صړخت من الألم أنتي أتجننتي ي ملك !
وحيات أهلك لأندمك ع كل حاجة عملتها قبل كدا
أيه الصوت العالي دا أنتم فكرين نفسكم فين !
هاتولها الأمن دي واحدة ژبالة ومچرمة هي إلا عملت في أبن عمي كدا
الدكتور هاتوا الأمن بسرعة
بصتلها مروة بإبتسامة غيظ الأشكال دي مكنتش تنفع تدخل من الباب أصلا
أؤمر ي دكتور
خد الأنسة دي برا وممنوع تدخل من باب المستشفي خالص وتنبه ع الأمن كدا
تمام ي دكتور أتفضلي معانا ي أنسة
أيه دا أنت أحول بيقولك علي البت إلا قدامك دي مش أنا
أنتي محترمتيش المكان إلا موجودة فيه وصوتك عالي ودا عمل إزعاج للمرضي وأحمدي ربنا أني معملتش فيكي محضر كمان يالا برا
سيف أبن عمي وهيعمل فيكو شكوي سيب إيدي بقولك هي إلا عملت فيه كدا مش أنا ماشي ي ملك رجعالك أنا هندمك ع كل دا
شكرا أوي ي دكتور طمني سيف عامل ايه
الحمد لله الڼزيف مكنش داخلي سيطرنا عليه بس رجله وإيده متجبسين ولازم راحة الايام إلا جاية دي علشان الكسور تلتئم بسرعة
بدموع كسور ! طب ممكن أشوفه
هو لسه في البنج نص ساعة وهيفوق وياريت تروحي الحسابات لعند ما يفوق
حاضر ي دكتور
ألو
هي القاعدة حلوة عندك ولا ايه
ريم مش وقته عاوزاكي تروحي الشركة تسحبي منها فلوس وتجيلي المستشفي بسرعة
مستشفي! حصلك أيه
لما تيجي هفهمك كل حاجة سلام
ملك ملك أسمعي بس
خبطت ملك ع الباب بتوتر
الحمد لله ع سلامتك ي سيف
ال…
تقاطعه بسرعة بص أنا عارفة أني مش من حقي أجي هنا ولا حتي أقف الوقفة دي بس كنت عاوزاك تعرف أنه ااا
وحشتيني
ربنا يخليك وأنت حاسس بإيه دل… أييه أنت قولت أيه دلوقتي !
وحشتيني أوي الكام ساعة إلا بعدتي فيهم عني
ي ربي ميكنش تأثير البنج ي رب
أنتي إلا جبتيني هنا صح
ملك أنتي إلا جبتيني هنا
بصوت عالي ملك !!
ها اه مين ااا أنت كنت بتقول ايه
اه لأ دا شكلي أنا إلا أخدت حقنة البنج وأنتي إلا أتأثرتي بيها طيب أقعدي ارتاحي
اااه رجلي قومي أنا غلطان في ايه ي ملك ما الكراسي قدامك كتير جاية تقعدي ع رجلي المکسورة !
بدموع إيه دا هي رجلك دي إلا مکسورة أنا أسفة والله حقك عليا
خلاص خلاص بټعيطي ليه أنا كويس والله
أحلف أنك كويس كدا
والله أنا كويس كدا
قربت منه وضړبته ع كتفه وبدل أنت كويس ينفع تخضني عليك كدا !
اااه لأ ملك أنتي تطلعي برا
أحم خلاص والنبي أخر مرة
كلمة زيادة وهاخدلك سرير جمبي هنا فاهمة
لأ وع أيه الحمد لله ع سلامتك
هروح أجيبلك أكل وأجي
ياريت لأني جعان أوي ااا بقولك صحيح هي مروة مجتش!
پغضب رجعتله تاني والبيه بيسأل ع الحرباية دي بمناسبة أيه !
حرباية !! أمم طيب تمام أنا هبقي أكلمها وخلاص
سيف أنت عاوز ټعصبني صح قول قول متتكسفش
مسألتنيش يعني مين إلا عمل فيا كدا
بتوتر أنت تعرفهم!
