الحلقه السابعه.
في غرفه المكتب.
محمود .اجعد ياكامل واهدي واسمعني زين ياولدي .
كامل .سامعك ياحاج اتفضل .
محمود .بدأيسرد كل ماحدث من عم ندي ووصيه ناجي لمحمود واضاف ايه ردك ياولدي كنت سيبت البت تجوز واد عمهاناصر وأضيع مستجبلها.
كامل .بس ياحاج مش علي حساب حياتي .
محمود .وإيه هوا الي هيلخبط حياتك ندي دهياالي هتنورلك حياتك ندي الف مين يتمني يتجوزها دي كيف الجمر وأخلاق وأدب وتعليم عايز ايه تاني .
كامل .ياحاج الجواز مش كدا انا لازم الي هتجوزهااكون عارفهاوعرفاني فهمين بعض في بينا اتفاق لاكن ندي دي بتكلمني من تحت ضرسهاياحاج ومبتبوصش في وشي حتي شوف بتكلم يوسف ازاي وانا بتكلمني ازاي .
كامل .يعني مشكلتك في الكلام هخليهاتكلمك زين ياولدي ولو علي اخوك فهما من صغرهم اصحاب انتا الي كنت بعيد عنينا.
كامل .ياحاج انتامش فاهمني ليه انا. .
محمود.مقاطعه .لا اني خابرك زين ياولدي وخابر ان ندي عجباك من لما شفتها بس بتكابر.
كامل .ياحاج لا الموضوع مش كدا.
محمود .لا هوا كدا قدامك لبكره ترد عليا علشان لو مش هتوافج اتصرف انابجا.
كامل .تتصرف ازاي ياحاج يعني هيا مش بقت مراتي .
محمود. لو موافجتش هطلجهامنيك واجوزها لخوك يوسف واديك جلتها هما متفاهمين مع بعض.
كامل .وقد تغير وجهه وتبدل للديق والغيره التي لم يدرك انها ظهرت علي وجه ورأهاوالده بوضوع.الي تشوفو ياحاج وغادر الغرفه سرعا والقصر بأكمله.
محمود.شكلك حبيتها ياكامل بس بتجاوح روحك لا وغيران عليهامن اخوك كمان .
كامل محدثا نفسه وهوا يقود سيارته .ازاي تبقا مراتي ويقولي هجوزهالخوك لا وهيا كمان بتزعقلي وتقول مش متجوزه البني ادم ده لا وهياعارفه اني جوزها وبتكلم معايا زي الزفت من اول ماشافتني ومع الناس هزار وضحك علي الاخر .واناشاغل بالي بيهاليه مخلاص بقا تعمل الي تعملوا ويجوزوها للي تحب اناهرجع تاني وقول لابويا اني مش موافق والي يحصل يحصل.
الحاج محمود بغرفه ندي .
محمود .وبعدهالك ياندي مش هتبطلي عياط مالك يابتي .
ندي .ياعمي اناقولت لحضرتك اني مش موافقه وابن حضرتك مش موافق خلاص طلقني منه وانا همشي اناوماما ومش هرجع البلد تاني ابد .
محمود. يابنتي هوا اتفاجئ زيكي في الاول ورده كان من المفاجأه بس لما يهدي هيفهم اناعارف ولدي زين يابنتي.
ندي .لا ياعمي اناخلاص مش موافقه عليه ده شايفني عيله صغيره وكمان مش عجاباه يبقاخلاص بقا ننهي الموضوع ده.
محمود. ومين جالك انوشايفك كدا ولا انك مش عجباه ده عينه مبتتشالش من عليكي من لماجه وشافك وبعدين مش عجباه كيف دانتي كيف الجمر يابنتي.
ندي ياعمي هوا الي قال كدا وانا سمعته بنفسي متدافعش عنه .
محمود اناجولت الي عندي يابنتي وصدجيني انتي عجباه وكتير كمان والا مكانش اخد بالو من طريجتك مع اخوه وادايج منيها .
ندي .اخوه قصدك يوسف ياعمي مالو .
