شمسى وقمرى بقلم زهرة الربيع الثانى والاخير

فاديه فتحت واول ما شافتو قالت بغضب..نعم فيه حاجه
راغب قال بحرج..احم لو سمحتي ممكن ادخل عايز شمس في كلمتين
فاديه بصتلو باستغراب وقلق وقالت..شمس..شمس بنتي مالها جرالها ايه هيه مش عندك

راغب اتصدم وقال…يعني ايه..شمس مجاتش عندك..يعني مجاتش ابدا
فاديه قال برعب..انا من ساعت ما مشيت من عندكم مشوفتهاش انطق قولي عملت فيها ايه بنتي فين اتكلم

راغب اتسعت هنيه بزهول وفضل واقف بخوف شديد ومبيردش
فاديه زعقت وقالت ..انا بكلمك انطق احكيلي الي حصل اتكلم
راغب حاول يهدى وقال…اهدي يا مدام..انا هرجع بنتك متقلقيش وكمل برعب وقال…دي ..دي بقالها اكتر من اسبوع هتكون راحت فين
فاديه سمعت كده وصرخت بزعر وقالت..اسبوع …يا لاااااهويييي ..ووقعت مغمى عليها

بقلمي…زهرة الربيع
راغب كان في حاله خوف مش طبيعيه شالها بالعافيه لانو مش حاسس برجليه اصلا واخدها معاه وراح بيها القصر تفضل مع منبره
راغب طلب لها دكتوره وبعد شويه فاقت بس كانت بتبكي ومش راضيه تهدى
منيره كانت قلفانه جدا على شمس بس بقت تهدي فاديه لانها كانت منهاره

وراغب بقى يعمل كل اتصالاتو وعمر كمان كانو بيدورو في كل حته على اساس انها رجعت القاهره بس مراحتش لامها

راغب بعد فتره قال بتعب..انا مش فاهم كتبتلي في الورقه..انت عارف سكتي كويس هتكون راحت فين غير عند امها هيه متعرفش حد تاني اصلا انا هتجنن…انا غبي..انا حيوان كان لازم اطلع وراها ازاي فضلت كل ده وانا مش عارف اذا كانت وصلت او لا

عمر قال..اهدى بس …وعايزك لوحدك..اخدو على جمب بعيد من فاديه وقال..انت دورت في المستشفيات الي هناك في العين السخنه..يمكن لاقدر الله تكون حصلت لها حاجه

راغب بصلو برعب وقال بتوتر..لا …لا طبعا انت بتقول ايه..اكيد لا..وبعدين لو ده حصل كان زمانا عرفنا

عمر قال..يا راغب هنعرف ازاي وهيه سابت شنطتها وتليفونها واي اوراق تثبت هويتها..بص انا هتصرف في الموضوع ده انا هوصل هناك هلف على كل المستشفيات واديهم اوصافها تمام وكمان هنعمل اعلان في الجرايد ومواقع التواصل

راغب قال بتوتر ودموع..تمام..تمام نعمل اي حاجه..المهم ترجع..مش هسامح نفسي…لو حصلها حاجه انا هموت هموت يا عمر

عمر قال بحزن … اهدى…وان شاء الله خير

عاصم قال تمام بكره نروح سوا وكل واحد يدور في مستشفى وبعد كده ندور في الأقسام

في اليوم التاني في الوقت الي عمر وراغب كانو بيدور في كل المستشفيات
كان عاصم قاعد مع سمير ….وسمير قال باستغراب…يا ابني انت ازاي تعمل كده دي بنت فاقده الذاكره يعني اهلها ممكن يسألو عليها في اي وقت افهم بقى انت عايز تشلني
عاصم اتنهد وقال…بقولك ايه متدوشنيش لو لها حد كان زمان سألو عليها او عملو اعلان… المريض مش هو الي بيلاقي اهلو هما الي بيلاقوه يا دكتور..وبعدين انا جهزت ملف في مكتبي في كل المعلومات عنها وهسيبو في الاستقبال ولو حد اتعرف عليها هيبلغوني كده احسن ولا الاحسن تضيع الدراسه من البنت وهيه مستنيه ويا عالم حد يلاقيها او لا

سمير بصلو بشك وقال..هو انا ليه حاسس انك عايز تبعد البنت دي ومش عايز حد يلاقيها ..يعني حتى السفر ده انت كنت رافضو ومش حابب تبعد عن البلد ايه الي جرى دلوقتي
عاصم بعد عيونه بتوتر وقال.. والله انت بتقول اي كلام انا لقيتها فرصه كويسه وبعدين حتى انت مسافر معايا

