مساء الخير
موظف الاستقبال : مساء النور يا فندم
الفتاه :لو سمحت عايزة احجز اوضه لمدة اسبوع
موظف الاستقبال:اتشرف بالاسم يا فندم
الفتاه :نور عبدالله الزغبي
موظف الاستقبال: استاذن حضرتك البطاقة
بعد وقت قصير
موظف الاستقبال: اتفضلي يا فندم غرفه 519
نور ب ابتسامه لطيفه :مرسي
(استوب لحظه نسيت اعرفكم على نفسى انا نور عبدالله الزغبي ٢٥ سنه مديرة التنفيذ فى شركة M&Z ناس كتير بتستغرب من ان سنى صغير كدة وبقيت مديرة تنفيذ فى شركة عالميه انا اتخرجت من كليه تجارة انجلش بتقدير امتياز كنت بدى طاقتى كلها للمذاكرة ولما اتعينت فى الشركة عطيت شغلى طاقتى كلها واحدة واحدة بدأت اترقى وشغلى يعجب صاحب الشركه إلى هو اسمه مستر ماجد لدرجه ان بقا يعتمد عليا فى صفقات كبيرة دة شغلى اما علتى ف مكونه من ماما وسليم اخويا الوسطاني وحور اختى الصغيرة باقى حياتى هتعرفوها بعدين) ايه دة مش تفتح يا أعمى
الشاب بغضب:انا اعمي ولا انتى الى غبيه ومش بصه ادامك
نور بغضب اكبر :احترم نفسك انت بنى ادم قليل الادب مش ناقص غير واحد زيك انت يكلمنى كدة وسع كدة جاتك القرف
لتذهب نور إلى غرفتها وتترك هذا الشاب فى صدمته فى هذه أول مره بحياته يقف امامه احد ف الجميع يهابه
اما عند نور ف كانت فى شده غضبها بسبب الشاب الذى لقبها ب الغبيه اخدت الغرفه ذهابا وايابا
نور :يعنى انا غبيه على فكره بقا عو إلى أعمى واغبى حد شوفته فى حياتى والله لولا مكنتش مرهقه من طريق السفر كنت عرفته قمته ابو طويلة دة
بعد قليل من الوقت هدات وبدأت فى فك حجابها وملابسها:الجو حر اوى لما اخد شور يفكنى شويه بعد وقت كانت تخرج نور وهى ترتدى البرنس وتبدأ وبتنشيف شعرها لتسمع صوت اتي من الغرفه لتلفت إلى الشرفه لتلمح شيء ضخم يقف بظهره لتبتلع نور ريقها بتوتر وتقول فى سرها : حرامى من اول ساعة لا وكمان بجح وواقف فى البلكونه دة بينه هيبقا مرار طافح
لتذهب إلى حقيبتها وتأخذ منهل عصاه الهوكى خصاتها وتقول فى سرها :استعنى على الشقا بالله
لتذهب بهدوء وتضرب هذا الضخم على ظهره
الشاب :آآآآآآه
ليتلفت بغضب :هو انتى انتى ايه إلى نيلتيه ده
نور بغضب اكبر: انت بج.ح يالا انت انت فى اوضى وتقولى إلى نيلتيه دة انت ايه جابك هنا هي ناقصه قرف
لينظر لها بغضب :……..