أكيد طبعا
طيب مين هما
الباب أتفتح الحمد لله ع سلامتك ي سيف
قعد بتركيز وإهتمام أنت مين
ملك پصدمة أدم ! بصت وراه لقت ريم معاه
أنا المهندس أدم ي أستاذ سيف أبن عم ملك محصلش وتقبلنا قبل كدا للأسف بس أن شاء الله نتقابل كتير الفترة الجاية دي
أنت عرفت أزاي أننا هنا
اعتبر دي الحمد لله على سلامتك !
أحم لأ مقصدش طبعا الحمد لله ع سلامتك بس أنت لسه واصل من السفر أنهاردة عرفت أزاي أننا هنا
بص لريم بهدوء ريم قابلتني في الشركة وقالت أنك في المستشفي فمكنش ينفع مجيش
شكرا ي باشمهندس ع زيارتك
العفو ع أيه دا واجبي شد حيلك بقي علشان فيه حاجات كتير عاوزين نتكلم فيها لما تخرج عن أذنك
تاني يوم
أيه كل الأكل دا !
دا فطار سيف
دا كله فطار سيف ! أمال فطار المستشفي كلها يبقي ايه
خليكي في حالك ي ست دا أنتي غريبة جدا لازم يتغذي كويس
طب أستني هاجي معاكي
متأخرة خلصي وأبقي تعالي
ملك ملك أستني
هاا
أدم عرف أنك أنتي وسيف أطلقتوا
وقفت پصدمة أنتي بتقولي أيه !!
أصل هو كان ااا
كان ايه أنطقي
بصراحة كان في الشركة وأنا بسحب الفلوس زي ما قولتيلي وعرف مني أنهم ليكي ووقعني بالكلام وهو بيسألني عن سيف وقولت أنكم أطلقتوا
ملك أنا أسفة والله مكنتش أقصد هو أنا عكيت الدنيا أوي!
أنا ماشية
طب طب عاقبيني زعقيلي بس متسكتيش كدا بالله
سيف زمانه صحي لازم يفطر علشان ياخد الدوا نتكلم بعدين سلام
لسه بتفتح الباب لقت أدم في وشها
في المستشفي
باب الأوضة بيخبط
تعالي ي ملك
دخلت مروة بغيظ وإبتسامة زائفة يعني مش وحشتك ولا ايه ينفع متسألش عليا كدا
مروة ! سألت عليكي كتير تعالي أقعدي
جبتلك فطار عارفة أنك لسه مفطرتش
ما هي ملك قالتلي هت..
تقاطعه أوف زفتة تاني ! سيف أنت مش ملاحظ أنها خلاص مبقتش مراتك ولا تكون دخل عليك جو التمثيل إلا عملته دا
تمثيل ! قصدك ايه
قصدي أنك شايف أنها صدفة تجيلك البيت فجأة كدا من غير أي أسباب و وقت ما حصلك كمان !
ولا صدفة أن التلات رجالة دول يعملوا فيك كدا بعد ليلة طلاقكم ع طول !
عندك حق أنا حتي لما قولتلها أني عارف مين إلا عمل فيا كدا مش لقيتها متفاجئة أو حتي مهتمية تعرف
بتلقائية شفت بقي لأن أكيد أدم أبن عمها متفق معاها تيجي وتعمل الشويتين دول بعد ما يعمل فيك كدا علشان مش تشك فيها
وأنتي عرفتي منين أنه أدم إلا عمل فيا كدا ي مروة !
ااا ما هو أكيد إلا عمل كدا أمال مين يعني ممكن يكون بيكرهك غيره وعاوز يخلص منك علشان يقرب من ملك مجرد توقع مش أكتر يالا
بقي علشان تاكل
وبرضو عرفتي أنهم كانوا تلات رجالة من توقعاتك
بلعت ريقها پخوف وقلق هو اا أنا كنت
الباب أتفتح في الوقت دا
مروة پخوف البوليس!!
راحة فين ي ملك
أدم !
لسيف مش كدا
لأ أبدا محصلش
بعصبية يعلي صوته ملك !!
