ولما بدأت أشتكي بس أو يظهر مني بعض الضيق بقت بتشتم وتمد إيديها ووصلنا مع بعض لنقطة سودة، وابنها وفجأة وبدون أسباب اتحول تماما، وبقا اللي تقول عليه أمه يعمله، مرة يضـ،،ـربني، مرة يشتمني قدامهم، مرة طردني برة البيت طول اليوم، عشت مُهانة بطريقة مشوفتهاش طول عمري.
وفوق كل ده بقيت بشوف كوابيس غريبة عبارة عن راجل ماسك ماية نـ،ـار وبيحاول يرميها عليا وانا نايمة، وكنت بقوم أصرخ واستغيث بالليل عشان أي حد ينجدني، وحماتي ما صدقت وطلعت عليا سُمعة إني مجنونة، ببساطة كانت عاوزاه يطلقني، ويمكن دي الحاجة الوحيدة اللي مكنش بيسمع كلامها فيها.
لحد ما في مرة وانا معاها في المطبخ خبطت طاسة الزيت المغلي وقعتها على رجلي، كانت مقصودة وواضحة أوي، وقتها وعن كمية الألم اللي حسيت بيه واللي كان لا يُوصف، جرينا على المستشفى وهي عمالة تقول من غير ما أقصد من غير ما اقصد، بس كانت تقصد عشان تشوهني ويطلقني، رجعت معاهم يومها حاسة بكمية قهر غير طبيعي وفضلت صاحية لحد الفجر، وبعد آذان الفجر كنت حاسة بضيق غير طبيعي، شوفت شكل الجبل البعيد وبدون وعي خرجت ومشيت في البلد وطلعت الجبل وعديته.
قعدت على الرملة أبكي بحرقة وانا شايفة رجلي متشوهة وملفوفة بالشـ,ـكل ده، ووسط حرقتي دي لقيت حد بيطبطب عليا، بصيت بفزع لقيتها واحدة ست لابسة اسود ومغطية وشها، بصـ,ـتلها بحـ,ـذر لقتها قال جملة واحدة
(اللي يساعد الناس ما يخاف، واحنا هنساعدك)
بصيت عليها تاني لقتها اتبخرت ولا كأنها كانت موجودة، حسيت برعب غير طبيعي ورجـ,ـعت بسـ,ـرعة، وعلى بالليل جه الدكتور يغير على الجرح لقاه مش موجود من الأساس، كأني متحرقتش، كلهم بصـ,ـوا بذهول وحماتي قالت (شوفت انها كانت بتمثل علينا)
قالت الكلمة دي وفضلت تضحك باستهزاء، في الليلة دي جوزي صحي من نومه وهو بينهج وخـ,ـايف أوي، متكلمتش معاه وكملت نومي، خرج عشان يشرب وفجأة سمعت صوت الكباية بتتكسر، وسمـ,ـعت بوداني صوت شبيه بصوتي أنا بيزعق وبتقوله (كسرت الكوباية يا قذر)
قمت مخضوضة من نومي وجريت عليه لقيته واقف متخشب في المطبخ ولا بينطق ولا بيتكـ,ـلم كأنه فقد النُطق، دخل ينام بعدها بس من تاني يوم صحي شخص تاني، ولا بيتكلم ولا بينطق، كأنه تايه وزاهـ,ـد في الحياة.
أمه بدأت تعاود موضوع الزعيق والشتيمة بس كلها يوم واحد وحلة مية مغلية وقعت على جسمها كله، وكأن حد رفعها ودلقها على راسها، ده اللي قالته بنتها وهي معاها في المطبخ، واتشوهت الست بطريقة غير طبيعية، وحتى بعد ما رجعت من المستشفى بقت خايفة مني أوي، وبقا صوت صراخها من الألم طول الليل بيسمع الجيران كلهم.
جوزي من تاني اسبوع جمع حاجته وقالي يالا نرجع اسـ,ـكندرية من نفسه ومش هتعرضلك تاني ولا هضايقك، وفعلا رجعنا تاني اسكندرية، وأمه فضلت شهر تتصل وهي بتبكي وتقوله خلي مراتك تسامحني انا كل يوم بحس إني بتحرق في النار، وهروح أفك السحر اللي عملته ليها ومش هأذي حد تاني، واعترفت انها اللي حرقتني بالزيت.
في النهاية سامحتها ومكملتش مع جوزي وقت طويل لأنه اتوفى، ومن بعد وفاته بقيت بشوف وبحس بأمور غريبة، كنت أشوف الست في الشارع أروحلها وأقولها انها ممسوسة واكتبلها وِرد من القرآن تمشي عليه، كنت أشوف حد تعبان أشخص حالته وأقوله يروح يكشف لأنه مريض، ولما كان بيجيلي حد مسحور كنت بدعيله واقرأ عليه والسحر بيتفك والجن بيخرج.
فضلت سنين على الحال ده، بعض الناس قالوا إن ربنا سخرلي حد يساعدني من خلقه لأني كنت بساعد الناس، وناس قالوا دي ست مبروكة وعندها كرامات من زمان أوي، بس أنا كنت مكملة وبساعد لوجه الله من يومها وحتى يومنا هذا..
دي حكاية الست بـ,ـدرية المشهورة أوي في منطقة في اسكندرية وبتعالج الناس لوجه الله تعالى، ولو روحت واتعالجت عندها في يوم هتقولك ساعد الناس مهما حصل، وأعمل المعروف مهما اتأذيت، ودايما هتلاقيها بتحكيلك عن انها ساعدت أبوها وست مسكينة زمان فربنا سخر اللي يساعدها، وهتلاقيها بتردد الجملة دي دايما
(صنائع المعروف تقي مصارع السوء)
تمت
