نمرى الوقح بقلم زهرة الربيع

ثاني يوم كانوا قاعدين بيفطروا سوا جات محاسن مرات ابو اسرار وبقت تحطلهم الاكل على السفره

عساف كان عايز يسال على اسرار ومش عارف يسال ازاي قدام امه ومصطفى بس اتشجع وقال.. احم هيه اسرار فين امال النهارده مش معاكي يعني
بقلم…زهرة الربيع
محاسن قالت بضيق شديد.. بت مدلعه منشفه ريقي مش راضيه تيجي هنا خالص النهارده عملت لي فيها بطنها وجعاها وبتموت ومقبلتش تيجي

مصطفى ضحك وعساف بصله بغيظ
نوال قالت انت كمان يا محاسن شده على البنت قوي يعني هي بتشتغل بذمه وضميره اذا تعبانه مش مشكله يعني

محاسن قالت..يا هانم دي بتدلع انتي بس حضرتك علشان طيبه واميره
عساف سابهم بيتكلموا وقال انا شبعت عن اذنكم معايا شغل مهم وطلع ولسه هيركب عربيته بص على البيت اللي في الجنينه اللي ساكنه فيه اسرار ابتسم بخبث وراح للبواب وقال..عم اسماعيل فين مفاتيح الفيلا كلها معاك
اسماعيل قال باستغراب اه طبعا يا بيه معايا كل المفاتيح

عساف قال..طب اديهاني كلها بقى علشان فيه مفتاح بدور عليه

طلع ميداليه مفاتيح كبيره فيها مفاتيح كل الاوض بما فيهم اللي قاعده فيها اسرار و مرات ابوها
عساف اخذ المفاتيح وراح لاسرار وبقى يحاول يفتح البيت فضل يجرب لحد ما اتفتح دخل وقفل الباب بسرعه وراه وبقى يدور عليها في البيت اللي كان عباره عن اوضه صغيره وحمام جنبها ومطبخ صغير جدا لسه هينادي سمعها بتدندن وبتغني

قرب فورا على الاوضه بس اتجمد مكانه لما شافها بلبس بيتي جميل اوي عليها وبتنشر هدومها على منشر صغير وبتغني بدلال ورقه وهيه بتتمايل وبتقول.. طب ايوه طب حاضر ما تقول لي اعمل لك ايه ..عمال تدلع تدلع تدلع وانا…

بس قطعت كلامها بزهول شديد لما كمل وقال بصوت جميل.. وانا قلبي يولع بيولع بيولع وانت ولا حاسس ومكبر ليه
اسرار شهت بزهول وضربت على خدودها وقالت يا مصيبتي انت دخلت هنا ازاي وبقت تبص حواليها عايزه تلاقي اي حاجه تلبسها بس شدها عليه بقوه وبقى يبصلها جامد وقال..طب ايه طب حاضر مش عارف ارضيك بأيه…ايه يا بنت الرقه والدلع ده.. ده انا قلبي مال مع زوايا وسطك

بلعت ريقها بارتباك وقالت والنبي يا بيه والنبي يعني انا سبت البيت علشان تيجي هنا يا خراااابي

عساف ضحك بشده وقال.. انتي فاكره لما تتحبسي هنا مش هعرف اوصلك.. قولي لي بقى مين ده اللي بتغنيله وبيتدلع عليك يا جميل

بصتله باستغراب بعنيها الواسعه المتكحله رباني بلونهم الرمادي الفاتح نظره ضربت قلبو في مقتل …اتنهد وقال يخربيتك..دي مش عيون ..دي افيو،،ن

اسرار كانت عايزه تضحك من كلامه حاولت تزقو وقالت سيبني يا بيه واطلع من هنا كفايه فضايح لاحسن حد يكون شافك وانت داخل

فضل يبصلها باعجاب وقال انتي جميله قوي يا اسرار واسم على مسمى كلك اسرار انا عمري ما خدت بالي من جمال عنيكي

اسرار نزلت عينيها بكسوف وعساف رفع وشها ليه وقال.. لا من هنا ورايح ما تبعدهمش ابدا عني..خليني دايما اشوفهم

اسرار فضلت بصاله شويه بتوهان بس افتكرت اللي عمله امبارح واتضايقت جدا دفعته بكل قوتها وقالت بزعيق انت فاكر اني نسيت اللي عملته امبارح طب ايه رايك بقى لو ما مشيت لاصوت والم عليك الدنيا ويشوفوا الباشا جاي ايه يعمل هنا في اوضه الخدم

عساف ضحك بشده وقعد على السرير وقال انت هبله قوي يا اسرار بجد والله هو انتي فاكره ان في حد هنا ممكن حتى يسألني..ولو سألني ممكن اجاوب ولو اتكلم عليا في ضهري من غير ما يجيب سيره قدامي هيهمني يعني..بس اعتقد بقى ان كل الحاجات دي هتهمك انتي وتخد،،ش سمعتك

اسرار بصتلو بغيظ وقالت طب انت عايز ايه من الاخر

عض على شفا،،يفو بوقاحه وقال اخد،،ش انا قبل ما حد يخد،،ش قبلي

اسرار قربت منه وهي في قمه الغيظ وقالت في حاجه نفسي اديهالك من اول يوم شوفتك فيه لو تقبلها مني يعني

ابتسم وقال.. اقبلها قوي وقرب منها فاكرها هتبو،،سوا بس اتفاجئ بشده لما طرقعت بايدها على خده بقلم جامد جدا وقالت…بالشفاء ان شاء الله

عساف حرفيا اتجمد مكانه وحط ايده على خده وهو بيبصلها بزهول شديد ومش مصدق اللي عملته ابدا وقال بصدمه.. هو انت ضربتيني بجد

بلعت ريقها بارتباك وقالت بقوه مصطنعه..ان شاء الله

بصلها بزهول اكبر ومسكها من شعرها فجأه وقال.. انتي عارفه نفسك مديتي ايدك على مين ..ده انا ابويا ما عملهاش يا زباله و زقها بغضب على السرير

وقال بغضب.. انت فاكره نفسك ايه يا بت ده انتي خدامه عارفه يعني ايه خدامه يعني ما حالتكش غير جمالك ده ولولاه محدش يعبرك

بصتله بدموع وقالت.. يبقى تسيبهولي يا باشا مدام ما عنديش غيره وانت عندك كتير يبقى تتقي ربنا وتسيبهولي.. ولا ما تعرفش ربنا

عساف الكلمه اثرت فيه جدا فضل باصص لها ولدموعها الي بتلمع في عينيها وقال… هتجوزك ..لو خايفه من الحلال والحرام اتجوزيني قولتي ايه

اسرار اتسعت عينيها بزهول وقالت تجوزني انا تتجوزني انا ليه