يحيي الصياد

ليله قالت…ايه انت زعلت ليه مش دى غريمتى قولت افلفلها شويه يحيى عقد حواجبه باستغراب

وقال…كلمينى عربى او انجليزى او فرنسى حتى بصى هى دى لغه اصلا يعنى انا مش فاهم منك حاجه

ليله قالت … اولا اه لغه بس لغت الناس العاديه الى زينا مش لغة أولاد الأكابر ثانيا غريمتى يعنى زى ضرتى كده او بتحبك معايا وافلفلها يعنى اغيظها اضايقها

يحيى قال ..اولا وثانيا والله واتثقفنا بعدين هو انا حبيبك اصلا علشان تضيقيها وتضايقك واسكتى خالص بقى خلينى اشوف هعمل ايه فى الحفله دى وقعد بضيق وحط اديه على دماغه وليله قعدت جمبه وحطت ايدها على كتفه

وقالت…ليه تسيب بنت عمك حلوه ومتعلمه ومن عيله وتعرفها وتعرفك وتتجوز واحده متعرفهاش وتدفعلها مليون جنيه علشان متتجوزش بنت عمك

يحيى اتنهد وقال…علشان ده جواز مش لعبه الواحد مش بيختار عيلته والاسمه وانا مخترتش ولاحاجه فى حياتى حتى دراستى شغلى كلو كان على مزاج عيلتى بس انا من حقى اختار البنت الى هكمل معاها حياتى وتكون مراتى وحبيبتى وام لأولادى وتكون شريكت حياتى وتشاركنى كل تفاصيلها وميار مفيهاش اى صفه من صفات البنت الى انا بحلم بيها

ليله قالت…خلاص بص انا هساعدك وهطلع مفيش منى فى الحفله ومش هعك ابدا وهخلى كل الناس يقولولك لقيتها فين دى ويحسدوك عليا يحيى ابتسم على كلامها

وقال… جد والله شكرا على زوقك غمرتينى بلطفك

ليله قالت…على ايه ماانت دافع بقى يحيى ضحك بخفه على كلامها

.ليله قالت …اه صحيح صاحبك ده ساكن معاك ليه

ليه يحيى قال ….شريف ده جوز اختى سما مش بس صاحبى وجدى اصر ان اختى تفضل معانا فاقعدومعانا هنا بعدين يابنتى احنا مش لسه معرفينك عليها امبارح

ليله قالت …ياخويا نسيت هوا انا مخى دفتر عشان افكر كل حد اتعرف عليه وبقو يتكلمو سوا و بالليل

كانت ليله جهزت ولبست فستان راقى جدا ومحتشم ورفعت شعدها بطريقه شيك جدا وكانت شبه الحوريات يحيى بصلها بزهول من جمالهاووقف وراها ولبسها عقد الماظ وليله حطت ايدها عليه

وقالت …الله حلو اوى ده كانه حقيقى جبته منين

يحيى قال…علشان ده الماظ حقيقى ده بتاع ماما خلى بالك عليه

ليله قالت ..كل دى ثقه مدينى عقد امك الغالى ده

يحيى اتنهد بياس وقال….هى اسمها مامتك وبعدين دى مش ثقه بس انا قولت للكل تحت ان مراتى هى هتلبس العقد ده لان دى وصية ماما فالونزلتى من غيرو احتمال يشكو فينا

ليله قالت … بس خلاص ايه ده مفيش مره تقول كلمه حلوه ياساتر بخيل حتى فى الكلام طب والله لاطفش بيه وبيعو ها

يحيى قال …طب يلا ننزل وبلاش غلبه وحط ايده فى ايدها ونزلو سواوبقى يعرفها على الناس الى فى الحفله واصحابه وليله مكنتش بتتكلم كتير الإجابه على قد السؤال ويحيى كان واقف جمبها طول الحفله ومش بيسيبها ابدا بس جالو تليفون وبعد من صوت الموسيقى علشان يرد

وميار جات وقفت جمب ليله ومعاها اصحابها وبقو يكلموها واحده قالت انتى من عيلة مين وساكنه فين والتانيه قالت..ودارسه ايه والتالته قالت..وبتشتغلى ايه ليله حست انا الموقف مدبر وكانو اصحاب يحيى قريبين منها

