فضلت منتظره طول اليوم ومرجعش وهى تتصل عليه مره يكنسل عليها ومره يرد حاضر شويه وجى لحد ما رجع ليها اخر الليل
قامت صفاء وشدت معاه وقالت له وبعدين بقى ايه لعب العيال ده انت بتتهرب ليه
مازن ايه بتهرب دى هو انا هتهرب ليه ان شاء الله انا واثق من نفسي كويس اوى وانى معملتش حاجه غلط واصلا التحاليل دى مش فارقه معايا انا كويس والحمدلله
صفاء ويعنى انا اللى عملت حاجه غلط ولما انت مش فارق معاك التحاليل ما تريحنى انت عارف يامازن لوصحيت الصبح مالقتكش جنبى ومستني عشان نروح نعمل التحاليل مش هيحصل طيب
مازن بينه وبين نفسه وبعدين بقى فى النكد ده
ورجع قال حاضر ياصفاء هريحك حاضر هريحك خالص
وفعلا الصبح اتفاجئت بيه بيصحيها مش يالا ولا ايه
انا
عندى مشاوير اروح وتسيبك بقى من الهلاوس اللى فى بالك دى
صفاء قامت قعدت على السرير لا انا دقيقه وهكون جاهزه
وفعلا قامت اخدت شاور بسرعه ورجعت سمعته وهو بيقول لحد خلاص زى ما اتفقنا اوعى تحس بأي حاجه يالاسلام مش هأكد عليك تانى وقفل الخط دخلت وقالت له وهى بتلبس ايه كنت بتكلم مين بدري كده وبتاكد عليه كده
مازن ها لا ابدا ماتشغليش بالك دا موضوع كده فى الشغل ما تشغليش بالك انتى فى ايه ولا فى ايه وخلصت لبس ونزلوا
وصفاء هتتجنن وتعرف النتيجه وعماله تقول ياترى هو كان بيتكلم فى ايه انا حاسه ان فى حاجه غلط
وصلوا للمعمل واخدوا منه العينه وقالوا النتيجه هتظهر اخر اليوم
صفاء طب ممكن اسيب ليكم رقم تليفونى وتبعتوا النتيجه ومعاها التقرير على الواتس
ردوا عليها ايوه يافندم مافيش مشكله خلاص اول ما تبان هنبعتها لحضرتك
وهما راجعين فى الطريق
مازن ايه رايك مادام لسه الوقت بدري نعدى نعمل توكيل ليا بالاداره بالمره عشان مافيش حاجه تتعطل
صفاء تجاهلت كلامه ومردتش عليه
مازن ايه ياصفاء انتى رجعتى فى كلامك ولا ايه
صفاء لا مارجعتش بس انا هعمل ده فى الوقت اللى انا شيفاه مناسب
انا عاوزه اعدى على الشركه اظبط شوية حاجات كده
مازن اللى انتى شيفاه بس احنا مش قولنا استريحي انتى الفتره دى وسيبي لى أمور الشركه وحملها على كتافى هو مش انا وانتى واحد ولا ايه وبعدين هتفرق ايه دلوقتى من بعدين
صفاء معلش اسمع كلامى انا عاوزه اروح النهارده وبعد كده فى كلام تانى
مازن خلاص اللى يريحك
وفعلا وصلوا الشركه وطالع مازن مكتبه فى مبنى الاداره
وجد صفاء متجها ناحية مبنى العاملين بالشركه
مازن ايه ياصفاء رايحه على فين
صفاء هلف لفه كده فى الشركه عشان لو قعدت الفتره اللى جايه
مازن خلاص زي ما تحبي انا هطلع مكتبى هتتطولى جوه
صفاء ايوه شويه كده
مازن تمام براحتك
دخلت صفاء للعاملين
وبتسألهم فى اى حد عنده اي مشكله مرتبطه بالشركه لو فى يكتبها ويجبها لى شخصيا فى مكتبي
وانا هسيب ليهم خبر ان اى حد منكم يجى
يدخل لي مباشرة
وخلصت معاهم ورجعت على مبنى الاداره
واول ما قربت من مكتب مازن وجدت السكرتيرة بتاعتها خارجه من عند مازن وضحكتها ماليه وشها
دخلت على مازن وقالت له يارا كانت عندك وطالعه مبسوطه اوى كده ليه وكانت بتعمل ايه عندك
مازن وايه الغريبه انها تكون عندى كنت طالب منها بيانات ومستندات وكانت جيباها
صفاء وانت طالب منها بيانات ومستندات ليه وطالعه من عندك مبسوطه اوى كده ليه
مازن ما انا قولت اتطلع على الشغل اللى كنتى مسكاه وانتى هنا عشان لو حبيت اسالك على حاجه هو مش احنا اتفقنا
صفاء بس انا لسه ماقررتش
—
انى اسيب ليك إدارة الشركه وانى اقعد استريح
