شويه وأتمنيت الوقت يقف وانا بتأمل فيه وبعدين فوقت واندمجت مع الشرح ونسيت نفسي ورفعت ايدي لقيت كل المدرج قعد يضحك..
نزلت ايدى وقعدت مكاني تاني من الاحراج..
زين سما اتفضلي كنتي عاوزه تقولي ايه
ماهو انا مستحيل اقف تاني….
لقيته جه قدام البنش وميل .
زين يلا سامعك قولي !
اتحرجت وبعدين كتبت اللي عاوزاه في ورقه وخدها رجع مكانه وقراها …
زين تمام فكره هايله يا سما وأعمال السنه بتاعتك اعتبريها مضمونه وكل متخلف ضحك ناقص في مادتي…
دلوقتي انا واقفه قدامه في المكتب ومش عارفه ابدأ ازاي ياريتني مسمعت كلام قلبي…
زين اتفضلي يا سما عاوزه تقولي حاجه
اخيرا اتحركت ومسكت ورقه وقلم من اللي كانو قدامه وكتبت..
شكرا ليك علي تشجيعك ليا ولكل الثقه الي اخدتها من حضرتك ودي حاجه بسيطه مني …
فردت الورقه كويس ومدت ايدى بيها ليه.
قرأها وبص علي العلبه اللي قصداه وابتسم وفتحها.
زين اي دا بسبوسه بحبها اوي..
بدأ يكل بتلذذ وكأنه مأكلش بسبوسه من زمان.
وفي نص الاكل رفع ايده في علامه انه ممتازه وعجبته .
ابتسمت وانا سرحانه وبص ليا بعد ما خلص اكل لقاني ببصله اتكسفت ونزلت وشي في الارض اتفادي نظراته. زين بضحك ارفعي وشك علي فكره مش هعرف اكلمك كداا….
زين عارف ان الكلام الحلو بيأثر فينا وعارف انه بيدى ثقه في النفس مش هقولك طنشي كلام الناس لان الكلام ڠصب عننا بيأثر بس هقو……..
فجاء بدون سابق انذار دخلت واحده…..
البنت زين حبيبي انت تزعل من باباك تسيب البيت طاب مراتك…
حد سامع صوت قلبي هي قالت مراته صح انا سمعت صح…..
قالت بدموع وهى بتبص لسليم پقهرةأنا موافقه اتجوز دكتور حازم..
عمها قام ووقف قدامهاانتى بتقولى اي يبنتى انتى متأكده من كلامك دا
بصتله بدموعايوا يا عمى متأكده أنا عمري ما كنت متأكده من حاجه قد دلوقتي..
وبصت لسليمأنا مش واحده من الشارع علشان أرمى نفسي عليك يا استاذ سليم ودلوقتي أنا اللى مش عوزاك وهتجوز الشخص اللي عاوزنى واللى رفضته كتير بس برضو مصمم انى اكون ليه ومصمم يتقدملى علشان كدا أنا موافقه يا عمى ومن النهارده هشيلك من قلبي وحياتى كلها يا سليم علشان مكنتش استاهل اللى انت عملته فيا واللى لسه بتعمله دا ..
سليم بص في الارض بحزن أنا آسف يا زهرة
_كل مره كنت بتبعد عنى وتروحلها كان بيبقى عندى امل انك ممكن ترجع وتاخد بالك من حبى ليك لكن أنا طلعت غلطانه انت عمرك ما هتتغير وهتفضل طول عمرك انانى وصدقنى أنا عمري ما هنسى كسرتك ليا ولا نظرات الكره اللي شوفتها في عينيك مش انا اللى انسى يا سليم انت دوست على كرامتى كتير اووي وجيت عليا بس خلاص انا مش هسمحلك تعمل كدا تانى .. وبصت لعمهاعمى أنا هبلغ دكتور حازم موافقتى وهخليه يكلمك ويتفق معاك على ميعاد مناسب الخطوبه عن اذنك..
ومشيت من قدامهم ودخلت شقتها
قعدت على الأرض مكانها وبدأت تكتم شهقاتها ودموعها نازله على وشهاأنا تعبت قلبي اووى مع حاجه مش هتحصل أنا السبب في كل اللى حصل دا انا اللى كسرت قلبي والمفروض أنا اللى اداويه..
بصت على صورة ابوها وامها اللي متعلقه قدامهاأنا عارفه انكوا زعلانين منى ومش مبسوطين باللي عملته دا بس اعمل اي يا بابا اعمل اي يا ماما هوا مش حاسس بيا ولا هيحس هوا بيحبها هى مش هقدر استنزف مشاعري اكتر من كدا كفايه أنا عمري ما هقبل انى اكون بديل أو استبن لحد يا ماما انتى الوحيده اللى كنتى بتفهميني وكنتى بتحسي بيا وانتى الوحيده اللى كنتي عارفه أنا قد اي بحبه أنا تعبانه اووي يا ماما ارجوكى ارجعى أنا محتجالك اووي
تانى يوم الصبح صحيت على صوت تخبيط الباب بصت في الساعه كانت ٩ونص..
_يييي أنا اتأخرت اووي..
قامت وفتحت الباب وكان عمها..
_صباح الخير يا عمى أنا اتأخرت اووي
عمها قرب منها وطبطب عليهاأنا عارف انك منمتيش كويس علشان كدا محبتش اصحيكى واقلقك
لي عملتى كدا يا زهرة..
_عملت اي يا عمى
_اتسرعتى في قرارك ازاي اول امبارح كنتي
بتحبي شخص وامبارح وافقتى على شخص تاني..
_على اساس ان في امل من الاولانى ..
_اه في يا زهرة سليم بدأ يحس بيكى والا مكنش اتأثر
—
بكلامك امبارح ..
