رحاب قلبي بقلم جيجي

رحاب قالت ..اه بس انت كل مابيعدى الوقت بتجن اكتر المره دى انت خطفتها ومحدش عارف يطلع منك ايه تانى فاقولت احل الموضوع وانا متأكده ان انت مستحيل تقعد عاقل ومن غير مشاكل فا هتطلقنى من اول اسبوع ده  لو كملته

بحر ضحك وقال. ..واثقه فيا قوى انتى  على العموم اناهروح اقول لبابا ونزل ورحاب راحت على السرير ونامت وبحر جيه لقيها نامت قرب ونام جمبها وهو مش مصدق انها بقت ليه  بقى  يتأملها لحد ماراح فى النوم فى صباح يوم جديد
كانو وصلو بيت بحر واهلو سلمو عليها

وامو قالت..انااسفه والله يبنتى ربنا يعلم  قد ايه انا حاولت اربيه بس معرفتش

بحر بص لأمه بغيظ وقال…ايه ياأم بحر صلى على النبى امال مش كده عيب البنت لسه داخله

رحاب بصت لامه وقالت..وانتى زمبك ايه بس  المجنون مهما كلمتيه مش بيسمع الكلام وابنك ده حتى المستشفى مش هترضى بيه الحاله متأخره

بحر اتقدم عليها ومسك ايدها وقال…طب اديكم اتعرفتو على بعض  وطلعتونى مجنون تعالى بقى اوريكى اوضتنا واخدها ومشى بيهاوهو طالع على السلم نزل شاب من فوق ده عادل  ابن خال بحر

وقال بفرحه …بحر اخبارك اايه  انا جيت اخد يومين عندكم

بحر قال …اهلا ياعادل الحمد لله تمام بس انا مش فاضيلك معايا مراتى

عادل قال…اه سمعت عقبالى ياعم اهلا بيكى يا رحاب نورتى ومد ايده يسلم على رحاب ورحاب لسه هتسلم عليه بس

بحر مسك ايده جامد وقال…مين دى الى نورت ياروح امك وضم ايده ولسه هيضربو رحاب فركت  اديها بحماس وبصتله بفرحه بس

بحر نزل ايده وقال …ده نورك يابن خالى اهلا بيك انزل اتغدا عمتك حضرت الاكل واخد رحاب ومشى دخل الاوضه بغضب

ورحاب قالت …ياه يابحر لحقت نفسك على اخر مرفع كنت هموت وتضربه وامشى يلا ملحوقه

بحر قال ..مش هنولهالك يارحاب هقعد عاقل وهتشوفيه انا اصلا هنزل امشيه

رحاب قالت…لا مش هيمشى انت مش هتفضل تمشى الناس احنا متفقين

بحر اتنهد بضيق وقال …كان اتفاق أسود

رحاب قالت..انا هاخد دش وانزل اساعد حماتى واخدت هدوم ودخلت الحمام وبحر قعد على السرير بضيق وطلعت رحاب من الحمام وبحر دخل وأول مالقته دخل نزلت جرى على تحت وكانت بتجهزالأكل  وعادل كان قاعد على الكنبه واول ماشافت بحر نازل نادت على عادل

وقالت …اه فى حاجه هنا احطه على ايدى خبطت فى الحله والحله سخنه دى شكلها اتحرقت عادل مسك ايدها يشوفها

وقال…لا مافيهاش حاجه

رحاب قالت…لا ازاى انا ايدى وجعانى قوى

عادل قال.. طب تعالى هنا هنحط عليها مايه وفتح الحنفيه على ايدها وهى قربت منه وبحر شافهم اتقدم عليهم بغضب وقال….انتو بتعملو ايه ها

عادل بصله وقال… الحق يابحر رحاب حرقت ايدها بس  بحر قال بخضه ايه ورينى كده ابعد ومسك ايدها وبقى ينفخ عليها ويحطلها ميه وبص لعيونها

وقال…ايه كده بتوجعك رحاب رفعت عيونها  ليه وكانت اول مره تشوف عيونو من قرب  قالت بتوهان تؤ بحر بلع ريقه  بارتباك من قربها

بس عادل حمحم بحرج وقال…انادى لعمتى تشوفها رحاب بعدت بحرج

وبحر اتنهد بضيق وقال…وهى عمتك دكتوره علشان تشوفها غور من خلقتى الساعه دى  عادل طلع بسرعه

وبحر بص لرحاب وقال …قاصده تضايقينى بتقربى منه علشان تغيظينى  صح

رحاب قالت..يمكن اه ويمكن لا ويمكن بقرب منه لانه عاجبنى مثلا بحر مسك ايدها وشدهاليه وبص لعيونها

وقال….شايفه الوش ده وشاور على وشو بشكل دائرى

وقال….احفظيه كويس واحفريه  في ذاكرتك علشان ممنوع  تشوفى غيره او تحبيه غيره او تقربي من غيره  او حتى يعدي في احلامك انت بتاعتي ياانا رحاب انت ليا انا وبس انا لو بايدي اعميكي واعمى كل الناس علشان لا حد يشوفك ولا تشوفي حد غيري

