قال… اخد ايه يا خالتي مازن الله يرحمه والحي ابقي من الميت انا عمري ماهنساه والله بس خديجه حرام تقعد كده واكيد اخوها مش هيسيبها هيقنعها تتجوز انا أقرب يا خالتي.
قالت…… كان علي عيني يا حبيبي بس ماينفعش.
قال…. ليه يا خالتي.
فقالت… اصل حمزه خلاص طلبها وهيتجوزها.
بهت شريف.. ايه حمزه. اول مره اسمع الكلام ده . بس حمزه ما بيطقهاش ياخدها ليه يا خالتي حرام.
قالت… عشان لحم اخوه يا حبيبي
قال شريف…. بس كده ظلم ليها حرام تعيش مع واحد مش عايزها. حمزه مش عايز ستات هتتعسيها ليه يا خالتي.
قالت.. مالكش صالح يا شريف احنا عيله وهنكون لبعض سند.
قال.. مش لاقي كلام اقوله بس عَموما انا هتكلم مع حَمزه وتركها وقام غاضبا.
احست بنار داخلها.. اه رجعت تشتغل هتشوف نفسها وتتجوز وتاخد الواد .نهار اسود مازن حبيبي ابنه ماقدرش لا.. صعدت اليها ودخلت عليها الشقه فارتعبت خديجه.. قالت اميمه بكلمة ملائمة.. ايه يا ست خديجه خلاص ماصدقت الواد مات تدوري تشوفي غيره.
بهتت خديجه….. اشوف غيره يعني ايه.
قالت.. اه مش اشتغلتي هتتفرعني فاكره اني مش هقدر عليكي لا يا ست خديجه هاخد الواد واحرق قلبك.
صرخت خديجه.. واد ايه اللي تاخديه يا شيخه هو انا عبده عندك ارحميني برضه لسه مارجعتيش عن ظلمك.
قالت اميمه.. ارجع.. لا ابني يموت وانت قاعده ترازيني وعايزه تفرحي وتتجوزي.
صرخت خديجه.. اتجوز مين انت بتقولي ايه يا ست انت.
قالت اميمه بغل.. اللي سمعتيه ولو حصل تغوري وتسيبي الواد هاخده من نن عينك وتركتها وخرجت.
انهارت خديجه.. اروح فين اروح فين يا رب ضاقت افرجها والله تعبت
مر الوقت ودخل حمزه علي امه يقبلها ويهتف ازيك يا حبيبتي.
قالت بغل…. ماليش زي في الهم والحزن يا ابن بطني.
استغرب وقال.. مالك بس.
قالت… مالي.. عمر هيروح هو كمان هياخدو الواد مني يا حرقه قلبي يانا.
قال باستغراب… مين اللي هياخد الواد فهميني طيب.
قالت… شريف ابن خالتك عايز يتجوز مرات اخوك.
نظر اليه ببلاهه… مرات اخويا.. مرات اخويا مين.
فصرخت….. فيه غيرها.. خديجه هانم عايز يتجوزها جاي يقلي حلوه وصغيره وعايز ياخدها.
هب حمزه واشتعل…. ربنا ياخده البعيد هو مين اللي هياخدها دانا اخلص عليه هيا سايبه.
قالت اميمه.. ماهي صغيره وحلوه وهتتجوز انا هموت يا حمزه البت مش هتقعد انا عارفه ماهي صغيره يا حرقه قلبي عمر هيروح.
هتف غاضبا.. الواد ده عينه منها من زمان كنت بشوفه بيبصلها وكنت بكدب نفسي انما يجي يطلبها كده يا بجاحته وانا اقول لازق وبيسبسب اتاريه بيضبط الدنيا وهئ ومئ وماشي وراها.. اه يا شريف الكلب .. دانا اخد اجله ولا انه يقربلها.
قالت امه.. مانا رفضت وقولتله خديجه هتتجوز.
نظر اليها محصورة…. . يا نهارها اسود هتتجوز مين دانا اطين عيشتها هيا خلاص الهانم عيارها فلت هتتجوز مين دانا اكلمة ملائمةهولها تسيبني وتروح فين هيا.
(تسيبك.. انت مين ياض 😂 تاااكس الخانكه ياسطي)
