= مبروك
يلا عشان نمشي
لسه تعبانه
منى كانت بتبصلهم باستغراب اتكلمت بهدوء
= دا طبيعي في الحمل
نبقى ناخدها لدكتوره نسا تطمننا عليها المهم دلوقتي نروح عشان انت ترتاح يا يونس و انا افهم اللي بيحصل
هز راسه بهدوء و سند غصون و خرجوا برا المستشفى
وصلوا القصر و يونس جمعهم كلهم و حكلهم كل حاجه تحت صدمتهم كلهم
نبيله كانت بتبص لحامد بغضب و حامد بصلها بقله حيله
اتكلم كامل بغضب مفرط
= انت اللي روحت اتجوزت واحده من البندر و من غير ما تعرفنا و دي كانت النتيجه متلومش غير نفسك على كل اللي حصل محدش فينا رضي بيها بس انت اللي فضلتها على بنت عمك و اللي بيحصل دلوقتي عواقب افعالك
انت عارف لو حد من البلد عرف حاجه زي كدا هيحصل ايه و كله بسبب اللي انت جابتهلنا
نواره بحده
= طب و اللي في بطنها
ازاي الدكتوره قالت مش حامل انا مش فاهمه اي حاجه
يونس بغضب
= السؤال دا اجابته عندها و انا مش هسكت الا لما اعرف
لان مفيش غير حاجتين يااا هي اتفقت مع الدكتور يااا نزلت.. الولد
رأفت بهدوء
= بس الدكتور دا دكتور العيله و مستحيل يعمل حاجه زي كدا و الاختبار كلنا شوفنااه بعيينا
معقول تكون نزلته… بجد!!!!
يونس كور ايديه بغضب مفرط و هو بيفكر في مليون سناريو و كلهم اسوء من بعض
فاق على صوت كامل و هو بيتكلم بحده
= هبعت اجيب المأذون عشان تطلق غصون…
قاطعه يونس و هو بيتكلم بغضب
= بس انا مش هطلقها انا هرجع القاهره و معايا مراتي
متنساش ان غصون دلوقتي حامل في ابني و مبقاش فيه اي سبب يخليها تبعد عني بالعكس المفروض دلوقتي تبقى معايا و بس
منى بغضب
= يعني انت هتاخدها عشان اللي في بطنها
لو على كدا فاحنا هنقدر نهتم بيه كويس سابها لي اللي يقدرها
يونس كان لسه هيتكلم بس قاطعته منى و هي بتتكلم بغضب
= انا لسه مخلصتش كلامي
لما انت اتحطيت في الاختيار ما بين بنتي و مراتك الاولى و اللي اصلا لسه لحد دلوقتي على زمتك انت بكل بساطة اختارت مراتك و اتخليت عن بنتي فمتجيش دلوقتي بعد ما خسرت كل حاجه تختار بنتي دي حاجه انا مش هرضهلها
اتنهد بغضب و اتكلم بحده
= خلصتي
قولي كل اللي انتي عايزاه و اعملي اللي عايزه تعمليه بس انا هاخد مراتي معايا في بيتي غصبن عنك و عن اي حد و غصبن عنها هي نفسها و محدش هيقدر يمنعني
قال كلامه و مسك ايد غصون
منى كانت لسه هتتكلم بس قاطعتها غصون و هي بتتكلم بدموع
= انا عايزه اروح معاه يا ماما
اتنهدت منى بقلة حيله و اتكلمت بغضب
= روحي يغصون و ابقي ارجعي معيطه بس خليكي فاكره انك هتبقي معاه لوحدك هناك و واجهي بقى يبنت بطني كل اللي هيحصلك
غصون كانت لسه هتتكلم بس قاطعها يونس و هو بيمشيها معاه و بيدخل الاوضه بتاعتها
ساب ايديها و اتكلم بهدوء
= لمي هدومك عشان هنمشي دلوقتي
انا هروح الم هدومي انا كمان
كان لسه هيمشي بس مسكت ايديه و اتكلمت بدموع
= هو انت مش مبسوط عشان انا حامل مش عايز طفل مني!!!!
