البنت بره واستحملها شويه علشان مفيش غيرها يايحيى متطفشهاش زى الى فاتو انا رجليا دابت من كتر اللف يحيى بصله بقلق
وقال…الله يستر طلما قولت النشره دى يبقى فى بلوه بره مش بنت بس انا هاطلع اتصدم وامرى لله وطلع يحيى يشوف البنت وبصلها بدهشه وكانت بنت جميله بس واقفه بدلع ولابسه لبس شعبى شويه وبتمضغ علكه وبتضحك مع واحد من الموظفين
يحيى اتسمر مكانو وقال بزهول ….شريف فين البنت
شريف قال ….ماهى قدامك اهيه يحيى بصله بغضب وشاور على البنت
وقال…دى هتنفع تبقى مرات يحيى الصياد دى هخدها واقول لجدى دى الى انا سبت البنات الحلوين المثقفين كلهم واخترتها دى البنت شهقت بردح
وقالت…..مالها دى ياعالم مغرور وفى الأساس فرفور وفاكر نفسك قمور وانت اصلا إييييحا يحيى بص لشريف بغضب
وقال…انا هغمض عينى وافتحها مش عايز المحها فى المكان ماشى بس جاتله من جده رساله مكتوب فيها مستنيكم يلا بسرعه انا مستنى اشوف مرات حفيدى يحيى اتنهد وحط الفون بتاعه فى وش شريف
شريف بصله وقال..معلش مفيش وقت يحيى بص للبنت و
قال ..المشكله مش فيكى بصى تعالى جوه نتفاهم البنت بصتله بغرور
وقالت …ااجى مجيش ليه أما أشوف ودخلت وهى بتمشى بدلع يحيى ضـ,ـرب ايده على وشو بغضب ودخل قعد قصاده
وقال …بصى يا انتى اسمك ايه الاول
البنت قالت بابتسامه ….ليله
يحيى قال…بصى ياليلى انا بس ليله قاطعته
وقالت …ليله يابيه مش ليلى ليله واحده بس وضحكت بدلع وشريف كمان ضحك بس يحيى بصله بحده
وشريف سكت وقال …انا هاستناكم بره اصل خالى مات وهروح اعزى عمتى
يحيى قال بغضب…اقعد لسه انت حسابك مش دلوقتى
وبص لليله وقال… بصى جدى عايزيجوزنى وانا مش عايزاتجوز فااحنا جبناكى هنا علشان تعملى مراتى قدام العيله احنا هنكتب الكتاب وانا هديلك المبلغ الى تطلبيه وبعد فتره صغيره كده اخد انا عقد الجواز وانتى تاخدى الشيك
ليله وقفت قالت …جواز عرفى يعينى لايعنيا مايحكمشى
يحيى اتنهد بضيق وقال بخنقه …مين قال كده انا هتجوزك بمأذون وشهود وكل حاجه بس لمده معينه كده وجوازنا هيبقى حبر على ورق يعنى لافيه كنت فين ولا مع مين ولا رايح فين ولا جاى امتى تمام
ليله قالت…والمده دى قد ايه
يحيى قال …سنه بالكتير ليله بصتله باستغراب
وقالت…اشمعنا يعنى سنه
يحيى قال بحزن… اصل جدى عمل فحوصات وقلولو انو هيمـ,ـوت خلال السنه دى
ليله قالت ..وجدك ده عندو كام سنه
يحيى قال بحزن… عنده ٨٠سنه بس
ليله قالت بسخريه …بس شافع ياخوى يعوض شبابو فى الجنه انشاء الله
يحيى بصلها بضيق وقال ..هوا يعنى علشان كبير منزعلش عليه على فكره بقى انا بابا ومامااتوفو من زمان وانا اتربيت مع جدى وانا بحبو قوى على فكره فالمى لسانك شويه
يحيى بصلها وقال …يلا علشان مستعجلين المأذون خمسه ويوصل
ليله قالت ..اشطه حيث كده باقى نتفق على الأوبيك
يحيى قال…مش فاهم ايه ده
ليله بصتله وقالت…الفلوس الكاش المانى يحيى قال…اه خلاص ماشى طلباتك
ليلى قالت… اناهاخد نص ارنب يحيى بصلها بنفاذ صبر
وقال.. ايه نص ارنب بس وبصلها باستغراب
وقال… ياستى نصه بس خدى الارنب سالم
شريف وقف جمب يحيى وقال بهمس… مدوقش صدرك اوى ارنب ايه الى تاخدو سالم
يحيى بصله وقال..ايه عايزه نص ارنب بس هديهولها كامل انا اصلا مبحبش الارانب خليى سونيا تطبخهولها على بال مانروح
شريف قال …ارنب يعنى مليون جنيه
يحيى قال.بزعيق…ايه مليون عفريت يتنططو فوق دماغك انتى اتجننتى يابنت انتى مليون ايه الى انتى عيزاه
