شمسى وقمرى بقلم زهرة الربيع الثانى والاخير

11
مصطفى بلع ريقه وقال بخوف…عايز ارجعلك فلوسك وترجعلي حببتي..عايزك تطلق شمس

راغب اتسعت عنيه بشده وبصلو بصه مرعبه وضر*بو بوكس قوي وهجم عليه بقى يضر*بو بعن*ف وقوه وعمر بقى يحاول يبعدو عنو ومش قادر عليه

راغب كان مش شايف قدامو وبيضربو وبيقول..قولت ايه يا حيو*ان ..قولت ايه… عيد تاني يا واطي
عمى شاف مصطفى بينز*ف جامد ومش بيتحرك خاف تحصلو حاجه شد راغب بكل قوتو من عليه

راغب رفع ايده وهو مش واعي للي بيعمله وكان هيضرب عمر بس وقف بسرعه لما ادرك الي كان هيعمله نزل ايده بغضب وبص لمصطفى وقال…اياك اشوفك قريب منها اياك المحك حواليها ..هدفنك مكانك..سمعت

راغب مشي وايناس جريت على مصطفى تقومو وماجد كان بيبص باستغراب من عصبيه راغب واستنتج انو غيران على شمس واستغرب لانو عمرو ماشافو بالعصبيه دي حتى على ايناس

ايناس بصتلو بغضب وقالت..انت هتقف تتفرج تعالى دخلو الاوضه معايا
ماجد سند مصطفى مع ايناس ودخلو الاوضه.. ايناس جابت علبه الاسعافات وبقت تضمض جرحة ومصطفى كان بيتألم قال..ااااه خفي ايدك شويه..وبص لماجد بعصبيه وقال..عاجبك البهدله دي من ورا افكارك الغبيه قولتلك مش هيرضي

ماجد قال ببرود..انا كنت متأكد انو مش هيرضى بس اتوقعت يفضل يقول كلامو البارد زي العاه لاكن يضربك بالطريقه دي ملهاش غير تفسير واحد

ايناس بصتلو باستفهام وقالت..الي هيه ايه بقى يا فصيح زمانك

ماجد قال …الي هيه ان قريبكم طب..ووقع ومحدش سمي عليه شكلو كده عشق العيون الزيتوني

ايناس بصتلو بغيظ وقالت..انت هتفضل تدايقني كل شويه قولتلك راغب مش بيحب غيري

ماجد قال باستفزاز… انا هسيبك لاحلامك مش فاضيلك حاليا هروح اتنازل عن المحضر واشوف اخرتها معاه ماما هتقتلني لو المناقصه دي راحت من ايدي

ماجد مشي وايناس فضلت رايحه جايه بعصبيه وخايفه يكون كلامو حقيقي

عند راغب كان واقف وبيفكر في الي قالو مصطفى وهيتجنن من الغضب عمر وقف جمبو وقال…مش انت بتقول هتطلقها طيب ليه عملت معاه كده

راغب بصلو بغضب وقال بعصبيه..مسمعتش قال ايه بيقولي ارجعلك فلوسك وترجعهالي هو فاكر انها بيعه علشان ارجعهالة

عمر ابتسم وقال…بس هيه من الاول كانت كده يا راغب ولا نسيت انك دفعت علشان يسلمهالك

راغب اتنهد بحزن وقال…منستش…وندمان..ندمان جدا اول مره ازعل على واحده في حياتي

عمر قال..طب ليه تعذب نفسك يا صاحبي ادي لنفسك فرصه تانيه
راغب قال بضيق….انا مش قادر اتكلم يا عمر عن اذنك

راغب طلع عند شمس بس مكانتش موجوده في الاوضه خبط على باب الحمام بس استغرب انها مش موجوده حتى في الحمام

فضل يدور عليها في كل مكان بس مش موجوده نزل بسرعه وبقى يسال عليها في الاوتيل بس ملهاش اثر

بقلمي…زهرة الربيع
راغب كان متوتر وهيتجنن جري على عمر وقال بخوف ..عمر….شمس .شمس مش موجوده