سمير نفخ بضيق و قال…انا من الاول مش رافض السفر وبسافر على طول انت الي حالك اتبدل على العموم انا اصلا مش فاضي للهري معاك اعمل الي يريحك لما اشوف اخرة البنت دي معاك ايه

عاصم ابتسم وقال باستفزاز….كل خير… وحياتك كل خير هو انت بتغير عليا ولا ايه يا سيمو يا قمر متخافش مش هتاخدني منك

سمير اتنرفز ونفخ بغيظ وراح يشوف شغلو وعاصم ضحك و طلع وكان هيروح مكتبو شاف عمر واقف مع موظفه الاستقبال وبيقول…اسمها شمس بنت شقرا وعيونها اخضر غامق..ومحجبه وصغيره كده في سن تقريبا ١٨ سنه الكلام ده من ٨ ايام

عاصم اتصدم من الي سمعو ..و الموظفه كانت بتدور في الملفات
عاصم اتقدم عليه وقال…حضرتك بتدور على مين انا دكتور الجراحه هنا وعارف كل حلات الحوادث وووووو

13
عاصم اتقدم عليه وقال…حضرتك بتدور على مين انا دكتور الجراحه هنا وعارف كل حالات الحوادث

عمر قال ..اهلا بحضرتك…وابتدى عمر يعيد عليه مواصفات شمس وقال في النهايه…هيه اسمها شمس الشيمي..جات حاله هنا بالمواصفات دي
عاصم ابتسم بتوهان وقال في نفسه شمس…فعلا شمس…
عمر بصلو لاستغراب وقال.. حضرتك معايا
عاصم بصلو بانتباه وقال..اه مع حضرتك..هو انت تقربلها ايه
عمر قال..انا صديق للعيله
عاصم قال..اه على كده بقى هيه من اي عيله علشان لو عرفت عنها حاجه..
عمر بصلو بيأس وقال..لا هيه من عيله بسيطه اكيد متعرفهاش بس لو حضرتك عرفت عنها حاجه ده الكارت بتاعي فيه ارقامي..يا ريت تبلغني علي طول البنت غلبانه وملهاش حد وخايفين يكون جرالها حاجه لا قدر الله
عاصم قال..تمام متقلقش ان شاء الله نلاقيها انا هعمل اتصالاتي مع الاطباء الي هنا والي اعرفهم من بره ولو عرفت حاجه هبلغك
عمر شكرو وطلع وعاصم دخل بسرعه على المكتب وطلع الملف الي عملو لشمس وخباه في الخزنه وقفل عليه
عاثم اتنهد بارتياح وقعد على الكرسي وقال بابتسامه..شمس..طب اناديكي شمس ولا قمر…وبص لصورتها في تليفونه وقال..مش مهم انتي
…شمسي وقمري… واجمل بنت شافتها عيوني .. المهم انك معايا
بقلمي..زهرة الربيع
راغب اتقابل مع عمر في كافيه لان كل واحد كان بيدور في مكان
راغب كانت حالتو سيئه جدا وقال بدموع..انا السبب يا عمر …اما الي ضيعتها…ظلمتها زي ما الدنيا ظلمتني غلطت معاها قوي…كنت..كنت فاكرها هتستحمل زي العاده ماهي ياما استحملت مني ..بس انسيت ان حتى الجبال بتنهار وانها في الاخر بشر..و..وصغيره..صغيره قوي يا قلبي… وكمل ببكا شديد وقال…. وكانت بتحبني…في عيونها حب ميتوصفش ..حب انا مستاهلوش ابدا… بس هيه غبيه مقدرتش تميز..او لانها لسه خام مشافتش حاجه في الدنيا مقدرتش تعرف اني اوس*خ واحد ممكن تقابلو… كسرت قلبها انا دمرتها مش هسامح نفسي ابد ابدا

رلغب كان منهار حرفبا …وعمر كان زعلان جدا عليه قال بحزن…مش كده يا راغب اقوي شويه علشان نلاقيها

راغب قال ويط دموعه ..نلاقيها… نلاقيها فين..مشيت وهيه زعلانه ومش شايفه قدامها من اكتر من اسبوع ..كان لازم اخرج وراها مكانش لازم اسبها ..خفت اروح وراها اضعف واترجها ترجع..خفت تقولي بحبك اقولها انا اكتر ..انا…انا .. مخنوق اوي حاسس بنار في قلبي بموت يا عمر والله بموت

