زواج بالمال بقلم روان عبدالله

ي الدنيا بتاخدها مني انا بجد تعبت مش قادره اكمل

آسر.. ده قضاء ربنا ياحور ومنقدرش نعترض

حور.. بس انا كنت نازله براحه ورجلي اتزحلت من حاجه انا متأكده

آسر.. ماما شافت السلم مكنش عليه حاجه

حور… لا انا متأكده ان حد ورا الموضوع ده

آسر بغضب.. حد مين يعني انتي عارفه ان مفيش شاغلين بيدخلو بيتنا غير كل يوم الجمعه والنهارده مكنش في غيرك انتي وماما

حور.. وميار

آسر.. شيلي ميار من دماغك هي هتعمل كده ليه

حور.. ومتعملش كده ليه هي اكيد عاوزه تخلص من ابني علشان يتبقي ابن الحرام ابنها

آسر.. اتكلمي عدل ياحور ده ابني مش عاوز اتعصب عليكي لاني مراعي اللي انتي فيه

حور بصدمه.. انت بتزعقلي علشانها بتكلمني انا كده بعد كل اللي عملته علشانك بجد انا مش مصدقه

آسر… ان اللي يغلط في ابني اقت*له مش بس ازعقله

حور بضحك… انا بجد مش مصدقه ان انت آسر اللي انا حبيته وجيت علي كرامتي كتير علشانه واللي عديت خيانته وجوازه وحمل واحده غيري منه بدل ما تقف معايا بتكلمني كده

آسر… ده اللي عندي انا مسمحش لحد حتي لو انتي يقول علي ابني ابن حرام

حور بغضب.. مهو ابن حرام فعلا

لم تستوعب شئ غير كف استقر علي وجهها

نظرت له بصدمه وحزن

آسر بغضب… مش عاوز اشوف وشك تاني فاهمه

حور بقوه زائفه.. تمام طلقني انا مش هستحمل اكتر من كده انا تعبت بجد

آسر… انتي طالق ياحور

خرج من الغرفه بغضب بينما هي ظلت تبكي

حور ببكاء.. كان بيضحك عليا لما قال انه بيحبني كان بيضحك عليا لما قال انه اتجوز ميار وهيطلقها كان بيضحك عليا دائما وانا زي العبيطه كنت بصدقه انا بكرهك يآسر بكرهك

عند ميار كانت تحادث هند

ميار بفرحه.. بقولك طلقها

هند.. عرفتي ازاي

ميار.. سمعتهم وهما في الاوضه سمعت كل حاجه دا كمان ضـ,ـربها

هند.. انا مستغربه التغير ده وكمان خايفه منه

ميار.. متخفيش دلوقتي مفيش غيري بس لازم نتصرف في موضوع الحمل ده

هند.. ما تجربي تقربي منه يمكن يحن ليكي تاني

ميار.. هجرب

هند.. تمام

عند حور خرجت من المستشفى بمساعده محمود الذي حكت له كل شئ واستأجر لها شقه بطلب منها

محمود… ياحبيبتي انتي عاوزه راحه تعالي الفيلا وملكيش دعوه بآسر

حور.. معلش ياعمي خليني علي راحتي

بدأ في القيادة متوجهين لشقه حور الجديده

في الفيلا كان يجلس آسر سارحا في بعض الاشياء ليأتيه صوت محمود الغاضب

محمود بغضب.. انت ازاي تعمل مع حور كده

آسر ببرود.. واحد طلق مراته فيها حاجه دي

محمود.. بتطلق مراتك في اكتر وقت هي محتجاك فيه

آسر… إبني ومات فخلاص مش عاوزها

محمود.. انت اتجننت مش دي اللي كنت بتقول امبارح انك بتحبها

آسر.. كله كلام علشان نمشي الدنيا وخلاص

محمود بغضب.. امشي من قدامي انا مش قادر ابص في وشك حتي

صعد آسر لغرفته اللتي كانت حور تسكن فيها ليفتح الباب وتدخل ميار

آسر.. عاوزه ايه

ميار بخبث.. مش انا اللي عاوزه دا البيبي

آسر.. ميار هو انا غلطان

ميار.. لا ياحبيبي طبعا انت عملت زين العقل

آسر.. امال الكل بدأ يكرهني ليه

جلست امامه… علشان حور سيطرت علي عقلهم فا كله وافق في صفها ومفكرينك انت الغلطان بس هي لو كانت منتبهه وهي بتنزل مكنش كل ده حصل