پخوف أيوا راحة لسيف
تعالي ورايا
بصت لريم پخوف طب خلاص مش هروح
ملك قولت تعالي ورايا متأخرين
متأخرين ع أيه
أوف خمس سنين ومتغيرتيش لسه رغاية برضو
يالا أركبي
أيه هتفضلي ساكتة كدا كتير
أظن ملحقتيش تنسي طبعي وأني مبحبش أكلم حد وميردش عليا
مش عاوزة أتكلم
زعلانة علشان مرحتيش لسيف
طلقك ليه
لسه بتحبيه!
جايبنى الشركة ليه دلوقتي مبحبش أجي هنا
أنزلي
هتفضلي واقفة كدا كتير
عاوزة أمشي من هنا
تمشي أيه أنتي ناسية أن ليكي في أسهم الشركة دي من ميراثك!
مش قادرة بفتكر بابا في كل مكان هنا
يعني الكلام إلا كان بيوصلي صح ومكنتيش بتيجي ولا بتابعي الشغل خالص
قصدك أنك بتراقبني يعني !
أنتي بنت عمي وأنا واصي عليكي بعد عمي الله يرحمه ولو كنت هنا وقت ما ماټ أكيد مكنتش هسمح تعملي في نفسك إلا عملتيه دا
قصدك ايه مش فاهمة
بقي ملك مهران بنت مهران بيه أكبر رجل أعمال تروح تعمل أتفاق مع واحد ملوش تلاتين لازمة علشان يتجوزها
لا الموضوع مش زي ما أنت فاهم ع فكرة
قام من ع كرسي المكتب وقرب منها بنت زيك جميلة وتعليم كويس وبنت عيلة تبص لواحد زي سيف دا بتاع أيه !
أنت بتقرب كدا ليه ي أدم
بقي العيون العسلية الجميلة دي معرفتش تميز بين الا بيستاهل وإلا ميستاهلش !
أدم أنت ااا
حط إيده ع بوقها ششش كفاية كلام بقي
نزلت دموعها پخوف وعيونها بتبص حوليها بتتمني حد ييجي
ملك أنا لازم أقولك على حاجة مهمة كنت عاوز أقولهالك من ساعة ما شوفتك أنهاردة
تخاف أكتر من ملامح وشه الجادة والمجهولة
قرب من ودنها أكتر أنا جعان أوي وريحة الأكل إلا معاكي دي مجننة أهلي متيجي نفطر سوا
برقتله پصدمة قعد ع المكتب وفرد الأكل
الله ع الجمال لسه نفسك في الأكل ملوش مثيل ع رأي عمي الله يرحمه
هتفضلي واقفة عندك
—
كدا كتير
ها لأ
براحتك أنا عن نفسي مش هقدر أمسك نفسي عن جمال الأكل دا
أدم أنت عاوز مني أيه
سؤال حلو بس الملوخية دي أحلي والله عشقي
سألتك سؤال ع فكرة
عاوزك تبعدي عن الواد إلا أسمه سيف دا خالص
ودا بصفتك أيه
والله لحد دلوقتي بصفتي أبن عمك والواصي عليكي حابة يكون بصفة تانية معنديش مانع
يعني أيه
بعدين هتفهمي أنا حذرتك وبس المستشفي دي متعتبهاش تاني وسيف دا تنسيه نهائي مفهوم !
ومن بكرا الصبح تكوني هنا في الشركة علشان تبدأي شغل
أنت ليك علاقة بالناس إلا ضړبوه
كلي ي ملك
يعني فعلا عملت كدا !
برقلها بقوة
أحم حاضر باكل أهو
في المستشفي
مروة پخوف البوليس
أقعدي ي مروة
عامل ايه دلوقتي ي سيف
الحمد لله ي باشا بخير
يعني نقدر نفتح التحقيق دلوقتي
بص لمروة وبعدها للظابط عملية سطو مش أكتر أنا عمري ما شفت الناس دي قبل كدا ولا المفروض أني بكون في البيت متأخر كدا بكون نزلت الشغل أكيد حد كان عاوز يسرق الشقة
هو فيه حد بيسرق شقة الساعة ٩ الصبح !
