*العريس ه،رب يوم الفرح، تلاقيه شاف منها حاجة مش كويسة ماهي ف الٱخر تربية ست هنقول ايه يعني، بنات ٱخر زمن*
-اسمي موج عندي ٢٥سنة بابا متوفي من وانا صغيرة وماما ضحت بشابها وراحتها ونزلت اشتغلت ورفضت تتجوز عشان تربيني انا واختي فرح واتخطبت انا و خالد زميلي ف الشغل سنة وحددنا الفرح، بس طلع ندل وهرب يوم فرحنا..
*ف الشغل *
-مساء الخير يا فندم حضرتك طلبتني
_ايوه ياموج، طبعا انت عارفة إن احنا عندنا عجز ف فرع شرم ومحتاجين موظفين.
-ايوه ي فندم بس انا ايه علاقتي بالموضوع..
-بصي ياموج بصراحة انا شايف إنك لو اتنقلتي هناك افضل وخصوصا متزعليش مني يابنتي الموظفين بيتكلموا عنك كتير،هيبقي متوفرلك سكن و مواصلات تبع الشركة وابني معاذ هو ال ماسك الفرع هناك وهيعرفك الشغل ماشي ازاي….
-تمام يا فندم،السفر امتي
-بكره إن شاءالله الساعة ٦
تمام شكرا يا فندم
*ف البيت *
-ليه بس يا ماما مش موافقة هنغير جو وبدموع وف نفس الوقت نبعد عن كلام الناس
-متعيطيش يابنتي حقك عليا وبعدين كلام الناس لا بيقدم ولا بياخر..
-تعبت يا ماما من كلام الناس،كل يوم برواية ومبرر شكل وانا زهقت وقرفت…
-خلاص يابنتي ننقل تبع شغلك الجديد وكدا كدا اختك مسافرة وربك ييسر الامور..
-حاضر ياماما يلا تصبحي علي خير…
-وانت من اهل الخير يابنتي ربنا يريح قلبك قادر ياكريم..
*ف شرم *
-لو سمحت ألاقي فين العنوان دا؟
-اول عمارة ع إيدك الشمال
-تمام شكرا..
