#البارت_الثانى
_انتى طا*لق يا عا*هره..
ملك بصتله بألم ووجع مكنتش نفسها تسمع الكلمه دي في الوقت دا والموقف دا ..
بصت للكل بانكسار وقربت من أبوه..
_انت كنت اكتر شخص دعم ليا في البيت دا مع كره الكل ليا كنت بعتبرك زي ابويا اللى انحرمت منه وانا صغيره ..كنت بحب العدل اللي بتحكم بيه مع الناس بس جيت ووقفت مع ابنك من غير ما تعرف الحقيقه .استحملت كتير علشان كنت شايفه أن في حد كويس معايا هنا ومش بيعاملنى انى بنت البندر مع انى فضلت تلات سنين منكوا تلات سنين معاكوا عمري ما زعلت حد منى مع انى كنت بتهان كتير ..
النهارده اتهانت برضو واوووي..
بصت لطارق اللي كان واقف بجمود اول مره تشوفه كدا بالشكل دا ..
فين طارق بتاع زمان اللي اتحول في لحظه من يوم ما اتجوزنا …حسيت بانتصار وانا شايفاه بالحاله دي اخيرا نار الانتقام هتهدى جوايا شويه!
استجمعت قوتي ووقفت قدامهم..
_كنت ببنى احلام كتير معاك يا طارق بس انت هدمتها كلها في اللحظه دي ..
بصيت لابوه
_انا عاوزه اتكلم معاك لوحدنا اخر حاجه وهمشى ومش هتشوف وشي تاني ..
دخل المكتب ودخلت وراه..
:انت عاوز تعرف ابنك يا حاج عمل كل دا لى..
الاب بجمود وعصبيه:علشان حطيتى رأسه في الطين ابنى مايكدبش واصل..
_للاسف ابنك كداب ..
:انتوا دائما كنتوا بتعايرونى انى مبخلفش مع انى لسه معرفش أنا بخلف ولا لا …
الاب:اي الكلام اللي بتجوليه دا اتحشمي يا جليلة الحيا
_دي الحقيقه انا بقالى تلات سنين مع ابنك ولسه عذراء ابنك لحد دلوقتي كان بيعاملنى زي أخته ..ولما جيت اقوله نروح لدكتور طلع أن العيب منى أنا…ابنك متكبر أنه يعترف أنه مـ،ـر..يض أنا قولتلك الكلام دا علشان متظلمش البنت اللي عاوز يتجوزها عليا..
لو مش مصدقني هات دكتورة نسا دلوقتي والتأكد أنا بكـ،ـدب ولا لا…
بصلى وهوا متعـ،ـصـ،ـب:انتي كـ،ـدابه أنا ولدى سليم مفيهوش حاجه .روحى شوفي يمكن العيب منك ..أنا هجوزه من بعدك وهثبتلك أن كلامك دا محطوش في اعتباري واصل انتى ناسيه أننا صعايده ولا اي مفيش الكلام دا عندنا…
وساعتها همـ،ـوتك لو في بطن أمك يا حـ،ـيه!
_اقتلنى وانا جاهزه علشان انا واثقه من كلامى صدقنى ابنك مريض ومحتاج مساعده أنا كنت بحبه واستحملته غيري مش هتستحمله وهتبقى فضيـ،ـحته في البلد بجلاجل
أنا كنت عوزا اساعده بس ابنك حول مساعدتي ليه لانتقـ،ـام …
_امشي من اهنه احنا مش محتاجين لمساعدتك أنا ابنى مفيهوش حاجه غوري من هنا …
سيبته وخرجت وانا حاسه بالانتصار..وانا عارفه ان أبوه صدق كلامى بس مش عاوز يبين دا علشان كرامته…
فضحته فضيحه اكبر من اللي فضحهالى لكن المرة دي وانا الي حد ما على. حق وهوا على باطل …ابتسمت بانتصار وانا بخرج من البيت وببصله بتحدي ..
طارق كان حاسس بالصد..مه والتعب هوا حبها من قلبه ومكنش عاوز يأذيها كدا لكن مش عاوزها تفضل معاه هوا بالحاله دي …
بص لاثرها بحزن وأبوه جه ونادي عليه..
دخل وهوا حاسس نفسه في معركه..
الاب ضربه على وشه بالقلم :عاجبك العار اللي جبتهولنا دا دي عمرها ما حصلت واصل في البلد كلتها انت مش من توبنا انت عار علينا …
وكنت عاملى نفسك بتاع بنات وكل يوم مع واحده يا تري كنت بتدفعلهم فلوس علشان يداروا على خيبتك يا خلفة العار
طارق بحزن:أنا مش عارف دا كله حصل ازاي ،،علشان كدا كنت رامى اللوم عليها مع انى العيب مني مش منها أنا حتى متكبر اروح لدكتور علشان انا عارف أنا كنت اي زمان ..بس من يوم الدخله وانا محستش تجاهها باي حاجه علشان كدا احم معملتش حاجه…
_يا حسرتي عليك يا عاري فيك اخس عليك خلفه عار غور من وشي…
بصيت على البيت وانا واقفه برا…
_لسه التقيل جاي ورا اصبر عليا بس ..
فتحت شنطتها وخرجت منها علبة
_هههههههه والله صعبت عليا يا طروقه يلا كله يهون علشان ابوك العمده يتأدب ويبطل اذيه في الناس ،اما انت بقى يا حضرة العمده لسه تمن موت ابويا على ايدك ما اتصفاش ،انا كدا خدت حق الليالي اللي عشتها أنا وامى واخويا من غير سند لسه تمن حرقة قلبنا ولسه حق ابويا ..
