معرفش قصدك ايه انا لازم امشي دلوقتى
امسكها من يديها وسحبها بقوة داخل احضانه
واعتصرها وحشتيني قوي على فكرة بقالي يومين مش عارف اقعد معاكي
رفع ذقنها ونظر داخل عيونها التي كانت تتهرب منه
مالك ياقلبي حاسس فيه حاجه حصلت معاكي
احضنته بقوة وبدأت تتمسح به كقطة وديعة
لا تعلم ماذا تفعل كي لا تفقده وفي نفس الوقت تكسب حماتها؟
انت كمان وحشتني قوي حبيبي نفسي افضل في حضنك ياريان ومااخرجش منه ابدا دا اللي بترجاه من الدنيا مش عايزة غيرك انت وبس
وانا معاكي اهو حبيبي مستحيل ابعد عنك
وضعت راسها على صدره وماكان منه الا ان يعتصرها في احضانه بعد حديثها ثم انزل براسه لمستواها والتقط شفتيها بقوة.. بدأ يقبلها بقوة كانها يقبلها لاول مرة.. قام بفك حجابها وفرد شعرها ينظر اليها بانبهار كمثل كل مرة يراها بها
رفع ذقنها عندما نظرت للارض خجلا
: عارفة نفسي ايه دلوقتي
نظرت اليه منتظرة تكملة حديثه
: نفسي اقفل عليكي الباب دا ثم اشار بعينيه للباب
ومتخرجيش من هنا غير لما اشبع منك وتكوني مدام ريان المنشاوي بجد
وضعت وجهها في ذراعه خجلة من حديثه، ثم اردفت: عيب على فكرة اللي بتقوله دا هتفضل منحـ.ـرف كدا على طول مين هيسمحلك بكدا
حضنها من خصرها بقوة متجها الى الاريكة
وجلس واجلسها على ساقيه
: اممم يعني مش من حقي وفيه كمان اللي يمنعني مش كدا، ثم ازاح شعرها عن عنقها وجمعه على جنب واردف بخبث:
تحبي تشوفي انا ممكن اعمل ايه
وقفت كالمدوغة ولكن جذبها بسرعة عندما علم نيتها وظل يضحك عليها
: خليكي يا قلبي متخافيش مش هعمل حاجة انا بس بشوف رد فعلك ايه
اتجهت بانظارها الى جناحه الذي كان يتكون من غرفتين وريسبشن وفي اخر الطرقة مطبخ وحمام مع وجود حمام في كل غرفة
حلو قوي جناحك حبيبي والوانه هادية تحسه رجولي فعلا
ضحك عليه بصخب ثم رفع حاجبه: تحسه رجولي امال انا ايه بنت اختك
اتجهت بنظرها اليه وملست على خديه
انت احسن راجل في الدنيا دي كلها.. انت حبيبي وروحي وعمري وكل ماليا
انزلها من على ساقيه ثم اردف
لا كدا بقول نمشي احسن اصل الموضوع اتطور
ضحكت عليه بانوثة.. شعر بان ضحكتها سلفنونية موسيقيّة تخيل اشياء اراد ان يفعلها
امسك بيديها واخرج من الجناح ومنه للاسفل وجد جميلة تنتظرهم بالاسفل
نظر ريان لجميلة التي استـــ. ـشاطت غضـ. ـبا عندما وجدت ايديهما متشابكة
ماما فيه ايه ومالك ونسيت اسالك انتي كان قصدك ايه من كلامك مستحيل الجوازة تتم.. جوازة مين
على رغم ان حديثها سيغضب ابنها ولكن بعدما وجدته بدأ بالتجهيزات اتخذت قرارها
وقفت امامه وملست على وجهه بحنان اموي ونظرت داخل عيونه واردفت حزينة لما تقوله تعرف انها ستسرق سعادته ولكن مؤقتة
: انت عندك شك في حبي ليك.. واني اتمنى سعادتك
هنا شعرت نغم بان الارض تدور بها ولا تعلم كيف ستواجه الطوفان المقبل هي تعلم عشق ريان لها ولكن كيف سيقف في مواجهة والدته!!
