چودي ….. امتى يعنى
مصطفي …..بعد اسبوع
چودي …..ايه اسبوع كده كتير
مصطفي ….ده الميعاد اللى فاضى فيه مع السلامة يا آنسة
خرجت چودي يتملكها شعور بالاحباط
…….فى منزل چودي
بسام….عملتى ايه ياچودي طمنينى
چودي …..ولا حاجة كنا بنتكلم دخلت واحدة باينها مراته فضلت تتدلع وتتمايص ومخلصناش
بسام…..وبعدين
چودي …..لسه هروح له تانى بعد اسبوع
بسام…..انا لسه هستنى اسبوع بحاله دا انا بموت كل دقيقة من التفكير
چودي …..طب اعمل ايه يا بسام فى مصارع الثيران اللى قابلته ده
بسام…..مصارع الثيران مين
چودي …..اللى اسمه مصطفى ده اصلك مشوفتوش
بسام….احنا مش فيه دلوقتى احنا فى المصيبة اللى احنا فيها
چودي …..مفيش قدامنا غير ان احنا نصبر على الاسبوع ما يخلص
……..
فى الجامعة
سمر…..چووووودي
چودي ….فى ايه يا سمر
سمر….بقالى شوية بكلمك وانتى فى عالم تانى
چودي ……معلش يا سمر اصل دماغى مشغولة
سمر…..دا كله علشان الاستاذ مروان
چودي …..انتى ما تصدقى تيجى سيرة مروان علشان تشتمى هتبقى انتى وبسام
سمر….. والله عنده نظر الواد بسام ده
چودي ….. بسام شكله كده هيلبسنى فى حيطة
سمر……حيطة ايه هو فى ايه بالزبط
چودي …..مفيش انا هروح
سمر…. والمحاضرات اللى عندنا
چودي …. مش قادرة اقعد انا ماشية سلام
سمر…..مع السلامة
…….
فى المنزل
جلال :مالك يا چودي اليومين دول سرحانه ومش مركزه
چودي ….مفيش بس امتحانات الترم قربت وانت عارف رهبة الامتحانات
جلال….وانت يا بسام عندك رهبة امتحان
زينب…..انا مش عارفة هما مالهم اليومين دول مش عوايدهم
بسام….اه ما انت عارف يابابا بقى الامتحانات ومشاكلها
زينب…..من امتى يا بسام دا انت بتروح الامتحانات وترجع فى قمة انبساطك سواء حليت ولا محليتش
بسام….ما هو انا ناوى التزم بقى فى الجامعة
جلال….. ربنا يهديك
زينب…..هو مروان خطيبك جاى النهاردة يا چودي
چودي ….ها بتقولى ايه يا ماما
زينب….لا حول ولا قوة الا بالله انتوا ايه اللى جرالكم
چودي …..مفيش يا ماما انتى بتسألى على مروان
زينب….ايوه
چودي …..زمانه جاى
جلال….انتوا عملتوا ايه فى الموبيليا
چودي …..ولا حاجة لسه مخترنهاش
حضر مروان و معه والدته المدعوة عزيزة
عزيزة من غير نفس…..ازيك يا چودي يا حبيبتى
چودي ….الحمد لله يا طنط اخبارك ايه
عزيزة…..الحمد لله
مروان….ازيك يا چودي
چودي ….تمام الحمد لله نورتونا
عزيزة….مش هتيجى تختارى الموبليا يا چودي
چودي ….ماهو لما اخترت يا طنط معجبتش ابنك
عزيزة….اه مروان قالى على لونها بس لونها مش حلو
چودي ….. والله يا طنط
عزيزة….اه يا حبيبتى مش حلو انا هاجى معاكم علشان اختار معاكم
احست چودي با ان اعصابها على وشك الانفجار
چودي …..مش دلوقتى يا طنط امتحاناتى قربت ومش فاضية
عزيزة…..وهتعملى ايه بالشهادة ما انتى هتقعدى فى البيت
چودي …..مين اللى قال كده بعد دراستى دى كلها والاخر اقعد فى البيت
مروان…..ماهو يا چودي انا عايز اريحك ومتتعبيش
چودي ….انا اللى اقرر اللى يناسبنى مش اى حد تانى
بعد مغادرة مروان ووالدته
بسام….وبعدين يا چودي هتفضلى تستحملى عمايله هو وامه لحد امتى
چودي …..سيبك منهم دلوقتى علشان انا مش فايقلهم عايزين نخلص من مشكلتك انت الاول
بسام….انا اسف يا چودي على انى ورطتك معايا فى الموضوع
چودي ….بطل عبط انت اخويا اللى مش هسمح لاى حد ان يلمس شعره منه
بسام….ربنا يخليكى ليا
چودي …..على العموم هانت كلها يومين ونعرف هو قرر ايه
……
بعد انتهاء اليومين
ذهبت چودي مرة اخرى الى قصر مصطفى النصراوى
چودي …..يارب ساعدنى يارب
دخلت چودي الى غرفة المكتب التى سبق ان دخلتها فى المرة السابقة ولكنه تأخر فى المجىء
چودي …..وبعدين فى حرقة الاعصاب دى بقى انا بقالى ساعة قاعدة
انفتح الباب ولكن وجدت چودي القادم الشابة المدعوة سما
سما …..انتى مين
چودي …..انا جاية معايا ميعاد مع مصطفى بيه
سما…..ميعاد بخصوص ايه
تالين….دى حاجة بينى وبينه
سما….وانا عايزة اعرف
سمعت سما صوت مصطفى
مصطفي ….مش قالتلك موضوع بينى وبينها
سما ….سورى يا بيبى
مصطفي ….يلا اخرجى برا
سما بدلع…..مش هتبطل قسوتك دى ابدا
چودي فى سرها…..دى باين عليها من النوع اللى بيحب التهزيء
مصطفي ….قولت برا ياسما وانتى عارفة مبحبش اكرر كلامي
سما…. خلاص يا قاسى خارجة
بعد خروج سما
مصطفي ….اهلا يا آنسة هو انتى اسمك ايه صحيح
چودي ….اسمى چودي
مصطفي …..اه انتى كنتى جاية بخصوص ان اتنازل عن حبس اخوكى
چودي …..ايوة لانه والله مظلوم
مصطفي ….قولتيلى بقى انه مظلوم
چودي …..ايوة وملوش ذنب
مصطفي ….انا عندى استعداد اتنازل بس بشرط
چودي ….شرط ايه حضرتك لو هقدر على تنفيذه هنفذه طبعا
مصطفي …..من ناحية هتقدرى فانتى هتقدرى
چودي …..ايه شرطك اتفضل قول
مصطفي …..عايز ابن بدل ابنى اللى مات
چودي …..وانا اجيبه ازاى ده يعنى
مصطفي …انك تتجوزينى
چودي بصدمة ……انت بتقول ايه
مصطفي ….بقولك تتجوزينى وتخلفيلى ولد بدل اللى مات
چودي ………..
