قالت غاضبه… اظن عيب اوي يا استاذ حمزه بقولك اتفضل عشان البس عيب اوي.
تنهد… عيوني حاضر انت بس تؤمري هروح اعملك حاجه تاكليها تكوني لبستي.
ذهب حمزه الي المطبخ فتح التلاجه فبهت قليلا فالتلاجه تقريبا خاليه ليس بها الا بعض العيش وقطع الجبن . فتح الفريزر فوجده خاليا قطب جبينه. فلم يجد شيئا يصنعه لها ليدور يلف في ادراج المطبخ كان الخزين تقريبا منعكلمة ملائمة بعض من السكر علي احد برطمنات الشاي الصغيره. خرج مستعجبا اتصل بالخاكلمة ملائمةه لتصنع لها شيئا تاكله.
عاد اليها كانت قد لبست ملابسها ليجدها تجلس علي احد الكراسي في الانتريه اقترب منها .. انا وصيت سعاد تعملك اكل.
قالت بتعب… متشكره ماتتعبش حالك شويه كده وهنزل اجيب اكل.
قال… طب بالمناسبه بقه هو الاكل اللي في التلاجه فين والخزين.
قالت مستعجبه… اكل ايه وخزين ايه.
قال.. التلاجه فاضيه والمطبخ فاضي ليه وديتي اللي فيه فين.
قطبت… وديته هو ايه اللي وديته.
تنهد… مش بيطلعلك خزين واكل راحو فين التلاجه فاضيه.
بهتت.. بيطلعلي خزين واكل.. مين ومن مين.
قال حانقا.. .. فيه ايه يا خديجه مش ماما بتطلعلك الخزين راحو فين التلاجه مافيهاش حاجه انا مش بحاسبك بس ليه فاضيه.
هتفت… مامتك بتطلعلي خزين واكل مين اللي قالك كده.
قطب قليلا.. مين ايه انا اول ما مازن مات سالت علي عيشتك قالتلي بتطلعلك اللازم.
ابتسمت بسخريه.. اه هيا قالتلك كده.. طب ماهي فعلا بتطلعلي اللازم.
قال متحيرا….. طب هو فين.
لتقول.. لا هيا بتطلعلي اللازم لابن ابنها انما انا مش معتبراني موجوده مامتك.
نظر اليها بذهول.. نعم ياختي هو ايه اللي بتقوليه وانت بتاكلي ازاي.
لتحني راسها وتقول…. ماعتقدش دي حاجه تهمكو المهم ابن ابنكو بياكل ايه.
هتف غاضبا…. هو ايه اللي مايهمناش انت هبله ما بتاكليش. فيه ايه اخويا يموت ويجرا كده تنذلي يعني.
ضحكت بسخريه .. اخوك يموت وانذل.. لا يا استاذ حمزه انا مذلوله من قبل اخوك بكتير انا مذلوله من تاني شهر في جوازي لتقف وتبتعد بقهر.. اخوك والست والدتك قاطعين عليا المصاريف ما بيحطوش في البيت. لقمه اخوك مامتك خلته ياكل تحت وما يطلعش عشان انزل اقعد تحت رجليها. انذل ليهم وتبهدلني زي ما هيا عايزه ممكن ماتصدقش مايهَميش بس ده اللي حصل.
صرخ…. وكنت بتاكلي منين انت هتكدبي سنين من غير اكل.
قالت… واكدب ليه عايزه منك ايه مثلا والا طلبت ايه بس هريحك عشان تبعدو عني انا كنت بروح عند اخويا كل يوم انضفلهم الشقه والمقابل اكل واخد فلوس يعني زي ما تقول كده خدامه بلقمه عيشها واخوك ما سالش .وكتير حاولت احنن قلبه ما سالش يسيبني بالايام قاعده لوحدي عشان بس مامته قالتله كده. يسيب مراته من غير لقمه عشان يكسر نفسها. كنت بموت من الجوع ابعتله يشوف الرسايل وماردش.. كنت اقوله عيانه عايزه دوا مابيردش مره وقعت في الشارع من قله الاكل بعتله يجي ماردش ولما اهل الخير جابوني البيت الست والدتك طلعت بهدلتني وقعت قدامها مصعبتش عليها تقولي فين الاكل…
دا لو حد مربي كلب عارف مربي كلب هيصعب عليه ويرميله لقمه وجاي تقولي بنطلعلك …سنين بيرملي قروش يكفو ابنه الغلبان بالعافيه وما بنطقش . عشان اخوك و مامتك اتجبرو عشان غلبانه وماليش سند وماليش حد يقفلي… الست لما تبقي بطولها وجوزها جاحد بتقطم وتبلع الجزمه عشان ابنها…. مامتك قالتلي هاخد عمر وارميكي بره.. قعدت يكملو ذل اربع سنين اتجوزت شهر وانا غلبانه مابنطقش يطلع يكلمة ملائمة فيا يموتني كلمة ملائمة مامتك واقفه تتفرج واخرتها جاي تقولي اتجوز.. تاني ابقي حرم بنهاوي تاني.
