
#نمري_الوقح4
الكل كان مصدوم انو راح للخدامه اوضتها وبيتصرف
كده .. عساف بقى في موقف لا يحسب عليه ابدا ومصطفى كان عايز يضحك عليه
امه بصتلو بغضب وقالت اطلع قدامي
عساف بص لاسرار بتوعد ومشي هو والدته ومصطفى
اسرار ابتسمت لما مشي واتنهدت بارتاح وقفلت الباب
في البيت كان واقف قدام والدته بحرج شديد وهيه قالت ..انا قلبي كان هيقف لما عرفت انك انت.. ازاي تعمل كده…ازاي تتصرف تصرف زي ده وتروح تتهجم على البنت ليه تعمل كده ناقصك ايه
اتنهد وقال يا ماما انا روحت علشان….
بس سكت و معرفش يقول ايه وما كانش عايز يقول انها كذابه لانو هو اللي راحلها لحد بيتها وفي نفس الوقت ما كانش عايز يكدبها
نزل راسو بحرج شديده وقال..احم مش هتتكرر
امه قالت بغضب…طبعا مش هتتكرر لهو انت ناوي تكررها اسمع انا هروح للناس واعتذرر لهم.. ولو في حاجه ترضيهم للفضايح دي غير الاعتذار هنعملها يا عساف اظن فهمتني
بصلها بزهول وقال.. قصدك ايه اوعي يكون الي وصلني عايزاني اتجوز دي الخدامه
بصتله وقالت مش هي دي الخدامه نفسها اللي روحت لحد بيتها تعتدي عليها
اتنهد وقال.. محصلش حاجه تستاهل الجواز اصلا قبل ما اعمل اي حاجه انتو وصلتو ..تمام يا ماما الموضوع انتهى
نوال قالت ..تمام بس كده للاسف مش هينفع بعد اللي حصل البنت تفضل هنا مش هفضل حاطه ايدي على قلبي لاحسن حضرتك تتهور وتعملك حاجه معاها هديها قرشين كويسين ويروحوا يشوفولهم حته ثانيه يشتغلوا فيها
وقف مكانه متجمد وحس بنغزه شديده في قلبه وبصلها وقال هيمشو يروحوا فين يا ماما كده حرام
قعدت وقالت يا سلام يا دوب عرفت الحرام
عساف اتنهد وقال يا ماما دول مش معاهم مكان تاني يروحو عليه واكيد هيغلبوا على ما يلالقوا شغل مش هتتكرر تاني والله
لسه هترد مصطفى قال انا عندي حل تالت
عساف بصلو باستغراب..و قالت حل زي ايه يعني
مصطفى قال..انا هتجوز البنت اصلا البنت جامده وطالعه من عيني
بقلم..زهرة الربيع
هنا عساف اتسعت عنيه من الزهول والغضب وكان هيقتله في ارضه وفي ثواني كان ماسكه من قميصه وقال بغضب شديد.. تجوزها ده ايه.. عاوز تتجوز خدامه
مصطفى ابتسم وقال انا ما بيهمنيش على فكره الحاجات دي مش بتفرق معايا..المهم ان البنت كويسه ومحترمه بدليل انها النهارده فضحتك قبل ما تلمسها واحده غيرها كانت رضيت باي مبلغ لاكن البنت شريفه
نوال قالت بسرعه …جدا ..دي بنت ما فيش منها انا مربياها على ايدي وبعدين الفقر مش عيب
عساف بصلهم بزهول وقال..انتو بتقولو ايه انتو مجانين
والدته قالت بحده.. عساف..انا ولدتك اتكلم كويس