راغب كان بيبكي ودموعه على خده وعمر كان اول مره يشوفو بالحاله دي اتنهد بحزن شديد وقال…قوم معايا…استهدى بالله شمس دي مفيش اطيب منها…وانا متأكد انها مكان ما تكون فهيه بخير

راغب وقف بالعافيه ومشي معاه وطلعو على القاهره بعد ما دورو في كل حته وعملو بلاغ واعلان في الصحافه والاعلام ومواقع التواصل

عند شمس كانت بتجهز شنطتها هيه وريهام ..
ريهام كانت بتحط صور لسمير في شنطتها
شمس بصت لها وخطفت الصوره منها وقالت…امممم مش ده الدكتور بتاع الاعصاب الي في المستشفى الي اخوكي بيشتغل فيها
ريهام ضحكت وقالت…الي اخويا بيشتغل فيها…بصي يا قمر ده دوكتور سمير هو واخويا شركا في المستشفى يعني المستشفى بتاعتهم مش بيشتغلو فيها

شمس قالت..ااااه قولتيلي ما انا بقول برضو اخوكي واخد وضعو هناك حتى افتكرتو ماسك عليهم زله ولا حاجه
ريهام ضحكت جامد وقالت..زله ايه بس الي هيمسكها عليهم والله انتي مسخره
شمس قالت..وانا ايه عرفني بقى لقيتو كل ما يقلهم حاجه يقلولو حاضر علشان كده يعني ..بس برضو مقولتليش واخده صورتو ليه
ريهام ابتسمت بكسوف وقالت…سمير خطيبي ..وان شاء الله اول ما اخلص الجامعه هنتجوز

شمس ابتسمت بفرحه وقالت…مبروك..والله انتو التنين لايقين على بعض وهو واد تحسي انو راكذ كده مع انو صاحب اخوكي ولو عايزه رايي اول حاجه تخليه يعملها بعد الجواز يقطع علاقتو باخوكي نهائيا ده لو عايزه تعيشي من غير نكد
ريهام قالت باستغراب ..ايه الي بتقوليه ده بس…سمير وعاصم صحاب الروح بالروح وبعدين مالو عاصم يعني

في الوقت ده عاصم رجع من المستشفى وكان رايح على اوضه شمس وسمع اسمو فوقف يشوفها هتقول ايه

شمس قالت…مالوش هو طيب ومالي مركذه كده بس
ريهام ضحكت وقالت..بس ايه
شمس قالت…بس الصراحه فلاتي..وبتاع نسوان..في اليومين الي قضيتهم في المستشفى خدت بالي سواء الممرضات او العيانات او حتي الفيتامينات واي حاجه فيها تاء تأنيث اخوكي جاي فيها وش

ريهام ضحكت بشده لما عنيها دمعو وعاصم كمان سمعها وكان كاتم ضحكتو بالعافيه وخبط على الباب

شمس قالت مين
عاصم قال..انا يا قمر
ريهام كانت مش مبطله ضحك واول ما سمعت صوت عاصم ضحكت اكتر
شمس قالت بهمس..بس بس .اسكتي يخرب بيتك …احم..ايوه يا عاصم
شمس فتحت وعاصم بصلهم وقال…ايه ضحكوني معاكم صوت ضحككم واصل لبره

شمس قالت بتوتر..لا ابدا ..ده كلام عادي بس هيه اختك زي ما اتكون بتصتبح

ريهام برقت وقالت..بصتبح
وعاصم ضحك و قال..طب ايه جاهزين
شمس قالت بخبث..انا جاهزه بس ريهام لسه بتاخد صور الدكتور معلش اصل صورو كتيره وهتطول شويه

ريهام بصت لها بتوعد وقالت..احم.. لا لا انا..انا خلصت خلاص
عاصم ضحك وقال تمام..اجهزو يلا وبالنسبه لصور الدكتور …ملهمش لزمه الدكتور نفسه جاي معانا

عاصم مشي وريهام قالت بغيظ..عاجبك كده طيب خلينا نلبس دلوقتي وهحاسبك يا بتاعت الفيتامينات

شمس ضحكت وراحو يلبسو
بعد فتره جهزو.. وجهزو حاجتهم وقفلو الفييله وطلعو على المطار
في المطار اول ما نادو على ركاب طياره ايطاليا شمس كانت متوتره وحاسه انها مش حابه تمشي قالت لعاصم..انت اكيد سبتلي ملف هنا

عاصم قال بارتباك..اه..اه طبعا متخافيش يلا بقى بينادو الطياره هتفوتنا
شمس ركبت الطياره وهيه حاسه باحساس غريب زي ما يكون في شيئ بيربطها بالبلد وفعلا الطياره اقلعت واختفى معاها اي امل للرجوع