يمكن علشان محدش يشك فيهم
يعني مش بتشك فى حد يكون هو السبب في الموضوع دا
أبدا ي فندم وأنا معتقدش أنها ممكن تتكرر تاني
طيب أنا هقفل المحضر ع كدا ألف سلامة عليك عن أذنك
أخدت نفسها وبتوتر هو ااا هو مين قالك أنهم كانوا جايين يسرقوك!
نفس إلا قالك أنهم كانوا تلات رجالة مش أكتر
أحم أيه دا قصدك ايه
إحساسي يعني مش إحساسك إلا قالك أنهم كانوا تلاتة بس !
اه اه طيب هروح أجيبلك الفطار وأجي
الفطار قدامك أهو
اه صح
الباب خبط
أدخل
لا لا ع فكرة زعلان منك يعني كدا محدش يقولي غير بعدها بيوم كمان ينفع كدا
تعالي ي سليم
عامل ايه ي صاحبي دلوقتي طمني عليك
أهو زي ما أنت شايف الحمد لله
طيب أسيبكم مع بعض شويه عن أذنكم
أيه ي عم أنت بقي اليوم إلا أكلمك فيه أصحيك تيجي الشغل تاني متجيش واليوم التاني أكلمك ألاقيك في المستشفي !
معلشي أصل بحب أخد الويك إند في المستشفي كتغيير جو
أنت بتهزر !
شايفني مفيش فيا حتة سليمة قدامك عاوزني أقولك أيه يعني
مين عمل فيك كدا
بشرود مش مهم
يعني أيه أنت عارف مين إلا عمل كدا !
أيوا عرفت يعني بنسبة ٩٠
وليه مقلتش للظابط
علشان هنتقم بنفسي مش هستني البوليس يجيبلي حقي
بتتكلم عن مين !
ملك
أيه ملك مراتك إلا عملت فيك كدا !!!
لأ طبعا ي ذكي قصدي إلا عمل كدا عاوز يبعدني عن ملك
ومين ليه مصلحة في كدا
كتير ي سليم كتيرر أنا غلطت غلطة عمري أني طلقتها
أنا مبقتش فاهم حاجة خالص
أنا وملك أطلقنا
بتهزر !! دا أنت كنت متمسك بيها أوي وعارف أنها بتحبك
علشان كدا طلقتها
أنت عبيط ولا ايه يعني أيه طلقتها هو إلا بيحب اليومين دول بيبعد عنه !
مكنتش عارف أني بحبها لما أتجوزتها مكنتش في بالي أوي كان كل همي أخرجها من الحزن إلا كانت فيه بسبب مۏت والدها
قاعدتوا مع بعض سنة كاملة أيه محستش أتجاها بأي حاجة تستاهل تحاول تحبها !
عارف لما تكون حياتك مكركبة وييجي حد من غير أي مجهود منك يرتبها ومش يبقي عاوز منك أي مقابل في الأول هتتبسط وهيجذب أنتباهك بس بعد كدا مش هتحس أنه موجود أصلا وهتحس أنه حاجة طبيعي لدرجة أنك مش خاېف تخسره لأنك حاسس أنه هو إلا محتاجلك مش أنت وتكتشف أنك طلعت مغفل في الاخر !
أنا مش فاهم حاجة
أنا المغفل دا ي سليم أنا إلا فكرت من كتر أهتمامها بينا أنها محتجالي أكتر ما أنا محتاجلها وطلع العكس
مع أول يوم سبتها فيه حياتي أتكركبت تاني وتكسرت
أول مرة أشوفك بتتكلم عنها بالشكل دا
يمكن دي أول مرة أحس فيها أني بشوف بجد
حبتها!
مش عارف بس بحس وهي بعيدة أني وحيد في وسط ناس معرفهاش
وحشتني اوي وعاوز أشوفها مش عارف مجتش ليه
طب ما تكلمها
أكلمها أقولها مجتيش ليا ليه أنت بتهزر !
