الايام بتمر ومع الوقت قرار ينسي انتظار مكالمه أميرة وبقيت بالنسبله شئ جميل في يوم خلي يبتسم او يحس إنى الدنيا بخيررر
العام الدارسي بدأ أميره شغاله بس طلبات الحياه والالتزامات صعبه مش عارفه تدفع مصاريف المدرسه المديرة كلمتها وهددتها بفصل بنتها حاولت أكتر من مره تستلف مفيش حد راضي يسلفها
اتقدم لها اكتر من واحد للجواز وهي بترفض هي قررت تربي بنتها أمها اتحيلت عليها تروح لأهل مكه تطلب منهم فلوس يساعدوها في المدرسه رفضت كتيررر بس بعد إلحاح وفقت…. قررت تروح مفيش حل غير ده
وصلت بيت محمود ودخلت كانو بيتغدو
محمود وهو بياكل وأميرة وقفه،،، جايه ليه
منال… اكيد جايه تبوس رجلينا وتشتغل خدمه عندنا
هبه…. ولا جايه ترغي في حكايه الشقه تاني
أميرة ابدا والله انا بس جايه عشان اقولك ياعم مكه بنتي حاجه… مدرسه مكه خاصه
محمد الله يرحمه هو الي قدملها فيها وانا شغالة بس مش عارفه ادفع المصاريف
كنت جايه لو تساعدني بس في دفع المصاريف
منال.. أي ده انتي جايه تشحتي بقي
هبه بس بجد فنانه
ضحكتي على محمد زمان وجايه دلوقتي تضحكي علينا
مكه بتاعتك دي الله واعلم بنت اخونا ولا لا بليها واشربي مياتها
محمود… بس يامنال يس ياهبه مضايقوش أرمله اخوكم الله يرحمه ولا تزعجوها وهي بتشحت مننا ياسيد ياعبدالله
اومراك ياباشا خرجو الزباله دي برا
ومتجيش هنا تاني ولو جات ابقي اديها 100
أميرة ده اخر كلام عندكم وحابسه دموعها اد ايه اتزلت وفعلا كسروها
محمود روحي لفي على واحد تاني يابتاعه انتي ومتضحكيش علينا بالاسود الي لبسه ده برااااا
أميرة حسبي الله ونعمه والوكيل ربنا ينتقم منكم ااكله مال اليتيم
سيد وعبدالله طردوها
أميرة روحت بيتها وهي منهاره وحزينه وصعبان عليها تطلع بنتها من مدرسه ابوها اختارها ليها
وهي في طريقها قبلت جراهم عوض
الجميل سرحان في ايه
أميرة… لو سمحت ياعوض سبني في حالي
عوض مالك ياجميل بس انا كنت طالب القرب
أميره ابعد عني لو سمحت
عوض انا هعوضك يامرمر وهأجرلك شقه بس عدم الامؤخده بنتك تديها لأمك او لأهلها انا عندي ولدين وبصرف عليهم بالعافيه
أميره ابعد عني بقي وسبته ودخلت بيتها
فكرت في صاحبتها سهام يمكن تساعدها قالت تروح تقعد معها وتحكيلها يمكن تساعدها او تدلها على حل
أميرة استجمعت قوتها وراحت لسهام
السلام عليكم
سهام بفرحه اميرة حبيبتي
اميرة وحشتينى اوووي
سهام وانتي اكتر جوزك عامل ايه
اميرة الله يرحمه
سهام وشها اتغير الله يرحمه هو مات امتي
اميرة من ست شهور
سهام يعني انتي أرمله يااميرة
اميرة للاسف
سهام حبيبتي ربنا يعوضك وارتبكت وبتبص لساعتها
أميرة مالك ياسهام بتبصي لساعتك ليه
سهام ابدا اصل ماهر قرب يجي وبصراحه بقي يا أميرة ماهر جوزي ده مدوخني عينه زيغه ووو
اميرة… وأى ياسهام
سهام وانتي مش متجوزة و
أميرة بحزن بس تمسكت وانا أرمله وخايفه على جوزك مني
سهام متزعليش مني يا أميرة انتي حلوة وصغيرة واحلي مني بكتير وانا جوزي عينه زيغه و
أميرة ولا يهمك ياصاحبه عمري بس احب اقولك حاجه الحياه مش راجل يا صاحبتي يعني الارمله الي من غيرررر رجل او المطلقه الي من غير راجل اشرف مليون مره من واحده متجوزة واخلاقها وحشه مش الرجل هو الي هيمنع الست تبص لجوز صحبتها الست المحترمه محترمه سواء معها راجل او مش معها سبتها ومشيت
يااااه هي الدنيا بقيت وحشه اوي كده صاحبه عمري خايفه على جوزها مني ولا الجيران الي مفيش واحده فيهم في مره عزمت عليا تدخلني شقتها كلهم خايفين مني ع رجلتهم زمان كانو بيتمنو ادخل عند حد فيهم
بتمر الايام ببطئ أميرة في شغلها وبتحاول تجمع فلوس للمدرسه وامها بتحاول توفر من مصروف البيت عشان تساعد أميرة في المدرسه بس بردو مفيش فايده
أميره بتتكلم مع زميلتها هدير