دانا لو ملقية كلبه اترمت علي باب بيتكو هتأكلوها. كانو يعملو الصدقه شويه عيش ناشف للقطط اللي قدام الباب ادوني منهم. ماكتش عارفه ليه عملت ايه طلبت الطلاق رفض اترجيته يعتقني رفض وكملت بس مت كت اسمعهم بيضحكو وفرحانين ويعزمو يجيبو ويودو وانا فوق مقفول عليا باب سجن بزنزانه حجر علي قلبي جعانه وهلكانه. كت اقعد لوحدى اشوف عملت فيهم ايه لحقت اعمل ايه في شهر.. وجاي تقولي بنطلع اكل. اتعامل زي الكلاب ماحد رحمني انت اه كت مسافر جايز ماتعرفش بس عيلتك كلها كت عارفه. اربع سنين بيتفرجو عالغلبانه اللي كل ذنبها انها عندها كرامه مش عايزه تيجي تحت جزمتهم.. بس ايه.. عارف يوم ما مات كان ضاربني الصبح اه والله مامتك كمان كانت واقفه دعيت عليه بحرقه بحسبي الله ونعم الوكيل ولما جه الخبر قعدت اكل روحي يا تري انا السبب وربنا استجاب وحرمت ابن من ابوه..
ابتسمت ساخره.. ابوه.. دا حتي دي ما كانتش موجوده. روح الله يسهلك جاي تحاسب وتقول وتتفقو تاني عارف لو بموت مابقاش تحت ضرسكو تاني . دا رجوعي شغلي عشان اصرف علي نفسي بلا ذل منكو لا وجاي عايز تتجوزني عشان تكمل المسيره انتو ايه انتو ربنا هيحاسبكو لقمه ايه اللي هخدها من عندكو انتو لقمتكو ذل وقهر عيشتوني فيه جاي تقول ايه انت لتجهش بالبكاء وهو واقفا غير مصدق ما قالته ليندفع لا اراديا ويشدها اليه وهيا منهاره من البكاء.
همس بوجع.. خلاص بس بس اهدي ايه دخ مش مصدق .
.
ابتعدت عنه …… من فضلك سيبني في حالي بقه.
اقترب منها وشدها وجلس ومسك يدها…. ممكن تسمعيني طيب.. مسحت كلمة ملائمةوعها .. انا ماكتش اعرف لترتبك وتحمر خجلا وتشد يدها تنهد.. بصي يا خديجه والا اقولك يا ديدا زي ما ليلي بتقولك.. اطرقت .. انا ما كتش اعرف اللي مازن بيعمله ولو كنت اعرف كت وقفته …اكل ايه اللي بنتكلم فيه انا مش مصدق اللي اتعمل ده. اكل ايه وحرمان ايه وعيشه ايه.. ليه ماحدش قالي ماقولتش ليه يا بنت الناس ايه مطلوقين مالهمش كبير يمين بالله لو كت اعرف كت حاسبتهم حساب الملكين ايه القرف ده..
دا بيت البنهاوي بيت حمزه يتعمل جواه كده جوع واكل انا مش مصدق يا فضحتنا ايه ده. وابن اخويا ما يصرفش وياكل من خير ابوه لا ومش هسمح بغير كده مازن كان عنده مشكله مع امي مش هنكر امي متسلطه بس مازن كان متدلع وهما كانو روحين ماكتش بيقدر يقولها لا..
بس انا مختلف ومش هسمح بده يحصل البيت ده بيتك وانت ام عمر وليكي عندنا كتير نظرت اليه باستهجان . فاكمل.. وتصرفي وتجيبي علي كيفك وان كتي نازله الشغل عشان تصرفي علي رَوحك فبلاش منه لاني راجل ما هسمحش. البيت ده له قواعد انت الست اللي فيه دا بيتك وتطلبي وتصرفي وتقولي هات وانا مانطقش مش علي اخر الزمن حمزه البنهاوي يتكلم في اكل ومصاريف بيته انت كده بتهنيني وتجرحي رجولتي انت تعيشي معززه مكرمه. اسمعي يا خديجه جايز بدايتنا غلط وجايز انا عصبي بس حابب اطلب منك حاجه ممكن من هنا ورايح تعتبرينا اصحاب.. نظرت اليه باستغراب فابتسم ايوه ايه المشكله
قالت.. اعتبرك ازاي وانت بتكرهني من غير سبب اعتبرك اخويا كده مره واحده.
ضحك.. لا اخوكي ايه انا بقول اصحاب ومن جه بكرهك لا ما بكرهكش انا عصبي وعندي ظروف خاصه واكيد عارفاها بس ده مايمنعش اننا نعرف نتعامل بعد كده عشان عمر وعشان البيت والشغل.
قالت… انا عايزه ابقي في حالي كفايه وجع لحد كده.
قال… وايه اللي هيوجع انا بقولك نبقي اصحاب جربي طيب لو ما عجبكيش تبقي في حالك بس ماينفعش تعيشي لوحدك كده.
قالت… مانا كت لوحدي ايه اللي جرا يا استاذ حَمزه انا عايزه اربي ابني وبس.
قال… .. اولا انا مش استاذ تمام والصحوبيه يا ستي تجربه لقيتيها سيئه نلغيها وانا اوعدك مش هزعلك ولا هتعصب تاني.. لتنظر اليه غير مصدقه …ضحَك …طب جربي طيب. بيقولو بعض هبطل اعض والله فتبتسمت…. مد يده خلاص كده صاف يا لبن لتبتسم وتمد يدها شدها يقبلها لتشهق وتطرق ابتسم .. بصي بقه طلباتك مجابه وهتاخدي جزء من حقك تعيشي بيه مازن كان ليه ورث وفلوس وده حقك هتاخديه يبقي الشغل لازمته ايه.
قالت… لا والنبي سيبني اشتغل انا حابه كده.
