#زواج_للتجاره_2
اتجوزك علشان يسلمك لينا ونشغلك في الدعا،،ره فهمتي كده
انهار اتسعت عنيها بزهول رهيب وحست بالأرض بتدور بيها وقالت بسرعه وصدمه ….انت بتقول ايه… لا لا انت راجل كداب …راغب مستحيل يعمل كده رد عليه يا راغب هو كذاب مش كده
راغب كان واقف ومنزل عيونه في الارض مش قادره يبص لها خالص ودموعه بتلمع في عيونه
انهار كانت بتبص له بصدمه وبتهزه وبتقول بصراخ…راغب رد عليا بقول لك ما تسكتش كده… حرام عليك اتكلم ارجوك
راغب اخيرا رد عليها وقال بمنتهى الالم … انا اسف اسف قوي
هنا انهار كانت هيغمى عليها و مرعوبه ومصدومه جدا بقت ترجع لورا خطوات وهي بتقول بصدمه ودموع ….مش ممكن انا مش مصدقه لا مش ممكن لا
راغب بقى يتقدم عليها وهو بيقول نهار ارجوكي هفهمك و
بس اتصدم لما لقاها خلاص بقت على حافة المنحدر قال بزعيق…انهااار ما ترجعيش اكثر هتقع…
بس ما اكملش الكلمه ورجلها انزلقت في المنحدر ووقعت منو بس على اخر لحظه راغب نط ومسك ايدها بس ما اقدرش ينقذها ووقع معاها كمان في البحر
بقلم…زهرة الربيع
الحناوي ورجالتو جريو على اول المنحدر بصوا منو لقوهم غطسو في الميه وما فيش ليهم اي اثر والمسافه كانت عاليه
رجالته قالوا ..دول ماتوا خلاص يا ريس مستحيل يطلعوا من المسافه دي
الحناوي قال بغضب شديد… كنت قولت كده لو اللي وقع اي حد غير راغب بس طالما هو اللي وقع يبقى لازم نتاكد تعالوا معايا
بعد دقايق على مسافه صغيره من المكان طلع راغب وهو بيسحب انهار من الميه وكانت فاقده الوعي تماما
نيمها على الرمل وبقى يحاول يفوقها وهو بيقول بلهفه… انهار…انهار ردي عليا فوقي ارجوكي
بس ما كانتش حاسه بحاجه ابدا بقى يضغط على صدرها والميه بقت تطلع من بقها بس برده ما كانتش بتفوق
قرب من شفايفها وقفل انفها عشان يعمل لها تنفس وبقي يساعدها علشان تتنفس وشفايفه على شفايفها وبيديها من انفاسه لحد ما فتحت عيونها
اول ما فاقت دفعته بقوه وهيه بتشهق وبتكح جامد وقالت بغضب…. انت بتعمل ايه يا وا،،طي يا حيوا،،ن
راغب اتنهد بارتياح وقال …الحمد لله انك فوقتي يلا انهار لازم نهرب من هنا بسرعه يلااا
انهار قالت بغضب …انا مش جايه معاك في اي حته غور من وشي
ولسه هتمشي مسك ايدها وقال ….انهار ارجوكي هيلاقوا طريقه وينزلوا هنا علشان يشوفونا …لو سمحتي خليني اساعدك تهربي من الورطه اللي حطيتك فيها دي وبعد كده تقدري تعملي معايا اللي انتي عايزاه
انهار كانت خايفه قوي وشافت الصدق في عيونه وزي العاده صدقته هزت راسها بالموافقه وراغب اخذها وطلع بيها جري بعد ساعات قدروا يهربوا وكانوا راكبين تاكسي وتعبانين جدا لانهم جريو كتير قوي
انهار نامت بتعب شديد في التاكس وراغب كان بيتامل ملامحها وهي نايمه بحزن وندم
بعد وقت وصل بيت في منطقه معزوله شويه
راغب نزل وشال انهار وهي نايمه ودخل بيها البيت وحطها على السرير
بعد شويه قامت من النوم وبصت حواليها واتفاجئت بالبيت اللي قاعده فيه بقت تبص حواليها باستغراب وسمعت صوت الميه مفتوحه في الحمام ان وفيه حد جوه.. كانت مرعوبه جدا مسكت الفازه ووقفت جنب باب الحمام
اول ما راغب فتح باب الحمام وهو بينشف وشه بالفوطه انهار ضربته بالفازه على دماغه
راغب التفت لها وهو حاطط ايده على دماغه بالم وقال بزهول….ااااه…ايه اللي عملتيه ده ياغبيه
انهار اتسعت عنيها بزهول وقالت بتوتر…. يا خبر ما كنتش فاكراك انت والله افتكرتك رجعتني ليهم تاني
راغب قعد على السرير بالعافيه من الدوخه وقال…. لو هرجعك كنت هربتك ليه يا متخلفه… اه يا دماغي يا انا ياما
انهار قالت بخوف…. انا اسفه انا اسفه والله
راغب اتنهد لما لقاها خايفه قوي وقال.. اهدي ما تخافيش ده جرح بسيط الادوات في الحمام هاتيها
انهار جريت جابت علبة الاسعافات من الحمام وبقت تلفلو الجرح وتعقمو
راغب اتنهد وقال بالم…والله انا خايف اوي
انهار قالت بخوف…. ليه ممكن يكون جرالك حاجه من الخبطه دي
راغب قال ….لا انا مش قصدي كده ..انا خايف اصحى الاقي نفسي ترند ويقولوا المبطوح من انهاره
انهار بصت له بغيظ من هزاره السخيف وقالت وهي بتبكي… ده وقته يا اخي…وبقت تعتذر كل دقيقه
اول ما خلصت ولفتلو دماغو بالشاش والقطن قالت…. انا خلصت …انا حقيقي اسفه
ولسه هتبعد مسك ايدها وقال بحزن… على فكره قولتي اسفه 50 مره هو مين المفروض يعتذر لمين يا انهار
انهار فضلت واقفه بدموع وراغب رفع وشه وبص لعيونها وقال انا كمان نفسي اعتذر اوي….بس شايف ان كلمة اسف ملهاش لازمه مش هتفيدك بحاجه بعد اللي عملته
انهار نزلت دموعها اكتر وقال… معاك حق مش هتفيد بحاجه وبعدت عنه
راغب وقف وقرب منها وقال…انا عارف انها مش هتفيد..وان اللي عملتو وسخ قوي انا مش قادره اسامح نفسي عليه مش هطلب منك تسامحيني
انهار التفتتله بضيق شديد وقالت بسخريه …. وحتى لو طلبت تفتكر هقدر اسامحك
راغب نزل عيونه بكسوف من نفسو وانهار نزلت دموعها وقالت بوجع…. ليه عملت كده… ليه وهمتيني انك بتحبني ليه عيشتني اجمل ايام حياتي واتجوزتني ليه يا راغب…ما كنت خطفتني من اول يوم والسلام ليه تعمل فيا كده انا لحد دلوقتي مش قادره اصدق مش قادره اصدق ان الشخص اللي حبيتو واتجوزتو يطلع…..انا مش قادره اقول انت ايه اصلا
وبقت تبكي بحرقه
راغب نزلت دموعه وقرب منها بسرعه وشدها لحضنه وبقى يحضنها بقوه ودموعه بتنزل وقال … انا اسف سامحيني ارجوكي اسف
انهار دفعته بعيد عنها وقالت… انا مش هقدر اسامحك ابدا..و ما تحاولش تلمسني تاني …وراحت مددت على السرير بتعب شديد
