بعد شويه خرج من الحمام لقاها قاعده عل السرير وبتهز رجلها بغضب واول ما طلع قالت …لاخر مره هقولك يا نذار عايزه امشي اتصرف وجبلي حاجه البسها احسن والله هنزل كده
بصلها وقال…تنزلي كده…طب وهتبقى راضيه عن الجرايم الي هتحصل بسببك
ريم بصتلو باستغراب وقالت…جرايم…جرايم ايه…بتقول ايه انت
نذار قال ..طبعا هتحصل جرايم كتير ..معاكسات والذي منو
ريم وقالت ..انت قليل الادب انا ..انا مش عارفه ازاي اتورطت كده مع اني عارفه انك اخو السافل الي اسمو صلاح.. كان لازم افهم ان طينتكم واحده وانكم سفله زي بعض
نذار اتنهد لما لقى الدموع اتجمعت في عيونها وقال…طب انا اعمل ايه علشان ارضيكي اناا..انا ممكن اعمل اي حاجه بس ترضي وتسامحيني
ريم قالت بغضب ..بس انا مش هرضى ابدا ومش هنسى الي انت عملتو..انت اذتني اكتر من اخوك…على الاقل اخوك جرحني بعيد عن الناس ..انما انت اذتني وهنت كرامتي في العلن وقدام الكل ريح نفسك انا مستحيل اسامحك
نذار اتنهد وقال…تمام..بلاش تسامحيني بس فكري بالعقل انتي لو مشيتي من هنا هتروحي فين
قالتلت بغضب..ملكش دعوه ..هروح في داهيه
نذار قال بسرعه..طب ممتاز خليكي هنا ومفيش داهيه اكتر من الي احنا في دي
اتنهدت بخنقه وقالت وهيه بتضغط على اسنانها..نذار لاخر مره ..عايزه.. امشي
نذار قال بغضب وزعيق..بس بقى..ايه..عايزه امشي عايزه امشي علقتي..مش هتمشي من هنا .وكلمه كمان هربطك في السرير ده..و لو اتربطتي علي السرير مش همسك نفسي وانا ساكت على حللاوه امك دي بالعافيه
ريم ارتبكت جدا من قربو وقالت بتوتر
..خليك بعيد يا نذار
نذار قال وهو بيقرب اكتر انا ببقى عايز ابعد بس عيونك الي غلطانين..هما الي بيشدوني…وبيدوبوني ببقى مش قادر اشيل عيوني من عليهم
ريم بصت لعيونه بتوتهان وفضلت مركذه فيه شوبه بس فاقت لنفسها وبعدت وقالت..احم..متالفش وتلحن لان مفيش فايده من شغل النحنحه ده .. مستحيل تأثر فيا
نذار ابتسم وقال..متأكده اني مش بأثر خالص
ريم بلعت ريقها وقالت بارتباك ..خالص
نذار شدها عليه بوقال….بس انتي بتأثري فيا ..بتأثري قوي ..خلينا ننسى الي فات يا ريم ارجوكي انسي وخلينا نعيش الحياه الي اتمنناها سوا
ريم دفعتو وبعدت وقالت بزعيق..انسى … انسى ايه انت اتعرفت عليا اصلا هلشان تاخد حق اخوك يعني لا بتحبني ولا عمرك حبتني عايز مني ايه دلوقتي
نذار قال بسرعه….لا …لا انا بحبك يا ريم..بحبك اوي والله كل كلمه قولتها كانت من قلبي…انا فعلا بحبك ومن وقت ما كنتي مخطوبه لصلاح مكدبتش عليكي في اي حرف..انا..انا مكانش ينفع افكر فيكي بالطريقه دي لانك ..لانك خطيبه صلاح…وكنت بحاول اشيل الفكره من دماغي ومش بقدر صدقيني يا ريم انا بحبك اوي
ريم نزلت دموعها وقالت بالم ..لو كنت بتحبيني كنت مستحيل تهون فيا قدام الخلق كنت مستحيل تأذيني كده..بص يا نذار ..انا مش حابه اتناقش كتير هاتلي حاجه البسها وسبني امشي وكفايه اوي لحد كده
نذار اتنهد بيأس وقال..لا
ريم قالت باستغراب .لا
