الميتة بيخرج من بوقها تعبان والسر ما يخطرش علي بال حد (المغسلة) رعب
انا ام احمد المغسلة طبعا عارفني كويس انا النهارده جايبة لكم حكاية غريبة جدا بس قبل ما ابدأها كنت في يوم نايمة وسمعت دوشة كبيرة في المنطقة اللي انا ساكنة فيها وبعدها لقيت حنان بتصحيني وبتقولي
حنان
صباح الخير يا ماما انتي صاحيه انا كنت داخله اصحيكي دلوقتي
ام احمد
هي ايه الدوشة اللي في الشارع يا حنان يابنتي هو ايه اللي حصل انا مش عارفة هو الواحد مبقاش بيعرف يرتاح شوية كده ليه
حنان
ماهو كنت جايه اصحيكي عشان كده يا ماما اصل عم محروس التربي بيقول ان مراتة مـ,ـاتت مـ,ـوتة وحشة اوي ومحدش عارف ايه السبب
ام احمد
لا حول ولا قوة الا بالله مـ,ـوتة وحشة يعني ايه يابنتي وبعدين يا حنان انتي تقصدي ان في حد قتـ,ـلها ولا ايه يا بنتي الحكاية
حنان
انا معرفش حاجة والله يا ماما انا كل اللي سمعتة ان مرات عم محروس راحت والناس بتقول انها بيطلع من جسمها ومن بوقها تعبان بس ايه السر مش عارفه
ام احمد
طيب يا بنتي قال ياخبر بفلوس ودلوقتي طبعا هتلاقي محروس جاي يقولي تعالي غسلي مراتي مش كده برضو
حنان
. هو جه وسأل عليكي واحمد رد عليه وفضل يترجى احمد عشان يخليكي تروحي تغسليها اصل مفيش حد عايز يروح يغسلها خالص كلهم خايفين منها
ام احمد
لا اله الا الله وهو يعني المـ,ـيت بيخوف ياولاد ده حتى اكتر ناس هاديه ومسالمة في الدنيا الناس اللي بتمـ,ـوت دي يابنتي يلا هنقول كل من عليها فان ويبقا وجه ربك ذو الجلال والإكرام
ودخل احمد ابني وقالي
احمد
عم محروس جاي يقولي انه عايزك تروحي تغسلي مراتة يا امي بس انا بقول بلاش تروحي عشان مايحصلش حاجة وانتي هناك لسمح الله وتحصل اي مشاكل هناك لانه بيقولي ان اخوات مراتة عاملين مشاكل
ام احمد
طيب وهما عاملين مشاكل ليه يا احمد ايه الحكاية دي يعني
احمد
بيقولي انهم بيتهموه بقـ,ـتلها وهو معملش كده واصلا النيابة برئتة لما اثبتت ان الحـ,ـادث ضد مجهول هما بقا مش مصدقين خالص الحكاية دي
ام احمد
طيب وهما معرفوش يثبتو يعني اي حاجة على اي حد خالص يعني دم الوليه راح كده
حنان
لا بس في ناس بتقول ان العفاريت والجن والحاجات دي هي اللي عملت فيها بدليل التعابين اللي بتخرج منها دي
ام احمد
ماهي برضو حكاية التعابين دي اللي مخلياني دماغي عماله تودي وتجيب يا ترى هانم عملت ايه عشان يحصلها كده
احمد
الله أعلى واعلم يا امي وانا طبعا عارفك كويس انتي مش هتسكتي قبل ما تعرفي حكاية هانم مرات محروس التربي ايه ولا اني شايف انهم مايستهلوش اننا نساعدهم
ام احمد
ليه بس بتقول كده يابني وهو احنا من امتى واحنا بنتخلي على الناس معلش يا احمد يا حبيبي خليني اروح اشوف ايه الحكايه واعرف من هانم هي عملت ايه في حياتها
احمد