الشاب بغضب : انا يتقالى ناقصه قرف انتى يا بتاعة انتى تقفى ادامى انا
نور بغرور وشجاعة :واقف أدام التخين كمان مين انت اصلا عشان تكلمني انا كدة وكمان تدخل اوضتى وكانها بيتك
الشاب بصوت عالى:اكيد يعنى مش من حبى فيكى بجرى وراكى وجيت اوضتك اصلا دى اوضتى انا
نور:ناااااااعم اوضه مين ياعم انت انت مش اخد بالك ان انا واقفة ادامك وشنطتي جوة كمان
اكمل الشاب بخبث : امممم وكمان طالعه بالبرنس فعلا اثبتيلى انها اوضتك لينهى جملته ب ابتسمامه خبث
لتنتبه نور انها واقفه امامه بالبرنس فقط لتفتح عينها بصدمه وأصبح وجهها قطعه من الجمر
لينظر إليها الشاب بخبث وتلاعب فهى أصبحت شهيه للأكل فشعرها المبتل ووجهها الأحمر وفمها الصغير المفتوح من الصدمه أعطاها مظهر فاتن
لتصرخ نور بوجهه وهى تركض من امامه :ااه يا سا.فل يا قليل الا.دب غمض عينك بسرعه
ليضحك بكل صوته عليها :وماله اغمض عينى
بعد قليل تخرج نور وهى محرجه للغايه منه لتحمحم وتقول بهدوء:اتفضل معايا نشوف ايه اللغبطه إلى حصلت دى
لينظر لها قليلا ثم ينهض ويمر من جانبها بكل برود
لتدبدب نور بالأرض وتقول بصوت منخفض :با/رد وت/نح اعوذ بالله
ليذهبو إلى الاستقبال
الشاب بغضب : انا عايز افهم دلوقتى ازاى انا والانسه دى يكون معانا نفس مفاتيح الاوضه
موظف الاستقبال بخوف منه :زين باشا اكيد حصل غلط انا اسف بجد الموضوع هيتصلح دلوقتى حالا
زبن بغضب :غلط ايه وز.فت ايه انا مش هعدى الموضوع دة على خير ابدا هاتلى المدير حالا
الموظف بخوف:يافندم
زين بصوت عالى :فندم ايه وز.فت ايه المدير يجى حالا
المدير :خير يا زين باشا فى ايه
زين : فى ان الناس هنا مش شايفه شغلها كويس وعطونى مفتاح تانى غير مفتاح الاوضه بتعتى ودخلت اوضه الانسه بالغلط
المدير بخوف : ح ححاضر يا زين باشا كل الغلط هيتحل حالا ليلتفت إلى الموظف :انت مرفود
لتقول نور بانفعال :لا طبعا ايه إلى بتقوله دة
زين بغضب مكتوم :ليه هى الهانم عايزة ايه
نوربنظرة تحدى:بغض النظر عن اسلوبك دة بس انا ميرضنيش ان حد يتأذى بسببي واظن انك برضو متحبش حد يتأذى
زين :مين قالك كدة إلى غلط يتحاسب
نور وهى تسحب زين من يده :ثوانى بس يا فندم محتاجة اتكلم مع استاذ زين شويه
لينظر لها باستغراب من فعلتها
نور :معلش بس انا ضميري ميسمحليش انه بترفد بسببى دة اكيد مسؤول من عيله حرام عليك وعليا لو اترفد بسببنا الله واعلم ايه إلى حصله عشان يكون مشتت ومش مركز فى شغله كدة لو سمحت بلاش تخليني حاسه بتأنيب ضمير طول حياتى
زين :انا ميخصنيش هو ايه حياته إلى يهمنى دلوقتى انه غلط والغلط عندى بحساب
نور بغضب :انت ايه يا اخى حس شوية لازم يعنى ربنا يحطك مكانه عشان تحس بيه حرام عليك انت ايه قلبك دة حجر
زين :صوتك يوطى احسنلك
نور :مش هيوطى حرام عليك بقا انت ايه الظلم إلى انت فيه دى
زين بنفذ صبر :يعنى انتى عايزة ايه دلوقتي
نور :عايزة ترفض انه الموظف يترفد ويكمل شغله عادى بعد اذنك بقا
زين :طيب عشان اخلص من زنك دة
نور :انت اكتر بنى ادم با.رد شوفته فى حياتى ايه دة
زين ببرود:طيب لمى لسانك بدل ما المه انا
نور بقرف:ال عندك اعمله
لتذهب إلى المدير :خلاص يا فندم استاذ زين مش موافق ان الموظف بترفد
المدير:بجد يااستاذ زين
زين :اه وياريت مفتاح الاوضه بتعتى عشان ارتاح شوية بقا