دوق من نفس الكاس اللي دوقتنا منه ولسه بالجامد….
استغليت انك عندك سلطه وموتت ابويا الغلبان من الرعب والتعب والمرض مكنش جواك ذرة رحمه ..أنا برضو عملت كدا في ابنك هيموت من التعب والوجع والرعب …
كنت ماشيه على اول البلد علشان اركب مواصله وارجع القاهره..
وصلت المحطه وقعدت ارتاح شويه واتنهدت بتعب تلات سنين كنت محبوسه في بيت مش بيتي ..تلات سنين كنت في دائره مش عارفه اطلع منها ..انتقام مالى قلبي مع انى حسيت انى حبيته لكن كنت برجع واقول الانتقام لابويا اولى ولازم ارجع حق الميـ،ـت علشان يرتاح…
_عجبني تمثيلك اووي يا بنت عمران…دا انا صدقتك .ههههههههه.
بصيت لمصدر الصوت بصد..مه:حمزة!
#يارا_عبد_السلام
_عجبني تمثيلك اووي يا بنت عمران…دا انا صدقتك ..
بصيت لمصدر الصوت بصد..مه:حمزه!
حمزه قرب منها بثبات وقعد جنبها..
_خلصتي انتقـ،ـام ؟
بصتله بجمود:لسه شويه كمان لما تشوفهم كلهم متد..مرين
_كفايه بقى ضيعتي عمرك كله في سراب وانتقام ملهوش اي لازمه انتى لى بتعملى كدا
_علشان اخد حق ابويا وانت اكتر واحد عارف احنا مرينا بايه وأمى مرت بايه وانا واخويا
_عارف كل دا بس انتى سيبتيني وضيعتى نفسك علشان الانتقـ،ـام
_واسيب اي حد في سبيل انى اريح ابويا في تربته
_اتغيرتي يا ملك
_الدنيا بتغير وتخليك مش قادر تكمل ولا تواجه لكن لازم تستمر على متضعش..
حمزه:انتى لي بتعملى كدا لي بتخليني ابعد مع انى دائما جنبك وفي ضهرك ودخلت معاكي في اللعـ،ـبه دي علشان بحبك انتى لي جو الانتقـ،ـام اثر عليكي كدا لي.
بصيتله بوجع:انت محستش اللي احنا حسيناه انت اه عارفه بس مجربتش انك تحس انك تايه وضايع وملكش سند
_اخوكي موجود وانا موجود وبحبك وعاوزك جنبي متبقيش انانيه
_انا مش انانيه هم اللي وحشين …
_طيب ارجعى يا ملك ارجعى ملك بتاعت زمان
_مش هقدر يا حمزه مش هقدر الا لما اشوف العمده وعيلته كلها بتدمر قدامى..
_تمام يا ملك اللي تشوفيه
القطر جه وركبوا وحمزه حس ان الكلام بقاش فيه فايده
وصلوا القاهره بعد ١٢ساعه في القطر ..
_هتيجي
_لا أنا هروح ارتاح شويه علشان تعبت
_خلاص هستناك باي..
سابته ومشيت وهوا بص في اثرها بحزن على اللي عملاه فيه وفي نفسها بسبب انتقـ،ـام من وجهة نظره مفيهوش فايده..
روحت وقابلتها امها
_عملتى اللي في دماغك يا ملك
_ماما لو سمحتى أنا تعبانه ومش عاوزا اتكلم دلوقتي لما حسام يجي ابقى صحيني
دخلت ونمت نوم عميق اول مره بعد تلات سنين احس بالراحه دي …
عند طارق ..
كان قاعد واحاسيس كتير في دماغه حاسس ان ملهوش لازمه في الدنيا يمكن الحيوانات ليها فايده اكتر منه كفايه كلام أبوه ليه اللي اثبتله أن كل اللي عمله أبوه في الناس اتردله فيه في ابنه الوحيد..
*أنا لازم ابعد لازم اروح في مكان تاني محدش يعرفني فيه ولا اشوف حد فيه..
عند ملك
كانت قاعده مع حسام اخوها بتحكيله كل اللي حصل وهوا قاعد مستمعلها..
_ارتاحتى كدا خلاص
_لسه مش هرتاح اووي الا لما اشوفه مكسور قدامى وحزين
_واشمعنا ابنه
_علشان كان بتاع بنات وقولت اخد حق البنات اللي كسرها دي بالمره أنا في الاول كنت مشدوداله قبل ما اعرف هوا ابن. مين كانت مشاعري صادقه ناحيته لكن لما عرفت أنه ابن السبب في موت ابويا طبعا نسيت اي مشاعر وقررت استغل حبه ليا في الانتقـ،ـام
_وحمزه
_ماله!
_انتى مش واخده بالك انك ممرمطاه معاكى عالفاضى وانتى مش بتحبيه
_حمزه زيك وصديقى المقرب غير كدا مفيش حاجه ناحيته علشان كدا لازم ابعد عنه علشان يشوف حياته ..
_طلعتى انانيه اووي يا ملك مكنتش متخيل فيكي كدا..
بصيتله بجمود وشربت القهوه اللي قدامى ودخلت اهرب في عالمى الخاص عالم الانتقـ،ـام .!
بعد مرور أسبوع
صحيت من النوم على خبط شديد عالباب..
فتحت الباب لقيت حمزه
_حمزه في اي
_طارق
_ماله
_انتـ،ــ،ـحـ،ـر
_اي؟