عمر اتفاجأ وقال..ازاي يعني يمكن في الحمام او نزلت هنا في الاوتيل

راغب قال بخوف…لا ..لا ملهاش اثر ابدا انا سألت عليها ومش لاقيها خاص..معقوله يكون الي اسمو ماجد ده خطفها ولا عمل لها حاجه

عمر قال …طيب طيب اهدى هندور عليها هنلاقيها متقلقش
وفعلا نزلو سوا وبقو يدورو عليها في الاوتيل كلو وسألو عليها بس مش موجوده
راغب راح بغضب على اوضة ايناس وبقى يخبط بعنف

اول ما ايناس فتحت قال بعصبيه..ماجد فين..راح فين انطقي
ايناس بصتلو باستغراب وقالت..مشي..راح يتنازل عن المحضر
راغب بصلها بغضب وقال..يعرف حاجه عن شمس..انطقي تعرفو حاجه …لو كانت لعبه من الاعيبكم هنهيكم المرادي اقسم بالله ما هخليكم عايشين ساعه

ايناس كانت مستغربه ومش فاهمه حاجه ومصطفى قام بالعافيه وقال بلهفه..يعني..ايه يعني انت متعرفش هيه فين …عملتلها ايه ..اوعى تكون قولتلها حاجه زعلتها و

راغب فهم انهم ميعرفوش حاجه سابهم وطلع من غير ما يرد عليه او يستناه يكمل كلامو

بعد ساعه من البحث راغب قال..انا هطلع اجيب مفاتيح العربيه وادور عليها في الاماكن القريبه عمر قال تمام انا هاجي معاك وفعلا طلعو سوا وجاب مفاتيح العربيه بس اتفاجأ بورقه على الكمود فتحها باستغراب واتسعت عنيه بشده اول ما قراها وكان مكتوب فيها

ياريت تبعتلي ورقتي انت عارف سكتي كويس .. انا سبتلك كل حاجتك مش عايزه منك اي حاجه كل الي عيزاه انك تطلقني بسرعه
وبتمنى تكون انبسطت باليله الي قضتها معايا ..يارب تكون تستاهل الفلوس الي دفعتها يا….راغب بيه

راغب نزلت دموعو بشده وقعد مكانو بحزن شديد
عمر جري عليه لما شاف حالتو ومسك الورقه من ايده وقراها وقال بدهشه هو…انت قولتلها حاجه من الكلام الي قولتهولي تحت

راغب نزلت دموعو بغزاره وقال…للاسف…قولتلها ..قولتلها كتير

عمر قعد جمبو بيأس وقال…طب هنعمل ايه دلوقتي ننزل ندور عليها

راغب مسح دموعو وقال بقوه مصتنعه .. مفيش داعي زمانها هترجع عند والدتها هيه معندهاش مكان تاني تروحو.. كويس انها جات منها..كلم المحامي يبتدي في اجرائات الطلاق انا اصلا مبقتش عايزها خلاص..خلصت

عمر اتنهد بحزن لانو متأكد انو بيكدب وقال.. تمام يا صاحبي الي تشوفو
شمس في الوقت ده كانت بتمشي في الشارع وسط العربيات والزحمه ومش واخده بالها لاي حاجه وماشيه من غير هدف ومش عارفه هيه رايحه على فين

كانت في حاله صعبه جدا دموعها على خدودها وكل الي بيدور في دماغها كلامو الي قتلها من جوه.. الي قولتهولك بقولو لاي واحده قبل العلاقه….كنتي متخيله اني حبيتك ..انا مقبلش بيكي خدامه عندي…طبعا هخلص بسرعه علشان اشوف غيرك…دي كلماتو الي كانت بتتكرر قدامها زي ما تكون اتحفرت في قلبها بقت تبكي بشده وماشيه في نص الشارع بس فجأه جات عربيه وكانت بتديها كلاكس بس شمس مش سامعه حاجه لانها مش في الدنيا اصلا والعربيه مقدرتش تقف بسرعه وللاسف خبطتها ووقعت على الارض ودماغها بقت بتنز*ف بغزاره

بقلمي…زهرة الربيع
الناس اتلمت حواليها وصاحب العربيه بس شمس مكانتش شايفه غير صوره واحده قدامها صورة راغب ولحظات جميله بنهم وفقدت الوعي بسرعه