بعد قليل كان كل منهم فى غرفته غارق فى أحلامه من إرهاق هذا اليوم
فى المساء
كانت تمارس نور عملها على الاب توب كانت تشعر بالملل لتدلج جبهتها بتعب :اوووف ايه الملل دة انزل اشم شويه هوا بدل الملل دة
فى الاسفل
موظف الاستقبال :انسه نور انسه نور
نور:ايوا
الموظف ب ابتسامه شكر :انا بشكر حضرتك على وقوفك جنبى النهاردة بجد مش عارف اشكر حضرتك ازاى
نور بابتسامه لطيفه:متقولش كدة انا معملتش حاجة انت برضو الله واعلم ايه إلى حصل معاك خلاك مش مركز كدة
موظف الاستقبال بحزن :عند حضرتك حق
نور :انا اسفه لو هدخل بس هو فى مشكله ولا حاجة ممكن اسعدك فيها
موظف الاستقبال :مش عايز ازعج حضرتك
نور بابتسامه: ازعاج ايه بس ال بتقول عليه دة احكى بس مالك
الموظف:مراتى اتصلت بيا النهاردة وقالتلى ان ابنى اتحجز فى المستشفى ومكنتش عارف اروح ليه عشان كدة مكنتش مركز
نور :ابنك عنده اد ايه
الموظف : عنده ٥ سنين
نور :ربنا يخليهولك يارب بص ممكن اطلب منك خدمه
الموظف :طبعا يافندم
نور وهى تعطيه بعض المال :ممكن تجيب لابنك حاجة حلوة وانت رايحله
الموظف:لا يافندم مينفعش لا طبعا
نور :لا بقولك ايه بلا لا طبعا بلا كلام فاضي انت زى اخويا الكبير ومافيش الكلام دة يلا لو سمحت اتفضل
الموظف :مش عارف اقول لحضرتك ايه بجد شكرا ليكى جدا
نور بمرح:بص جو حضرتك والكلام دة مبحبهوش بصراحه عايز تكلمني قولى نور اوك
ليمئ لها بابتسامه لتكمل بمرح اسم الكريم ايه بقا
أسمى جاسر
نور:عاشت الاسامى يا جاسر من النهاردة لو احتجت اي حاجة اي حاجة يا جاسر كلمنى على طول تمام
جاسر بابتسامه :حاضر يانور استاذن انا عشان معطلكيش اكتر من كدة
نور :لا ابدا معتطلتنيش بس ممكن تبقا تطمني على ابنك
جاسر :حاضر يانور بجد مش عارف اشكرك ازاى
نور بغضب مصطنع :برضو هتقولى اشكرك والكلام دة أمشى لحسن اوريك جعفر حالا
جاسر :لا وعلى ايه الطيب احسن برضو سلام عليكم
نور بضحك: وعليكم السلام ياخويا لتذهب إلى الشاطئ لتنظر اليه بحزن لتتذكر حياتها منذ ٤ سنوات
Flash back
على الشاطئ كانت واقفه وهى مبسوطه جدا لأن اخير حبيبها بعد سنين طويله اتقدملها وخطوبتها كمان اسبوع لياتى من وراها ويحاضنها من ظهرها :بتفكري فى ايه
نور بابتسامه :فيك طبعا انا مبسوطه اوى يا عمر اخيرا هنتخطب اخيرا حياتنا هتمشى زى ما كنا رسمنها وهنعيش فى بيت واحد
عمر :اخيرا يا حبيبتى بس باباكى حطتلى طلبات كتير اوى وصعبه عليا انا وافقت عشان بحبك
نور وهى تحاوط وجهه :عمر انت عارف ان هفضل طول عمرى فى ضهرك وبابا سيبو عليا ولو على الشقه انا مش عايزة شقه مساحتها كبيرة انا عايزة حاجة تكون صغيرة خالص والعفش انا اعرف واحد ابو صحبتى يدهولنا بسعر كويس كل حاجة هتعدى بس الأهم من كل دة اننا نكون سند وضهر لبعض
عمر وهو يقبل يدها :ربنا يخليكى ليا يا احلى حاجة حصلتلى فى حياتى
نور بابتسامه :ويخليك ليا احلى حب طفوله
عمر بخبث: بقولك ايه م تجيبى بوسه
نور بكسوف :عمر اتلم بقا
عمر برائه مصطنعه:اتلم اكتر من كدة يا نور دة انا محترم مع كله الا انتى يا حياتى الوحيدة إلى ببقا قليل الادب معاها قصدى محترم معاها
نور بضحك:اممممم ياولا انت عليا انا الكلام دة ياعمر دة من ساعة ما عرفتك وانا مشوفتش منك ادب ابدا فينك يا طنط منى لو سمعتيه وهو بيقول قال ايه محترم