آسر.. فعلا هي اللي غلطانه

ميار هي تلعب في ازرار قميصه… آسر انت واحشني واحشني ايامنا مع بعض

آسر.. وانتي كمان وحشاني جدا

ميار.. طب ايه

آسر.. عندي مشوار هخلصه وارجعلك تاني

ميار بإستغراب.. مشوار ايه

آسر.. هرفع قضيه طلاق من حور

ميار بفرحه. بجد

آسر.. ايوه ياحبيبتي يلا بقا سلام

ميار.. سلام

خرج اسر لتقف هي متوجهه لفرفه الملابس

ميار.. هدومك معتش ليها لازمه هنا بقا

رمت ملابسها علي الارض ودخلت غرفتها جالبه ملابسها هي واضعتها مكان ملابس حور

ميار.. من النهارده كل حاجه تخص آسر بقت تخصني حتي لو هدومه واوضته

عند آسر وصل لوجهته لينزل من العربيه متوجهه لمكان ما

فتح الباب بمفتاح معه ليدخل للداخل

آسر… حووور

خرجت حور بسرعه حاضنه اياه بفرحه

حور.. اتأخرت ليه

آسر… كنت بظبط الاوضاع في الفيلا وبعدين جيت

حور… آسر انا خايفه

آسر.. متخافيش كل حاجه هتبقي تمام بس لازم نعمل كده دلوقتي

حور بغضب.. اه صحيح افتكرت ايدك جامده اوي يابارد

آسر بضحك.. انا اسف اول واخر مره

حور.. لا مليش دعوه انا عاوزه مقابل

آسر.. عاوزه ايه طيب

حور بسرعه.. عاوزه اندومي

آسر.. اندومي ايه ياحبيبتي انتي حامل

حور… انا بتوحم عليه لو مجبتهوش هيطلع في وش ابني كيس اندومي بالحمه يرضيك

آسر.. لا طبعا ميرضنيش

حور.. خلاص هاتلي بقا

آسر.. لا احنا هنعمله هنا

حور.. ازاي

آسر.. تعالي اوريكي

بدأ اسر في اعداد اندومي منزلي لحور بالمعكرونه واكلو سويا في مرح

حور.. افتح فيلم وانا هجيب فشار

آسر.. ماشي

فتح آسر احد الافلام واحضرت حور الفيشار وجلست في حضنه علي الاريكه بإستماع

مر بعض الوقت ليفتح الباب بقوه ويسمعو صوت من الخلف

…. الله الله ايه اللي بيحصل هنا ده

نظروا للخلف بصدمه

الفصل الرابع عشر 14

نظروا للخلف بصدمه

محمود بغضب.. ايه اللي بيحصل هنا ده

آسر…بزمتك في حد يدخل كده

محمود.. شوفت عربيتك تحت فكرتك جاي تأزيها

آسر.. بابا انا وحور متطلقناش

محمود بإستغراب.. ازاي مش فاهم

آسر.. اقعد هحكيلك

جلس آسر وحور ومحمود ليقول آسر

آسر.. انا كنت شاكك في موضوع حور علشان كده اتصلت بحد خليته يشوف الكاميرات اللي في البيت

محمود بصدمه.. انت حاطط كاميرات في البيت

آسر… لزوم الامان المهم لما شاف الكاميرات ظهرت ميار وهي بتحط زيت علي السلم ولما خرجنا للمستشفى مسحت اثر الزيت

محمود.. طب وابنك اللي مات وطلاقك من حور

آسر… كل ده تمثيل لانها لو عرفت ان ابني مامتش هتحاول تاني تموت*ه علشان كده اتفاقت مع الدكتوره انها تقول ان الطفل نزل ولما حور فاقت قولت لها كل حاجه

انما بقا حوار الطلاق انا كنت متأكد انها بتسمع كلامنا علشان كده طلقتها مره واحده ودلوقتي رجعتها وكان لازم حور تبعد عن البيت لحد ما تولد

محمود.. انت ازاي ساكت علي كل ده

آسر.. مستحملها لحد ما تولد واخد ابني وبعدين اطلقها

محمود.. انا بجد مش متخيل هي قدرت تعمل كده ازاي

آسر.. انا ناولها علي كل خير انشاء الله

في الفيلا كانت تجلس في غرفه آسر منتظره عودته

ميار بملل.. اووف هو اتأخر ليه

اخذت هاتفها لتتصل عليه

ميار… اسر انت فين

آسر.. انا بقضي شويه حاجات كده

ميار.. حاجات ايه

آسر.. اصل حور عاوزه 5مليون مؤخر

ميار بصدمه.. خمسه مليون ليه يعني

آسر.. مش عارف ياحبيبتي بس المهم هديهم لها علشان نرتاح منها

ميار بسرعه.. لالا اوعي تديها جنيه واحد دي واحده طماعه

آسر.. الموضوع ده عاوز وقت طويل

ميار… خد الوقت اللي انت عاوزه المهم اوعي تديها جنيه

آسر.. حاضر

اغلقت الهاتف لترميه بجانبها

ميار.. عاوزه تكوش علي كله وتاخد الفلوس مني انا مستحيل اخليها توصل لجنيه واحدزمن فلوس آسر