أيوا صح طب ما تكلم ريم صحبتها
لأ أستني يمكن يكون وراها حاجة مهمة
يعني ھتموت وتشوفها وفي نفس الوقت مش عاوز تكلمها تيجي بجد مشوفتش في تفكيرك دا
بعد أسبوع
أيه دا ي ملك دا شغل !
حاولت
دا أسمه تهريج الحسابات كلها ملخبطة ودايما سرحانة وشغلك ناقص
قولتلك مش عاوزة أجي هنا
مش بمزاجك دي فلوسك ولما تكملي السن القانوني هتبقي مسئولة عن فلوس وأملاك مينفعش تبقي مش عارفة تديري أملاكك أزاي
بدموع أنا أعصابي تعبانة مش قادرة أستحمل بقالي أسبوع مش بخرج من البيت حتي ريم مش بتخليني أشوفها ولا أطمن ع صحابي
تطمني ع صحابك ولا ع سيف
أنت ليه حاطه في دماغك
هو مين علشان أشغل بالي بيه أنا عاوزة أسألك أنتي السؤال دا حطاه في دماغك ليه!
سيف صاحبي ومريض والمفروض كنت أروح أطمن عليه
أسمه طليقك مش صاحبك فوقي بقي وبصي لنفسك ولشكلك قدامه وقدام الناس
وأنا شكلي ماله يعني
واحد طلقك ورماكي بعد ما فضلتي معاه سنة تخدميه وهو ولا حاسس بيكي ويوم ما السنة خلصت مترددش تانية أنه يرميكي ومع ذلك لسه بتشوفيه وبتروحي بيته تفتكري هيفكر فيكي أزاي يتعلي في عينه أزاي وأنتي مرخصة نفسك !
بعياط أنت إلا مريض وتفكيرك مريض زيك
مسكها من دراعها بقوة لأخر مرة بحذرك بلاش تختبري صبري معاكي ي ملك كلامي يتسمع وبس
لأ وهخرج من هنا وهعمل إلا أنا عاوزاه
بضيق وعصبية هو أزاي مسيطر عليكي كدا
هو طلقني علشان فاكر أني أنا إلا عاوزة كدا ولأنه كان أتفاق ما بنا
أنتي مصدقة نفسك والكلام الفارغ دا
دي الحقيقة
ماشي ي ملك أنتي إلا أخترتي أعملي حسابك كتب الكتاب هيبقي الخميس الجاي
بفرحة بجد سيف هيتجوزني
كتب كتابنا أنا وأنتي
مين !!
أعملي حسابك كتب الكتاب هيبقي الخميس الجاي
بفرحة بجد سيف هيرجعني!
كتب كتابنا أنا وأنتي
مين !!
ملك وأدم
بعصبية أخرس دا ع چثتي
مش مهم ع أيه المهم أنه هيبقي الخميس الجاي
مسكت الكوباية الميه ورمتها بغيظ أنت جايب الجبروت دا منين أيه هتشتريني!
لأ والله خفت أنا كدا صح
ماشي ي أدم براحتك في الآخر هيحصل إلا أنا عاوزاه
شربة الخضار دي حكاية تجربي
تخرج من المكتب بغيظ وهي بتبرطم پغضب
ألوو
أيه ي بنتي كل دا علشان تردي عليا
ريم قابلينى في الكافيه بسرعة
ماله صوتك أنتي بټعيطي
متتأخريش سلام
في الكافيه
أيه ي حببتي قلقتينى
ريم أنا في مصېبة حاسة أن الدنيا بتقفل في وشي
أنتي بتقلقينى ليه أتكلمي ع طول مالك
أدم
ماله محور الكون دا
عاوز يتجوزني الخميس الجاي
بجد ! دا ينهار ألف مبروك دي دموع الفرحة صح
فرحة في عينك بقولك أدم هيتجوزني أنا بحب سيف ومش هقدر أبقي مع حد غيره
بقي حد يسيب أدم ويبص لسيف مش كفاية إلا عمله فيكي !