الناس اخدوها على المستشفى ودخلت العمليات على طول
بعد عدة ساعات خرج من اوضه العمليات دكتور وسيم ملامحو جذابه جدا ..ده دكتور عاصم زين… الي عمل لها العمليه قال..فين اهل المريضه

اتقدم الشاب الي خبطها وقال…انا الي خبطتها للاسف يا دكتور مكانش معاها حد
عاصم قال..يعني ايه مش معاهاحد ومتصلتوش ليه على حد من قرايبها
صاحب العربيه قال..والله حاولنا بس مش معاها اي حاجه واا شنطه ولا تليفون ولا حتى بطاقه مش معاها اي حاجه كانت ماشيه في نص الشارع بطولها كده ..انا شاكك تكون مختله او حاجه لانها كانت ماشيه في نص الشارع ومش بترد

عاصم استغرب وقال…طيب هيه طلعت من العمليات الخبطه كانت جامده وجالها نزيف في المخ قدرنا نسيطر عليه بصعوبه بس لسه مفاقتش لما تفوق تبقى تقولنا على حد من قريبها بقى عن اذنك

عند راغب كان بيشرب وماسك تليفونها وحاجتها وبيتفرج على صورها ودموعو بتنزل بغزاره..جات نانا وقالت…انت من ساعت ماجيت وانت سايبنا يلا هنرقص شويه

راغب بصلها بعيون بتلمع بالدموع وقال… مش قادر وقت تاني
نانا اتفاجأت بحالتو وقالت..مالك يا راغب يا حبيبي فيك ايه
راغب وقف وقال..مفيش كنت عايز اقولك..جالي شغل مهم وهرجع القاهره بكره
نانا قالت بحزن..ليه… طيب احنا مقعدناش مع بعض خالص… وميلت عليه وقالت بدلال..ايه رايك تبات معايا انهارده

راغب ابتسم بالعافيه وقال بلا مبالاه..تمام يلا بينا

في الاوضه كانت نانا لابسه قميص نوم شفاف وجابت لراغب كاس وقعدت على رجلو وقالت…سمعت انك مشيت البنت الي كانت معاك..برافو عليك دي اصلا مش من مستواك و
بس راغب قاطعها بغصب وقال..نانا متجبيش سيرتها مش عايز اسمع حاجه عنها مفهوم

نانا هزت راسها بخوف وقالت…تمام يا قلبي مش هجيب سيرتها خالص..انت تؤمر بس.. وقربت منو وباستو وراغب شدها عليه ولسه هيبوسها بس فجأه شافها شمس فضل يبصلها بعيون بتلمع بالسعاده وحضنها جامد
راغب كان حاضنها بشده ومغمض عنيه باستمتاع بس فتح عيونه بزهول لما ..نانا قالت باستغراب….راغب فيه حاجه مالك
راغب زقها بعيد وفضل يبصلها باستغراب وقال…لا..لا انا..انا تمام..انا همشي تعبان..مش…مش قادر

راغب طلع بسرعه وسابها مستغربه جدا ومش عارفه ايه الي حصلو
راغب دخل اوضتو وبقى يفكر في شمس وفي الليله السحريه الي قضاها معاها ابتسم لما افتكر جمالها ونظراتها كسوفها وهيه بين اديه ..بس اختفت ابتسامتو بسرعه لما افتكر كلامو الي يدبح ..وفضل وسط افكارو لحد ما راح في النوم

في صباح يوم جديد كان راغب جهز شنطو وركبو عربيتهم هو وعمر وشهد ونزلو القاهره

عند شمس فاقت وبقت تبص في المكان باستغراب وحاسه بصداع رهيب

دخل الدكتور عاصم وقال بابتسامه..مساء الجمال ..حمد الله على السلامه

شمس بصتلو وقالت بتعب..انا…انا فين

عاصم بقى يكشف عليها وهو بيقول..انتي في المستشفى عملتي حادثه بس انتي بقيتي تمام الحمد لله ..
شمس كانت بتسمعو وساكته وقالت..انا..انا تعبانه.قوي..دماغي وجعاني