ليله قالت…اولا انا قولت عايزه نص مليون بس انت الى فتحت صدرك وقولت خوديه كلو وانا شبطه بصراحه وشبطت وهاخده كله خلاص وبعدين ايه البخل ده دى سنه كامله من عمرى هقضيها معاك مستخسر فيا مليون جنيه
يحيى اتنهد بضيق وقال .. هتقضيها معايا لا كتر خيرك والله طيب تمام بس متعكيش وخدى الهدوم دى البسيها علشان شكلك قدام عيلتى
ليله قالت… تمام و بعد شويه طلعت ليله وكانت لابسه الفستان الى يحيى ادهولهاوكان شيك جداوغالى وكانت جميله فيه و كتبو الكتاب وصلو الفيلاه بتاعت يحيى واهلو كانو متجمعين
و رحبو بيهم عمو ومرات عمه واختو وجدو رحب بيهم وقعد ليله جمبه
وقال…اسمك حلو زيك ياليله قوليلى بقى انت اتعرفتى على الولد ده فين ليله بصت ليحيى ويحيى لسه هيرد بس
ليله قالت…فى الشارع اصل فيه اربعه شباب عاكسونى وانا كنت بتخانق معاهم
جده قال .. ها وجيه يحيى بقى وضـ,ـربهملك
ليله قالت ..لا انا الى ضـ,ـربتهم لوحدى اصلا انا بتعاكس كتير هو جيه يتدخل بس انا قمت ضـ,ـرباه هوا كمان اصلى فكرته معاهم وبقت تضحك
يحيى جرى عليها وقال…هاهامش معقول ياليلى ياحبيبتى من ساعت مادخلتى وانتى بتهزرى يلا بقى نرتاح شويه احنا اتعبنا كفايه كده يلا دلوقتى ونبقى ننزل تانى بعدين
ليله نفخت بغيظ و قالت …ايه تعبت من الحته دى فورم وعضلات على الفاضى زى الفانوس الصينى يومين ويهنج منك مع ان شكلو يغش كلهم بقو يضحكو
ويحيى بصلها بغضب وقال بحده ..ليله يلا نطلع
ليله خافت منه وقالت….منين بيطلعه يحيى شاورلها على الاوضه وليله طلعت جرى
ويحيى قال..سورى هى بتحب تهزر كده على طول وطلع وراها بغضب رهيب ودخل الاوضه وقفل الباب بغضب
وقال.. انا مش قولتلك متعوكيش ودافعلك مليون جنيه علشان متعكيش اعمل فيكى ايه من ساعت مادخلتى وانتى زن زن زن مسكتيش فى واحده محترمه تقول عل جوزها يومين ويهنج
ليله حطت ايدها فى وسطهاو قالت….وهوا انا محترمه
يحيى حط ايده فى وسطه بسخريه و قال…لابس هما فاكرين انك محترمه
ليله قالت . ..خلاص بقى انا مالى بالى فاكرينو هما حرين وانا قولت على الفانوس مش عليك انت ليه بتتحشر فى كل حاجه قولى بقى فين الحمام وفين هدومى عايزه اخلص من الجاكيت ده كاتم على نفسى اوى يحيى شاورلها بايده
وقال…هنا الهدوم وده الحمام اعملى الى انتى عايزاه بس من غير كلام مصدع وتعبان ومش طايق نفسى
ليله اخدت هدوم وراحت على الحمام وهى بتقول معزور ياخويا والله ولانا طايقاها كتر خيرك شوف انا ساعت زمن وزههقت وعايزه اطفش فمابالك انت
يحيى قال ..هاهاها لاظريفه
ليله قالت ….اوى وودخلت الحمام واخدت شور وبدلت هدومها وطلعت وكانت لابسه كاش مايوه خفيف للنوم لقت يحيى اخد هدوم و كان قاعد على السرير بملل بس بقى يبصلها باعجاب شديد وليله لاحظت نظراتو اتنهدت وقعدت على السرير
وقالت ..بلاش النظرات دى احنا مش فى اتوبيس اتلم شوبه
يحيى حمحم بحرج وقال…وانا هبصلك عادى يعنى بس كنت عايز اسألك سؤال
ليله قالت …الله على الادب بتستأذن علشان تسأل أسأل
يحيى قال…قوليلى ياليله انتى بتشتغلى ايه
ليله قالت …رقاصه يحيى انتهد وقال…بتشتغلى ايه علشان لو حد سأل
ليله بصتله وكان طويل جدا بالنسبالها قالت …امم عايز اسانسير للصوت على مايوصل للدور التانى وقالت بصوت عالى…رقااااصه
يحيى جرى عليها وحط ايده على بقها وقال …اششش وطةى صوتك الله يخربيتك انت بتعلى صوتك ليه هتفضحينا
ليله قالت….ماانت مش سامعنى قولت اعلى صوتى علشان يوصل للطابق التانى
يحيى قال ..بغضب سمعتك انا فكرت انك بتهزرى زى عادتك البايخه
