بنتي

– خير يا ولدي مالك، لو محتاج حاجة قول، انا قومتلك الكل عشان ما تستحي منهم
– مش مش والله

وغصب عني د,موعي نزلت اكتر، موقف غريب بمر بيه، كأن قلبي مف,طور بدون أي سبب، لقيته طبطب عليا بقوة وقال:

– انهاردة ترتاح وبكرة نحكي سوا

نصف ساعة وكان ألف قسم بيتحلف عليا اني لازم اتغدى معاهم، جابولي هدوم البسها وفضولي اوضة انام فيها، كل ده وانا من احراجي مش قادر اتكلم..

بس بالليل لما جه الراجل بالشاي لحد الاوضة حكيت، حكيتله كل حاجة بالتفصيل، حكيتله وانا بترجاه يساعدني ويقف معايا..

فكر كتير اوي، وانا كنت محترم صمته وساكت خالص، بعدها طلع تليفونه بصمت واتكلم:

– ازيك يا باشا، ليا عندك رجاء صغير
–
– ايوة فيه رقم عربية عايز أعرف صاحبه وبسرعة ضروري

ابتهجت من قلبي اوي، ولما قفل المكالمة طمني، قالي ان بكرة ان شاء الله هيكون عارف صاحب العربية لو هو من المحافظة هنا، ونمت ليلتها وانا على أمل أعرف البنت دي حصلها ايه، وتاني يوم الضهر جه الراجل ومعاه اتنين كمان قعدوا معايا..

الراجل كان وشه مقلوب اوي، بصتله بخ.وف شديد عشان يقولي:

– يابني انا هصارحك
– اتفضل يا حاج
– العربية طلعت لسواق اسمه بشندي شغال مع الشيخ حسونة بعربيته
– ومين حسونة ده
– ده أكبر شيخ فتح مقا.بر في الصعيد
– طيب وده معناه ايه

لقيته حط ايده على كتف الراجل اللي جمبه وقال:

– أبو عوف هيحكيلك كل حاجة لأنه كان شغال مع حسونة وتاب عن الشغلانة دي

بصيت لحسونة برجاء اللي بدأ يتكلم

“حسونة بيفتح المقابر بدم الأطفال، وكان له موردين من القاهرة، بيخطفوا العيال ويبعتوهم في القطارات لناس تبعه، بيشتري العيل بمبلغ كبير عشان يقدمه قربان ويفتح بدمه المقابر، وعشان يبعد عنه أي شبهة بيجيب عيال من القاهرة، وبطريقة بعيدة خالص عن أي شبهة، البل,طجي بيسر,ق العيل من القاهرة،. يبعت صورته لحسونة، والبلط,جي يبعت الطفل في القطر بنفس الطريقة اللي انت شوفتها دي، والطفل ينزل يلاقي حد عارف صورته ومستنيه وياخده ولا من شاف ولا من دري”

قلبي اتنفض من مكانه، شوفت نظرة البنت وهي خايفة، وتخيلت نظرتها وهي بتتقدم قربان، بصيت للراجل وكنت هبوس على ايده، كلمته بانفع,ال وقلت:

– انا عارف ان الصعايدة رجالة، اقف معايا، اوعى تقولي انك هتسيب البت تمو.ت

لقيته اتكلم بهدوء وقال:

– لا حول ولا قوة الا بالله، سلمها لله وسبها للعبد الضعيف انا

وبالليل بس كان عامل اجتماع العيلة كلها، وكنت انا وسطهم بحكي كل حاجة بالتفصيل، وسبحان الله، سبحان من سخرهم ليا، كل واحد أقسم انه هيقف معايا للنهاية، ورسموا خطة بسيطة، هيخ,طفوا السواق اياه، اللي خد البنت من المحطة،. اتعمل فخ قدام بيته..

وفعلا تاني يوم كان السواق مربوط في بيت قديم وانا وكام راجل واقفين قدامه بنه,,دده ، كان مر,,عوب، بيترع,ش، قالوله اني شغال في الأمن الوطني واني هوديه في داهية لو معترفتش، وهوب اعترف بكل حاجة بالتفصيل، مكان البنت، ومكان حفر المق.برة اللي هتتقدم البنت ليها قربان، وان خلاص قربوا يوصلوا للباب..

وفي نفس اليوم كنا في بيت عضو مجلس الشعب ومعانا السواق، وهو مستناش واتصل بالنائب العام اللي بدوره بلغ وزارة الداخلية، واتحركوا فورا للمكان المنشود، وسبحان من يسر الأمور..

اتق,بض عليهم متلبسين بصحبة الطفلة، ولحقناها قبل المو.ت بساعات بس، اقولكم سر، البنت وهي بتتسلم لأهلها بعد اسبوع سابت امها وابوها واترمت في ح,ضني..

انا يومها بكيت اكتر من أي يوم في حياتي، عرفت انها اتخط.فت من قدام بيتها، وضحكوا عليها وقالولها انهم هيودوها لابوها في السفر..

امها يومها قالتلي انها مسابتش سجادة الصلاة وفضلت تدعي تلت ايام، دعاء سخرني وسخر سواق عربية، وسخر عيلة في الصعيد وبالأخص في محافظة قنا عشان يرجعوا بنتها..

ولو تفتكروا الخبر اللي نزل في الجرايد من فترة ده كان عني
“شاب يحبط محاولة تنقيب عن الأثار لأشهر دجال في الصعيد”

سبحان مسبب الأسباب وصدق الله حينما قال
“وعسى أن تكرهوا شيئا ويجعل الله فيه خيرا كثيرا”
بقلم: أحمد محمود شرقاوي
……….
ان شاء الله هتصدر روايتي الجديدة “إن الله سيبطله” الجزء الثاني في معرض القاهرة الدولي للكتاب بداية من يوم ٢٤ يناير في جناح دار ببلومانيا للنشر والتوزيع بصالة ٢ جناح A35.. وقريب بأمر الله تعالى هعلن عن أيام وجودي في المعرض لو حد حابب يوقع الرواية ونتصور مع بعض.. أما بالنسبة للجزء الأول فهو متاح مجانا pdf وتقدر تحمله من أي موقع على جوجل لو بحثت على جوجل وكتبت “تحميل رواية إن الله سيبطله pdf”

متنساش اللاف والشير للقصة وفولو لو مش متابعني.
#دمتم
#أحمد_محمود_شرقاوي