ع فكرة أنا مش جيباكي علشان تدينى محاضرة زي البيه التاني
طيب أهدي وقوليلي أنت ناويه ع أيه
ناوية أهرب
نعم أنتي أتجننتي!
أنا ماشية
خلاص خلاص أنا أسفة أقعدي بس أنتي من كل عقلك بتفكري في كدا
يعني أتجوزه ڠصب دا إلا عادي بالنسبالك مش كفاية بقالي أسبوع مشفتش سيف زمانه قلقان عليا ومش لاقي إلا يهتم بيه
أيه ما هو معاه الست مروة
أنتي بتستفزيني يعنى !
ملك فوقي سيف مفكرش يسأل فيكي طول الفترة إلا فاتت دي ولا حتي كلف نفسه وكلمنى أطمن عليكي
بتهزري !
شفتي بقي
يبقي أكيد تعبان أنا لازم أروحله وأطمن عليه
أقعدي هنا بقي وشغلي دماغك دي شويه أنتي أيه مفيش فايدة فيكي مش قادرة تشوفي غير سيف وبس
بدموع عارفه أني بتلزق فيه زيادة عن اللزوم وبسامحه رغم أي حاجة بيعملها فيا بس هو بيحبي أنا حاسة كدا ومتأكدة كمان أنه ندمان ع كل حاجة حصلت أكيد من حقه أديله فرصة تانية كلنا بنغلط
دا مش فكر يعتذر مرة ويعترف بغلطه وأنتي متأكدة أنه ندمان جايبة الثقة دي منين إن شاء الله
قالي وحشتينى لما روحتله المستشفي
لأ خلاص أنا معنتش هتعصب تاني بجد حرام إلا بيتعمل فيا دا
طب بصي أنا هروحله وهقوله وأكيد هو مش هيسمح للجوازة دي أنها تتم وبكدا هيثبت للكل أنه بيحبني
بلاش ي ملك علشان خاطري بلاش أدم لو عرف أنك روحتيله هيعمل مشكلة
وأنا لو أتجوزت أدم هعيش عمري كله في مشاكل معاه لأني لا قابلاه ولا عندي أستعداد أتقبله في أي وضع
أيه الكره دا أنتي قولتيلي أنكم كنتو صحاب أوي وأنتم صغيرين أيه إلا حصل!
أدم أتغير ي ريم بقي واحد تاني واحد عاوز يفرض نفسه عليا وبس أنا بخاف منه أكتر ما بطمنله
طيب جربي أتكلمي معاه شوفيه هيقولك أيه
يظهر أن الفهم عندك بطئ بقولك فرض عليا الجواز يعني ڠصب عليا ودا لو حصل يبقي عمري ما هبقي حرة تاني
يعني دا أخر كلام
أيوا بس لازم أشوف سيف الأول وأطمن عليه وأقوله أكيد مش هيسمح الموضوع دا أنه يتم
مش عارفة جايبة الثقة فيه دي منين
بس بقي أنت عمرك ما هتفهميني
تاني يوم
الباب يخبط
أيوا حاضر جاية
أدم
فين ملك ي ريم
هي مش في الفيلا
ملك من أمبارح وقالت هتبات عندك هي فين متحوريش
أه هي فعلا كانت هنا بس نزلت من بدري بحسبها راحت تغير هدومها في الفيلا
يعني أيه الكلام دا راحت فين !
أهدي بس هي أكيد راحت تجيب حاجة أو غيرت رأيها وراحت الشركة
بنظرة حادة أنتي عارفه لو كنتي بتحوري عليا وبداري عليها هعمل فيكي ايه
صدقني أنا معرفش حاجة طب أقعد أعملك نسكافيه معايا طب فطار طيب
ي ربي منك ي ملك شكلك هتوديني في داهية
أزيك ي عم محمد هو مين فوق
أنتي مين ي ست أنتي وعرفتي أسمي أزاي
شش وطي صوتك رفعت النقاب أنا ملك
أيه دا ست ملك ي أهلا وأنا بقول العمارة نورت كدا ليه
عالي صوتك كمان يالا كدا مش هينفع لسه فيه أتنين في العمارة معرفوش أني ملك
أسف ي هانم أصلك بقالك أسبوع مجتيش والست مروة هي إلا ع طول فوق
أيه مروة !!