تركت يد ريان وتحركت للخلف وعيونها تحجرت بالدموع
نظر ريان لها واستغرب حركتها ثم اتجه بانظاره لوالدته التي كانت في حالة يرثى لها ولكنها صممت على موقفها
: ممكن اعرف فيه ايه انا ملاحظ حضرتك متغيرة من يوم الحادثة بس قولت يمكن من خوفها عليا بس نغم مالها في ايه بينك وبينها
بسط يديه لنغم حتى تمسك يديه ولكن اتجهت بنظرها الى والدته وتحدثت اليها بعيونها تستجديها ان ترحمهما ولكن كيف تصمت جميلة وكأن الشيطان استحوز عليها بالكامل
: انا مش موافقة على الجوازة دي ياريان مستحيل الجوازة دي تتم هذا مااردفت به جميلة بقوة
نظراليها ولم يفهم ماذا تقول والدته أهي تمزح معه!
مش فاهم حضرتك ياماما تقصدي ايه..
اعطته ظهرها وتحدثت مرة اخرى وبقوة اكبر
انا مش عايزة نغم تكون مراتك.. انت من يوم ما دخلت في العلاقة دي ومفيش غير الا وجع قلبك انا اعرف مصلحتك اكتر منك…
صدمة نزلت عليه ماذا تقول والدته
اتجه بنظره لنغم ونظر اليها بمعنى أكنتي تعرفي بهذا!!
اخفضت بالنظر لاسفل ودموعها تنزل بغزارة على وجهها
اتجه اليها ببطئ واردف حزينا
انتي كنتي عارفة بكلام ماما دا
اه ازاي عدت عليا موضوع المستشفى… ماما هي اللي خلتك تسبيني في اكتر وقت احتجتك فيه
لم تنظر اليه ودموعها فقط تبكي بصمت
رفع ذقنها وتحدث اليها وكأنه امام كابوس
امه تقف في مواجهته بكل قوة.. وتمنع زوجته من زيارته
: ازاي انتي كدا بقالي اكتر من اسبوعين خارج من المستشفى عمرك ماحاولتي تقوليلي ليه سبتيني
نظر اليها بعطف وحنان ثم قام باحتضانها كانه يثبت لها انه لم يتخلى عنها مهما كان.. ازاي قدرتي تتحملي دا ومن مين امي يانغم
امسك يديها واتجه الى والدته:
ماما ممكن اعرف ايه اللي غيرك ولو هتقولي على وجع قلبي انا راضي بيه ياامي.. لو سمحتي بلاش تكسري فرحتي.. لاني مهما حصل مستحيل اسيب نغم
غضبت جميلة من حديثه نظرت الى داخل عينيه بعمق ثم اردفت
يعني هتتجوزها غصب عن امك ياريان
ماما… قاطعته دلوقتي انا بسألك هتتجوزها غصب عني
ماما لو سمحتي ممكن اعرف ايه اللي حصل عشان تغيري رايك كدا.. مش دي نغم اللي كنتي بتقولي فيها اشعار
: وانا بسالك دلوقتي هتتجوزها غصب عني
نظر اليها واستغرب تصميمها على تركه لنغم
: حضرتك اللي وصلتيني لكدا
صاعقة نزلت على جميلة
اردفت بصدمة يعني ايه.!! ممكن تتجوزها وامك رافضها
: للاسف ياماما حضرتك اللي عايزة كدا
نزلت دموع جميلة لاول مرة
طيب ياحضرة الدكتور دلوقتي قدامك خيارين وانت اختار
ثم اتجهت بانظارها الى نغم التي كانت تبكي بوجع
واردفت وهي تنظر اليها
ياتختارها اه نسيت قصدي مراتك اللي خبيت عني طلاقها
ياتختار امك
_الى هنا لم تصمت نغم وخرجت تتحدث عندما وجدت الصدمة على وجه ريان
وانا مستحيل احط ريان في الاختبار دا ياطنط
اتجهت ووقفت امامها
: انا مش عارفه اقولك ايه بس مش انا اللي ممكن تتخير بينها وبين ام جوزي
وقف ريان ينظر لها عن ماذا تقصد
اتجهت نغم اليها بسيقان تكاد تحملانها
دي مش عايزة تفكير ياريان صدقني والدتك اهم مني بكتير
صدمة هزة عنيفة هزت جسده بالكامل اهو في كابوس وسيفيق منه… يكاد ان يتماسك ولكن كيف والضربة هنا من اعز الناس!!
