كان دكتور محمود مركز مع نغم ولكنه انتبه إلى صوت قرة عينيه
دكتور محمود:حبيبة قلبي تعالي هنا ،،انتي ايه خلصتي محاضراتك ،،ردت مرام ايوة يابابا فقولت اعدي عليك نروح مع بعض عربيتي عطلانه
دكتور محمود :طب تعالي هعرفك على طالبتي النجيبة
ردت مرام سريعا لا متقولش ان دي نغم يابابا
نظرت اليه نغم باندهاش:حضرتك حكيلها عني
دكتور محمود :اكيد طبعا وكنت عايزكم تتعرفوا على
مرام :انا سعيدة جدا يانغومة اني اتعرفت عليكي وهنكون صحاب كمان ايه رأيك، ،،سعدت نغم كثيرا بها
وردت متيقنة:_ اكيد انا أطول يكون بنت استاذي صحابتي ،،،ثم جلسوا سويا يتناقشون في حل بعض المسائل الموجودة في مادة المحاسبة
فجأة قالت مرام :ريان مكلمكش يابابا ،،،متعرفش هيحضر عيد ميلادي ولا هيعمل زي السنة اللي قابلها
رد والدها بشئ من الضيق :صدقيني يابنتي معرفش ،،وكمان نفسي يرجع ويستقر هنا مفيش احسن من بلد الإنسان اللي بينتمي لها ،،بس متخافيش حتى لو مجاش ،انا لازم اخد موقف في موضوع سفره وغربته بعيد عننا ،،وكمان مبقاش صغير ؛لازم يشوف
بنت الحلال ويتجوزها ويكوّن أسرة وفي أثناء حديثه نظر إلى نغم التي تمنى ان تكون هذه الطيبة والبراءة من نصيب ولده ،،
نظرت مرام إلى نغم وقالت :نغوم انا عيد ميلادي بعد اسبوع وطبعا انتي اول المدعوين اهو مش كدا يابابا
رد والدها :دي مش عندي ياحبيبتي دي عند نغم وانا
اكيد بتمنى انكم تقربوا من بعض وتحضر عيد ميلادك ونعرفها على والدتك ،،وتمنى بداخله ان يكون ابنه موجود حتى يتعرف كل منهما على الآخر
أجابتها نغم بأدب: اعذريني حضرتك مش هقدر احضر وبعدين ماما مستحيل توافق على حضوري ،
،اندهشت مرام :ايه حضرتك دي احنا مش قولنا هنكون صحاب وبعدين انتي مش عايزة تعرفيني على مامتك ولا ايه
نغم:لا طبعا مقصدش ابدا بس ماما مابتسمحش بالخروج للحفلات….
اردفت مرام _ لا دي سبيها عليا وانا اخليها توافق بس المطلوب منك تعزميني على فنجان قهوة ولا معندكوش بن ثم ضحكوا جميعا على كلامات هذه الفتاه الرائعة، ،وتركتها نغم في وعد بلقاء اخر قريبا عندها في المنزل ….
بعد مغادرة نغم نظر محمود إلى مرام مردفا:_
ايه رأيك فيها حبيبتي شوفتي جميلة وهادية ازاي
مرام :هي فعلا يابابا جميلة وهادية جدا ، علشان كدا بقولك بلاش اللي في دماغك مش علشان ابنك علشانها هي ،،بجد البنت بريئه جدا
اردف والدها قائلا:وانتي عرفتي ايه اللي في دماغي ياحضرة المعيدة، ،،
ضحكت مرام مش عيب ياسي بابا دا انا بنتك واكتر واحدة حفظاك ،،عرفاك اكتر من جميلة نفسها ،،،على العموم سيب كل حاجة لوقتها ويالا بينا نروح ……
أخبرني قلبي عندما رأيتك…ذات مساء
بأن هناك عابر اً سأذوب عشقا ً في هواه..
و أن حاولت نسيانه ابداً “أبداً ”
لن انساه 💗
ً و أني لو هربت منه ففي كل طريق سألقاه..
و أني سا استسلم لهذا الحب
ولا أغير مجراه..
فإنه ليس صنع يدي بل رزق من عند الله ..!
