اذا هذا هو الحب بقلم زهرة الربيع

ايهاب لطيفها بدهشه وظهرت ابتسامه على شفايفه من كلامها وقال …ايه البت المجنونه دي…. ربنا يستر الايام الجايه
وبلع ريقه وقال… هطلع اقول لها ايه بس دلوقتي يا رب استرها معايا انا اي نعم زباله لكن انت رؤف بعبادك

وطلع على اوضة شاهيناز بس ما كملش 10 دقائق وخرج جري من الاوضه وقفل الباب بسرعه وهيه بتزعق وبتشتم وبتحذف حاجات كتير على الباب وقف جنب الباب بتوتر وقلق وقال… يا شاهي اعقلي  الحاجات اللي بتكسريها دي غاليه عيب عليكي

شاهيناز قالت بصراخ وغضب من جوه…. مش عايزه المحك  مش طايقه اشوف وشك يا خاين يا حيوان

ايهاب اتنهد وقال…. طيب يا قلبي  انا هرجع لما تكوني هديتي شويه علشان نعرف نتكلم

شاهيناز قالت  بغضب وصريخ…. بقول لك غور من هنا مش عايزه اشوفك ولا اسمع صوتك

ايهاب اتنهد بيأس وراح على اوضه اماني بضيق شديد دخل وما لقهاش في الاوضه وسمع صوت الميه في الحمام…اتنهد  وقعد على السرير وهو حاطط ايديه على دماغه ومش مصدق اللي حصل معاه

بعد شوبه خرجت اماني من الحمام وهي بتغني وتدندن بس شهقت بخضه لما لقيته في وشها وحطيت ايدها على صدرها وقالت …بسم الله الرحمن الرحيم

ايهاب وقف وهو بيبصلها باعجاب شديد طانت لابسه لبس نوم خفيف وشكلها قمر بس اتحولت نظراته لاشمئزاز لما  قالت….يخربيتك خضتني …مش تكح ولا تعطس ولا ترجع حتى

ايهاب اتنهد بخنقه  وقال… انا فعلا عايز ارجع….بصي عارفه من غير اي حاجه ومن غير كلامك الجميل ده مش طايقك وهاين عليا بجد في اللحظه دي اخنقك بايدي اجيب اجلك …فتوزني كلامك كده وتراجعيه وتحلليه حتى تقوليه مفهوم

اماني رفعت شفتها بضيق وقالت…وعلى ايه يا غالي روح عند مراتك الثانيه هيه تحلل لك …انا تخصص اشعه مش تحاليل

ايهاب بصلها بخنقه وقال…لا مهو البركه فيكي جننتيها على الاخر ومش طايقه تشوفني  يا رب ترتاحي

اماني ضحكت جامد وقالت وهي بتمشط شعرها
….ااااااه بقى هي طردتك وجاي تقرفني انا

ايهاب قرب منها وشدها من دراعها بغضب وقال….. ايه يا بت طردتك وتقرفني دي ما تتكلمي عدل انت ليه قليله الادب

اماني قربت منه وحاوطت رقبتو بايديها وقالت بدلال ..اصل في واحد قبل كده قال لي احلى حاجه فيكي قله ادبك

ظهرت ابتسامه على شفايف لان هو اللي قال لها الجمله دي قربها ليه اكتر وبص لعيونها وقال بارتباك….. اه ما هو انتي حلوه وقمر وكل حاجه بس لسانك عايز قصه… سيبي لي انا الطلعه دي …وقرب منها اوي

بس دفعته وبعدت بسرعه وقالت وهي بتضحك…. امسك نفسك يا باشا ولا نسيت اننا هنتطلق انا هفضل هنا لحد ما اولد وامشي ….يعني تقدر تعتبرني مش موجوده

ايهاب قعد على طرف السرير وقال ….ما هو احتمال تبقى في مشكله…شاهيناز مش موافقه على وجودك هنا اصلا

اماني شهقت بردح وقالت…. نعم دخلها ايه ان شاء الله انت جوزي زي زيها بالظبط

ايهاب اتنهد بخنقه وقال…. اماني انتي اكتر واحده عارفه انك مش زيها انا ما اتجوزتكيش لاني عاشق عيونك… انا قدمت لك خدمه وكان المفروض تشكريني عليها …مش تيجي تعملي لي بلوه مع مراتي