عاصم ابتسم وقال ….ده طبيعي العمليه لسه جديده وضروري تتألمي شويه انا هكتبلك على مسكنات تريحك بس ممكن تقوليلي على اسم حد مت اهلك نتصل عليه علشان ياخدوكي

شمس بقت تبصلو وبس ومش بترد
عاصم بصلها وقال بابتسامه مبترديش ليه..مش فاكره اي رقم تليفون لحد من عيلتك

شمس قالت..هو…هو انت اسمك ايه

عاصم استغرب سؤالها و قال بابتسامه جميله عاصم ..اسمي دكتور عاصم زين

شمس بصتلو شويه وقالت..وانا…. انا اسمي ايه…انا مش فاكره اي حاجه وووووووو.

12
شمس بصتلو شويه وقالت..وانا…. انا اسمي ايه…انا مش فاكره اي حاجه
عاصم اتسعت عنيه بشده وقال…يعني ايه..يعني مش فاكره ولا اي حاجه ..طيب..طيب حاولي تفتكري يمكن الخبطه مأثره عليكي…حاولي تفكري..احنا فين دلوقتي
شمس قالت…احنا في المستشفى
عاصم قال..لا مش قصدي..اقصد احنا في اي بلد عارفه
شمس فكرت شويه وقالت…لا ..لا مش عارفه

عاصم اتنهد وقال ..طيب..مش فاكره اسمك خالص ..يعني حاولي تفتكري
شمس حاولت تفتكر بس بقت تشوف وجوه سودا وخيلات غريبه ودماغها وجعتها قوي مسكت دماغها بقوه وبقت تبكي وتقول..مش فاكره..مش فاكره حاجه..مش فاكره اي حاجه
عاصم قرب منها وشال ايديها وقال بسرعه.تمام..تمام اهدي محصلش حاجه.. متقلقيش…اهدي شويه ..متفكريش..متفكريش ابدا اهدي خاااالص

عاصم نزل اديها ببطأ وشمس هديت شويه وبصتلو بدموع وهيه بتحاول تفتكر اي حاجه

عاصم اول ما جات عيونه على عيونها الجميله تاه في جمالهم ونسي نفسو وبقى مثبت نظره عليها فتره

شمس اتكسفت من نظراتو ونزلت عيونها عنو وقالت ..احم
عاصم فاق وبعد بخضه وقال بارتباك..اه..انا..انا هشوفلك دكتور اعصاب تمام..يعني ان شاء الله هتفتكري كل حاجه..عن.. عن اذنك

قال كده وخرج بسرعه وهو بيقول لنفسه..ايه يا ابني اتجننت ما كنت تبوسها احسن… واتنهد بضيق وراح لدكتور في المستشفى وقال للممرضه …دكتور سمير جيه ولا لسه

ردت عليه الممرضه وقالت…ايوه وصل من شويه يا دكتور
راغب قال شكرا واستأذن للدخول وجالو صوت بيقول اتفضل
عاصم دخل وكان فيه شاب بملامح هاديه وجميله ده دكتور سمير صاحب عاصم وشريكه في المستشفى
سمير قال بابتسامه…دكتور عاصم بنفسه في مكتبي ده يوم حظي انهارده
عاصم ابتسم وقال…بلاش تستلمني ..عايزك في موضوع مهم جدا
سمير بصلو بانتباه وقال..خير ريهام كويسه مش كده
عاصم ضحك وقال…ريهام …هو مفيش موضوع مهم في حياتك غير ريهام اقولك ايه بس

سمير ضحك وقال بحرج..ديما انسى انها اختك
عاصم قال …طب بجد سيبك منها…شوفت البنت الي جات امبارح خبطتها عربيه
سمير رد بتلقائيه وقال..اه شوفتها البنت الشقرا الي شعرها دهبي دي
عاصم ادايق وقال..احم..على فكره البنت محجبه مينفعش كده
سمير قال بضحك…ما انا الي كشفت عليها قبل ما تستلمها انت كانت دماغها بتنز*ف..هكشف عليها بطرحتها فيه ايه يا عاصم ..كلامك غريب قوي