رجع ريان من عمله متأخر فاليوم كان ملئ بالاجتماعات
بسبب سفره لحضوره عيد ميلاد اخته الصغرى ،،دخل إلى منزله الذي يمكث فيه هو وعمر بمدينة لندن ،،كان يبحث عنه وجده جالس أمام التلفاز يحتسي مشروبا ساخنا ،،
دخل ريان وجلس بجواره منهكا …انت قاعد تشرب وتاكل ولا في دماغك حاجة وانا حيلي مهدود في الشغل ،،،
ضحك عليه عمر :اللي يشوفك كدا يقول الراجل شغال ليل نهار ،،دا هو يوم ياريو ،،ولولا سفرك ياحبيبي مكنتش عبرتني ،،بس لايق عليك بجد هدوء الأعصاب يااكس مان
ريان :انت اتجننت يالا مالك هو من امتى وانا بقصر في الشغل …انت عارفيني بحب شغلي جدا ولو على شغل الجامعة فأنا ممكن ارجع تاني عادي ،،بس انا بحب اكون حر وانت اكتر واحد عارف دا
عمر :انا خايف عليك ياريان …مش عايزك تبعد عن عملك اللي انت بتعشقه ،،ليه دلوقتي عايز تبعد عن الجامعة وماتقولش ،،لأنها ممل وما ببتحبها ،،بس انا عارف السبب اللي خلاك تترك الجامعة
ريان : انت ليه مكبر الموضوع بس ياعمر ،،،حاجة ومش مرتاح لها ،،وبعدين سبب ايه اللي انت عارفه …انا بس حبيت البزنس اكتر واللي بتفكر فيه دا مش حقيقي
عمر :انا بحاول انبهك بس علشان ماترجعش تندم تاني ،،لبعدك لحاجة بتحبها ،،،انا عارف انك كنت دايما نفسك تكون زي والدك
ريان :كان ايام ماكنت صغير ،،بس كبرت ونظرتي اتغيرت عن الحياة وحبيت البزنس ،،عايز اكون اكبر رجل أعمال ايه منفعش…
قاطعه عمر ..:وسها ..فين من مخطط حياتك ،،ريان لو سمحت سها متعلقة بيك وللأسف تعلقها دا حب واجهة ،،وزي ماهي اختي انت كمان اخويا ،،سها مش البنت اللي بتبني حياتك عليها انا بقولك كدا وانا حزين عليها وكمان مش عايزك تكرهها في وقت من الأوقات انتم لسة في الأول قبل أي ارتباط وماما كمان بتشجعها على كدا
ريان :بس انا بحبها ياعمر وعايز اكمل حياتي معها
عمر :انت تعرف سها فين ،،،سكت قليلا واجابه ،،في لبنان بتحضر حفلة لأكبر مصمم ازياء ،،ومن اسبوع كانت بتعمل تجميل ،هتقدر على حياة بالشكل دا
انا عندي تنفصلوا دلوقتي وكل واحد منكم يتعب شوية في الأول ولا انك تكرهها بعد كدا ..انت انسان عملي ،،مش هتقدر تحضر معها حفلات ولا تظهر في النوادي ،،،مع انها اختي والمفروض اكون سعيد بعلاقتكم لأنك في حكم اخويا قبل ماتكون ابن عمتي ،،بس ممكن نتعب من بعض وناخد مواقف في أول العلاقة ولا اننا نكره بعض ،،اتمنى تكون فهمت قصدي ،،ويكون نهاية للعلاقة في أقرب وقت
ريان :هحاول افكر في كلامك ياعمر ،،وهقيم علاقتي مع سها ،،هشوف اقدر اتعايش معها و تقدر هي تتعايش معايا،،،سيبك من موضوع سها دلوقتي، وقولي جبت اللي طلبته..