اماني ضحكت جامد وقعدت و هيه بتلعب بالمكياج وبتجرب منه وقالت…. والنبي ايه …قدمتلي خدمه ما اخذتش قصادها حاجه

ايهاب  حمحم وقال…احم  اللي اخذته ده حقي انا كتبت عليكي وخلاص بقيتي مراتي وحقي

اماني  قالت بسرعه ….بالظبط… انا كمان حقي اني احمل واجي هنا بيت جوزي  لانك كتبت عليا خلاص
بقى  اسمع يا ايهاب بيه انا مش جايه هنا علشان سواد  عيونك وكملت بدال وقالت…ولو انهم قم…ر واللي ما يعشقهمش ما عندوش نظر

ايهاب ضحك بخفه على كلامها وقال …انتي اصلا مش طبيعيه والله مجنونه عشان كده انا مستحملك ليس على المريض حرج

اماني ابتسمت وقالت…. انا قصدت اقول لك يعني ان انا مش قاصده اخرب لك حياتك ولا حاجه انا كنت بجد ناويه اطلع من حياتك نهائي بس من ايام تعبت جدا ورحت اكشف وعرفت اني حامل و طبعا انت عارف ظروفي واني قاعده لوحدي وانت اكيد مترضاش افضل قاعده لوحدي كده ويمكن  بالليل تجرالي حاجه …هو ده مش ابنك ولا انت مش عايزه

ايهاب بص على بطنها  وقال ….لا طبعا اكيد ابني عايزه هو ولد ولا بنت

اماني ضحكت وقالت…. لا لسه ما يبانش دلوقتي بس اول ما يجي الوقت هاخدك ونروح سوا ونعرف …انت عايز ايه ولد ولا بنت

ايهاب ابتسم وبص لملامحها باعجاب شديد وتاه في جمال عيونها وقال …عايز حاجه كده تشبهك مش مهم بقى ولد ولا بنت
اماني ابتسمت بكسوف ونزلت عيونها وهو خد باله لكلامه و بعد عنها وقال….. قصدي يعني المهم يبقى شكله جميل كده على العموم سيبك من ده كله يلا نامي عشان ما تتعبيش كفايه عليكي المواصلات النهارده

اماني ابتسمت وقربت منه من خده برقه وقالت…. تصبح على خير

لسه هتبعد جذبها بين ايديه بقوه شديده وقرب منها جامد وقال بهمس…. بقول لك ايه انا مش قادر انسى الوقت اللي قضيتو معاكي في الاوتيل….خلينا نعيده انتي كده كده لسه على زمتي ..بجد انا نفسي فيكي  قوي

اماني بعدت عنه بخفه وقالت….تؤتؤ… انا عايزه انام يا باشا تعبانه جدا تصبح على خير

قالت كده وراحت نامت على السرير هو بقى يحاول ياخد نفسه وبيبص لها باعجاب شديد لحد ما نامت
راح نام جنبها وبقى يفتكر كلامها وخفه دمها مشي ايده على بطنها بالراحه وابتسم  وشدها لحضنه ونام هو كمان بارتياح

في صباح يوم جديد قاموا من النوم هم الاثنين بخضه على صوت زعيق وصرخه جامده

بصو قدامهم لقوا شاهيناز واقفه بتبص لهم بغضب وقالت بزعيق…و كمان نايم في حضنها انت يومك مش معدي النهارده

اتنهدو بارتياح وايهاب قال …حد يعمل كده يا شاهيناز خضتيني حرام عليكي

اماني وقفت بغضب وقالت ….سيبك من الخضه اصلا هي ازاي تدخل علينا الاوضه كده
ايهاب قال…صحيح كنتي خبطي الاول لو مصحناش تدخلي تصحينا بهدوء ده انا قطعت الخلف

اماني بصتلو بغيظ  وقالت…. اسكت انت

شاهيناز قالت بغضب شديد…وانتي بقى شايفه نفسك مين علشان اخبط واستاذنك

اماني قالت بوقاحه ….شايفه نفسي واحده نايمه مع جوزها ده احنا لابسين الهدوم قبل الفجر على طول يعني لو كنا نسينا كنتي تدخلي كده تلاقينا متقشرين