٣/٤
الجزء الثالث
مصطفي …انا مستعد اتنازل عن حبس اخوكى بس بشرط
چودي ….شرط ايه
مصطفي ….عايز ابن بدل ابنى اللى مات
چودي …..ابن وانا اجيبه ازاى ده
مصطفي ….انك تتجوزينى
چودي بصدمة…..انت بتقول ايه
مصطفي ……بقولك تتجوزينى وتجبيلى ولد بدل الى مات
چودي …..اكيد انت بتهزر صح
مصطفي ….شيفانى بهزر دلوقتى
چودي …..ما هو اصل حضرتك مش عارف انت بتطلب ايه
مصطفي …..لاء عارف
چودي …..طب وانا مالى ما تخلى باربى مراتك دى هى اللى تخلفلك ولد
مصطفي …..باربى مراتى مين
چودي …..مدام سما
مصطفي …..ومين قالك ان سما تبقى مراتى
چودي …..امال مرات الجيران
مصطفي …..ظريفة اوى قولتلك سما مش مراتى
چودي …..استغفر الله العظيم انت عايش معاها فى الحرام
مصطفي …..حرام ايه إيه شغل الافلام الهابطة ده
چودي ……امال هى بسلامتها مين
مصطفي …..تبقى قريبتى
چودي …..امال ام الولد فين
مصطفي ……اتوفت وهى بتولده
چودي …..خلاص اتجوزها هى انا مخطوبة
مصطفي ….عارف مش مروان برضو
چودي ….وانت عرفت منين
مصطفي ….انا تقريبا عرفت كل حاجة عنك من يوم تولدتى لحد دلوقتى
چودي …..والله كنت عامل عنى تحريات بقى
مصطفي …..حاجة زى كده ايه رأيك قولتى ايه انتى قصاد حرية اخوكى
چودي …..ده اسمه استغلال وابتزاز
مصطفي …..سميه زى ما تسميه
چودي …..اسفة مش موافقة انا مخطوبة
مصطفي ….خلاص انتى حرة ومترجعيش تندمى
چودي …..انت هتعمل ايه
مصطفي ….خليها مفاجأة يا چودي
وعلشان ما ابقاش ظالمك هديكى فرصة تفكرى
خرجت چودي من عند جواد تشعر انها فى دوامة فماذا ستفعل
………..
فى منزل چودي
بسام…..عملتى ايه
چودي …..عمله اسود ومنيل
بسام….ليه فى ايه
چودي ….عايز يتجوزنى واخلفله ولد بدل اللى مات
بسام بفزع…..انتى بتقولى ايه
چودي ….انت سمعتنى كويس
بسام…..باين عليه انسان حقير
چودي …..انا مش عارفة افكر هنعمل ايه ما هو يا اتجوزه يا انت هتروح فى داهية
بسام…..خلاص يا چودي متفكريش يعمل اللى يعمله انا مش هضحى بيكى
چودي …..وانا مش هسمح ان مستقبلك يضيع
بسام…هتعملى ايه
چودي ….. هوافق يا بسام
بسام….انتى اتجننتى انتى نسيتى انك مخطوبة وهتقولى لبابا وماما ايه ولا هتقولى ايه لمروان
چودي ….هو انت مش كنت كل شوية تحرضنى انى اسيب مروان
بسام….انا مكنش عاجبنى ماشيه ورا كلام امه
چودي …..بسام سيبنى دلوقتى انا عايزة انام
لم تستطيع چودي النوم فظلت تفكر ماذا ستفعل مع خطيبها
تقابلت چودي مع مروان
مروان….چودي ماما شافت اوضة نوم جميلة اوى وعجبتها
چودي …..مروان انا عايزة اقولك حاجة
مروان…..خير فى ايه
چودي …اتفضل دبلتك اهى
مروان…..انتى بتقولى ايه
چودي ….احنا مش هننفع نكمل مع بعض انا أسفة
مروان….. جاية تقولى ده دلوقتى
چودي …. معلش سامحنى
مروان….اسامحك عندها حق ماما انها مكنتش موافقة عليكى من الاول
چودي ….بلغ تحياتى لامك على بعد نظرها مع السلامة
تركت چودي خطيبها مروان وبررت ذلك لوالديها بانها لاتستطيع العيش معه بسبب شخصيته الضعيفة
اخبرت چودي مصطفى بانها موافقة على الزواج منه مقابل حرية اخيها
چودي ….بابا فى عريس عايز يتقدملى
زينب….. عريس دا انتى لسه سايبه خطيبك مكملتيش اسبوع