بقلمي يارا عبدالعزيز
اتنهد بعمق و اتكلم بضيق
= غصون انا و الله العظيم ما قادر اتكلم بسرعه عشان نوصل على الصبح
قال كلامه و خرج من الاوضه
بصيت لطيفه و هي بتعقد على السرير و حاسه انها مخنوقه…
خديت نفس عميق و اتكلمت بدموع
= هو بس اكيد مضايق عشان اللي حصل و لسه مصدوم من اللي عاملته اكيد لما يهدا هيتكلم معاكي انتي لازم تكوني جانبه و تستحمليه
في الصباح
وصلوا القاهره و بالتحديد في الڤيلا بتاعت يونس
طلعوا الجناح بتاعه و غصون بصيت للصور بتاعت يونس و مي اللي متعلقه على الحيطه بغصه في قلبها
اتكلمت بصوت متحشرج
= مش عايزه اقعد في الاوضه دي
هاخد حاجتي اوضه تانيه
كانت لسه هتمشي بس وقفت لما لاقته بيرمي الصور كلها في الارض
حطيت ايديها على ودنها بسبب قوه صوت الازاز… اللي كان بيخبط على الارض بصتله بخوف
اتكلم بغضب مفرط و صوت عالي ارعبها
= حلو كداا انا كمان مش عايز اي ذكرى ليها و هجبها و هموتها… هخلصك و اخلص نفسي من شرها… هي و الواطي…. اللي كان معاها
انا محدش يضحك علياا
يونس البسيوني ميضحكش عليه و الله العظيم ما هرحمها لعبت في عداد عمرها بنت عاصم السيوفي
غصون كانت بتبصله بخوف من تحوله و غضبه
حاولت تقوي نفسها وراحت عنده
اتكلم بغضب مفرط
= ابعديييي
ابعدييي متقربيش
كانت بتبصله بصدمه
اتكلمت بخوف و هي بتحاول تقرب منه
= يونس خلينا نتكلم ممكن تسمعني و تحاول تهدا اللي انت بتعمله دا ….
قاطعها و هو بيتكلم بغضب
= انتي شايفه ان كل اللي حصل ممكن يخليني في يوم من الايام اهداااا
انا مش ههدا الا و انا باخد حقي منهم
اطلعي برااا دلوقتي
كانت لسه هتقرب اتكلم بغضب
= اطلعي يغصون انا مش عايز اذيكي…
سبيني دلوقتي
قال كلامه و مسك ايديها و طلعها برا الجناح
كانت بتحاول تهديه بس مش عارفه كان عامل زي الثور اللي مفيش اي حاجه عارفه توقفه
وقفت قدام الجناح و اتكلمت ببكاء و هي بتخبط على الباب
= طب خليني معاك و مش هعمل حاجه
يونس افتحلي
قعد على السرير و هو ماسك دماااغه بتعب مفرط حاسس انها هتنفجر من الوجع
فضل يرمي في كل حاجه في الجناح و غصون كانت واقفه على الباب و هي بتخبط بخوف عليه
سكتت لما لاقته فتح الباب كانت لسه هتتكلم بس قاطعها لما لاقته مشي من غير ما يتكلم معاها
سمعت صوت عربيته عرفت انه مشي
دخلت الجناح و بصيت لكل الحاجات المرميه على الأرض قدامها بحزن
وصل قدام مخزن مصنعه لاقى رجالته موجودين على الباب دخل جوا و بص لعاصم اللي متربط على الكرسي بغضب
اتكلم عاصم بغضب
= انت اتجننت يا يونس
انا هوديك في ستين داهيه
يونس بغضب
= مش لما تبقى تخرج من هنااا الاول
بنتك فين
مي فين يا انطقققق
عاصم بخوف
= معرفش هي فين
هي المفروض معاك مجتليش يونس اللي انت بتعمله دا غلط فكني و خليني امشي
يونس بغضب
= مش قبل ما الاقي بنتك و اخاد حقي من كل اللي عاملته مش انا اللي يضحك عليا دا انا امحيكوا كلكوا من على وش الارض و انا هعرفكم مين هو يونس البسيوني كويس
قال كلامه و خرج من المخزن و طلع على شقته كان عايز يبعد عن غصون بسبب خوفه عليها منه و من غضبه اللي بيحرق… اي حد مهما كان قريب منه
مر يومين و يونس مش بيرجع البيت و غصون ديما بتتصل بيه بس مش عارفه توصله بتروحله شركته بس بيقولولها انه مش بيجي
كانت حاسه بالضياع و هو بعيد عنها
بقلمي يارا عبدالعزيز
في المساء
كان قاعد في البار.. بيشرب
حاسس بصداع مستمر بقاله يومين و بيزيد اكتر
جت واحدة و قعدت جانبه و اتكلمت بدلع
= مالك يباشا
يونس بغضب و هو ماسك راسه
= بقولك ايه ابعدي عنيي انا مش فايقلك
نورا بدلع و هي بتقرب منه
= ليه كدا بس دا انا حتى عايزه اساعدك و امحكيلك كل التعب داا في ثانيه
بصلها يونس بانتباه و سُكر
اتكلمت بدلع
= بس مش هناا
معندكش مكان يكون بعيد عن عيون الناس و انا هريحك على الاخر
مسك ايديها و خدها معاه في عربيته و طلع على شقته
دخل الشقه و كان لسه هيعقد على الكنبه بس مسكت ايديه و دخلت الاوضه و اتكلمت بدلع
= تعال و هناخد كل حاجه جوا
دخل معاها و هو سكران… و ماسك دماغه بالم