محمود .ممالوش بس كامل جالي انك بتكلميه عفش وبتتكلمي مع يوسف مليح وبتضحكو وتهزرو يعني مضايج من طريقتك معاه لومش هماه مكنش فكر كدا ده لسا بقالو يوم واصل ومركز بتكلمي الناس كيف .
ندي .وقد ظهرت ابتسامه علي وجهها اخفتهاسريعا .
محمود خلصنا بجا يابنتي اني ههملك دلوك وهستناردك عليا بكره لازم نسافر علشان عمك ماجد مستنينافكري وردي عليا .
ندي .ماشي ياعمي.
في المطبخ راجيه وهناء .
هناء .الموضوع شكله مهيتمش ياخيتي .
راجيه لا اناجلبي بيجولي ربنا هيهديهم التنين .
هناء .انا خايفه ليكون ولدك جلبه متعلج بخوجابه من بلاد بره .
راجيه .لا ياهناء ياخيتي هوا خابر ان عمرنا ماهنوافج علي كدا ابدا .
هناء .ربنا يستر ياراجيه جلبي مش مطمن.
علي مائده العشاء يجلس كل افراد الاسره ماعداها هي بقيت بغرفتها تتحدث مع منه صديقتها.
ندي .مش عارفه اعمل ايه يامنه .
منه .احنا هنحور علي بعض اومال لو مكنش حب الطفوله والمراهقه ياندي.
ندي انتي اتجننتي يامنه حب ايه ده .
منه .انتي مش كنتي قيلالي الي بحبه سافر من زمان وكمان كنتي قيلالي انو قريبك يابت هتصيعي عليا.
ندي .بقولك ايه انتي مخك فوت خالص ده كان كلام بسكتك بيه لانك فضلتي تزني علشان تعرفي بحب مين.
منه .والله كدابه ولو انتي كدبتي علي كل الناس مش هتكدبي عليا انا.
ندي. خلاص بقا يامنه اه هوا ارتحتي بقا بس ده كان زمان ولما سافر نسيت الموضوع .سلام بقا لاني عايزه ازاكر .
منه .استني يابت انتي بت …..
ندي بعد ماانهت الإتصال جلست تفكر في ماقالته منه .
فلاش باك .قبل عشر سنوات
ندي ماما يعني هوا مسافرليه ياماما
هناء هيشتغل هناك ياحبيبتي ويكمل دراسته .
ندي .بس هيوحشني ياماما .
هناء .بكره يرجع ياحبيبتي وبعدين يوسف هنا العبي معاه هواكمان اخوكي زي كامل وبيحبك .
ندي .ذهبت غرفتها وبقيت تبكي فهي تحب كامل كثيرا وسوف يترك البلد ويغادر..باك.
ندي .ايه الجنان ده الله يسمحك يامنه فكرايني ليه . .
الحلقه الثامنه .
علي مائده العشاء .
محمود. ندي فين ياهناء؟.
هناء. شكلهابتذاكر ياحاج منزلتش لسا.
محمود .اطلع خليهاتنزل يايوسف هيا متغدتش معانا .
يوسف .حاضر يابابا هنزلها وبالمره اصالحها لزعلانه مني بس انا جبتلها حاجه بتحبها اوي هتخليها تصالحني علطول اناعارفهاكويس تبيع اعضائهاعلشان الشيكولاته.
هناء .بتتمألس عليها ياواد طب اني هجولها.
يوسف .لا الله يخليكي بلاش انا مقدرش علي زعلها الا ندي .
محمود وقد انتبه علي رد فعل كامل وهو يضغط علي عضلات فكه بعصبيه وكفه يقبض علي كوب الماء كاد ينكسر من الغضب فتأكد من حبه لندي .
محمود .يلا ياواد انتا اخلص اطلع هاتها من فوج .
يوسف .مسرعا في صعود السلم ندي ندددددي .
ندي وهي تفتح باب الغرفه وتخرج منها .
ندي خير عايز ايه .
