معتز قال كده وراح نام على السرير وقال…يلا تعالي علشان تنامي
نبيله بصتلو بضيق وقالت انا مش هنام معاك في اوضه واحده وقلتلك انا عايزه اطلع من هنا
معتز غمض عنيه بغضب وبص لها بطريقه مخيفه وقال نبيله انا بقالي يومين ما نمتش من تعب الشغل وحتى الليل اتحرم عليا نومه وابتسم بسخريه من غبائو وقال مكنتش بنام من الافكار الي بتاخدني وتوديني لما ودعتيني لاول مره اتخيلت انك نويتي تديني فرصه مخطرش في بالي انك عايزه تمشيني علشان تتجوزي انا مستنيتهاش منك ابدا يا نبيله.. على العموم اللي عايزه اقوله اني تعبان ومنمتش فياريت بقى تبطلي زن وتعالي نامي علشان نتخمد
نبيله كانت واقفه مكانها بعند و قالت مش جايه
معتز قال بضيق شديد طب خليكي عندك بقى خليكي واقفه نامي انتي واقفه كده ومتحاوليش تفتحي الباب علشان قفلته بالمفتاح
وحط المفتاح على الكمود وقال.. والمفتاح اهو وابقي خلي ايدك تتجرا وتلمسه عشان اقطعها واعلقها في رقبتي سلسله وووو
3_حط المفتاح على الكمود وقال.. والمفتاح اهو وابقي خلي ايدك تتجرا وتلمسه عشان اقطعها واعلقها في رقبتي سلسله
نبيله اتنهدت بحزن شديد منه وقعدت على الكنبه بزهق لدقايق وقالت ..معتز انت نمت
ابتسم من غير ما يبص لها وقال اه نمت
قالت بسرعه.. بجد بقى والله ما هينفع قعدتي دي انا مش هعرف انام ولا ارتاح هنا وبعدين عايزه اقلع الطرحه والبس حاجه خفيفه للنوم انت فاهم صح
معتز ضحك وبصلها وقال..و ايه المشكله اقلعي الطرحه واقعدي بالي تحت الهدوم والصبح اجيب لك باقى حاجتك من هناك
نبيله بصتلو بغضب وقالت ايه البرود اللي انت فيه ده اعمل كده ازاي وانت شحط كده قاعد قدامي
معتز ضحك وقال الشحط ده جوزك هو انتي محتاجه اكتبهالك على قفايا
نبيله قالت بغيظ.. لا محتاجه اديلك على قفاك يمكن تفهم
معتز اتنهد وقال وبعدين بقى في طولت اللسان دي انتي صحيح وقمر وطالعه من عيني بس مش هستحمل طولة لسانك دي كتير احترمي نفسك
نبيله قالت بدموع …طب ساعدني طيب عايزه حاجه البسها اطلع اجيب لي حاجه البسها وهاجي على طول
معتز اتنهد وقام راح فتح الدولاب وطلع بيجامه من بتوعه وقال..خدي البسي دي مدام كده كده هنقعد اخوات مع بعض البسيها وتعالي نشرب لنا سيجارتين يا بلبل ..ورماها في وشها بغيظ
نبيله مسكت البيجامه وضحكت وقالت ..هتبقى كبيره قوي عليا
معتز قعد على السرير وقال والله ده اللي عندي..انا مش هاطلع دلوقتي علشان مش ناقصه سين وجيم وليه عملت وليه ما عملتش ..ولا هسيبك تطلعي لاني عارف انك مش هتيجي تاني
نبيله قالت بكدب..لا بجد انا هاجي على طول
معتز ضحك وقال.. وانا مربيكي يا بلبله عارف اذا كنتي ناويه تيجي ولا مش ناويه البسي البيجامه واقعدي عاقله
نبيله اتنهدت بضيق شديد واخذت البيجامه بغيظ ودخلت على الحمام