نذار قال..اممم..لا..مفيش خروج من هنا واعقلي علشان اعمالك حلو انا هنزل دلوقتي اشوف ماما واجبلك غدا علشان تاخدي علاجك…و لو حبيتي تستحمي خدي قميص تاني من قمصاني وادخلي روقي على نفسك
قال كده وسابها واقفه بزهول ومش عارفه تتصرف معاه ازاي بقت تدور على التليفون بتاعها تحاول تتصل على اي حد بس ملقتش التليفون ابدا فضلت تدور عليه وقالت بتعب…كان معايا ..هيكون فين بس معقوله يكون سابو في اوضة الجنينه
نذار نزل تحت وقعد مع امه وحكالها كل الي حصل والي اخوه قالو
امه قالت بزهول ودموع..ان بعض الظن اثم لا حول ولا قوة الا بالله انا السبب انا الي فضلت اقسيك عليها كنا لازم نتاكد الاول …احنا اذينا البنت اوي وهيه الي مظلومه
نذار اتنهد وقال..هعوضها..هعوضها يا امي مش هخليها تزعل من اي حاجه تاني ..انا خلاص قررت اخليها على زمتي…انا احم…انا بستجدعها و
امه ابتسمت وحطت ايدها على شعره وقالت..انا عارفه انك معجب بالبنت دي..وكنت خايفه تعمل مشكله مع اخوك بسببها ..متضعطش على نفسك يا نذار ربنا اراد يكتبها على اسمك
نذار ابتسم بسعاده وباس ايدها ولسه بيتكلمو شاف الخدامه مطلعه الاكل اتقدم عليها واخدو منها وقال..خلاص انا هطلعو
اخد الاكل وطلع بيه وفتح الباب ودخل وكانت ريم في الحمام كانت عايزه تستحمى وما صدقت انو نزل
نذار حط الاكل وفضل مستنيها بعد شويه خرجت وكانت جميله جدا ارتبك كن جمالها وقال ..احم…ال ..ال..الي جبتو ده..اسمو ايه….اه..اه الغدا..الغدا جاهز
ريم حمحمت بحرج وهو قال..يلا قبل ما يبرد..ولو ان مفيش حاجه هنا ممكن تبرد ابدا بشكلك ده
ريم حاولت متبتسمش على كلامو وهو شدها من ايدها وقعدها على السرير
وبقى يأكلها بايده وهيه ساكته
بعد ما اكلت شويه صغيره قالت ..احم…سبني بقى خلاص اكلت
نذار قال..لا طبعا اكلتي ده ايه لازم تاكلى اكتر علشان تاخدي الحقنه و
هنا ريم بعدت عنو بسرعه ووقفت وقالت…ايه…حقنة ايه انا بقيت كويسه مش عايزه حقن
نذار ابتسم وقال..يعني انتي هتفهمي اكتر من الدكتوره..الدكتوره بتقول لازم تاخدي الحقن دي علشان مترجعيش تتعبي يلا بلاش لعب عيال
ريم بصتلو بدهشه اكبر وقالت…يلا فين
نذار طلع الحقنه وبقى يجهزها وقال…يلا علشان تاخديها
ريم رجعت لورا بخوف وقالت..طب..طب هاتلي ممرضه
نذار ابتسم وقال..لا ما تخافيش انا واخد كورس وبعرف اضربهايلا بلاش دلع
ريم قالت بغضب..تضرب ايه انت اتجننت دي عضل وبعدين..وبعدين انا سكتالك بالعافيه على الي بتعملو من امبارح بس مش هسكتلك اكتر اياك تقرب هرمي نفسي من البلكونه سامع
ذار بقى يتقدم عليها وقال ..يا حببتي انتي مكسوفه من ايه انا جوزك..يلا بقى متتعبنيش معاكي متخافيش مش هتوجعك
ريم بصتلو بزهول ولسه هتجري لحقها وشدها عليه بقوه وهو محاوطها جامد وقال. ..اهدي ..اهدي علشان متتوجعيش…بصي في عيوني
ريم بصتلو بخوف ودموع وكسوف ونذار قال وهو تايه في جمالها…انا بعشق عيونك دوول…وبعشق ملامحك…كل حاجه فيكي بحبها
ريم بقت تبصلو ومستمتعه بكلامو ونذار قال بحب…كل ما ببصلك بنسى كل همومي بنسى نفسي اصلا…مش ببقى عايز غير اني اشوفك بين اديا