_انا مش هفضل عايشه على افتراضات سليم ابنك انانى يا. عمى هى لو جاتله دلوقتي واعتذرت منه خلاص هينسى كل حاجه وهيغفرلها وهيرجع معاها احسن من الاول كمان زي ما كان بيعمل في الاول فأنا مش هقدر افضل استبن كدا مش هقدر اعيش وانا مشاعري مستهلكه على الفاضي كدا..
_عندك حق بس على الاقل كنتى تديه فرصه ..
_مش هقدر يا عمى كفايه كدا ارجوك اعمل اللى يريحنى لو مره واحده في حياتى..
_حاضر يا بنتى اللى تشوفيه..
وبالفعل دكتور حازم اتقدم ليها وكان اليوم دا مليان لغبطه كتير..
زهرة لبست احسن حاجه عندها وكانت طله باطلاله ټخطف الأنفاس ..
عيون سليم متشالتش من عليها ..
صحيح الحاجه مش بتبقى حلوة الا لما تكون في ايد غيرنا
فضل متابعها ومتابع كل تحركاتها …
الاب قرب منهأنا عارف انها حلوة بس مش لدرجة اللى انت بتعمله دا..
_ها..
_ها ها قولتلك كتير ومسمعتش كلامى أهى بتضيع منك وخلاص راحت عليك ..
سليم اتعصب وبص لحازم بغل شويتين ..
وقام دخل اوضته وهوا حاسس بتعب في دماغه ومفيش حاجه بيعملها غير أنه بيفكر فيها …
عدى اسبوع وهوا مش بيخرج من أوضته ولا بيكلم حد حس أن كل حاجه ضاعت منه خلا ]لقى أبوه داخل عليه وفي ايديه شنطه..
_ينفع ادخل..
_اتفضل يا بابا ..
دخل وقعد قدامه ومد أيده ليه بالشنطه
_خد
_اي دي يا بابا
_افتح وانت تعرف
فتحها واتفاجئ باللي فيها
_اي دول يا بابا فلوس بتاعت مين دى وجبتها منين..
_انت مفكر أن ابوك دا قليل لا فوق يلا ..
_بجد يا بابا جبتهم منين
_عادي بعت الارض اللي في البلد اهم حاجه انت يا سليم خد الفلوس دي وابدا مشروع واقف على رجلك وحاول تخرج من اللى انت فيه دا..
عاوزك توعدنى..
سليم ابتسم وحضنهاوعدك يا بابا ..
عدى شهر وسليم بدأ مشروعه الجديد وكل تفكيره كان فيه وأنه ينجح وبالفعل حقق مكاسب كتير خلال الشهر دا ودي حاجه خلته يقف على رجله ويستعيد ثقته بنفسه من تانى..
جه يوم خطوبة زهرة كانت خطوبه وكتب كتاب .
زهرة كانت بتجهز في اوضتها وفجأه لقت اللى داخل عليها..
_انت بتعمل اي هنا أخرج برا..
سليم قرب منها مش هخرج الا لما اقولك حاجه مهمه وبعدها قرري ..
بصتله بتوتر واستغراباى هى الحاجه..
قرب اكتر وهمسأنا بحبك يا زهرة
لسه هتتكلم حط أيده على بقها منعها تتكلم ارجوكى يا زهرة اسمعينى أنا سيبتك تتكلمى كتير وتقولى كل اللي في قلبك وجه الوقت انى اقولك اللى ف قلبي يا زهرة..
زهرة أنا كنت تعبان ومخذول من البنت اللي فضلت معاها طول الفتره اللى فاتت مع انها هى اللى كانت يتقرب منى وهى اللى خلتنى اروح لابوها إلا أنها ضحكت عليا وسخرت منى قدام ابوها وعيلتها كلها وقتها ندمت انى مسمعتش كلام ابويا وندمت على معاملتى ليكي لانك ملكيش اي ذنب انتى واحده حبيتى من قلبك ..
أنا كنت كل اللى محتاجه وقت يا زهرة وفعلا مفوقتش ومعرفتش قيمتك عندى الا لما حسيت انك فعلا هتضيعى منى ارجوكى يا زهرة متحكميش على نفسك وعليا بالاعډام أنا تعبان اووي يا زهرة تعبان ومحتاجلك انتى علاجى ارجعى عن قرارك دا واوعدك انى عمري ما ازعلك ابدا …
شال أيده من على بقها وكانت دموعها نازله بغزاره..
_جاي متأخر اووي يا سليم جاي متأخر اووي أنا اديتك كل حاجه قلبي ومشاعري وكل حاجه وانت في الاخر سيبتنى وروحتلها كنت كل مرة بتسيبنى وتروحلها كل لما كنت بحس أن خلاص في امل انك تكون ليا وترجع كان الامل بيختفى لما شوفك ماسكها في ايديك وماشي معاها وفرحان وعيونك منورة ولما كنت بشوفكوا في اي مطعم بالصدفه كنت بحس قد اي أنا مليش مكان في حياتك كنت متجاهله كل حاجه وكل كلام اللى حواليا ومصدقه قلبي بس يا سليم كنت مصدقه قلبي وياريتنى ما كنت صدقته..
_دلوقتى مفيش غيرك هنا يا زهرة ارجوكى متخذلنيش انتى كمان أنا معرفتش قيمتك ومعرفتش قد اي انتى مهمه بالنسبه ليا وعرفت حبى ليكي الا لما
بعدتى عنى متتعبيش قلبك وتتعبى قلبي وتكملى انتى لى عوزا تحكمى عليا بالاعډام..
_انا مش ليك يا سليم انت جيت متأخر أنا عمرى ما هقدر اخذل
—