نغم همس بها ريان عندما وجدها في حالة ترثى لها
انتي بتقولي ايه انتي واعية للي بتقوليه
امأت براسها ودموعها تغرقها ثم اتجهت للخروج قبل الانهيار كاملة امامه
وجع توهان زلزلة لكيانه بالكامل حياته تسرق امامه
نظر الى والدته بوجع ثم اسرع بالخارج خلفها
اوقفته والدته: مااخترتش يادكتور
اتجه بانظاره اليها ونظر اليها بوجع وخذلان
: مراتي مش هسبيها ياماما الا بموتي فبلاش تخيرني بين حياتي وبين موتي لانك هتخسري
ذهلت جميلة من حديثه أهذا ريان ولدها الذي ربته
بدأ الشيطان يتحكم بها وبدات تكره نغم اكتر
اتجهت للشرفة حتى ترى ابنها وصل إ ليها ام انها غادرت
اسرع ريان خلف نغم التي كانت تسير بتخبط لم تحملها سيقانها للحركة ألم قلبها اكبر من اي شئ
كل ماتفكر فيه كيف ستعيش بدون؟
هو يمثل لها الحياة ماذا عليها ان تفعل؟
لماذا دائما فرحتها مكسورة؟
بدات تحدث حالها بانهيار
وقفت للحظات تستعيد انفاسها فهي تشعر كانها تختنق مجرد لحظات فقط في البعد عنه سيخنقها
اسرع ريان اليها سريعا واوقفها قبل خروجها من حديقة المنزل
امسك يديها وجذبها لاحضانه بقوة واردف حزينا منها:
لدرجادي يانغم سهل تبعيني دا وعدك ليا.. انك عمرك ما هتبعدي عني… فين محاربتك علشاني انا مش مصدق انك ممكن تتخلي عني بسهولة من غير ماتحاربي
احارب مين ياريان.. احارب مامتك انت فاهم معنى كلامك.. انا مستحيل اقف بينك وبينها لاني هخسر
وانت لو اخترتني هتكون غلطان وهتخسر
ذهل من حديثها وتحدث بصدمة
اخسر.. اخسر علشان هختارك.. دا اللي كنت مستنيه منك، عشان كدا كنتي عايزة تاجلي الفرح، بدل ماتوقفي معايا وتعرفيهم ان حبنا اقوى من شوية ريح تهدمه
: ريان افهمني انا كنت بحاول مع والدتك انها ترجع تثق فيا عشان كنت طالبة منك تإجل الفرح بس كام شهر لازم ترضى عن جوازنا انا مستحيل اجوزك وهي رفضاني
قبض بعنف على اكتافها
: شكلك نسيتي اننا متجوزين ومش معنى اننا ماتممناش جوازنا يبقى احنا مخطوبين بس
ثم اقترب منها وهمس لها… احنا متجوزين ياهانم مش الفستان والهيسة هما اللي هيوثقوا زواجنا
ثم وضع يديه على قلبها.. التوثيق هنا سامعاني وانا مش باخد رايك فرحنا بعد اسبوعين
اما امي انا هعرف ازاي اراضيها واخليها ترضى بالامر الواقع
مش هينفع.. مستحيل اقبل بدا لازم والدتك تقتنع الاول
نظر لها بغضب ثم تحدث بصوتا مرتفع: انتي عايزة ايه دلوقتي.. انا بقولك الفرح هيتم ودا اخر كلام عندي حتى لو غصب عنك
اتت مرام في هذه الاثناء وسمعت صوت اخيها
: ريان فيه ايه وصوتك عالي كدا ليه، مينفعش كدا
: نظر الى مرام وصليها يامرام ماتسبهاش تمشي لوحدها انا عندي اجتماع واتاخرت ثم تركها وغادر
سارت نغم للخارج ولكن اوقفتها مرام وحضنتها على رغم انها لم تعلم ماذا حدث الا انها تحدثت بهدوء:
متزعليش منه حبيبتي هو بس متوتر عشان عمر سافر وانتي عارفة فيه شغل متراكم ولسة صحته زي ماانتي عارفة.. وبابا وتعبه كمان عمل تحاليل وللاسف يانغم بابا محتاج عملية في اسرع وقت
وريان مش عارف يجبهاله ازاي مخبين عنه
ربتت على ضهرها بحنان حاولي تراعي ظروفه حبيبتي