معتز ابتسم واتنهد بحزن من كل اللي حصل رغم كل ده ما كانش حابب انه يزعلها او يتجوزها بالطريقه دي من غير فرح ولا حاجه من اللي رسمها بخياله واتمناها معاها
بعد شويه خرجت وياريتها ما خرجت كانت لابسه البيجامه بتاعته واسعه جدا واكمامها طويله وبنطلونها واسع عليها وساقط منها وماسكاه بايدها وحاجه تضحك جدا كانت ماشيه بغيظ من المنظر اللي هي فيه
اما معتز فبصلها بزهول من منظرها وانفجر من الضحك ومكانش قادر يسكت ابدا على الشكل اللي هي فيه قالت بغيظ شديد ..انت بتضحك على ايه ما انت السبب في الخيبه دي كلها من اولها وقعدت على الكنبه بضيق شديد
معتز حاول يبطل ضحك و بص لها وقال.. تجنن عليكي عارفه اللي صنع البيجامه دي لو شافك وانت لابساها كده هيقفل خط الانتاج مش بعيد يقفل المصنع كله
نبيله بصتله بغيظ وحاولت تتجاهل كلامه
معتز قام و قعد جنبها على الكنبه وضـ,ـرب كتفه في كتفها وقال عسل يا معلم بلبل قمر في اي حاجه
نبيله بصتلو بطرف عينها وما ردتش عليه
معتز قرب اكتر وقال..بس انا عايز بيجامتي
نبيله بصتلو باستغراب وقالت..نعم
معتز قال …بقولك عايز بيجامتي هاتيها
نبيله استغربت اكتر وقال ..انت بتتكلم بجد ولا بتهزر
معتز قال بجديه بقولك عايزها دلوقتي حالا يلا
نبيله قالت بغيظ وغضب… كنت خليتني لبستها ليه لما عايزها على العموم في 60 داهيه انت وبيجامتك هروح اقلعهالك
ولسه هتمشب شدها عليه وبص لعيونها وقال…لا.هنا يلا دلوقتي وحط ايده على البيجامه
نبيله كانت متجمده مكانها ومش عارفه تعمل ايه وهو قرب من اكتر وقال بهمس.. بحبك قوي بحبك حب محدش حبه قبلي ولا بعدي يا نبيله
نبيله اتسعت عنيها بخوف وتوتر من قربو
معتز بص لعيونها جامد وقال انتي احلى واحده شافتها عنيا
نبيله بقت تبصله كأنها اول مره تشوفه وفضلت تايهه في عيونه
بس اتجمدت لما خدت بالها من اللي بيعمله وقفت بسرعه وزهول وهي بتقفل بجامتها وقالت اه يا واطي يا حقير
معتز ضحك بشده ونبيله بقت تبصلو بغيظ وهيه بتقول سافل ومنحط بجد ..قوم يلا من على الكنبه عايزه انام قوم
معتز ابتسم وقال..لا احنا هنام على سوا
نبيله بصتلو بغضب ولسه هتتكلم
شالها بسرعه وراح بيها ناحيه السرير وقال..هو انا لسه هاتحايل عليكي انا عندي دماغ للقصص دي
نبيله كانت بتحاول تفلت منه وبتقول..نزلني سيبني يا معتز بقى
معتز رماها على السرير وانام جنبها وقال نامي يلا خلصيني
نبيله بصتلو بغيظ وقالت ..هو بالعافيه مش عايز انام جنبك انا حره
ولسه هتقوم شدها عليه وبص لعيونها وقال ..بس انا عايزه انام جنبك عايز ابص لعينيكي وعايز اسمع دقات قلبك يا نبيله
نبيله اتوترت بشده وقالت انت اخر واحد قلبي ممكن يدق جنبه
معتز ابتسم وقال بس انا سامع دقاته بتكدبي ليه
نبيله زقت ايده وقالت بارتباك يبقى سمعك تقل