ريم نسيت نفسها بين اديه وظهرت ابتسامه بسيطه على شفايفها من كلامو الرقيق بس اختفت ابتسامتها و اتسعت عنيها بشده لما ضرب لها الحقنه واتألمت ومسكت فيه جامد وقالت…ااااه…يا غدار ..يا غدار ..وبقت تبكي زي الاطفال
نذار ضحك ضحكه جميله وقال …بالشفا يا قلبي
ريم بقت تبكي وهداها شويه وشالها ونيمها على السرير وقال ..ارتاحي شوويه وهتخف
لسه هيمشي مسكت ايده بسرعه وقالت…انت هتروح فين
نذار ابتسم وقال..عيزاني جمبك
ريم شالت ايدها بسرعه وقالت بارتباك..انا لا انا بسأل بس
نذار ابتسم وقال.. بس انا عايزك جمبي هنزل الاكل واجيلك
واخد صينيه الاكل وادها لحد من الخدم وجيه نام جمبها
ريم قالت بكدب..انا..انا مش عايزه انام جمبك روح نام في حته تانيه
نذار ابتسم وقال..ايوه انا واخد بالي وكمل وقال ..حقك عليا يا قلبي..انا هعوضك عن كل ده
ريم مسكت فيه جامد وراحت في النوم بتعب شديد وهو ابتسم على برائتخا وبعد شعرها ونام نوم عميق
في اليوم التاني صحيت من النوم ملقتش نذار بس لسه هتقوم طلع من الحمام وهو بينشف شعره وقال..صباح الخير يا قمري..
ريم اتنهدت وقالت..صباح النور..نذار ممكن نتكلم جد هو احنا هنفضل كده كتير
نذار قال باستغراب..كده ازاي يعني
ريم قعدت وقالت..كده يا نذار..انت عارف ان جوازنا كان غلطه منك وانا سامحتك وكمان انا اتحسنت وانت كنر خيرك كده مش كفايه بقى صدقني انا من جوايا سامحتك..ونزلت دموعها بحرقه وقالت…انا…انا كمان كان عندي في يوم اخت وكنت مستعده اعمل اي حاجه علشانها
نذار حس بوجع في قلبو لما شاف دموعها والحزن الي في عيونها قعد جمبها واتملت عيونه بالدموع ورفع وشها بصوابعو وقال…انتي فاكره اني حاسس بالذمب..علشان كده انتي هنا…انا انا منكرش اني بتقطع عليكي وندمان على كل حاجه عملتها..بس لما برجع افتكر اننا سوا بسبب الي حصل ببقى مبسوط وشايف ان الي وصلنالو يستاهل العذاب الي عشناه وقدو مرتين كمان
ريم رفعت عيونها ليه وبصت في عيونه وقالت بدموع والم…اخوك جرحني قوي…قوي رغم اني مكنتش بحبو..وكان جوازنا اصرار من اهلي…لكن…لاكن الي عملو حسسني اني قليله قوي يا نذار..ونزلت دموعها اكتر بالم شديد
نذار قال بدموع..انتي خساره فيه يا ريم..وخساره فيا انا كمان…انا اسف..اسف قوي..هعوضك..هحاول انسيكي انا مصدقت انك بقيتي ليا..ارجوكي اديني فرصه
ريم كانت بتبكيوحست انها محتجالو وفضلت جمبو لحد ماهديت شويه وقالت..احم..طب..طب انا هفضل في الاوضه كتير بجد اتخنقت والله
نذار قال ..توعديني لو ادتلك لبس انك مش هتقولي امشي
ريم ضحكت وقالت..طيب ..امم.هفكر
نذار قال ..يبقى هتفضلي كده وحتى قميصي هاخدو وقرب منها بس بعدت بسرعه وقالت..خلاص خلاص والله اوعدك مش همشي
نذار ابتسم بسعاده شديده وقال ثانيه واحده وطلع من الاوضه ومفيش دقايق وكان داخل بشنط فيها هدوم وكل حاجه
ريم بصتلو بزهول وقالت…ايه ده..انت جبت ده منين