عاصم قال..طيب سيبك من كل ده البنت جالها نزيف في المخ ووقفناه بصعوبه بس المشكله انها مش معاها اي حاجه تدل على هويتها كان املي انها لما تفوق تقول حاجه عن اهلها بس للاسف مش فاكره اي حاجه تقريبا فقدان ذاكره
سمير قال…امممم مشكله..بس احتمال تكون مؤقته من الخبطه
عاصم قال…طب في حال كانت مستمره هنعمل ايه

سمير قال..والله في الحاله دي العمل عمل ربنا وطبعا هنساعدها بشويه حجات بس منقدرش نضغط عليهاعلشان تفتكر لانها ممكن تنهار
عاصم اتنهد وقال…فعلا ده الي حصل لما حاولت تفتكر

سمير قال بجديه….. لا.لا ياعاصم مينفعش الضغط في الحلات دي لازم تفتكر على راحتها
عاصم قال ….تمام مفهوم طيب هيه حاليا نامت لما تفوق ابقى مر عليها وشوف الازم

سمير قال..تمام.بس بالنسبه لاهلها مش المفروض نعمل لها اعلان او بوست على مواقع التواصل يمكن حد يتواصل معانا
عاصم قال…يعني هو امتي عملنا كده وحد تواصل معانا البنت مش شايله حتى تليفون ولا بطاقه واضح انها ملهاش حد
سمير قال..ايوه بس نعمل الي علينا يعني يومين بالكتير والمفروض تخرج ساعتها هتفضل بحالتها دي في الشارع

عاصم قال..احم..لا طبعا انا هاخدها البيت عندي
بقلمي..زهرة الربيع
سمير قال بدهشه..تاخدها فين يا حبيبي
عاصم ضحك وقال …فيه ايه يا بني ديما دماغك تحدف شمال هو انا قاعد لوحدي هاخدها عند ماما وريهام لحد ما تفتكر او حد يسأل عليها ..احنا المستشفى الوحيده في المنطقه دي يعني لو لها حد هيجي يسأل عليها هنا او على الأقل يعمل اعلان

سمير بصلو باستغراب وقال..انا مش فاهم سر اهتمامك بالبنت دي الاول اصريت تعمل لها انت العمليه مع ان فيه اكتر من جراح ممارس..وبعدين غطيت انت تكاليف علاجها ودلوقتي هتاخدها بيتك متنساش اننا مش عارفين دي مين وظروفها ايه واحتمال تكون متجوزه او

عاصم ضحك وقال..متجوزه والله انت غلبان..البنت صغيره جدا يعني ١٧ او ١٨ بالكتير مستحيل تكون متجوزه ولو لها اهل ولو اني اشك وحاسس انها ملهاش حد هيجو يسأل عليها في المستشفى اول حاجه… انت بس ملكش دعوه انا هتصرف عن اءنك

عاصم طلع وسمير فضل يبص لطيفه باستغراب شديد

بعد مرور يومين شمس خرجت مع عاصم وراحت معاه بيتو عاصم قال.. اتفضلي
شمس وقفت بتردد وقالت…انا مش عارفه اذا كان ينفع افضل هنا بعدين اهلك يعني
عاصم ابتسم وقال..متقلقيش..انا حكيت لهم عنك وبعدين احنا هنحاول نلاقي حد من اهلك متقلقيش

شمس اول ما دخلت جات بنت في سن ال١٩ دي ريهام اخت عاصم بنت طيبه وجميله جدا قالت..اهلا وسهلا انا ريهام
شمس سلمت عليها وقالت..انا..انا لسه مش عارفه الصراحه ..مش عارغه اسمي
ريهام زعلت عليها وسكتت ..بس جات ست في اواخر الخمسينات دي وفاء والده عاصم قالت..احنا هنلاقيلك اجمل اسم يعجبك اهلا بيكي يا بنتي
شمس ابتسمت وقالت..اهلا بحضرتك
عاصم قال ..ايه رأيكم نناديها ايه بقى

ريهام قالت..نسميها رودينا ونقولها رودي اي رأيكم
شمس ضحكت وعاصم قال. انتي الاحسن متقترحيش خالص
وفاء قالت انتو تاعبين نفسكم ليه هيه اسمها على وشها ماشاء الله قمر وهنسميها قمر
شمس ضحكت وقالت ده من ذوقك..عاصم قال..تمام قمر حلو وكلام ست الكل يمشي