قالت..انا دارسه وقعت مغمى عليها يحيى جرى عليها بخضه وشالها ودخل بيهاالفيلا

وقال بقلق …ليله انتى يابنت ليله انتى كويسه

وجدو قال ..انا هطلب الدكتور ويحيى قال …اه بسرعه ياجدى بس

ليله قعدت على طول وقالت..اه دماغى بتوجعنى قوى جدو ساب الفون

ويحيى قال..مالك فى ايه ايه الى حصل مش كنتى كويسه

ليله قالت..مش عارفه هوانا بس دوخت شويه ومسكت فى يحيى جامد

وقالت …سبتنى ومشيت ليه انت مش عارف انى بتوتر لما متكنش معايا وبخاف لما حد يشوفنى وانت مش جمبى وبصت لميار الى كانت هتمـ,ـوت حرغيا من الغيظ يحيى بقى كان واقف مكانو مصدوم

وقال بتوهان …. هوانا جالى تليفون وطلعت بره علشان الصوت بس وجدو حمحم قاصد يفوقهم

وقال …طب ياجماعه نكمل احنا سهرتنا يلا وطلعه بره وليله مسكت ايد يحيى

وقالت…يخرب بيتك طلعت ليه غريمتى جابت اصحابها وزنقونى زنقه و قعدو يقول عيلتك مين وساكنه فين وبتشتغلى ايه وانا مردتش

ويحيى قال بزهول….ايه يعنى انت مكنش مغمى عليكى

ليله قالت ..لا طبعا بمثل

يحيى قال .. ياشيخه نشفتى دمى خوفت اجيب الدكتوره تقول انك حامل وتلبسينى بلوه

ليله بصتله بغيظ وقالت … مش فاضيه اناهد معاك اخلص قول هنقولهم ايه

يحيى قال … ياود انت يامشغول بصى ياستى عادى اسم عيلتك عادى جدا وانتى بتشتغلى دكتوره نفسيه لحسن حد يطب صدفه ويقولولك شوفيه مانضمنش وساكنه فى الزمالك انا مشترى شقه هناك محدش يعرف بيها قولى انها بتاعتك وانتى لسه صغيره فامفتحتيش عياده ها يلا بينا تمام كده

ليله قالت بغيظ منه …ولما انت عارف ده كلو ومظبط الدنيا كده مقولتليش فوق ليه وسيبنى اخبط لوحدى يلا وطلعه وقالو زى مايحيى قالها وخلصت الحفله وكلهم كانو مبسوطين الى ميار طبعا شكت فيهم يحيى دخل الاوضه ومدد على السرير بتعب

وقال …ياه اخيرا الحمد لله عدت على خير ليله مددت جمبه

وقالت…اه فعلا ياساتر كان يوم

يحيى بصلها وقال…شكرا بجد ياليله

ليله قالت.. على ايه عادى يحيى بص لعيونها بلع ريقه بارتباك من قربها وقرب منها بتوهانفى لحظه جميله جمعتهم وراحو سوا فى عالمهم الخاص بعد شوية وقت وقت يحيى كان قاعد على السرير وليلى نايمه على كتفه

يحيى قال…ازاى انا أول واحد فى حياتك انتى مش

ليله قالت …لا مش انت اول واحد يقرب منى انا من عيله على فكره
يحيى قال … ايه بجد امال الرقص ده هوايه

ليله قالت….لا انا عيلة بابا وعيلة ماما كان فى بينهم مشاكل كتيره وبابا وماما حبو بعض اهاليهم موافقوش على جوازهم قامو هربو سوا واتجوزو وكنا عايشين سوا ومبسوطين بابا عمل حادثه ومات وماما اهلها طبعا مش هيتقبلوها بعد ماهربت منهم وروحنا عند اهل بابا بس محدش قبلنى ماما زعلت على بابا حصلتو وسابتنى لوحدى جربت اشتغل فى اى حاجه بس قفلت فى وشى لقيتنى سوسو صاحبة الكباريه واشتغلت معاها راقاصه كانت عايزه تطلعنى مع شباب بس انا رفضت قولت الى باخده كفايه صحيح انا قولت ان محدش هيتجوزنى يعنى بس دى غير دى طبعا حتى علشان منظرى قدام نفسى

يحيى قال…طب وانا ليه قعدتى معاياليه

ليله قالت بسرعه …علشان انت جوزى وقامت وقالت ..يعنى انت غير واخدت الشور بتاعها ويحيى اخد هدوم وراح هوا كمان وطلع وراح على السرير بس

ليله قالت …روح على الكنبه بتاعتك

يحيى قال..ليه مش انتى مراتى

ليله قالت..معلش السته هينامو جمبى النهارده شوفلك حته تانيه انت بقى

يحيى ضحك وقال ..امم لسه فاكره السته انتى قلبك اسود بعديلى شويه ونام جمبها

ليله قالت….لا مش اسود قوى يعنى قولى يايحيى صحيح انت هتكون اول زبون فى الكباريه بتاعى مش كده