نذار ابتسم وقال..انا جبتلك كل حاجه من اول يوم …بس ..بس خوفت ادهملك تمشي مني
ريم اتغاظت وقالت ..بقى الهدوم في البيت وسايبني بالشكل ده
شدها عليه وقال..ومالو الشكل ده..ده انتي مزه اوي كده انتي كل ما نكون لوحدنا تلبسيلي قميصي
ريم دفعتو وحاولت متضحكش وقالت.. انت مجنون وربنا يعني عليك انا هدخل اغير
مسكها وقال استني ..طب ما تغيري هنا
ضحكت بيأس منو ودخلت الحمام وهو قال بصوت عالي…على العموم الصبر طيب يا ابو قلب طيب
بعد شويه نزلو سوا وكانت لابسه درس فاتح وشكلها قمر وقعدت جمب والدتو الي اصرت تعتذر لها بنفسها ووقالت بدموع… حقك عليا يا بنتي حاولي تسامحيني انا ست كبيره وخايفه اموت وانا شايله ذمبك
ريم قالت بسرعه…بعيد الشر يا طنط ربنا يديكي طولة العمر ..احم..الي حصل حصل..انا مسمحاكي
امه ابتسمت وقالت….ربنا يرضى عنك يا بنتي..ربنا يحفظلك جمال قلبك الي زي جمالك القمر ده
ريم لسه هترد دخل اخر شخص اتوقعت انها تشوفو وكان صلاح
امه اتفاجات وجريت عليه وبقت تحضنو بفرحه شديده اما نذار فكان في وضع لا يحسد عليه بص لريم الي اتجمدت مكانها وعيونها بقم عباره عن كتلة حقد وغضب
منذر قرب منها ومسك ايدها جامد وابتسم لها وهيه حاولت تبتسم بالعافيه
صلاح قرب منهم وبص لاخوه وقال .ايه..مش عايز تسلم على اخوك يا نذار
نذار اتنهد وسلم عليه وحضنو وقال…حمد الله على السلامه يا صلاح ليه مقولتش كنت جبتك من المطار
صلاح ابتسم وبضيق وقال..محبتش اتعبك وبص لريم وقال اذيك يا ريم غريبه انك لسه هنا يعني
ريم بصتلو بغضب ونذار مسك ايدها بقوه وقال…ريم مراتي طبيعي تكون هنا
صلاح بصلو بزهول وقال…مراتك..هو انت مش اتجوزتها علشان موضوعي..ليه لسه على زمتك انا مش فولتلك من اول يوم طلقها
نذار قال..وهطلقها ليه..انت بنفسك اعترفت انك انت الي غلطت معاها
>صلاح قال بغضب..انا حكيتلك الي حصل مش اعترفت اني غلطت..انا مغلطتش في حد انا راجل واعمل الي انا عايزه هيه لو كانت بحبحتها شويه زي اختها مكنتش هروح لغيرها
يم شهقت بزهول من كلامو بس اتصدمت لما نذار ضربو قلم قوي وقال..اولا الي انت عملتو ده ملوش اي علاقه بالرجوله…ثانيا اتكلم مع مراتي كويس…يلا اعتذر لها حالا
صلاح اتسعت عنيه بزهول وقال..انت ..انت بتضربني بتضرب اخوك علشان دي
نذار اتنهد بغضب وقال..ريم مراتي لاخر مره هقولهالك واحترامها من احترامي ده لو عايزنا نفضل اخوات
صلاح اتحولت ملامحو لغضب رهيب وقال..لو فعلا عايزنا نبقى اخوات طلع البنت دي من وسطينا..مش هينفع تبقى متجوز واحده كانت خطيبة اخوك وكل الناس عرفت…الناس هتفتكر انك كنت بتخوني مع خطبتي وانها سابتني علشانك…وطبعا انت مش هترضى بكده
نذار ضحك بزهول على كلامو وقال ..ايه التفكير ده انت عايز توصل لايه
صلاح بصلو وقال بحزم..انا عارف قلبك طيب وعلشان كده نزلت علشان اخلص انا الموضوع ده..طلقها يا نذار البنت دي مش هتنفع نفضل بنا موقفتش عليها كفايه فضايح وطلقها
ريم بصتلو بزهول وحست بخوف شديد ان نذار يسمع كلامو
نذار قال بجمود..ولو مطلقتش