يوسف. خلاص بقا ياندوش انتي الي بدأتي وكبيتي عليا المياء وكمان انا ببدأ بالصلح ياستي اتفضلي وهوا يخرج من جيب جاكته الشكولاته المفضله لها.
ندي وهيا تخطفها من يده .اذا كان كدا خلاص مسمحاك .
يوسف .مديه حقيره اوي ويضـ,ـربهاعلي راسهامن الخلف .لتركض خلفه السلم وهي تصرخ به .
ندي.والله منا سيباك يايوسف انتا اصلا رخم .
يوسف .مش ارخم منك ياحبيبتي .
ندي .طيب والله منا سيباك وظلو يركضون خلف بعض ولاكن اوقفهم صوت تحطيم كاس علي الارض.
محمود .مالك ياكامل في ايه .
كامل مفيش ياحاج الكاس فلت من ايدي بس مخدتش بالي .
محمود.الي شاغل بالك ياولدي .
كامل .مفيش ياحاج انا رايح اوضتي ارتاح تصبحوا علي خير .
وقبل صعوده التفت لندي ونظر لهابعض الوقت ثم. ذهب سريعا.
ندي لنفسها.مالو ده بيبص كدا ليه شكله عايز يضـ,ـربني .
يوسف .مالك يابنتي يلا نروح ناكل .
ندي . ها ماشي ماشي يلا .وفي نفسها معقول غيران من يوسف ومدايق من هزاري معاه زي ماعمي قال انا هعرف اتأكد بنفسي منه وهوريك ياكامل مين الصغيره الي كنت بتتكلم عليها دي .
اما كامل بعد ان صعد غرفته ظل يجوب الغرفه ذهابا وإيابا وهوا يتحدث بغضب .
ايه الي بيعملوه ده مش عملينلي اي اعتبار ولا كأني موجود .ازاي تهزر معاه كدا دانا جوزها من ساعه ماجيت مكلمتنيش كلمتين علي بعض .ايه الي بقولو ده جوزها هوا انا خلاص صدقت اني جوزها بصحيح ولا ايه انامالي شكلي زي ماقال الحاج هيا عجباني لا عجباني ايه اكيد لا هوا بس علشان بقت علي اسمي لازم تحترمني مينفعش الي بيحصل ده .
في الصباح.لأول مره يستيقزيوسف قبل ندي ويجلس مع والده وامه وخالته واخوه بنتظرها حتي تأتي ويذهبو سويا للجامعه .
يوسف .في ايه النهارده ياهنون بنتك مالها مش من عوايدها تتأخر كدا بقالها ساعه بتقول نازله اهو خير .
هناء .والله معرفاش ياولدي اكيد بتجهز نفسها .
يوسف .جايز بردو واو ايه ده مين الموزه دي .قال يوسف هذه الكلمات وهوا ينظر لندي التي تنزل السلالم ترتدي فستان باللون الابيض وبه بعض الورود الزهريه قصير بعض الشي يصل لبعد الركبه بقليل بنصف كم وشعرها تركت له العنان علي ظهرها ليصل لأسفل ظهرها وتضع الكحل الاسود الذي اظهر جمال وزرقه عيناها وملمع الشفاه فكانت ايه في الجمال فهي منذ وفاه والدها وهيا ترتدي الملابس الكاجول الغامقه اللون .
هناء .ايه الي انتي لبساه ده ياندي انتي هتروحي الجامعه كدا .
راجيه سبيها ياهناء تلبس الي هيا عايزاه والله جمر يابنتي .
محمود .لم يعجبه مظهر ندي ولاكن ظل صامتا حين رأي ابنه الذي يوشك علي الفتك بها وفضل الصمت حتي يري ماسيفعله كامل .
ندي .عادي ياماما مالو الفستان ماهوا طويل اهو.
يوسف .لا ياخالتو مالكيش حق دي قمر قمر قمر وهوا يمسك يد ندي ويلفها حول نفسها .
ندي وهي تهم بالمغادره مرسي يايوسف يلا بقا علشان منتأخرش .
يوسف .يلا بينا .
انتي رايحه فين بالمنظر ده كان هذا صوت كامل .