امأت نغم براسها دون حديث والآن علمت انه امام عاصفة من كل الاتجاهات كيف سيصمد امام كل هذه المحن
بعد يومين من لقاء ريان ونغم
كانت نغم تجلس وتراجع بعد الحسابات الخاصة بشركة عمها التي اصبحت شريكة معه
اتي اليها يوسف لزيارتهم واردف :
: نغم بابا تعبان جدا وعايز يشوفك انتي وهمس
ممكن تيجوا معايا تشفوه هو هنا في اسكندرية من امبارح
: حاضر يايوسف هقول لماما واشوف ردها ايه
وبعد موافقة نبيلة
تجهزت همس ونغم للذهاب الى عمهما ولكن اتى اتصال من زميلة همس بضرورة حضورها الجامعة اعتذرت همس وذهبت الى جامعتها
بينما اتجه يوسف ونغم لزيارة عمها، ولكن قبل خروجها اتت فريدة اليها للاطمئنان فهي لم تذهب الى عملها منذ فترة في شركة ريان
فريدة: انتي خارجة ولا ايه
: اه رايحة ازور عمي ادخلي وانا نص ساعة بالكتير وراجعه
فريدة: لا ياحبيبتي هعدي على اختي لسة والدة من يومين اروح اشوف النونو لما تخلصي مشوراك رني عليا
: طيب تعالي نوصلك في طريقنا.. اردفت بها نغم بعدما نظرت ليوسف
اماء يوسف وخرجوا من المبنى متجهين الى سيارة يوسف
في هذه الاثناء كان ريان يركن سيارته فهو لم ياتي ولا يتحدث اليها منذ اخر لقاء بينهما
وجدها تركب بجانب يوسف وفريدة بالخلف
استغرب خروجها دون اذنه او الاتصال به
قام بالاتصال عليها ولكنها لم تجيب على اتصالته
اعاد الاتصال مرة اخرى
فتحت نغم الخط وانتظرت حديثه ولكنها لم تسمع الا انفاسه الغاضبة ولكن فسرتها على اخر لقاء لو اتجهت بانظارها الى مرآة السيارة لراته
انتي فين في البيت هذا ما تحدث به ريان
: لا خارجة انا وفريدة عندنا مشوار ثم اغلقت الخط
تحرك بالسيارة خلفهم وجد فريدة نزلت من السيارة ومازالت نغم ويوسف بها
كز على اسنانه لانها كذبت عليه.ثم بدا يحدث حاله:
يعني عشان زعلانين تكذبي ولا وكمان خارجة مع يوسف يا ويلك مني
وقفت السيارة في مكان راقي.. مباني مرتفعة
نزل يوسف ثم نغم واتجهوا الى المبنى الذي يسكن به يوسف ووالده
نظر ريان لهما وغضب كثيرا عندما وجد يوسف يضع يده على ظهر نغم يحثها على التحرك
اتجه اليهم سريعا وكانه يطارد شياطين الانس والجن واثناء وصوله الى بواب العمارة الذي اكدله ان يوسف يسكن بالدور السابع هنا لم يعد يعرف ماذا يفعل.؟ ايصعد خلفهم!! ام ينتظرهم!!
بدأ ااشيطان يلعب في رأسه
قرر اخيرا يصعد لم يستطع الصبر اكثر فبداخله نيـ. ـران تحرق الاخضر واليابس
وفي اثناء صعوده اتاه اتصال من خاله
علي: ريان ممكن تيجي على المستشفى ضروري
صدم ريان بما قاله خاله وتوتر ثم تراجع للسيارة
في ايه ياخالو بابا وماما كويسين
ايوة يابني ابوك وامك بخير الحمدلله بس سها
وقف عندما التقط انفاسه وشعوره بالراحه عندما اطمئن عن والديها
قاطع شروده خاله: ريان سها بتموت وطالبه تشوفك انا بترجاك يابني تيجي بسرعة على المشفى
ركب سيارته وجاء الى ان يغادر راى نغم ويوسف يغادرون المبنى وهما في كامل سعادتهم.. يسيرون ويضحكون كأنهم عاشقان
ضرب بيديه بقوة على القيادة مما شعر بألم في يديه
🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍
