حمدي كان واقف مذهول من اللي حصل وبيحصل
حمدي:مشلوله هى وصلت لكدا ياااه الزمن دوار اوووي
فارس ربط على كتفه:خير كل دا خير انت ما عليك غير الصبر والايمان وربنا هيعوضك بس انت ادعى
مديحه:هى اكيد ممكن تتعالج صح يا فارس اختى هتبقى كويسه
فارس قرب منها وحضنها:أن شاء الله يا امى متقلقيش
بعد الموقف دا عدى اسبوع والتحريات شغاله بيدوروا على اللي عمل كدا بس مش لاقيينه وسحر فاقت وخدوها على بيتها حمدي خدها على هناك الحكومه بعد ما يأست حمدي كان عاوز يدفن بنته ويحتسب جزاء اللي عمل كدا عند ربنا وخد تصريح بالدفن ودفنوها وحمدي كان وقتها منهار ومش عارف يسيطر على دموعه وكانت سحر طول. الوقت ساكته مش بتتكلم بتعيط وبس وكان معاها حمدي طول الوقت واخد باله منها وكان حاسس ان دا ذنب ربنا بيخلصه منه
فارس ونور محصلش اي حاجه بينهم وكانو بعاد عن بعض بسبب اللي كان حاصل..
فارس كان قاعد ونور قربت منه بتوتر
نور:فارس
فارس يصلها وفجأة لقاها بتعيط
قرب منها وخدها في حضنه وطبطب عليها
فارس:مالك يا حبيبتي
نور:امتحانات الفاينل الاسبوع الجاي وانا مش عارفه اعمل اي دي اخر سنه ليا وعوزا احقق حلمي وحلم بابا وخايفه ومذاكرتش حاجه ومش عارفه اذاكر
فارس:يا روحي طيب أهدى كدا ومتعيطيش وانا معاكى يعني عوزا جوزك يكون دكتور في الجامعه وخايفه كدا لا اخس عليكي
نور:يعني انت هتشرحلي وهتذاكرلي
فارس بالابتسامه:طبعا موافق
نور بفرحه:شكرا وقربت منه وباسته من خده
وفجاه ادركت اللي عملته
نور بخجل:اسفه مش قصدي
فارس بضحك:دي احلى حاجه حصلتلي في حياتي متتاسفيش
وفجاه قربها منه وخد بوسه من خدها
فارس:كدا نبقى خالصين اي رايك
نور:انت انت قليل الادب
فارس:طيب شوفي مين هيساعدك
نور :خلاص والله انا اسفه
فارس بضحك:ايوا كدا اتعدلى
نور :طيب هنبدا امتى بقى
فارس:من دلوقتي مفيش وقت
نور بسعاده:هوا وهكون عندك
فارس ضحك عليها
نور جت وجابت الكتب اللي هتذاكر فيها
وقعدوا قصاد بعض وفارس بدأ يشرحلها محاضره محاضره
فارس:فهمتي
نور وهى سرحانه في عينيه:اه فهمت
فارس:طيب ننقل على اللي بعده ولا اي
نور:اللي انت شايفه
فارس:نور انتى فيكي حاجه
نور فاقت من اللي هي بتعمله
نور:لا لا انا معاك اهو يلا نكمل
فارس:يلا
وبدأ يشرحلها تاني وحس انها سرحت منه
فارس:نور انا كنت بقول اي
نور بتوهان:كنت بتقول أن عينيك حلوة اووي
فارس بابتسامة:اه واي كمان
نور:وأنهم بياخدوني لعالم تاني
فارس:واي كمان
نور ادركت الموقف اللي هي فيه وفاقت
نور بخضه وتوتر:انا انا اسفه والله مش قصدي اي اللي انا قولته دا
فارس وهوا بيضحك على منظرها:يبنتي عادي منا جوزك
وغمزلها وحقك تتغزلى فيا
نور بخجل:وهى بتقوم انا انا خلاص مش عوزا شرح