ندي وهي تنظر له بإستغراب .انتا بتكلمني انا .
كامل وانتي شايفه حد غيرم خارج من البيت .
ندي .ببرود لا .
كامل .اطلعي غيري الزفت الي انتي لبساه ده وميتلبسش تاني .
ندي .اغير ايه انتا اكيد مش في وعيك مين اداك الحق تكلمني كدا .وانتا مالك بيا اصلا يااستاذ انتا.
كامل .وهوا يتجه ناحيتها .اولا اتكلمي بإحترام وصوتك ميعلاش عليا .ثانيا الي اداني الحق هوا اني جوزك ياهانم ولا انتي ناسيه .
ندي .انتا بتهزر صح جوزي مين ده احنا مش نهينا الحوار ده امبارح.سلام انا متأخره.والتفتت لتغادر
كامل وهوا يمسكها من يدها ويديرها له . لمااكلمك متسيبنيش وتمشي وموضوعنا منتهاش ولا حاجه الجواز هيتم وفي ميعاده والوقتي تطلعي بالزوق تغيري وتلبسي حاجه محترمه لإما مفيش خروج من البيت مفهوم وقال كلمته الأخيره بصوت عالي ارتعبت منه ندي .
محمود. اطلعي ياندي غيري الي انتي لبساه جوزك معاه حق وانتا ياكامل سيب يدها وتعالي وراي المكتب .
كامل حاضر ياحاج وترك يدها لتصعد وتبدل ملابسها .
الحلقه التاسعه .
في غرفه ندي وهيا تبدل ملابسها .تحدث نفسها. يخربيت مخك ياندي عقلك كان فين وانتي نازله كدا اوف كان هيمـ,ـوتني بس انامالي فرحانه كدا ليه دا كان هيضـ,ـربني والله اما جننتك ياكامل مبقاش انا ندي وذهبت لجامعتها.
في غرفه المكتب .
محمود .افهم ايه من كلامك ده ياكامل .
كامل .كلام ايه ياحاج .
محمود.ان الجواز هتم ياولدي مش انتا جولد كدا دلوك لندي .
كامل .ايوه ياحاج انا فكرت واقتنعت بكلامك عمي ناجي غالي عليا ومش هقدر منفذش وصيته ليك وكمان كلمتك متنزلش الارض ياحاج انا موافق اكمل الجواز.
محمود .كلمتي والوصيه هههه هتدحك علي روحك ياكامل .
كامل .قصدك ايه ياحاج مش فاهم .
محمود. متخودش في بالك ياولدي روح دلوك واني هكلم ماجد اجوله اننا هنسافر بكره الصبح اتأخرنا عليه جوي فاضل اسبوع علي الفرح .
كامل .ماشي ياحاج .
غادر كامل المكتب وذهب لغرفته .
ايه الي انا عملته ده ازاي وافقت علي الجواز وليه اتعصبت كدا لما شوفتها بالمنظر ده مقدرتش استحمل حد غيري يشوفها كدا وبعدين معاكي ياندي تعبتيني معاكي وقف امام باب غرفت ندي ونظر حوله لم يجد احد ففتح بابا الغرفه ودخل سريعا وأغلق الباب خلفه .
غرفه هادئه منظمه يتوسطها سرير وبهامكتب صغير ودولاب وعلي السرير فستانها الذي بدلته تحرك كامل ناحيه السرير وانحني واخذ الفستان بين يديه يتلمسه وجلس علي السرير قربه من انفه يستنشق عطرها فيه ثم وضعه مكانه وضع يده علي المكان الذي تنام به وقرب المخده من انفه واغمض عينه تمدد علي فراشها علي ظهره وبيده يملس علي الفراش كأنه يبحث عنها بجواره انته علي نفسه ماذا يفعل انتفض من مكانه وخرج سريعا من الغرفه ودخل غرفته واغلق بابها ووقف خلفه يسترجع ماحدث .
كامل ايه الجنان ده هواانا مراهق علشان اعمل كدا ازاي ادخل اوضتها اخ انا شكلي حبيتك بجد ياندي .