أيوا ي هانم بس صحيح أنتي عاملة في نفسك كدا ليه
عارف ي عم محمد الفضول دا حاجة متعبة جدا منصحكش بالتعمق فيها
وأنتي عرفتي منين ي هانم
أصل هو نفس الفضول إلا هيموتني وأعرف بيعملوا ايه فوق دلوقتي
طب ما تطلعي ي هانم هو أنتي معكيش نسخة من المفتاح !
للأسف لأ كنت أدتهاله يوم ما مشيت
طيب ما أنا معايا نسخة خديها
أيه دا بجد معاك نسخة طب أزاي !
أدهالي من ساعة ما جه من المستشفي علشان أطلعله الطلبات كل يوم الصبح أنتي عارفه أن رجليه متجبسه فعلشان مش يتعب كل شويه لما أخبط عليه
خلاص أنت هتحكيلي قصة حياتك حبيبي ي عم محمد فين بقي المفتاح دا
أهو ي ست هانم ودي الطلبات بتاعته لمؤاخذة يعني خديها معاكي وأنتي طالعة أصل ضهري تعبني قوي قوي ومش قادر
—
أطلعها هيهيهي
عم محمد ع فكرة أنت دمك يلطش هه
طلعت بالراحة وفتحت الباب ملكتش حد في الصالة ومفيش صوت لحد منهم قرب أكتر من أوضة نوم سيف وهي بتحمد ربنا أن كلام عم محمد مش صح وأنها مش موجودة ولسه بتفتح الباب لقت الباب مش مقفول كويس وفجأة لمحت مروة وهي في حضڼ سيف ! …..
بصت لقته في حضڼ مروة
حطت إيديها ع بوقها پصدمة ودموعها نزلت
سيف أنا بحبك أوي
سمعتها ملك پقهرة وقلب مكسور وهي شايفة إيد سيف محاوط وسطها نزلت بسرعة وهي بټعيط خبطت في عم محمد وقع الطلبات ع الأرض
مشيت بسرعة من غير ما تبصله وهي عيونها مليانة دموع
ي خسارة البيض دا أنا بقالي ساعة بنقي فيه عن البقال يالا ربنا يعوض عليا هروح أجيب غيره
رفع سيف رأسه من ع كتف مروة بخضة وكأنه مكنش مصدق إلا حصل
سيف ملك أنت كويس
مروة لأ إلا حصل دا غلط أنا مينفعش أخون ملك ومكنش ينفع دا أنه يحصل
بس أنا بحبك بجد وهي مبقتش مراتك
أنتي أختي
لأ أنا مش أختك ولا حاجة أنا بحبك هي يعني ملك أحسن مني في أيه علشان تحبها دا كله وأنا لأ !
مروة لو سمحتي
هي عمرها ما هتحبك قدي ي سيف برغم قربك منها وجوازك ليها أستحملت وفضلت محافظة ع حبي ليك وكان كلي أمل أنه ييجي اليوم إلا تحس فيه بمشاعري ناحيتك
كفاية بقي كفااية أنت عارفة أني بحب ملك ولو كنت سمحت أنك تقربي مني فدا علشان غلاوتك عندي وأنك صحبتي وبنت عمي
بدموع فيها أيه زيادة عني ملك دي
ولو كنت بتحبها أوي كدا ليه قربتني منك وخلتني أتعلق بيك وفهمتني أنه مجرد أتفاق بينك وبنها وهتطلقوا وهتنساها !
مروة أفهميني أنا
بعياط كفاية كدب بقي كفاااية
أخدت شنطتها ونزلت جري وهي بټعيط خبطت في عم محمد وقع طبق البيض التاني سابته ومشيت وهي بټعيط
لأ بقي كدا كتير حق البيض هاخده يعني هاخده هه
في الفيلا
شرفتي ي هانم
بدموع تبص في الأرض وتطلع ع أوضتها
أستني هنا أنا بكلمك
