اسكريبت بقلمي إيمان شلبي
النتيجه هتظهر بكره
كنت بشرب واول ما سمعت الجمله رميت الازازه ورا ظهري وانا پصرخ بفزع
بتهزررري!
هزت راسها بأحباط
والله ما بهزر هتظهر بكره فعلا
لطمت فوق خدي وانا بقعد علي سور البحر
ياسواد الحلل اعمل ايه دلوقتي اهرب ولا اڼتحر ولا اعمل ايه
ردت صاحبتي بأستغراب
انتي مالك خاېفه كده ليه
لا انا مش خاېفه انا مړعوبه حضرتك
ايوه برضو ليه
يا ليلي انا كنت بدخل الامتحان ببركه دعاء الوالدين!
ردت بلا مبالاه وهي بتقطم قطمه من السندوتش
ياستي سيبيها علي ربنا أن شاء الله هتعدي زي كل سنه
بصيت قدامي وانا برد پخوف
يارب
سكتت شويه بعدها بصتلي وهي بتبلع اللقمه
تفتكري هنجيب كام ملحق
اصلا
ليلي وهي بتهز رأسها
انا كده كده شايله
بصت قدامها وهي بتبتسم بهيام
طب ايه بقي عماله اشيل في مواد بقالي كام سنه أمتي هشيل عيالي انا وانت!
ضړبتها فوق كتفها وانا بجز فوق اسناني
ردت ببرود ولا مبالاه
ياختي نجحنا ولا سقطنا الشاطره اللي تعرف تطبخ لجوزها صينيه مكرونه بشاميل في الآخر!
طب واللي مش بتعرف تطبخ وفاشله في الدراسه نظامها ايه
بصتلي وعوجت بوقها بسخريه
تروح تتعلم طبختين لوجه الله بدل ما تتطلق ياخايبه
يارب مفيش حد يجي يخطفني بالغلط لمده يومين لحد ما النتيجه تظهر واهلي ينسوا اني جايبه ملاحق!
ردت ليلي بتريقه وسخريه
اه ويطلع الخاطف زعيم عصابه معقد نفسيا وابوه كان بيطفي السجاير في قفاه وقلبه حجر ويتجوزك ڠصب ويحبك وقلبه يلين لأجل البطله البريئه الملاك اللي مفيش منها اتنين!
ايه ده بطل قاسې انا نقطه ضعفي البطل القاسې
ليلي بحيره
بس في مشكله
ايه هي
انتي مش البطله الملاك اللي بيتكلموا عنها ده انتي تجيبي للراجل تروما!
بصتلها بقرف وانا بقولها بسخريه
ليه هو انا هعامل حبيبي زي ما بتعامل معاكم
ده في دلع متشال لحبيبي وحنيه من غير حساب
هل انتوا حبيبي!
ردت بذهول
صوفيا ودلع في جمله واحده هل يعقل
كنت لسه هرد بس الفون بتاعي رن
كانت ماما
رديت وانا بقولها بابتسامه بلهاء
قوليلي انك جيبالي عريس
سكت لحظه بعدها ردت باستغراب
صوفيا معايا
بشحمها ولحمها
انتي متأكده يابنتي
الله مالك ياماما في ايه انتي مش عارفه صوت بنتك حبيبتك فلذه كبدك
فلذه كبدي!
ها عنده كام سنه وشغال ايه
ردت ببلاهه
هو مين
العريس ياماما
عريس في عينك ده انتي منشفه ريقي ومش راضيه تقابلي عرسان انتي هتمثلي
رديت بذهول وانا بنط من فوق السور وبنزل علي الارض