شاهيناز شهقت بزهول وطلعت جري على اوضتها
ايهاب وقف بدهشه وقال بسرعه…. لا لا لا استني شاهيناز والله ما اتقشرنا انا لسه بقشرتي اهوه ….و لسه هيجري وراها اماني  مسكت ايده وقالت بغضب….. تعالي انت رايحه وراها ليه..ولعدين  حد يتجوز واحده اسمها بوتاجاز هيه ناقصه حرايق

ايهاب قال  بغضب شديد…. بوتاجاز يولع فيك يا بعيده اشوفك يوم …استني عليها دقايق بس وهرجع اقشرك مظبوط
وجري وراها بسرعه

زماني قعدت على السرير وضحكت وقالت…. لا ولسه
ايهاب راح ورا شاهيناز وقال …شاهي حبيبتي برده تصدقي واحده زي دي قاصده توقع بينا

شاهيناز قالت بغضب وزعيق …انا شوفتك نايم في حضنها

ايهاب قال بسرعه لا ابدا دي هيه اللي كانت في حضني وبعدين انت اللي مشيتيني من هنا اروح فين يعني….والله دي كانت غلطه وانا ما خنتكيش انا اتجوزتها

شاهيناز قالت بغضب….لما تتجوز من ورايا تبقى برضو بتخوني

ايهاب قال بسرعه…ماشي معاكي حق تزعلي بس انا والله اتجوزتها علشان اساعدها كان معاها حوار كده وكنت بساعدها فيه والله انت عارفه ان انا بحبك قوي…..ده انا حتى كنت عاملك مفاجأه  فاكره الشاليه اللي انتي كان نفسك فيه وقلت لك مش وقته كنت بخلص لك الورق بتاعه

شاهيناز التفتتلو و لمعت عيونها وقالت ب…جد ولا بتحايلني

ايهاب قال….انا امتى كذبت عليكي كلها ايام ويبقى باسمك

شاهيناز قالت بسرعه…. يومين اتنين  لو ما بقاش باسمي واثبت لي فعلا انك عايزني مش هقعد هنا ابدا

ايهاب ابتسم بتوتر وقال…. اكيد هخلصه … هي صحيح الشركه حاليا مش احسن حاجه يعني للمبلغ ده هيأثر عليها .بس مش مشكله ما يغلاش على عيونك المهم متبعديش عني تاني

شاهيناز ابتسمت و قربت منه وقالت…. انت كده فعلا بتثبت اني غاليه عندك وان  البنت دي مجرد غلطه وهتطلع من حياتنا مش كده

ايهاب ابتسم وقال… اكيد غلطه وهصلحها و…بس قطع كلامه لما سمع صوت صراخ شديد من اماني اتنهد وقال ….وبعدين في اليوم ده …ثانيه واحده بس يا روحي

قال كده و راح يشوف اماني وهي قفلت الباب وابتسمت بخبث و قالت… برافو عليا

وعند اماني كانت قاعده على السرير  بتبكي  وحاطه ايدها على بطنها

ايهاب قرب منها وقال بقلق ….في ايه مالك  يا اماني

اماني قالت بدموع بطني بطني وجعاني قوي يا ايهاب اااه

ايهاب  قعد جنبها بسرعه وحط ايده  على  بطنها وقال بلهفه …ليه حاسه بايه فين بالظبط بيوجعك

اماني ثبتت ايده  على بطنها  وقالت….هنا هو

ايهاب لسه هيتكلم رفعت ايده وحطتها على قلبها وقالت بدلال…. وهنا كمان

ايهاب بص لها بدهشه وهي بصت لعيونه جامد وقالت… تسمع عن الحب من اول عشوه

ايهاب  ضحك بخفه وقال ….لا ده جديد عليا كانوا بيقولوا في حب من اول نظره

اماني قالت بدلال اكبر….تؤ… اول عشوه …فاكره لما كنت في المطعم بعيط وقعدت معايا واتعشينا سوا ودفعتلي حساب المطعم عشان مش معايا فلوس

ايهاب ابتسم وقال … دي حاجه تتنسي هو الواحد كل يوم هيقابل واحده مجنونه يكون معاها مشكله تروح تطلب اكل مش معاها تمنه ويبقو مشكلتين

اماني ضحكت وقالت…. اهو انا وقتها حسيت احساس حلو قويييي

ايهاب  قربها ليه اكتر وبص لعيونها وقال …حسيتي بايه

اماني قربت منه جامد وقالت… حسيت بمغص شكلك ما كنتش مسامح في ثمن العشوه