بعت كليتى بقلم هويدا زغلول

بعت كليتي علشان هدوم العيد ب عيالي

في البدايه اعرفكم على بطلتنا اللي اسمها هدي
عندها 30 سنه معاها ولد وبنت وفي يوم كانت
بتكلم طلقيتها وبتقولوا

هدي
ازيك يا انور عامل كل سنه وانتي طيب

انور
بقول لك يا هدى انا ما بحبش اللف والدوران قولي عايزه ايه على طول

هدي
هو في ايه يا انور احنا فين ما بينا عيال ولازم نتكلم مع بعض باسلوب احسن من كده ولا انت شايف ايه

انور
والله كل اللي انا شايفه دلوقتي لو مراتي خرجت وشافتني بكلمك اليوم ده مش هيعدي على خير عايزه ايه يا هدى انجزي

هدي
النهارده 10 رمضان وقولت افكرك من بدري شويه علشان خاطر هدوم العيد للعيال انت عارف الهدوم غاليه قد ايه

انور
هو انت يا بنت ايه جبله ما عندكيش دم انا مش لسه مديكي فلوس اول رمضان هو انت فاكراني قاعده على بنك اجبلك منين

هدي
انا عايزه الموضوع يخلص ما بينا من غير محاكم بالله عليك تبعت للعيال مصاريفهم لو انت ما كنتش انت اللي هتصرف عليهم مين اللي هيصرف عليهم يعني

انور
خلي ابوك الراجل يا حبيبتي يصرف عليهم مش هو ده اللي فضل وراكي لحد ما اطلقك عايزه مني ايه بقى ثاني ان شاء الله

هدي
ما لوش لازمه الكلام ده خالص بس لو سمحتي
تبعت فلوس العيال هو عمال يكلمني ان اروح للمحامي ونشوف موضوع القضيه وانا بقول لا علشان خاطر عيالي

انور
بقول لك ايه اعلى ما في خيلك اركبيه انا مش هعمل حاجه وراح اقفل السكه في وشها وخرجت هبه مراته وقالت

هبه
كان نفسي بس اسمع كلمه حاضر ولا هشوف والله العظيم كنت خليت ليلتك سوداء النهارده