يحيى قال.بغضب … ايه كباريه ايه انتى مش هتشتغلى كده تانى خلاص انتى مراتى

ليله قالت … اه هارفه انا قصدى بعد مانطلق يعنى

يحيى اتنهد بحزن و قال … نطلق اه امانشوف وفضل وسط افكاره لحد مانامو فى صباح يوم جديد ليله قامت من النوم ملقتش يحيى جمبها اخدت شور ونزلت تشوفو بس سمعت صوتو فى اوضه جمبهم وراحت تشوفووكان الباب مفتوح لقت ميار واقفه بلبس للنوم وكانت واقف ومايله قوى على يحيى وماسكه فيه جامد وهو ساندها باديه دخلت ليله بسرعه وسحبتها منه بغيظ

يحيى بصلها وقال … ليله انتى صباح الخير بس ميار وقفت وحطت ايدها على هدومهامن فوق

وقالت ..انتى ازاى تدخلى كده

يحيى قال..انتى رجلك خفت ميار بصت ليحيى باستغراب مصطنع

وقالت…ايه رجلى مالها رجلى اه انا رجلى وجعانى صحيح لاخفت خلاص يحيى بصلها بستغراب

وقال …انتى بتتكلمى كده ليه بس ليله قربت منه فى لحظه سريعه واتعلقت فى رقبته

وقالت…كده برضه يا حبى تطلع من غير ماتصبح عليا انت مش عارف انى بحب تكون انت اول وش اشوفو على لما اصحى بتفائل بيك واخر وش اشوفو لما انام وان اليوم مش بيكمل من غير عيونك الحلوين دول يلا تعالى معايا بقى علشان تصالحنى علشان انا زعلت ميار كانت بتبصلها بزهول وهى اخدت يحيى وطلعت بس وهى على اول الباب عملت نفسها دايخه يحيى سندها وليله

قالت …تعبانه اوى شيلنى يحيى فهمها و كان عايز يضحك على شكلها وشالها وراح بيها على اوضتهم بس اول مادخل ليله نزلت بسرعه وقفلت الباب

وقالت بغضب…انت ايه الى وداك هناك ها ايه الى يخليك تروحلها اوضتها وبقت تضـ,ـربه فى صدره وتقول ها لا وماسكه فيك ومتبته وناقص ت بس يحيى شدها عليه وبقت بين اديه وبص لعنيها جامد

وقال…وانتى ايه الى مضايقك ها ايه مش احنا حاطين شروط لجوازنا اولها لتقوليلى كنت فين ولابعمل ايه

ليله بصتله بارتباك وقالت …انا

يحيى قال…انت ايه

ليله بعدت وقالت …انا متفقتش على بتعمل ايه ومنظرى قبل اى اتفاق وعيب كده وبعدين انت قولتلى ان جوازنا هببقى حبر على ورق بس وبالليل كان الورق بيبكى فى الدرج ولا عندك قايم وعندى نايم قال على رأى المثل

هم يروحو ويقولو عدولى وانا عالى الواحده يقفولى

يحيى مسكها وقال… انا مجبرتكش انتى جيتى بمزاجك وبعدين هم مين الى بيروحو و ليه الجمع اساسا انا واحد

ليله قالت …كلكم كده انتو السبعه

يحيى قال.. سبعه

ليله قالت….اه انت والسته فاكرهم

يحيى قال …امم كان يوم اسود لما قولت كده انتى ست محترمه وانا اسف بعدين انتى مش دكتوره يعنى رقاصه برضه وانا كنت نازل ونادت عليا وقالتى الحقنى رجلى اتلوت بس وانت جيتى وغيرتى عليابس ليله

قالت بردح…..اه انا اغير من دى دى عود مخوخ سن ملخلخ بلون منفخ شكة دبوـ,ـس وابقى اقبلى لولقيت فيهاحاجه تنفع

يحيى قال…انا طول عمرى اسمع عن الغيره بس اول مره اشوفها

ليله قالت..برضه يقولى غيره

يحيى قال….لابتغيرى بس مش منها بتغيرى عليا انا واعترضى بقى علشان نزعل

ليله اتعلقت فى رقبته وقالت…تؤتؤ مش هعترض هوانا اطول اصلا انا مقدرش اعترض

يحيى بصلهاوكانت واقفه على اطراف صوابعها قال…نسبة للطول لا لسه فاضلك كتير قوى على بال ماتطولى