قاسم بانزعاج : نعممم
منه : أنا منه صاحبة شاهى اللى كانت لسه هنا
قاسم : مادام صاحبة شاهى اللى كانت لسه متهزقه هنا أيه اللى جابك هنا أنتى كمان
منه بلجلجله : شاهى منهارة ومش مبطله عياط بسببك
قاسم: وبعدين
منه : ممكن أقعد معاك شوية ونتفاهم وأحاول أفهمك ان شاهى عفوية ومتقصدش تضايقك خالص
قاسم : أنتى كمان بتقولى نقعد أيه البلاوى اللى بتترمى على الواحد على المسا
لأ مش ممكن تقعدى وانجرى أمشى روحى حصلى صحبتك
منه وشها أحمر وانصرفت بدون أن تنطق
منه بانزعاج : بيقول عليا بلاوى عندك حق ده طلع حيوان ولسانه عايز القطع
وتنظر منه وشاهى لنيفين
شاهى : دورك يانيفو
نيفين وهى تدعي عأثر الفهم : دور مين
منه : دورك تروحيله وتاخدى كلمتين فى جنابك زي ماأحنا أخدنا
نيفين : أنا هرجع فى كلامى
شاهى تقوم بإيقاف نيفين من على الكرسي: هتروحى يعنى هتروحى متنسيش انك السبب
شاهى : خلاص هروح
يوسف لم يبعد نظراته عنهم ورأى أحدهم باتجاهم
يوسف بضحك : ألحق صاحبتهم التانية جايه ناحيتك ده أنتى باين عليك جننتهم
قاسم بغيظ : دى بقت حاجة تخنق الواحد مش هيعرف يريح أعصابه فى أم الزفت المكان ده
يوسف : هههههه مش عارف هو أنت عليك عسل عشان كل النحلات القمرات بيترمو عليك واللى غايظنى أنت ولا فى أثراغك
يوسف :الحق البت جايه ناحيتك
قاسم لف ليها ونظر لها بقرف وقبل أن تنطق بأي كلمه
قاسم : أرجعى ماكان ماجيتى
يوسف لم يتمالك نفسه ويضحك
قاسم : يلا بينا نقوم من هنا أنا زهقت
يوسف : طيب نخلص العصير الاول
نيفين من شدة شعورها بالإهانة.. وجهها كاد ينفجر من الانزعاج وعجز لسانها عن النطق…. تمشي بخطى غاضبة باتجاه صديقاتها
نيفين بانزعاج : ملحقتش أتكلم ياخسارة الحلاوة فيه
وفي مكان آخر
أوووف أنا أتخنقت كانت تتكلم مع نفسها بصوت عالى هو للدرجه دى الموضوع صعب ..للدرجه دى أختيارى فستان لسهرة النهاردة شىء صعب
فجأة التليفون رن
رقيه( الجميع يناديها بروكا) : أتصالك جهه فى وقته ياهنا..أنا محتاجاكى أوى أنا وقعة فى مصيبة
هنا بقلق: مصيبة ياروكا ومحتاجانى قوليلى بسرعة أيه اللى حصل؟؟
روكا: مصيبة كبيرة ومفيش غيرك هيحلها
هنا: طب قولي أيه هى المصيبة ونفكر مع بعض نحلها أزاى ؟؟
روكا: هقولك أنا معزومه النهاردة على عيد ميلاد شاهندا ومحتارة ألبس أيه؟؟
هنا: روحى منك لله خضتينى عليكى ..صدقى أنتى معندكيش أثر أنا أصلا غلطانه اللى أتصلت بيكى
روكا : بليز بليييز ساعدينى أنتى بتعرفى تختارى أكتر حاجة تليق عليا
هنا : أنا هعديها المرة دى ..بصى عارفة الفستان اللى انا أشتريته معاكى من فترة وبعد ما أشترتيه مرضتيش تلبسيه
روكا : أيوه