في الجامعه .
منه. يخربيتك والله انتي مجنونه .
ندي .اسكتي انامش مصدقه انه عمل كدا ده كان هيضـ,ـربني .
منه .بس شكله وقع يابيضه.
ندي .مش عارفه والله بس كلامه كان بيهزني اترعبت منه بجد .
منه .يعني خلاص هتتجوزي ياندوش.
ندي .ايه اتجوز يالهوي صحيح ده قال اننا هنتجوز .
منه .مالك ياندي انتي اتجننتي .
ندي .لا بس انا لسا معرفش.عنه حاجه ولا اعرف عن حياته بره كانت ازاي مش يمكن كان مقضيها مع الخوجات .
منه .الله الله انتي غيرانه يابيضه .
يوسف وهوا يسحب كرسي ويجلس معهم مين الي غيران اكيد انتي يامنه غيرانه عليا صح .
منه .انا اغير عليك من ايه روح ياحبيبي شوف البنات الي تعرفها اكيد بيدورو عليك .
يوسف .اه والله فعلا بصي حتي جاين يندهولي اهم .حاضر جاي ياحبايبي ونهض وتركهم .
ندي .مش هتبطلي ترخمي عليه يابت انتي .
منه .والنبي تسكتي ياندي ابن خالتك ده رخم ودمه يلطش .
ندي .يابت اتهدي بلاش كدا هيزهق ويطفش منك .
منه .يطفش ايه بس هوا في بينا حاجه انتي كمان مش شيفاه كل يوم مع واحده .ندي .بينكشك يامنه علشان تدايقي بيرخم عليكي ياحبيبتي علشان بيحبك .
منه .بطلي هبل لا بيحبني ولا زفت هوا عايز يتسلي وانا مش للتسالي فكك من الحوار ده .
ندي .بكره نشوف يامنه .
بعد عودتهم من الجامعه وتناول الغداء كانوا يجلسون سويا ويتناولون الشاي .
محمود .فين كامل ياراجيه ..
راجيه اتغدي وراح يستلم الشحنه من الجمارك ياحاج .
محمود . طب خودي ندي وهناء وانزلو نجو فستان الفرح واجهزو هنسافر البلد بكره اني كلمت ماجد وجولتله .
هناء .متنساش وعدك ليا ياحاج الجوازه مش هتم الا امااتأكد ان ولدك بيحب ندي صوح ورايدها يعني مفيش دخله ياحاج محمود .
محمود .منسيش كلامك ياهناء ومتخافيش ولدي راجل وجد كلمته واني هتكلم معاه جبل السفر .
هناء ماشي ياحاج .
ندي .في سرها الحمد لله كدا قدامنا فتره اتأكد من مشاعره نحيتي .
راجيه .يلا نجوم نلبسو علشان منتأخرش .
هناء وندي .يلا بينا .
ذهبو للمول واختارو فستان الزفاف وبعض لوازم العروس وعادو مساءا .
محمود. جيبتي الي نفسك في ياندي .
ندي ايوه ياعمي جبت فستان جميل اوي بس مفاجأه بقا هتشوفو في الفرح .
يدخل من باب القصر.
كامل مساء الخير .
الجميع مساء النور .
محمود. استلمت الشحنه ياولدي .
كامل استلمتهاوفي مخازن الشركه ياحاج بس تعبت اوي النهارده لحد ماخلصت الإجرآت .
راجيه . احضرلك الأكل ياولدي .
كامل .لا ياامي وهوا ينظر لندي ايه الي هناك ده وهو يشير لفستان الزفاف داخل العلبه .
هناء .فستان العروسه ياولدي الف مبروك .كامل وهوا ينظر لعين ندي الله يبارك فيكي ياخالتي بس ياريت ميبقاش زي فستان الصبح .
ندي بغيظ .والله احناهنعمل الفرح في الصعيد وهناك محدش بيشوف العروسه غير الستات والعريس بس فاأختار الي احبه .
كامل اديكي قولتيها العريس وانا محبش اشوف مراتي لابسه عريان حتي لو قدام ستات..