لا حول ولا قوة الا بالله العلي العظيم اولا يا امي انا عارف ان محروس ده كان بيخرج الجثث من القبر ويروح يديها للطلبه وانا حذرتة كذا مرة من الحكاية دي ومفيش فايدة فيه وكمان يا امي انا خايف عليكي صدقيني طيب اقولك على حاجة انتي رشحي اي واحدة من اللي بيشتغلوا معاكي وخليكي بعيده عن الحكاية دي
ام احمد
يابني اللي كان محروس بيعمله حاجة هو يتحاسب عليها بس مراتة بقا ذنبها ايه وبعدين هو انت مش لسه بتقولي أن محدش عايز يروح يا ابني انا الحمد لله ربنا مديني القدرة اني اعرف اي حاجة وبعون الله هعرف اساعد سبني بس انت وانا هتصرف يلا بقا انا رايحة بيت محروس
وبعدها روحت بيت محروس وهو اول لما شافني قال
محروس بحزن
اهلا وسهلا يا ست ام احمد اتفضلي ادخلي
ام احمد
البقاء لله يا محروس ربنا يرحمها ويغفر لها يارب
محروس
يارب يا ام احمد انا والله ما عملت لها حاجة اصل أخواتها متهميني اني انا اللي عملت فيها كده وقتـ,ـلتها مع النيابه برأتني
ردت سعدية اخت هانم وقالت
سعدية
مفيش غيرك اللي عملها يا محروس والحكومة معرفتش تثبت عليك حاجة اكيد انت اللي سلطت عليها التعابين اللي اتلفت حواليها دي اه ما انت كنت حاوي زمان والناس عارفه عنك كده
ام احمد
اهدي يا سعدية الراجل بيقول انه برئ من دم اختك انتي بقا مصممة ليه كده ان هو اللي عمل فيها كده
سعدية
عشان اختي ياما اشتكت لي منه يا ام احمد انه كان بيعملها معاملة زباله زي راجل ناقص بصحيح وعلى فكرة احنا كنا عارفين ان تأخير الخلفة منك انت يا محروس وهي لو كانت سابتك وعاشت مع واحد تاني كان زمانها مخلفه زي بقيت النسوان
أم احمد
مش وقت الكلام ده بقا يا سعدية احنا عايزين نغسل اللي جوه دي دي برضو عايزة تتكرم يا سعدية مش كده اهدي يا بنتي وكل حاجة هتتحل ان شاء الله انا هدخل لها بقا
محروس
والنبي يا ام احمد ابـ,ـوس ايدك تقفي جنبنا وتعرفي من هانم ايه اللي عمل فيها كده خليها تقولك على كل حاجة
سعدية
الحمد لله انك اصلا جيتي يا ست ام احمد عشان خاطر تعرفي لنا مين اللي عمل كده في اختنا بس أمانة عليكي لو قالت لك انه محروس متخبيش علينا
ام احمد
متقلقيش يا بنتي انا عمري ما اخبي حاجة ده حق ربنا وكل واحد لازم ياخد حقه ولو كان محروس عمل في اختك حاجة انا هعرف اطمني سيبوني بقا ادخل لها
وفعلا دخلت على هانم اللي كانت فعلا كلها تعابين وحواليها وخارجة من بوقها وفضلت اقرا شوية قران لحد لما اختفو من قدامي وقولت لهانم
ام احمد
انتي ايه حكايتك يا هانم يا ريت تعرفيني في ايه يا بنتي لحسن الدنيا والعه برة على الآخر
في اللحظة دي قامت هانم وقعدت وكانت بتعيط جامد وقالت لي
هانم
محروس معملش فيا حاجة يا ام احمد بالعكس ده اللي عملت وعملت ياما كمان انا اذيتة واذيت نفسي كمان قبله
ام احمد
يا ساتر يارب ليه عملتي ايه يا هانم وليه بتقولي الكلام
هانم
انا هحكي لك ماهو كله من الكلب الواطي اللي اسمه حسيب الدجال اللي خلاني اشتغل معاه