مازن انا متأكد منك ومن قرارك ومن ثقتك
فيا ولا انتى ليكى رأي تانى
المهم قولى لى انتى كنت عند العمال ليه فى مشكله حصلت جوه ولا ايه
صفاء لا ابدا انا حبيت لو قعدت فى البيت اكون سايبه حاجه كويسه يفتكرونى بيها ويدعوا لى يمكن ربنا يشفيني من المړض ده ولو ربنا ارادت اتوفيت يدعوا لى بالرحمه
مازن بعد الشړ عنك بس قولى لى حاجه زى ايه يعنى
صفاء هشوف طلب كل واحد منهم وهنفذه ليه
يعنى لو واحد عاوز زياده ويستاهل هزوده
واللى عاوز سلفه ويدفعها على فتره كبيره هساهم بجزء وهطلع له الباقى سلفه يسددها براحته
اى طلب حد منهم هيطلبه هنفذه مهما كان مادام يستحقه
مازن قام وقف وهو منفعل ازاى ده هى الشركه متحمله مصاريف
دا الشركه يادوب بتكسب بالعافيه لا الكلام ده مش هينفع طيبت قلبك دى هترجعنا للوراء
صفاء فى ايه يا مازن دى شركتى وانا حره فى قرارى هو احنا هنبدأ بقى ولا ايه
لما انا لسه هنا وبتعترض على قراراتى ومش عاوز تنفذها امال لو تنازلت لك عن الاداره هتتصرف ازاى
مازن لا ابدا انتى حره الشركه شركتك طبعا بس انا قلبي عليكي وعلى شركتك ولازم لو شوفتك بتاخدي قرار غلط انصحك وانتى حره فى الاول وفى الاخر والقرار قرارك طبعا
وشويه والسكرتيره دخلت
قالت لصفاء
حضرتك العمال معاهم طلبات وطالبين أنهم يقابلوا حضرتك وبيقولوا ان حضرتك اللى طلبتي منهم
كده
قامت صفاء ايوه ايوه انا رايحه مكتبي اهو ودخليهم عليا واحد واحد
واللى هيطلع منهم بطلبه ممضي يتنفذ فى الحال انتى فاهمه
يارا حاضر يافندم
وقعدت معاهم كلهم وكلهم خارجين من عندها مبسوطين من تنفيذ طلباتهم وبيدعوا ليها زي ما طلبت منهم
واخر اليوم مازن دخل عليها وقال ليها ها خلصتي
صفاء ايوه تمام انت ما تعرفش انا مبسوطه من انبساطهم قد ايه
انا مش عارفه انا معملتش كده ليه من زمان احساس براحه فظيعه ان يكون كل اللى شغالين عندك مرضيين ومبسوطين
مازن ياسلام بجد والله طب يالا عشان نمشي
ونزلوا وركبوا السياره وهما فى الطريق وصفاء هى اللى بتقود لأنهم كانوا واخدين سيارتها فجأه جالها رساله على الواتس من المعمل اول ماشافتها نسيت انها بتقود وفتحت الواتس وداخلت الرسائل تقرأ التحاليل والتقرير
وكان مازن مشغول باتصال ومش واخد باله انها بتقود وهى مركزه فى التليفون وفجأه سياره اخرى قطعت الطريق بتلف من تقاطع دخلت صفاء فيها
اتجمعت الناس حوالين السيارتين وفاقت صفاء من هول الصدمه لتنظر بجانبها لتجدهم بيخرجوا مازن من السياره وهو غايب عن الوعي وراسه مملوء بالډماء
صفاء فى ايه مالك يامازن رد عليا وفكت حزام الامان وفتحت باب السياره وجت تنزل صړخت من قدمها اللى اتصابت من الحاډثه
فضلت تنده عليه وطبعا مافيش اى رد منه
واحد قال ليها ماتقلقيش هو فيه نفس بس إصابته واضح انها شديده شويه والاسعاف زمانها فى
الطريق
وفعلا الإسعاف جت واخدتهم
ووصلوا المستشفى ودخلوا مازن بعد ما الدكتور كشف عليه لغرفة العمليات واخدوا صفاء للكشف وعمل فحوصات للاطمئنان عليها
وتم تجبيس احد قدميها واصابتها الاخرى متفرقه ولكن بسيطه وغير خطيره
وطلبت من الممرضه تسأل عن حالة مازن زوجها فقالت لها انا بسال ليكى عليه من ساعة ما طلبتي مني اول ما دخلتى الكشف ولسه ساله تانى من شويه لسه ماخرجش من العمليات ادعى له
فضلت تبكي انا السبب لو ماټ مش هسامح نفسي كل ده من بصيتى فى الموبيل وافتكرت رغم اللى هي فيه هو فين الموبيل صحيح
الممرضه
—
