قرب منها وقال قدام عينيها علشان نفسي فيكي ومش هسيبك قلتي ايه هكتب عليكي من غير ما حد يعرف اناخذ لنا يومين تبسطيني واوريكي الدنيا وكل واحد يروح لحاله وهتطلعيلك في الموضوع ده بقرشين حلوين قوي
بقلم..زهرة الربيع
اسرار ضحكت بشده وقالت..يا سلام على الايمان انت بتضحك على مين اسمع يا بتاع انت انا مش عايزه اتجوز تمام يوم ما اتجوز هتجوز في النور قدام امة لا الاه الا الله كلها انا مش ناقصه ايده ولا ناقصه رجل علشان اتجوزك في السر
عساف بص على رجليها بوقاحه وقال لا من الناحيه دي مش ناقصه خالص
اسرار استغربت نظراتو كانت ناسيه انها لسه بلبس البيت شهقت وجريت على الدولاب جابت عبايه مفتوحه لبستها زي الجاكيت بسرعه وقفلتها وقالت بتوتر.. يلا اتفضل..احم كفايه اللي عملته النهارده يلا قبل ما حد يشوفك
ابتسم ونام على السرير وقال خليهم يجوا يشوفوني وقتها هتتحايلي عليا علشان اتجوزك
اسرار بصتلو وقالت.. يا ابن الناس اطلع بالذوق متخلينيش اتعامل معاك بطريقه مش هتعجبك
بصلها وقال بابتسامه… تصدقي بقيت احب مناقراتك دي قوي وببقى مبسوط قوي لما بتكوني جنبي
اسرار اتوترت من كلامو وقالت ..احم ده على اساس اني هصدقك كده على فكره انا مبيتاكلش بعقلي حلاوه
قرب وقال.. انا ما قلتش غير الحقيقه لما باجي اضايقك وقربلك وتبصيلي بحس ان كياني اتهد ومش بلاقي نفسي غير عايز احض،،نك واطمنك وبس
اسرار فصلت باصه في عيونه بس فاقت لنفسها وحاولت ما تهتمش بكلامه وقالت… وانا لاخر مره هقول لك هتمشي ولا لا
قعد برود وقال لا مش همشي مرات ابوكي قاعده هناك هتطول النهارده خلينا نتفاهم يا اقنعك يا تقنعيني
بصتلو بغضب شديد وقالت..بس انا عندي حل تالت
عساف بصلها باستغراب وقال.. حل ايه
بس فاجأتو لما شقت عبايتها من فوق
عساف صفر وقال… فعلا ده اجمد حل
بس اتصدم لما صرخت بعلو صوتها وبقت تقول…لا والنبي يا بيه والنبي …والنبي سيبني ياعساف بيه حرام عليك
عساف اتصدم من اللي بتعمله و فضل واقف يبص لها بزهول وقال بسرعه…بس يا بت بتعملي ايه الله يخرب بيتك هتتفضحي
قالت بغضب شديد انا عايزه اتفضح واخلص منك …ياللااااااااااااهوي
وفي الوقت ده جت نوال ومرات ابوها ومصطفى على صوتها وبقم يخبطو جامد على الباب
عساف لسه هيمسكها جريت بسرعه وراحت فتحت لهم الباب وهبه متبهدله وحضنت مرات ابوها و قالت..وانبي حشوه عني يا مرات ابويا والنبي
محاسن اتصدمت ان الباشا بنفسه جيه لحد بيتها ووالدته شهقت بزهول وهيه مصدومه ازاي ابنها يعمل كده
عساف بقى في موقف لا يحسب عليه ابدا ووووو
ادي اخرة العك يا باشا🤣 الي جاي تحفه تفاااااااعل عاااالي يابنات عايزه تشجيع جااااامد 💪💪💪