هدير طيب يااميرة مفيش شغلانه تانيه
اميرة دوخت ياهدير ومفيش
هدير انا ملاحظه صاحب المطعم مركز معاكي اوووي
أميرة ايوه جداااا. وطلب يتجوزني عرفي
هدير يالهوووي بجد
أميرة اصل انا أرمله يعني رخيصه ورقه عرفي وشقه إيجار ونتقابل في السر من ورا المدام
هدير عندك حق والله ماانا مطلقه الناس كلها بتبصلي كإني وحشه معمرتش العيب مني محدش عارف ان عنيت وانى مش بالساهل لما خدت قرار الطلاق وان اختارت الطلاق اهون مليون مرة من عيشه مع واحد زللني وكسرني وضرب واهانه وشتيمه اي واحده يااميرة بتتجوز تحت كلمه الستر انا بقي معرفش الستر الي كان جوزي كان كل يوم فضيحه والجيران تسمعنا وضرب واهانه ومنعني اشوف امي ودموعها نزلت
اميرة متزعليش ياهدير مجتمع عقيم
المجني عليه هو الجاني
هدير تليفونها رن ايوه ياماما هرن عليها حاضر وهبعتهالك انهارده وخالتي كمان عايزها طيب طيب
قفلت مسكت فونها ورنت ع رقم يوووه مقفول اعمل ايه بس
اميرة مالك يابنتي
هدير ماما طالبه الست الي بتغسل سجاد تجي تغسلها وتعملها الشقه والسلم وبرن مقفول
اميرة جربي تاني
هدير بجرب بردو مقفول ده لولا انشغالي كنت عملت انا لماما دي الست بتاخد على السجاده 100وماما عندها اربعه ده غير الشقه والسلم
اميره هدير انا موافقه اروح انا بعد الشغل النهارده
هدير بصدمه أميرة انتي بتقولي أي.
أميرة أنا محتاجه ياهدير وهشتغل اي حاجه عشان اربي بنتي واعلمها واساعد امي احسن مليون مرة ان اتجوز عرفي واروح اتجوز واحد ميطقش بنتي انا هعيش لامي وبنتي بس ياهدير وطالما مش هشتغل شغلانه حرام خلاص مفيش مانع
هدير بس ي
أميرة مبسش ياهدير مفيش حل غير كده يمكن أعرف أجمع مصاريف مدرسه بنتي وعلاج امي والايجار
هدير اميرة انتي حلوة وممكن
أميرة قطعتها كله يقولي انتي حلوة وصغيرة طب اعمل ايه بحلوتي وانا مش عارفه ادفع مصاريف بنت في كجي
انا هروح لمامتك هروح البيت اقول لماما واجهز هدوم اعمل بيها وهروح على بيتك اديني العنوان هدير اتفضلي ياقلبي ربنا يرزقك يارب
أميرة… الحمدالله
أميرة راحت بيتها وحكت لولداتها في الاول اعترضت وبعد إلحاح أميرة اقنعتها وان مفيش حل غير كده
وحتي لو هتنقل بنتها لازم تستد فلوس السنه دي عشان ينفع تاخذ الدوسيه وتنقلها
اخيرا اقتنعت بس شرطت عليها محدش يعرف
اميرة مع اني مش بعمل حاجه عيب ولا حرام بس موفقه
اميرة دخلت تطلع هدوم وهي بتقلب في الدولاب لقيت كارت ياسين بصتله وابتسمت ومسكت فونها ونقلت الرقم واتصلت
ياسين… السلام عليكم
اميرة… وعليكم السلام
ياسين نعم حضرتك تأمريني بحاجه
اميرة الامر لله وحده
ياسين مين معايا
اميرة انا واحده متعرفنيش
ياسين حضرتك متصله تهزري وقفل السكه
اميرة رنت مره واتنين اخيرا رد
ياسين لو سمحت انا مشغول ومينفعش كده
اميره انا متصله أسألك سؤال
ياسين انتي تعرفيني
اميرة لا
ياسين جبتي رقمي منين
اميرة بكذب جربت ارقام طلع رقم قلت يبقي ده صديق بعتهولي القدر
ياسين انتي فاضيه بقي
اميره ابدااا والله بس بحب العب مع القدر
ياسين وانا قدرك بقي
اميره ممكن
ياسين يبقي بتضحكي ع نفسك ودخله جوله خسرانه انا مش قدر حد
أميرة انا عايزة صديق اخ انا وحيده ومحتاجه اخ اخد رئيه واكيد انت محتاج حد متعرفوش تفضفض معه زي ماانا محتاجه حد ميعرفنيش
ياسين مايمكن تغرفني
اميرة سكتت وبعدين ردت لا معرفكش
اسيبك دلوقتي وبعدين نتكلم تكون انت بقيت فاضي وانا خلصت
ياسين ريحه فين
اميره شغلي
ياسين هخلص 10باليل
اميرة 10ونصف انتظر مكالمتي
ياسين عجبتني فكرة ان افضفض مع حد معرفوش انا ضد إنى اكلم حد فون او حقيقي بس عجبتني الفكرة
اميره وانا والله العظيم مش بكلم حد بس نفسي افضفض وارتاح وزي مقولتلك وحيده سلام
ياسين هستنكي