وقعدو مع بعض في جو عائلي جميل ضحك وهزار وعدت الايام و عاصم كان بيدور في المدارس الثانويه الي في المنطقه الي شمس عملت الحادث فيها يمكن تكون شمس كانت طالبه هناك لاكن طبعا من غير فايده

بعد مرور اسبوع من الحادث عاصم جيه من بره و كانت شمس قاعده قدام التلفزيون
عاصم دخل وقال بمرح…شوفي جبتلك شوكلت علشان تعرفي غلاوتك
شمس اخدتو منو بفرحه وقالت..الله كان نفسي فيها والله …بس شكلك رايق انهارده
عاصم قال بفرحه..جدا ….وعندي ليكي اخبار تجنن

شمس قالت بلهفه ايه لقيت حد يعرفني
عاصم اتنهد بحزن وقال…لا الموضوع مش كده ..وكمل بفرحه..بس قدرت اكملك اوراقك كلها وهتقدمي في الجامعه كمان ها ايه رأيك
شمس قالت باستغراب ..ازاي انا حتى معنديش شهادة ميلاد
عاصم قال ..لا بقى ده موضوعي انا ما انا مش بلعب طول الاسبوع شوفي يا ستي انا عندي عم من بعيد متوفي ومعندوش غير بنت واحده انا حكيت لها عن ظروفك ووافقت نعملك اعادة قيد بقسيمه اهلها كطريقه مؤقته علشان نقدملك في الجامعه وفيه جماعه حبايبي ساعدوني وبعد كده باقى الاوراق سهله حتى انك هتسافري معايا

شمس بصتلو بدهشه وقالت…اسافر… اسافر فين

عاصم قال..عندهم في ايطاليا انا عندي مؤتمر هناك وشغل كتير واحتمال اطول وماما وريهام جايين معايا وانتي كمان وهتدرسي في ايطاليا ايه رأيك

شمس سكتت شويه وقالت..انا مش عارفه بس كده لو حد سأل عني او طلع حد يعرفني

عاصم قال.. لا من النحيادي متخافيش…انا عملتلك ملف بكل حالتك وحطتلك صوره فيه كمان وامرتهم في المستشفى لو حد سأل عليكي او شكو حتى شك ان حد يعرفك يبلغوني انتي انتبهي لمستقبلك وملكيش دعوه بالباقي …مقولتليش بقى هتدخلي ايه

شمس ردت بسرعه وقالت ..هندسه

عاصم استغرب وقال..اشمعنى هندسه
شمس قالت باستغراب من نفسها..مش عارفه…حاسه زي ما اكون اعرف المجال ده او اعرف حد فيه

عاصم قال… على العموم براحتك..وانا كلمتلك مصممين ازياء ممتازين جهزو حجات اخر شياكه علشانك
شمس قالت بضيق…مبن قلك تعمل كده بس ….انا مش عارفه هردلك كل ده ازاي
عاصم ابتيم على برائتها وكمل بمرح…ايه الكلام ده هو انتي لسه شيفاني غريب عنك يا خساره الشوكلاته الي دفعت فيها دم قلبي

شمس ضحكت بقوه ضحكه تجنن وقالت..والله ابدا..ده انا بقيت اعتبرك كل اهلي انا لو عندي اخ مش هيعمل الي انت عملتو
عاصم حس بنغزه في قلبو لما قالت كده بس ابتسم وقال..احم…تمام… وان شاء الله يومين بالكتير وهنمشي وهنسافر اتفقنا..يا باش مهندسه

شمس ضحكت بخفه وقالت..اتفقنا يا دكتور

عند راغب كان مقضي الاسبوع ده بيشغل نفسو باي شيى ويهلك نفسو في الشغل علشان ينسى شمس ومش بيطلع مع حد … واخيرا اتجرأ يروح بيت فاديه والده شمس ومعاه الاوراق الي المحامي جهزها للطلاق واتفاقيه على كل حقوقها ومبلغ كبير من راغب علشان يعوضها بيه

اول ما وصل عند الباب اتنهد وخبط