ليله قالت …لا انا مش بهزر انا كنت بشتغل رقاصه بس خلاص الزهر لعب وهفتح انا الكباريه وهبقى صحبته وسقفت باحماس
وقالت ..واحط صوره ليا على باب المحل ويبقى كباريه
ليلة أونس
وقالت …ياه حلم العمر
يحيى كان حرفيا مصدوم وقال…شريف يعرف انك
ليله قالت…لا هو كان ماشى وانا خبطت فيه فازعقت معاه وكده فاتاسفلى وانا كنت فاكره انو فاضى وعاكسته وطلع مش فاضى بس فاقلى انا هجوزك لواحد حليوه وقمور فاجيت بس
يحيى بصلها بصدمه وقال ….ايه فاضى دى
ليله قالت…يعنى متجوز يحيى سابها وراح على الحمام من غير ولا كلمه واحده اخد شور ولبس منطلون وتيشيرت بيتى مريح وراح اخد مخده وسه هيروح على الكنبه بس
ليله مسكتها منه وقالت..رايح فين
يحيى قال…انا هنام على الكنبه علشان تنامى براحتك ليله ضحكت بسخريه
وقالت…هوانت من بتوع الكنب اه انا ياما على حظى العنب
يحيى بصلها بغيظ وقال …انتى عايزه ايه ها انا اكيد مش هقرب لواحد بتكون مع سته فى الليله ليله قربت منو
وقالت ..فايتك كتير الى تبسط السته فى ليله واحده تنغنغ الواحد
يحيى بصلها وقال…امم بصى يااسمك ايه انتى اه ليله عدى ليلتك على خير ماشى
ليله قالت ..تعالى بس نام جمبى لتوقع من على الكنبه بعد الكلمتين دول هيبقى منظرك بايخ قوى
يحيى قال…لا.انا مرتاح هنا
ليله قالت ..براحتك الى ينام على كنبته ميلومش غير نفسه ونامت فى صباح يوم جديد قامو على اصوات ناس كتير ودوشه
يحيى قال ..ايه الازعاج ده على الصبح
وليله كانت قايمه من زمان و قالت… نوم الهنا ياحبيبى انا
يحيى قال .. الظرافه على الريق كده طب نفطرحتى الأول وقام فتح الباب وكان شريف جاى جرى ودخل وقفل الباب بسرعه
وقال …مصيبه بالون الاسود والكحلى وكل الغوامق
يحيى قال …اكيد طبعا مش انت الى جايب الخبر وبص لليله وقال..لازم يكون مصيبه اى حاجه بتجيبها بتبقى كارثه ليله بصتله بضيق بس
شريف قال..جدك عاملك الليله حفلت تعارف وعازم كل اصحابك والناس الى معاك فى الشركه وقرايبك والعيله كلها وهتلبسو اشيك حاجه وتنزلو تقابلو الناس والناس هتتعرف على مراتك يحيى بصله بشك بس
شريف قال..والله مش بهزر مش وقته لازم نتصرف يحيى بصله بابتسامه
وقال.. هواانا لسه هلبس ماخلاص طفيتو النور ليه ووقع مغمى عليه فى الارض ليله وشريف بقو يحاولو يفوقوه ..
يحيى قام مره واحده وقعد ومسك شريف من هدومه وبقى يضـ,ـرب فيه
ويقول… حفله حفلة تعارف لديه يامصبتى السوده يانا ياما
ليله بصتله بدهشه وقالت..اهوه ردح بالبلدى يسلم من كل ردى
يحيى ساب شريف بصلها وقال …هنعمل فى دى ايه ها هنتصرف ازاى
شريف قال…ولا حاجه امبارح لما لبست بان عليها انها بنت ناس انا هجيب سما مراتى تلبسها وتقف معاها وهى بس محتاجه نضافه
يحيى قال..دى رقاصه عارف بعنى ايه رقاصه بس قاطعهم دخول بنت جميله فى العشرينات دى ميار بنت عم يحيى
وقالت..رقاصه من رقاصه
شريف قال.بسرعه…لا ده يحيى كان عايز يجب رقاصه فى الحفله يلا بينا هوريكى التحضيرات ميار بصت لليله بضيق
وقالت بقرف ..هى دى بقى العروسه
ليله قالت …اه انا كل سنه وانا كيداهم وفرساهم و شلاهم وحطت ايدها على كتف يحيى وهو التفتلها وبصت لعيونو
وقالت بدلع….تعالى اختارلى حاجه البسها للحفله اصل انا بحب زوقك اوى يحيى بلع ريقه بارتباك من قربها وميار بصتلهم بحقد كبير
وشريف حمحم بحرج وقال..اه طب نستأذن احنا يلا ياميار وطلع وقفل الباب بسرعه ويحيى بعد وبص لليله
وقالها …انت بتعملى ايه فستان ايه الى اختاره وانتى شوفتى زوقى فين اصلا