فارس مسك ايديها ووقفها
:وانتى بقى اللي هتقرري اقعدى يا نور
نور قعدت وهي مكسوفه من الموقف دا
وقررت انها مش هتبص في عينيه تاني
فارس:ركزي يا نور وسيبك من عيني دلوقتي
نور:حاضر
نور بدأت فعلا تركز معاه وخلاص فارس خلص
فارس:ها فهمتي يا ستي
نور:اه فهمت على فكره انت دكتور شاطر جدا وليك مستقبل انا فهمت منك بس في حته كدا مش فهمتها
فارس:اي هي
نور بتوتر وهي ماسكه الكتاب وبتدور ومش لاقيه حاجه عوزا تقعد معاه اكتر حبت وجوده وكلامه وكل حاجه فيه
فتحت اي صفحه وقالت دي
فارس باستغراب:دي اللي مش فاهماها دي اسهل حاجه
نور:ايوا عادي
فارس ماشي يستي
وبدأ يشرح وحرفيا المره دي نور تاهت بمعنى الكلمه
فجاه لقت نفسها بتقول:على فكره أنا بحبك اوووي
#يارا_عبد_السلام
#البارت_السادس_والعشرون
وبدأ يشرح وحرفيا المره دي نور تاهت بمعنى الكلمه
فجاه لقت نفسها بتقول:على فكره أنا بحبك اوووي
فارس الكلمه رنت في ودنه كأنه بيحلم
فارس بصدمه ممزوجه بفرحه:انتى قولتي اي
نور فاقت من سراحنها وبصتله بصدمه
نور:انا اي اللي انا قولته دا انا انا
اتكسفت اووي ولسه هتقوم من قدامه
مسك ايديها ووقفها
فارس:انتي بتهربي لي
نور بتوتر:انا انا اسفه مش عارفه قولت كدا ازاي انا
وبدأت تعيط من التوتر والموقف اللي محطوطه فيه
فارس قرب منها ومسح دموعها
فارس:بتعيطي لي دلوقتي
نور بدموع:علشان كنت عوزا اتقل عليك شويه ومقولهاش دلوقتي
فارس ضحك جدا
فارس:انتى مجنونه يا نور صح هوا اللي عوزا اتقل عليك هوا احنا في حرب وبعدين انتى لو مكنتيش قولتيها كفايه اني شايفها في عنيكي
نور بهدوء:هوا انا مفضوحه اووي كدا
فارس:جدا يا حبيبتي بس عارفه انا كنت مستنيكي لما تعترفي انا مستني الكلمه دي منك بقالي سنين كنت يدعى ربنا دايما يجمعنى بيكي انتى متعرفيش انا حاسس بايه دلوقتي انا حاسس انى طاير وماسك نجمه في السما انتى كنتى بالنسبه ليا حلم كان صعب يتحقق واتحقق الحمد لله
نور:انت احلى حاجه حصلتلي في حياتي كلها طول عمري كنت بحلم بشخص شبهك في حنيتك وفي خوفك عليا وحبك ليا اللى مش مكسوف وانت بتبينه قدام حد انت اول حد في حياتي اول حد يحتل قلبي وأحبه الحب دا واغير عليه انا انا بحبك اووي يا فارس متبعدش عني مهما حصل
فارس حضنها جاامد:اااااه كان فين الكلام دا من زمان حقيقي انتى ربتيني وعلمتيني الادب طول عمرك وانتى خاطفه قلبي وملكتيه من اول يوم جيتي فيه عالدنيا
انتى النور فعلا اللي نور حياتي بحبك يا اغلى حاجه في حياتى
نور:وانا كمان
بس انا عندي طلب
فارس:اي هو
نور :تطلب ايدي تاني من جدو ونعمل فرح تاني
فارس باستغراب:دا لي
