تعالى كلي معايا
قمر_ ماشي
قعدوا هما الاتنين على تربيزه محطوطه في الاوضه وعليها اكل وابتدوا ياكلوا قمر كانت جعانه أوي كانت بتاكل بسرعه
زين_ على مهلك
قمر سابت الاكل من ايدها واتكسفت
زين_ هوا أنا قولت ليكي كده عشان تبطلي اكل افتحي بوقك يلا
قمر_ بس أنا شبعت
زين_ افتحي بوقك
قمر_ فتحت بوقها وابتدا ياكلها
قمر_ بس شبعت مش هقدر اكل تاني
زين_ دي بس
قمر_ مش قادره اكل تاني
زين_ طب قومي اغسلي ايدك وتعالى ننام
دخلت غسلت ايديها وطلعت لقت زين نايم على السرير ومغمض عنيه راحت نامت على الكنبه
زين_ قمر أنتي فين
قمر_ أنا نايمه
زين_ ومجتيش ليه نمتي جنبي
قمر_ أنا مرتاحة هنا
زين_ تعالى نامي هنا وإلا اقوم اجيبك أنا
قمر_ لأ أنا هنام اهني
زين_ أنتي اللي اختارتي قام شالها واخدها جمبوا على السرير
قمر_ نزلني أنا هنام على الكنبه
زين_ بس نامي نام هو كمان على السرير وطفي النور لقي حاجه مسكت فيه فتح النور تاني
زين_ مالك
قمر_ بخاف من الضلمه أمي كانت بتقعد معايا لحد ما انام
زين_ طب مټخافيش أنا هقعد معاكي لحد ما تنامي غمضي عنيكي ونامي
قمر_ ماشي تصبح على خير
زين_ وأنتي من اهله
عده وقت وزين حس بسكونها وانتظام انفاسها بص عليها لقاها نامت طفي النور كمان
صحي زين تاني يوم صحي على خبط الباب كانت
اختوا داليا_ صباح الخير يا ابيه لسه نايمين ولا اي
زين_ أنتي بتبصي على أي
داليا_ بشوف مرات اخويا وه
زين_ كنتي جايه ليه على الصبح
داليا_ انزلوا افطروا مستنيكم على الفطار
زين_ قوليلهم نازلين
داليا_ لو مش عايز تنزل أنا اجبلك الاكل اهني
زين_ لأ هننزل امشي أنتي دلوقتي
داليا_ أنا همشي ب كرامتي أنا بتهزق
زين_ امشي يا داليا
داليا_ ماشيه
قفل الباب ودخل لقي قمر لسه نايمه
زين_ قمر قومي عشان ننزل نفطر
قمر_ سبيني شويه يا أمي خليني نايمه
زين_ أنا زين أنتي بتحلمي ياك.
قامت اتعدلت من نومتها واتكلمت
قمر_ اصل متعوده أن أمي هيا اللي بتصحيني
زين_ ولا يهمك صباح الورد يا ورده
قمر_ صباح النور
زين_ قومي استحمي كده عشان ننزل نفطر
قمر_ ادخل استحمي أنت وأنا هجهزلك هدومك
زين_ طب ماشي
دخل زين يستحمي وقمر جهزتله الهدوم وعطتهاله عده وقت وزين طلع متتاخريش عشان ننزل أنا وأنتي
قمر_ حاضر
دخلت قمر الحمام وتلفون زين رن كانت ايناس
