شي.طان فى بيتى بقلم زهرة الربيع من الواحد وعشرون الى خمسه وعشرون

#الرابع_والعشرون اه افلاس ..وقريب جدا كمان وحياة كل كلمه زي السم سمعتها وحياه كلمه ابن حرام اللي طوقتوني بيها عمر بحاله لاخليك تشوف الدنيا دي كلها بتتهد على دماـ,ـغك والفلوس اللي خوفت ان حد يشاركك فيها هتتسحب من تحت ايديك زي الميه ومش هتعرف تسيطر عليها

عصران بلع ريقه بتوتر شديد من كلامه وقال… انت ليه مش عايز تفهم ان انا ما ليش دخل باللي حصل… انا ذنـ,ـبي ايه اذا ابوك ما قبلش يعترف بيك ولا امك جابتك في الحرام دخلي ايه

اكمل ضحك باستهزاء وقال…. دلوقتي بقى دخلك ايه ناسي لما امي جات لك وطردتها… بلاش دي ناسي الطفل اللي جه وقف على بابك بكل براءه وسعاده وهو فاكر انو خلاص هيخلص من كل كلام الناس اللي بيقـ,ــ,ـتله كل يوم …خلاص وصل لبيت ابوه وفاكر هيحضنوا هيروح يقول لاصحابه ابويا اهو ..انا عندي اب زيكم

واحتدت عنيه بغـ,ـضب وقال ..فاكر يومها لما خليت الخدم يطـ,ـردوني وقولت ان معندكمش اولاد بره البيت ده ..قولت لي شوف امك جابتك من فين ..واخوك بقى اللي بتتكلم عنه واللي كان واضح جدا عدم اتزانه العقلي قال لك انه حاسس اني ابنه قلك سيبه يا عصران …بس انت امرته يطلع فوق زيه زي اي عيل ودلوقتي بقت الكلمه مش كلمتك وبقى هو اللي عمل دلوقتي لما اثبت لك امي جابتني من فين…و لسه هثبتهالك كتييير يا عصران بيه

اسيا طانت بتسمعوا بدهشه من الكلام اللي اول مره تعرفو و لمعه الدموع في عينيها حتى لؤي تاثر جدا بكلامه الجميع حس بشفقه كبيره عليه

اكمل حس دموعه بتحرق عيونه ومش قادر يخبيهم اكتر وخايف جدا ينزلوا قدامهم مشي بسرعه بس وقف على صوت عصران بيقول …لو افترضنا ان كلامك ده صح وانك فعلا ابن اخويا ..تبقى انت كمان وريث زيك زيي والاملاك دي اللي بتحاول تفنيها بتاعتك كمان يعني انت بتخسر واكتر مني انا لو افلست انت كمان هتأفلس
بقلم…زهرة الربيع
اكمل ضحك جـ,ـامد وبص له وقال ….ما عملتش حسابها دي تصدق صح
واختفت ابتسامتو واتكلم بغضب شديد وقال… اللي قدامك ده طول عمره مفلس من كل حاجه …ولا كان عندي فلوس ولا بيت ولا اهل ولا حتى اسم… انا اكمل ابن الحرام ابن الرقاصه معنديش غير الاسم ده ومكتفي بيه ….يعني مش هخسر حاجه فكر في نفسك وبس يا عصران بيه فكر في نفسك وبس

قال كده ومشي وعصران مسح على وشه بغضب شديد وبص لطيفه بحقد وقال…. تعالي ورايا يا اسيا عايزك ضروري
و مشي بسرعه على المكتب بتاعه

اسيا راحت وراه وهي مستغربه جدا الطلام اللي دار بينهم

عند سهيله كانت بتنضف في البيت بطريقه غريبه وبترتب الدولاب اكتر من مره مع ان كل حاجه مترتبه ونضيفه لكن كانت بتنضف كل الاثاث بتوتر شديد

منتصر اتنهد لما شاف حالتها وقرب منها بحزن وقال.. سهيله بتعملي ايه

سهيله قالت بتوتر… المكان المكان كله تراب شايف حاسه بتراب في كل حته

منتصر اتنهد وقال…. سيبي من ايدك المكان نضيف يا سهيله ما فيش داعي للتعب ده …انا عارف انك تعـ,ـبانه وبتحاول تضيعي وقت حاولي تقعدي وتهدي افضل

سهيله بصيت له وحاولت تبتسم بالعافيه وقالت….لا انا مش تعبانه مش تعبانه خالص

منتصر بص لوشها و كان مخـ,ـطوف جدا والعرق نازل على جبينها

حس بوجع شديد في قلبه من حالتها ومسك ايديها وقال… هتعديها ..هتعديها ان شاء الله

سهيله هزت راسها بتوتر وقالت… ان شاء الله… هو انا ما ينفعش….

بس قاطعها بسرعه وقال…. لا يا سهيله ما ينفعش …استني يومين اتنين بس وهتاخدي جزء من الجرعه اللي كنتي بتاخديها الدكتور عمل لي جدول لازم نمشي عليه

سهيله ابتسمت وقالت بلهفه …يعني انت… انت معاك منه معاك من الحبوب هنا دلوقتي طيب بص انا مش هاخد كتير هاخد نص حبايه بس ممكن

هز راسه بالرفض بحزن وقال…. ما ينفعش ارجوكي حاولي شويه

سهيله نزلت دموعها وهزت راسها بالموافقه وقالت…. تمام هروح احضر لنا غدا