نور:لانى دايما كان نفسي الشخص اللي احبه يجي يتقدملى واوافق عليه ونعمل خطوبه وفريست لوك ونشغل اغنيه احساسك اي النهارده وانا جيلك في بيتك جاي اقول لاهلك قد اي انا حبيتك ولولولولولولولوي وكدا وفرح ونرقص على الاغنيه اللي بحبها واكون لابسه الفستان وتتفاجئ من شكلى وتقولى انتى اجمل من يطل بالابيض يا ملكتى وتاخدني في حضنك قدام الناس كلها وتلف بيا واحس نفسي فراشه وانا بين ايديك والناس كلها حوالينا يبصولنا بفرحه وانا اكون رافعه راسي كدا انى خدت اللي بحبه وفزت بيه وناكل التورته سوا ونعمل شو زي ما بشوف في الفيديوهات زي ما الراجل بيقول وكل الناس تقول الله شكلهم جميل اوووي وهوا شكله بيحبها اوووي شايفين لامعة عنيهم كأنها أعظم انتصاراته وكأنه عوضها واعظم انتصاراتها
فارس:وانا موافق وهعملك كل اللي نفسك فيه
نور:بجد وحضنته :انا بحبك اووي
فارس:وانا بعشقك
نور:بس في حاجه بقى
فارس:اي هي
نور:في أن انا مينفعش كدا اقعد معاك في نفس الاوضه لحد الفرح هروح اقعد مع اسراء
فارس بعصبية:نعم يا عنيا مفيش الكلام دا انتى هتفضلي هنا في حضني وكل حاجه هتحصل أما والله ارجع في كلامى ومفيش الكلام دا انا مش هعرف انام من غير وانتى في حضني انتى فاهمه
نور:حاضر حاضر بس متتحولش انت كنت رومانسي من شويه مالك قلبت كدا
فارس:اصلك بتقولى كلام يخرج الواحد عن شعوره
نور:خلاص اسفه
فارس:ايوا كدا اظبطى
نور:هنتقدملى امتى بقى
فارس:بكرا هكلم جدي
نور:طيب علشان هحضر نفسي
فارس:ماشي يختى يلا بقى ننام علشان مذاكرتك وامتحناتك يا ابله
نور:لا مخلاص انا اختارت بيت جوزى حبيبي
فارس:نور يلا قدامى
نور:حاضر يوووه
فارس خدها من ايديها ونيمها على السرير ونام جنبها وخدها في حضنه
ونور كانت مبسوطه جدا وحاسه انها مالكه العالم كله لما لقت حد يحبها زي فارس ونامت وهى بين احضانه بسكون وهدوء من غير اي صراع نفسي وهوا اتنفس بهدوء وراحه وكأنه ملك العالم كله بين ايديه
عند احمد كان قاعد بيحاول يلم حاجه من المواد اللي عنده دي
لكن كل فتره والتانيه يسرح بخياله ويتخيل جميله وهى معاه وبين ايديه وقصة حبهم وهم بيبنوها سوا
(هي احلام اليقظه دي مش بتيجي الا وقت المذاكره😂😂😂)
*لا دي مش ماده صعرانه دي
واتخيل
امتى بقى اتخرج واتقدم لجميله ونتجوز بقى ونعيش في تبات ونبات ونخلف جميل وجميلات قصدي صبيان وبنات يااااه يا جوجو يا حبيبتي
في الوقت دا جاله اتصال وكان المتصل جميله اللي فرح جدا لما شاف اسمها منور الشاشه وحس كأنها حاسه بيه واللي بيفكر فيه.
احمد رد بهيام:أزيك يا حبيبتي عامله اي
جميله : الحمد لله
احمد حس أن فيها حاجه
احمد:مالك يا جميله صوتك ماله
جميله بدموع:متقدملى عريس وبابا موافق ومصمم عليه مش عارفه اعمل اي
احمد:اي!!
#يارا_عبد_السلام
#البارت_السابع_والعشرون