بقلمي..زهرة الربيع
عند راغب رجع القاهره وبقت تمر عليه الايام زي بعضها مخلاش ركن مدورش فيه بس للاسف مفيش لها اثر

فاديه كمان فقدت الأمل ورجعت بيتها وهيه مش قادره تعمل حاجه وكانت حالتها صعبه جدا راغب طلب منها تفضل في القصر بس كانت مش طايقه تسمع صوته حتى
عمر كان دايما واقف مع راغب في محنتو وديما بيواسيه بس طبعا ده مكانش بيجيب نتيجه مع راغب الي بقى عباره عن جثه متحركه ودموعه الي حبسها طول السنين مبتنشفش من على خدو

ايناس بقى اطلقت من مصطفى ورجعت القصر ومصطفى رجع بيتو وبقى يثتثمر الفلوس الي اخدها من راغب ومن ايناس

شهد بقى رجعت بيت ابوها وعمر الي رجعها وساب لمرات ابوها فلوس كتير وامرها متقربش من شهد ولا تخليها تخدم تاني ..وبقت تعدي عليهم الايام وعمر كان يوديها المدرسه ويرجعها وقربو من بعض جدا

وتوالت الأحداث ومكانش فيه اي جديد بالنسبالهم …اما في بريطانيا كانت شمس بتدرس في اكبر جامعه هناك وريهام كمان وكانت الحياه بنسبالهم ورديه واستمر الوضع كده ٣ سنين

بعد ٣ سنين..عند شمس في بريطانيا كانت قاعده بترسم بعض المشاريع الهندسيه ودخل عاصم وقال بحب…كنت متأكد اني هلاقي القمر هنا

شمس ضحكت وقالت..تعال يا عصومي انا كنت لسه هكلمك ..امتى رجعت
عاصم قعد وقال.. يادوب داخل ده طبعا باستثناء عصومي دي لان لو اي حد غيرك مسمحلوش يقولها لاكن انا مستعد أبقى عصومك طول العمر

شمس ضحكت وقالت…بس بقى اتكلم جد شويه انا متحمسه جدا نرجع مصر هو احنا هنرجع بكرا

عاصم قال ..اه يا ستي بكره خلاص فرع المستشفى الي في القاهره جهز والفيله كمان هنستقر هناك وهنعمل فرحنا كمان هناك مع سمير وريهام

شمس ابتسمت بتردد وقالت…ان شاء الله
عاصم حس بحماسها اختفى لما جاب سيره الجواز قال..احم..اه عارفه انهارده جات حتت بنت جميله جدا تجنن بس يا حرام طلعت عندما مشاكل كده وعملتلها عمليه بس ايه شكلها يهبل
شمس كانت بترسم بلا مبالاه وقالت..وايه نجحت
عاصم قال ..هيه ايه
شمس قالت ..العمليه نجحت
عاصم اتنهد وقال بضيق..اممم نجحت..هو انتي مخدتيش بالك لاي حاجه غير العمليه
شمس بصتلو بعدم فهم وقالت..حاجه..حاجه ايه دي

عاصم قال بيأس..لا ابدا مفيش…هو انتي ليه مش بتغيري عليا..اذا جبت سيره واحده او اتكلمت عن بنت غيرك يعني انا بغير عليكي من خيالك..هو..هو انتي مش بتحبيني يا قمر

شمس بلعت ريقها بارتباك وبصتلو وقالت..طبعا..طبعا بحبك امال هتجوزك ازاى..بس يعني الفكره ان دول المرضى بتوعك يعني اكيد الي بينك وبينهم شغل مش اكتر بس يعني

عاصم اتنهد وقال …تمام بس مش بس ده الي مزعلني انتي عمرك ما بادرتي معايا باي مشاعر حاسس انك بترديلي جميل مش اكتر يعني اقولك بحبك تقوليلي وانا كمان..اقولك وحشتيني تقوليلي وانت كمان كل كلمه على قد ردها بحس الي بنا صداقه اكتر ما يكون حب مع اني بعشقك يا قمر بجد بموت فيكي

شمس قربت منو ومسكت ايده وقالت..انا عارفه..عارفه انك بتحبني اوي ..والله انا كمان بحبك يمكن يكون مش بالشكل الي انت عايزه بس انت بقيت اهم حد في حياتي ده لو ما كنتش حياتي كلها ..انا عايزاك تعزرني انا ديما دماغي مشغوله وبتجيني افكار غريبه طول الوقت وببقى مش مركذه