عند حور كانت في الحمام لتخرج بملابس قصيره بعض الشئ

حور.. كنت بتكلم مين

آسر.. ميار

حور.. ليه

آسر.. كنت بخترع حجه علشان انام هنا

حور.. انت هتنام هنا اصلا

سحبها آسر للسرير.. في حد يسيب القمر ده ويمشي وبعدين انا لسه رادك النهارده يعني الليله دخلتنا

حور… اه هتسيب القمر علشان حامل

آسر… وماله حامل حامل

حور.. اتخمد يآسر

آسر.. طب بوسه حتي اي حاجه

حور وهي تغلق الانوار.. قولت اتخمد

آسر.. حاضر هتخمد

اخذها في احضانه لينامو معا

في صباح يوم جديد في فيلا محمود عابدين كان غاده ومحمود وميار يتناولون الافطار

غاده.. ميار هنخلص اكل ونروح للكتوره

سعلت ميار بقوه.. نروح ليه

غاده.. هنروح نطمن علي حفيدي فيها حاجه

ميار.. لا طبعا بس انا النهارده تعبانه شويه

غاده.. هنكشف ونشوف ايه اللي تاعبك

ميار..بس

غاده.. خلاص انا قولت اللي عندي

ميار. تمام

اكملو طعامهم لتستأذن ميار وتصعد لغرفتها

غاده.. ربنا عالم انا مش بطقها ازاي

محمود بضحك.. والله ولا انا

في الاعلي كانت تهاتف هند

ميار.. هعمل ايه دلوقتي دي مصره انها توديني لدكتوره

هند.. خودي حبايه حبوب كمان وانشاء الله محدش هيعرف حاجه

ميار.. انا خايفه لو حد عرف انا هنتهي

آسر من الخلف… هتنتهي لو عرفنا ايه

اغلقت الهاتف بسرعه ونظرت للخلف بتوتر

ميار.. لا ولا حاجه ده موضوع قديم

آسر بشك.. موضوع قديم

ميار بخوف.. موضوع واتقفل من زمان اصلا

آسر.. ومالك خايفه ليه كده

ميار.. لا مش خايفه ولا حاجه

آسر.. تمام انا هدخل اخد دش

دخل آسر الحمام

آسر.. لازم اعرف ايه الموضوع ده

بعد ساعات خرجت ميار وغاده من العيادة

ميار.. طنط ممكن اروح اعمل مشوار صغير

غاده.. انتي سمعتي الدكتوره وهي بتقول بلاش حركه زياده لان في حاجه غربيه في حملك

ميار بتوتر.. مشوار صغير وهرجع

غاده.. تمام هسبقك انا

مشيت غاده لتتوجهه ميار لمكان ما

في احد الكافيهات كانت تجلس هند وميار امامها

هند.. ها عملتي ايه

ميار.. عدت علي خير بس حاسه ان الدكتوره شاكت في حاجه

هند.. شاكت ازاي

ميار.. قعدت تقول ان ده حمل غريب شويه وكلام كده

هند.. متخافيش مش هتعرف

ميار.. مفعول الحابيه دي قد ايه

هند.. اربع ساعات بالكتير

ميار.. عدي تلاته اتبقي ساعه

جلسو يتحدثون سويا لتستأذن ميار وترحل

وصلت للمنزل لتجد آسر يركب سيارته بسرعه

ميار.. رايح فين ده

فكرت قليلا لتكمل هروح وراه

تحركت خلف سيارته لتجده ينزل امام احد المباني السكنية

ميار… ايه اللي جاب آسر هنا

نزلت بسرعه لتصعد خلفه بدون ان يرها لتجده يقف امام احد الابواب ويطرق عليه

نظرت بصدمه عندما وجدت الباب يفتح وتظهر حور حاضنه آسر

حور… اتأخرت ليه

آسر.. معلش ياحبيبتي

حور.. تعالي ندخل

لم تستطع تمالك نفسها لتصعد بسرعه وتدفع حور علي الارض

ميار بغضب.. هو ده اللي طلقتها

كادت حور تسقط علي الارض لولا يد آسر

آسر بغضب.. أنتي ازاي تذقيها كده