ماما هو انتي بتتكلمي بجد هو انتي فعلا عايزاني اروح اقابل واحد مااعرفوش يا اعجبه يا معجبوش طب فرضنا مثلا ان حصل نصيب واتزوجنا وحصلت بينا مشكله تفتكري مش هيقول ليا ان انا اللي روحت ليه برجلي عشان يتزوجني
هي كلمه واحده يا ريناد اعملي حسابك هتسافري معانا الصعيد بكره عشان تقابليه وسابتني وخرجت قعدت علي السرير وانا الدمو..ع متجمعه في عيوني وماحسيتش بالدنيا غير تاني يوم
صحيت علي صوت ماما وهي بتصحيني عشان أجهز لإن لازم نسافر دلوقتي
ماما انا مش هسافر ولا هق..ابله
ايوه ماانتي مش هتسافري وتقابليه عشان تكبري في السن اكتر وتعنسي ماشوفتيش بنت عمك اتزوجت وهي 16 سنه وانتي 24 دلوقتي ورافضه ليه وعشان اي في ثواني تكوني جاهزه وسابتني وخرجت
قعدت علي السرير وانا بفتكر كل مره كنت بروح فيها الصعيد مع بابا وانا طايره من الفرحه كل مره كنت بقابله فيها فاكره اخر مره قابلته فيها ورجعت مكسوره لما اعترفت ليه بحبي
ورد بالاجابه اللي صد..متني وبعد مارجعت بشهر عرفت ان هو خطب
والنهارده لازم اروح الصعيد عشان اقابل اخوه اللي هو اصلا عمري ما شوفته ولا مره روحت فيها هناك والاغرب من كدا
ان بعد مااتخطب انا واخوه هيتحدد زواجنا في نفس اليوم يعني انا هكون لأخوه وهو هيكون لواحده تانيه غيري
استسلمت بيأس وفتحت درج الكمود وطلعت زجاجه فيها س…م وغمضت عيوني وشربته وبعد وقت بسيط حسيت بألم في معدتي عمري ماحسيته طول حياتي وفجأة الدنيا اسوديت في عيوني واغمي عليا
أحببت ذو القلب القاسي
بقلمي أيات الرحمن
بعد ما رفعت زجاجة الس…م وشربت منها بعد شويه حسيت بو…جع شديد في معدتي عمري ماحسيت بيه طول حياتي عايزه انادي حد ينقذني او يوقف الوجع
بس هنادي علي مين علي اهلي اللي مصممين اتزوج واحد عمري ماقابلته عشان عديت السن اللي محددينه وكمان اخو اكتر شخص حبيته في حيات
فضلت متحمله وكل مره الالم بيذيد جيبت مخده وحطيتها علي صوتي وبدءت اصرررخ لحد مافقدت السيطره وفجأة صوتي خرج واغمي عليا فوقت بعدها مش عارفه بعد اد اي
بس لقيتني في المستشفى وف ايدي كانيولا وفي اجهزة تنفس عليها ولقيت ممرضه جنبي بتقول حمدا لله على سلامتك واخيرا فوقتي
حاولت اتكلم لكن ما قدرتش شاورت بإيدي انا هنا من امتي
قالت من اسبوع وكانت نسبة انقاذك قليله جدا والاطباء كانوا يائسين من نجاتك وسابتني وخرجت وبعد شويه دخلت ماما كنت فاكراها خايفه عليا لكن لقيتها بتقول
عاجبك اللي عملتيه ف نفسك وفينا دا كسفتينا قدام الناس واجلوا الموعد لما سيادتك تفوقي ياريتك كنتي مو…تتي وريحتينا كنا هنعيط ساعتين تلاته ونسكت وبعدها نفخت بضيق وسابتني وخرجت
قومت بالعافيه وسندت علي السرير وسمحت لدموعي تنزل هو انا ليه بيحصل معايا كدا هي لي ماما قا…سيه ف حقي اوي كدا هو كل دا عشان كبرت شويه وبدءت ابكي شيلت الكانيولا من ايدي وحاولت انزل
من علي السرير مشيت كام خطوه كدا لكن رجلي ماشالتنيش وكنت هقع وف نفس اللحظه كان الدكتور داخل وجري عليا سندني فقدت قدرتي ووقعت عليه كإني ضماه وانا حرفيا مش قادره من الدوخه فمسكت في ملابس الدكتور بقوه
وهنا بتدخل ماما ومعاها مايسمي زوجي المستقبلي لقيتها صر…خت وقالت نهارك اسود انتي بتعملي اي
أحببت ذو القلب الق..اسي 2
بقلمي أيات الرحمن
