك ...عشان تتجوزي اللي بتحبيه ...افرض كان أحمد اتجوز واحدة غيرك وقتها كنتي ھتموتي فيها وانا مكنتش هستحمل ...أنا عشان بحبك عملت كده ... صړخت فيها وقولت مكنتيش عملتي كده ...كنتي سبتيني اموت ولا كنت اتجوزت بالخداع ...واهو اتطلقت واتخربت حياتي ..أنا عمري ما هسامحك ...عمر... وفجأة اغمي عليا وحسيت بسائل سخن علي رجلي واخر حاجة سمعتها احمد وامي بيصرخوا بإسمي ... ...... فتحت عيني وانا حاسه بضعف لقيت نفسي في المستشفي وامي واحمد واقفين ...امي اتكلمت وقالت حصلك ڼزيف لأنك حامل في شهرين بس الحمدلله الدكتور لحقك والجنين بخير . حامل!!! قولتها پصدمة فهزت امي راسها ...وقتها دموعي نزلت ...ابني هيجي ويعيش وهو بعيد عن ابوه...هيجي ويشوف ابوه بيكره امه...قطع تفكيري احمد وقال هكلم المأذون عشان نتجوز تاني... ايه قولتها پصدمة فرد هو ابني مش هيتربي بعيد عني ! يتبع الجزء الاخيربقلم سولييه نصار هبة أنا آسف أن خليتك تحسي بكدة ...اسف لو جرحتك من غير قصد بس قدري شعوري أنا دلوقتي متعصب متشوش. ..محتاج وقت عشان أتعود ...أنا عشت في كدبة فترة طويلة وانا... اتكلمت وانا ببكي وقولت وده مش ذنبي يا احمد ...مش أنا اللي طلبت من امي تعمل كده ...أنا ضحېة زيك ...قولي اعمل ايه ...ليه بتلومني أنا ...ليه بتعاقبني أنا...حرام عليكم أنا عشت في نفس الكدبة افتكرت جوزي بيحبني عشان اصحي في يوم والاقي امي عملت سحر عشان يتجوزني....تخيل أنا حاسة قد ايه انا رخيصة لا ومطلوب مني كمان احاول اصلح الوضع معاك وانا اصلا مليش ذنب ...مطلوب استحمل وانا كمان ضحېة ...أنا إنسانة برضه يا احمد وليا طاقة تحمل ...انت اتخدعت وانا اتخدعت كمان ...اتخدعت في امي ...الست اللي ربتني اللي --- افتكرتها واحدة پتخاف ربنا واټدمرت لما اكتشفت انها استخدمت الس..حر. ...ودلوقتي بحاول اتعامل معاها ومفروض انسي عشان دي امي ولازم اصل الرحم ...قولي يا احمد ليه انت بتعاملني كأني أنا المچرمة ليه بتعاقبني أنا عملت ايه طيب ... قرب مني وحاول يمسك أيدي وقال طيب اهدي ... بعدت وهزيت راسي وانا وشي مليان دموع وقولت انا تعبت خلاص ...انت مش هتنسي وانا مش مجبورة اتحمل اللي بيحصل ده عشان كده ... اتنهدت وكملت پألم عشان كده ياريت متردنيش يا احمد وانت ربنا يوفقك في حياتك ... انا عايزة اردك ... قالها فجأة بعدين كمل لو سمحتي يا هبة أنا عارف اني جرحتك من غير قصد بس بطلب فرصة تانية .... اديني بس فرصة عشان خاطر ابننا وانا هعاملك بما يرضي الله .... هزيت راسي فمسك أيدي وقال عارف انك مش هتمنعيني من ابني بس برضه أنا عايزك في حياتي ...عايز ابننا يتربي وسطنا ..أنا بحترمك يا هبة ...صحيح الفترة اللي فاتت زودتها بس انتي استحملتيني وخلاص مش هجرحك تاني بس اديني فرصة أخيرة ...صحيح ممكن قصتنا مش هي اللي قصة حب كبيرة بس حياتنا هتكون قايمة علي الود والاحترام ...