رحاب بصتله بدهشه  وقالت….و انا هشوفك ازاي لما تعميني بحر قال بسرعه… بقلبك يارحاب ما انا بشوفك بقلبي انا لو غمضت عينيا هطلعك لو وسط 100 رحاب ما قدرتش ترد عليه فضلت ساكته و بحر شدها لي وقرب منها فى لحظه جميله وبعد عنها بصعوبه علشان يتنفسوا وحط جبينه على جبينها وقال انا هنسى اسمي و مش هنسى اللحظه دي رحاب كانت بتبص له بدهشه وعيونها هتطلع من مكانها

وقالت… انت عملت ايه بحر ضحك على شكلها

وقال…. عملت ايه انا ما عملتش حاجه

رحاب قالت…. لا عملت انت مجنون انت ازاي تقرب مني كده بحرقال….. ايه هى ما عجبتكيش

رحاب قالت…. لا طبعا

بحر قرب منها وقال… طب خلاص  هاتيها ما تزعليش

رحاب  بصتله بعد ما فهم وقالت… هي ايه دي اللي ارجعها

بحر قال…. اللي انت مش عايزه

رحاب قالت…. انا بس بحري قرب تاني منها وقال خلاص مش انت مش عايزاها رجعيها بس لو عاجباكي يعني وعايزاها خليها

رحاب قالت….. ما تلم نفسك ايه ده ابعد كده بحر قرب عليها تاني ورحاب رجعت  لورا لحد ماخبطت في الحيط

وبحر قال…… هاخدها انا

رحاب قالت… لا لا خلصت ابعد

بحرقال ….ايه هتخليها معاكي رحاب زقته بدضيق وبعدت عنه

وقالت…. اوعى كده عديني ومشيت وهى على السلم سمعت  الباب خبط  وقفت تشوفي مين على  الباب وكانت بنت لابسه عبايه ضيقه ومفتوحه

واقفه وقالت… انت بجد اتجوزت الكلام ده حقيقى

بحرقال… اه امبارح يا عقبالك يا زوزو

البنت قالت ….ايه طب وانا يا بحروا تعلقت في رقبته وقالت…. هونت عليك تسيبني وتتجوز غيري انا يا بيبو

بحر لسه هيتكلم بس نزلت  رحاب بسرعه  ومسكت البنت من شعرها وفضلت تضرب فيها

وتقول…. يا لهوي الحقونا يا ناس البنت البجحه جايه لجوزى البيت الحقوني بحر شدها من وسطها وبقى يحط ايده على بقها

وقال…..اسكتي اسكتي هفهمك على كل حاجه  هتفضكينى

بس رحاب ما كانتش بتسكت وكانت لسه بتزعق وبتقول… الحقونا جايه له البيت رحاب عضه ايد بحر  وراحت تانى تضربها والجيران اتلمو  على الصوت

بحرشد رحاب من وسطها وضحك وقال… معلش يا جماعه انتم عارفين لهفه البدايات عروستي بقى وغيرانه عليا وكده ما فيش حاجه خلاص روحوا انتم الناس مشيو ووالد بحر والدته قوامو والبنت ومشوهاو

رحاب قالت  . ..انا كنت متاكده انك مش هتعدي اول أسبوع حتى مش انا قولتلك  انك مش هتعدي اول اسبوع و وانك هتطلقني من اول اسبوع اديني مسكتك اهو وانت معك البنت وقدام عيني وفي بيتي كمان وفي شهود وبصت لعادل

وقالت… مش انت شفته

عادل قال…اه والله انا شفته بس انت اهدي يعني بتحصل رحاب اخدت  بعضها وطلعت فوق ولبست  هدومها وكانت ماشيه بس

بحر وقفها وقال… هتمشي هتسيبيني انا ما عملتش حاجه هي اللي جت مش احنا اتفقنا  كان اول مشكله انا اعملها المشكله دي انت اللي عملتيها هي اللي جات لي وانت ضربتيها انا ما ليش ذنب في الموضوع

رحاب قالت ….نعم يا اخويا ملكش دعوه ازاي امال هي جايه لي انا مش جايه لك انت وقدامي دي كانت حضناك

بحر قال. بسرعه… اديكى قلتيها كانت حضنان انا ما ليش دعوه

رحاب بصتله وقالت… اه صحيح انت مايكل جاكسون عصرك والبنت هي اللي جات لك بس تعرف لايقالك شمال شبهك

بحر شخط فيها وقال… ما تهمدي بقى وتحترمي نفسك من ساعه ما اتجوزتك ومن قبل ما اتجوزك كمان وانت نازله كلام زي السم وانا ساكت لك على فكره انا سكتلك لاني بحبك مش لان انت صح وعلى فكره انت لو مشيت دلوقتي تبقى بتخسري  اكتر بني ادم حبك في الكون حبي ده مش هتلاقيه في الارض ولا في السماء انت ليه مش عايزه تديني فرصه مش احنا اتفقنا