عمر :طب ليه الاذا دة وانا عملت ايه دلوقتى ما انا مؤدب اهو
نور :اه جدا يا حبيبي هتقولى دة انت تربيتى حتى
عمر بحب وخبث:طب بقولك ايه بما انى تربيتك ما تيجى ننزل المايه شكلها تحفه
نور بتوتر مصطنع:لا ماهو انت عشان تربيتى بقولك بلااااش
عمر وهو يحملها ويتجه اتجاه المياه :والله م يحصل دة انا مصدقت عمى يوافق على الخروجة دى
نور وهى تتشبت بيه وتضحك بسعاده:عمر يخربيتك هنغرق
عمر وهو ينظر لها بحب : طول ما انا معاكى مش عايزك تخافى ابدا
End flash back
لتتنهد بحزن وتمسح دموعها الذى خانتها وتبتسم بحزن مرة أخرى لتقول وهى تاخذ نفس لتهدئة من نفسها :ليه حياتى اتحولت كدة ومبقاش فيها أي حاجة تخليني احارب علشانها حاجة حلوة تصبرني على التعب إلى بكون فيه ليه يحصل فيا كل دة بس
لتتجه إلى غرفتها ليقاطعها رنين هاتفها لتبتسم بحب :حبيبى وحشتينى اوى
سليم:باين اوى درجه انك وصلتي ونسيتى سليم وماما وحور كمان
نور :انا اقدر برضو انساه حد فيكم
مامت نور:اومال ليه متصلتيش من ساعة ما وصلتى ولا شرم غيرتك يا بت انتى
نور يضحك مرح :ست الكل انتى هنا وحشتينى يا كبيرة
حور أيضا:مش ست الكل بس إلى موجودة انا كمان موجودة
نور وهى تدخل الاسانسير :حورى وحشتينى يا زعبله يا صغيرة
حور بتدمر:متقوليش زعبله دى
نور بمرح:اقول براحتى يا حببتى انتى مش هتكبرى عليا يا ست حور
منه مامت نور:خلاص بقا كفايه مشاكسه منك ليها طمنينى عليكى يا حبيبتى عامله ايه اكلتى كويس فى حد ضايقك
نور:انا كويسه يا حببتى متخافيش على بنتك بميت راجل ولو على حد ضايقني حصلت مشكله بسيطه وحلتها وبقت تمام
منه بقلق:ليه ايه إلى حصل
لتحكى لها نور كل ما حدث معها اليوم باختصار
منه :نور خلي بالك من نفسك يا حبيبتي انتى فى مكان متعرفيش حد فيه
نور وهى تخرج من الاسانسير:متخافيش عليا يا ماما المهم تخلي بالك من نفسك
منه :نور كنت عايزة اكلمك فى موضوع
نور:هممم خير
منه:فى عريس كويس متقدملك
نور :تانى يا ماما مش قولنا نقفل على الموضوع دة وميتفتحش تانى
منه:يابنتى متوجعيش قلبى عليكى وخلينى اطمن عليكى قبل ما اموت
نور بدموع:بعد الشر عليكى يا ماما متقوليش كدة بس صدقينى مش هقدر
منه:ليه يابنتى تحكمى على حياتك بالوحدة عشان اختيار كان غلط فى حياتك
نور:ماما لو سمحتى قفلى على الموضوع دة
لتلمح زين امامها ومعه فتاه يحاوطها من خصرها لتنظر له بغضب وقرف وتسرع من خطوتها وتكمل كلامها مع والدتها بقهر:معنديش استعداد الاقى نفسى اتخنت وبقيت لوحدى تانى لو سمحتى ياماما خلينى كدة احسن ليا وللكل صدقينى انا كدة كويسه ومرتاحه
لينظر لها زين باستغراب وفضول من كلامها ليدخل هو والفتاه غرفته وتدخل نور غرفتها بجانبه
منه:يعنى إلى فى دماغك فى دماغك
نور بتعب وهى تذهب للشرفه:ايوة يا ماما لو بتحبينى بجد متفتحيش الموضوع دة تانى
منه بحزن :ماشى يانور ال انتى عايزاه
نور بحزن:ماما متزعليش منى انا اسفه بس والله ماهقدر
منه :ماشى يا حبيبتى المهم انك تخلى بالك من نفسك
نور :حاضر يا حبيبتى يلا مع السلامه
اما عند زين منذ دخوله الغرفه وهو فى حاله استغراب من نور ف نظرتها له جعلته يشعر انه يخونها
الفتاه بدلع :ايه زين باشا هتفضل واقف كدة كتير
زين ببرود:اطلعى برة
الفتاه:نعم دة إلى هو ازاى يعنى
