عساف اتنهد بغضب وغيظ..وقال اعملو الي انتو عايزينه ..وطلع على اوضتو بغضب شديد
اليوم الثاني نوال نادت لاسرار كانت بتتكلم معاها بخصوص جوازها من مصطفى..ومرات ابوها زغرطت فورا وقالت… ده يوم المنى احنا نطول نناسبكم
اسرار كانت متضايقه جدا ومش عارفه تعمل ايه ومش قابله ابدا لانها اصلا متعرفش مصطفي غير معرفه سطحيه
نول قالت..برده نسمع راي العروسه
اسرار اتوترت ولسه هترفض نزل عساف من على السلم وهو بيقفل البدله بتاعته وبيقول .. بس لعلمكم انا مش هشارك في المهزله اللي انتو بتعملوها دي مش على اخر الزمن هعزم كل اصحابي والناس المرموقه اللي شغاله معايا على فرح خدامه
اسرار اتسعت عينيها بغضب وزهول من كلامه وبصتله بحده وقالت اصلا الفرح هيبقى فرحين لو مكونتش موجود فيه انت والناس المرموقه بتاعتك
بصلها بدهشه وقال …الفرح يبقى فرحين افهم من كده انك موافقه
مصطفى قال بسرعه طبعا موافقه انا هخليها ست البنات كلهم وافقي ومش هتندمي ابدا وعد
عساف بقى يبص لها بحده وغضب وعينيه بتقول ما توافقيش
اسرار لما شافت نظراتو فرحت جدا وبصتلوبابتسامه انتصار وقالت ..طبعا موافقه انا هلاقي فين شب كويس ومؤدب زي مصطفى بيه
محاسن زغرطت تاني واسرار قالت عن اذنكم انا تعبانه وهريح في البيت شويه ومشيت جري بسرعه قبل ما عساف يلحقها
بس عساف طلع وراها بسرعه و مش مهتم لاي حد ولا لمصطفى ولا لاهلها
والدته بقت تنادي عليه بغيظ بس ما رضيش يسمع لها وراح ورا اسرار وشدها من ذراعها قبل ما توصل البيت وقال بغضب…شايفك بتتجوزي يعني وموافقه دلوقتي من غيرحب ومن غير كل الكلام اللي قولتيه
قالت بغضب .. انا اعمل الي انا عايزاه دي حاجه متخصكش .. وبعدين الباشا طالبني في النور قدام كل الناس هيعمل لي فرح ويخليني ست هانم مش زيك يا بتاع ورقتين عرفي
و لسه هتمشي شدها بغضب وقال.. ده اخرك انتي فاكره ان انا ممكن اتجوزك قدام الناس
اسرار قالت بغضب.. انا لا عايزاك قدام الناس ولا بعيد من الناس لاني مش بطيقك
لسه هتمشي تاني شدها بقوه عليه جامد هو بيبص في عنيها من جوه وقال ولا انا بطيقك بكرهك قوي يا اسرار بكره عيونك دي اللي بتقتلني بكره جمالك اللي بيستفزني كل دقيقه بكره كل حاجه فيكي كبريائك وغرورك ..بكرهك لما بتتعالي عليا
ابتسمت ابتسامه جميله وقالت وانا بكرهك زي ما بتكرهني بالظبط يا باشا
وتلاقت نظراتهم لما قالت كده وهي فضلت مركزه في نظراته الجميله جدا كل اللي قالوه عيونهم كدبتو قرب منها وقال بهمس.. انا بجد بكرهك قوي
اسرار اتوترت من قربو وقالت..وانا كمان يا عساف
كانت اول مره يسمع اسمو من شفايفها من غير القاب ولا تكلفه ابتسم بانتصار وبا،،سها بقوه بدون مقدمات
اسرار حاولت تقاومو شويه بسيطه بس استسلمت بسرعه بين ايديه وهو خد بالو انها مش بتقاوم زي كل مره
بعد لحظات بعد عنها وهيه منزله عيونها في الارض بكسوف
عساف رفع وشها ليه وهيه منزله عنيها في الارض وبتفرك في ايديها ابتسم على شكلها..وقرب من ودنها وقال بهمس خلاص يا اسرار ..فرضت ملكيه على القلب وحاصرت كل حدوده و عقبال الباقي لان مبقاش قدامك غير الاستسلام انتي في قفص النمر واللي تدخلوا متخرجش الا بمزاجه قال كده وطلع على عربيته هو بيلبس نظارته بغرور وانبساط شديد ابتسمت ابتسامه بسيطه من اللحظه المجنونه اللي كانت بينهم بس فاقت لنفسها وقالت بغضب..هبله.. هبله قوي
بالليل اسرار كانت بتجهز العشا دخل عندها مصطفى وقال بابتسامه مساء الخير
اسرار قالت بارتباك ..اهلا
مصطفى قال اسرار جيت اتكلم معاك شويه
اسرار ابتسمتلو وفضلوا يتكلموا شويه بس من توترها جرحت صباعها
مصطفى مسك ايدها بسرعه وقال الف سلامه عليك استنى هغسلهولك وبقى يغسلها على الحنفيه
وهو ماسك ايدها بيشوف الجرح دخل عساف وبص لهم بزهول كانوا قريبين جدا من بعض ومصطفى ماسك ايدها مش عارف بيعملوا ايه من بعيد قرب عليهم وقال الله الله..هنا في المطبخ
اسرار اتفاجأت ورجعت لورا بخوف
مصطفى قال يا ابني خضتنا في ايه هنكون بنعمل ايه يعني صباعها اتجرح كنت بشوفو
قال بغضب ..يا سلام بتشوف لها صباعها ولا بتنفخ لها عينها
مصطفى بصلو باستغراب وقال..عينها ليه بقول لك صبعها و
