صحيت على صوت تلاوه جميل جدا هادي ومع ذلك قوي بتقوم وهي بتتاوب
بتبص لقيت شمس بيقرأ في كتاب الله بصوت خاشع فضلت تسمعه بهدوء لدرجه انها عيطت
شمس كان في البلكونه سمع صوتها صدق الله العظيم وقفل المصحف ودخل لقى نجمه بتعيط
شمس بحنان وخوف. مالك يا نجمه في ايه؟ حاجه وجعاكي؟ اتكلمي
نجمه بابتسامه جميله. صوتك حلو اوي
شمس ضحك على شكلها. حرام عليكي خضتيني عليكي
نجمه حطت ايديها علي خده وبتبصله بطريقه غريبه. شكرا
شمس باستغراب. على ايه؟ وبعدين هو في شكر بين واحد ومراته!
نجمه. بصراحه كنت فاكرك قا”س وهتزعقلي واتخانق معايا عشان يعني الفتره اللي فاتت كنت بتعامل معاك بطريقه مش كويسه بس انا كنت متضايقه عشان زهره انا اسفه
شمس قعد جانبها وحضنها. شوفي يا نجمه هعلمك حاجه اتعلمتها لما يكون اللي ادامك على آخره اديله عذره واحتويه اياكي تعاندي لأنك لو عندتي فيه وهو على آخره ساعتها هتخسريه انا عارف انك خايفه على زهره بس صدقيني دا قدر ومكتوب كل واحد ليه قدره اللي لازم يعيشه واقولك حاجه مينفعش نزعل لان دا نصيبنا ودا اختبار صعب لازم نعدي بيه وشطارتنا اننا نقدر نعدي منه بأقل خساير
نجمه. بس زين جيه على زهره يا شمس والدليل على كدا ان هو نفسه عارف دا كويس
شمس. ربنا يهديه ويهدي زهره
قوليلي بقى انتي في سنه كام
نجمه. المفروض أولى ثانوي
شمس. اول ما الدراسه ترجع هتكملي دراستك انا عايز ولادنا يكونوا عندهم أجمل مامي
نجمه بابتسامه بريئه. ولادنا
شمس. ولادنا بس الموضوع دا متاجل المهم اننا سوا يا نجمه
نجمه ابتسمت له لأن قلبه طيب
شمس بطريقه جميله لاستدراجها. تحبي احكيلك الحوار اللي دار بين الحور العين ونساء المومنات من اهل الدنيا
نجمه. طبعا
شمس :
يقول النبي صلى الله عليه وسلم
(ان أزواج اهل الجنه ليغنين أزواجهن باحسن أصوات ما سمعها احد قط وان مما يغنين به
يقلن الحور العين: نحن الخالدات فلا يمتن. ونحن الامنات فلا يخفن. نحن المقيمات فلا يضعن
تقول عائشه رضي الله عنها وارضاها للحور العين إذ قلت هذه المقاله اجابهن النساء المومنات من اهل الدنيا :نحن المصليات وما صليتن
نحن الصائمات وما صمتن.
نحن المتوضئات وما توضئتن. نحن المتصدقات وما تصدقتن فتقول عائشه رضي الله عنها. فغلبنهن والله)
يعني انتصر نساء المومنات من اهل الدنيا على الحور العين عشان كدا إذ نساء اهل الدنيا دخلن الجنه هن احسن واجمل من الحور العين
نجمه. انت عرفت المعلومات دي كلها منين
شمس بابتسامة هاديه. قريت متخافيش انا هعلمك كل اللي اعرفه ان شاء الله عشان تكوني رفيقه دربي في الدنيا والاخره
……………….
عند زهره
قعده أدام البحر من وقت الشروق ومش عايزه تنام الهواء جاي هادي
زين صحي من النوم لقها قعده ساكته ضمه نفسها
لبس هدومه ونزل
زين حط ايده على كتفها
زهره قامت بسرعه وهي مخضوضه بعدت عنه
زين. انا اسف مش اصدي
زهره. طلقني انا بكر”هك وصدقني لو فضلت على ذمتك انا بنفسي هتق”تلك
زين. تقت”ليني صغيره اوي على الكلمه دي
زهره. اللي عملته كفيل انه يعلمني حاجات كتير
زين. انتي اللي استفزتني في الاول يا زهره
زهره بدموع. عشان قالت انك مش ر”اجل انت فعلا دلوقتي بالنسبه ليا مش ر”اجل يا زين انت قدرت تخليني فعلا اكر”هك و اي واحده غيري ممكن تيجي على كرامتها هتطلقني ودا اللي عندي
زين شدها بالقوه من خصرها. وان خليتك تحبيني
زهره. هههههه تصدق خليتني اضحك هيجي يوم وقتها تقف ادامي وتتمنى اني اسامحك وساعتها بنت الشرقاوي اللي عنده ١٥سنه هتخليك تعرفي يعني ايه ندم
وزقته بقوه ودخلت الفيلا لقيت نجمه وشمس قعدين على السفر
زهره. صباح الخير
صباح النور
نجمه. زهره انتي كويسه النهارده
زهره. اه الحمد لله احسن بكتير
شمس. ايه رايكم نتعشا كلمت برا النهارده بما اننا هنرجع الصعيد كمان كم يوم
نجمه. موافقه جدا
زهره. معليش انا ماليش نفس
زين. احنا موفقين احنا كمان
زهره. و حد طلب رايك
زين. انا مبستناش رأي حد ودا امر
زهره لنفسها. حيو”ان
باليل
كلهم لابسوا وخرجوا
في احد المطاعم الراقيه
نجمه كانت لابسه دريس ازرق طويل وحجاب ابيض و زهره لابسه دريس وردي والنقاب ابيض
الموسيقى اشتغلت وكل كابل قاموا يرقصوا
بنت. تسمحلي بالرقص دي
زين بابتسامه جميله. طبعا
وقام يرقص مع البنت بطريقه مستفزه و هو فعلا دنجوان عصره
زهره فضلت تبص عليه وهي ساكته و اخدت قررها النهائي
شمس لنفسه. الواد دا غبي اوي استغفر الله العظيم رجع بص لنجمه اللي بتتفرج عليهم بابتسامه واسعه
شمس بهمس. متضحكيش لو سمحت يا نجمه
نجمه. ليه
شمس. عشان مش لوحدنا وعيون الناس دايما بتدور على الحاجه الجميله ويبصوا عليها ويطمعوا فيها
نجمه بسعاده. انت شايفني جميله
شمس. شايفك زي القمر في ليله اكتماله يا نجمه
نجمه. شكرا
شمس قرب من ودنها واتكلم . على فكره انا بحب ضحكتك وتقريبا كدا بدأت احبك
نجمه بصدمه وخجل وابتسامه وضحكه سكتت لكن كانت متلغبطه