هتكون احسن من اي قصة حب .... [اتنهدت ومسحت دموعي ... فكري تاني يا هبة...أنا مش بضغط عليكي بس انا فعلا عايز اكمل حياتي معاكي هزيت راسي وانا بقول موافقة ... ابتسم ليا لأول مرة ... ...... مرت الايام ومعاملة احمد ليا اتغيرت تمام صحيح مبشوفش في عينيه الحب بس كان بيعاملني بكل احترام وانا قررت اعيش بالشكل ده عشان ابني ...يعني اللي حبوا اخدوا ايه الحب مش كفاية اهم حاجة المودة والاحترام ...ده اللي كنت بقنع بيه نفسي بس للاسف من جوايا كنت حاسة بالنقص لأن جوزي مبيحبنيش ...وفكرت هل في يوم هيجي يتجوز غيري ويتخلي عني !!! .... فضلت عايشة بالطريقة دي ايام لحد ما جالي الخبر الم..فجع ...امي ماټت ...وقتها حسيت بشعور غريب...حزن في قلبي ملوش وصف ...دموعي كانت بتنزل لوحدها وانا في جن..ازتها...وأحمد مسابنيش هو اللي قعد في عزا الرجالة وهو اللي كان بياكلني بنفسه بعد الصدمة اللي اتصدمتها خصوصا لما عرفت اني امي كانت تعبانة وبتعاني من کانسر في المخ ...أمي كانت بتعاني ورفضت تقولي قلبي كان مكسور وكنت بعيط علطول ...احمد بعد الچنازة حاول يخفف عني ...فضل جنبي يواسيني ويخرجني من الحالة اللي انا فيها ... مرت الشهور لحد ما ولدت بنت زي القمر ... كنت في المستشفي ...شلتها بين ايديا وبصيت لاحمد اللي بيبصلي بنظرة غريبة ...نظرة حب ليا ...مرضتش احط اي امل واعتبرتها أنها لبنته ..قرب مني وقال ها هتسميها ايه .. ابتسمت بحب وقولت هسميها مايسة ... ...... بعد شهرين ... كنت نومت مايسة اخيرا وانا حاسة راسي ھتنفجر ...بس كله يهون عشان خاطرها ...بصيت لمايسة وهي نايمة وافتكرت امي وعرفت انها وحشتني اووي ...قريتلها الفاتحة وانا بدعي أن ربنا يغفرلها ...فجأة شهقت لما لقيت احمد ... مسحت دموعي بسرعة فراح خلاني ابصله وقال مالك ! هزيت راسي وقولت مفيش افتكرت ماما ... الله يرحمها قالها بحزن ... بصتله پصدمة فقال ببساطة انا مسامحها علي اللي عملته ... شكرا ... عيونه لمعت ومسك أيدي وقال عايزة اقولك علي حاجة ... معرفش ليه اتوترت وقولت وانا بحاول اشتته تحب تاكل .. هبة أنا بحبك ... هزيت راسي وقولت لا يا احمد انا راضية بحياتي كده بلاش تضغط علي نفسك عشان تحبني ... قاطعني وقال پغضب انا فعلا بحبك والكلمة دي طلعت من قلبي ... مسك وشي وقال انا فعلا بحبكالمرة دي مش شفقة ولا سحر ولا اي --- حاجة المرة دي بجد قلبي بيدق ليكي...لما قررت ادي لنفسنا فرصة شوفت جمالك وعرفت أن في حياتي مش هلاقي واحدة زيك جميلة من جوا ومن برا ... دموعي نزلت وقولت بتحبني ...بتحبني انا!! والله العظيم بحبك وانا كمان ]قولتها وانا ببكي ابتسم هو بفرحة وقرب راحت مايسة صحيت وفضلت ټعيط... يوووه روحي لمحطمة اللحظات السعيدة .. ضحكت وانا بشيل مايسة راح احمد قال انتوا اجمل حاجة في حياتي تمت