عمر :اه عندك فوق ،بس مش كل الصور ،انا اخدت منهم شوية برضو……
ضربه ريان على رأسه ،،،يابني هتفضل زي ماانت كدا ،لازم كل حاجة تقسمها ……
في مدينة عروس البحر المتوسط، حيث الجو الشتوي الرائع الملئ برائحة المطر ،،تقف نغم في شرفة غرفتها وتنظر إلى قطرات المطر الذي تتساقط في كل مكان وتفتح يديها لالتقاطها وتشعر بالسعادة لأنها تعشق جوالشتاء وتتمنى يكون حبيها يوما معها يلهون ويضحكون تحت المطر ،،خرجت من امنيتها عندما دخلت والدتها نبيلة فهذه المرأة اسما على مسمى ،،نبيلة في الحب والحنان ورغم فراق زوجها الا انها لم تشعر بناتها بنقص شيئا حتى لو حنان الاب فدائما تتعامل معهم كاصدقاء وتعطي لهم نصائح من غدر الزمن ،،وكيف يحافظون على طيبتهم وبرائتهم ولا يدعون شيئا يغير حالهم ،،
دخلت غرفة ابنتها قائلة:
:لسة زي ماانتي عمرك ماتكبري ابدا لازم توقفي وتلعبي بالمطر ،،،
توجهت اليها نغم بابتسامة :نعملو ايه ياست ماما في عقل بنتك الطفولي ،،نقول ايه بس بنتك عندها مرض هوس الشتا
نبيلة:الف سلامه عليكي يا حبيبتي متجبيش سيرة الأمراض ابدا حتى لو كان هزار ،،تعالي وقوليلي، ،عاملة ايه في جامعتك ،،وبعدين ماقولتيش ليه انك اتعرفتي على بنت الدكتور محمود كدا تحرجيني قدامها …دلوقتي تقول دا بتخبي على مامتها
نغم :ياماما ياحبيبتي اولا انا لسة متعرفة عليها من يومين ،،وانتي عارفه همس كانت تعبانة وانشغلنا بيها ونسيت خالص اقولك ،،ومكنتش اعرف انها هتيجي حتى غير لما تعرفني ،،بس بصراحة ياست ماما البنت طلعت جدعة اوي
نبيلة :لا وكمان حلوة زي نغومة القمر ،ثم اخذت ابنتها في احضانها ،،تعرفي اول مادخلت وسألت عليكي قلبي اتفتحلها حستيها في برائتك ياحبيبتي، ،،بس مقولتيش هي ليها اخوات تانين ولا الوحيدة على مااذكر كنتي بتقولي أن الدكتور عنده ولدين
تذكرت نغم ريان فهي قد رأته مرة واحدة وهي في الفرقة الأولى عندما أتى إلى والده الجامعة وكانت حينها تسير وتنظر في حقيبتها ولم تنتبه للذي يقف ويعطي لها ظهره ويتحدث في الهاتف ،،ولكنها اصطدمت به ،،عرفته لأنها رأت صورته على مكتب استاذها عندما كان يراجع معها أيام امتحانتها
ريان:اسف ياانسة مااخدتش بالي ،،،لم تنظر له وهربت بنظراتها بعيد عنه قائلة:ولا يهمك انا اللي مااخدتش بالي وتركته ورحلت وظل ينظر إلى اثرها إلى أن اختفت هو لم يرى وجهها لأنها كانت تنظر إلى الارض مرة والى حقيبتها ،،قطع شرودها في ذكراه والدتها
نبيلة :انا بكلمك بقالي ساعة ياترى نغومة راحت فين
نغم :انا اهو معاكي حبيبتي بس افتكرت حاجة
نبيلة:انتي ناوية تروحي عيد ميلاد مرام واه ماردتيش هي لها اخ ولا اخت
نغم :اخ ياماما ومسافر برة بيقولو لندن بقاله اكتر من سبع سنوات على مااعتقد ،،شعرت انها تحدثت كثيرا عنه فغيرت مجرى حديثها ،،ايه هتسمح لي احضر الحفلة ،،وعلى فكرة صبا وفريدة معزومين ،،هي عزمتهم علشاني، ،علشان مكنش لوحدي وكمان قالتلى ممكن اخد همس ،كمان تغير شوية من جو المذاكرة ايه رأيك ياست الكل
نبيلة :انتي عايزة تروحي مش كدا ،،شيفاكي متحمسة لحضور الحفلة،،بس خليني اقولك احنا مش بتوع حفلات ورقص وكدا ،،قاطعتها نغم ابدا والله دا هتكون بنات بس ،،مرام مش بتاعت حفلات من اللي بالك فيها
وانتي شايفة انها محجبة كمان يعني ،،بس انا مش عايزة اخجلها جت لحد هنا ياماما وبعدين انا حبيتها اوي غير انتي عارفة الدكتور محمود بالنسبالي ايه
أمسكت نبيلة يد ابنتها ….خلاص ياحبيبتي روحي انتي وصحباتك وخدي اختك خليها تغير جو ،،وكمان لازم تاخدي هدية معاكي
